जनकजा प्रपत्ति सारस्तोत्रम् Shrijanakaja Prapatti Sarastotram

न वाग्वपुर्बुद्धिभिरेव कस्यचित्कदापि हिंसास्तु शरीरिणा वृथा ।भवत्यदाम्बोरुह चिन्तनं विना नचाप यात्वदम्बुज वीक्षणेक्षणः ॥ १॥

na vāgvapurbuddhibhireva kasyacitkadāpi hiṃsāstu śarīriṇā vṛthā |bhavatyadāmboruha cintanaṃ vinā nacāpa yātvadambuja vīkṣaṇekṣaṇaḥ || 1||

हसन्तु निन्दन्तु वदन्तु दुर्वचोजनानियुक्ता हृदयस्थितेन वै ।केनापिदेवेन दयाश्रितं सदा नसंस्थितिं स्वां प्रजहास्तु मे मनः ॥ २॥

hasantu nindantu vadantu durvacojanāniyuktā hṛdayasthitena vai |kenāpidevena dayāśritaṃ sadā nasaṃsthitiṃ svāṃ prajahāstu me manaḥ || 2||

निन्दाभयं मेऽस्तु तथा न जातुचिद्यथेह निद्वा चरणान्ममोरसि ।परोपकाराय सदास्तु मे मतिर्नचापकाराय कदापि कस्यचित् ॥ ३॥

nindābhayaṃ me'stu tathā na jātucidyatheha nidvā caraṇānmamorasi |paropakārāya sadāstu me matirnacāpakārāya kadāpi kasyacit || 3||

माक्रूर दृष्टिर्मम सत्सु भूयान्निरीक्ष्यमाणोस्य सकोप नेत्रैः ।मा सेवतस्तान विपक्वबुद्ध चसाधून्मदो मे हृदयं वृणोतु ॥ ४॥

mākrūra dṛṣṭirmama satsu bhūyānnirīkṣyamāṇosya sakopa netraiḥ |mā sevatastāna vipakvabuddha casādhūnmado me hṛdayaṃ vṛṇotu || 4||

अपात्र पूजा न च पात्रहेलनंतिरस्क्रिया नाप्यपराध्यतां सताम् ।अदण्ड्य दण्डेस्तु न मे कृतघ्नतामयो क्रिया कापि विदेहनन्दिनी ॥ ५॥

apātra pūjā na ca pātrahelanaṃtiraskriyā nāpyaparādhyatāṃ satām |adaṇḍya daṇḍestu na me kṛtaghnatāmayo kriyā kāpi videhanandinī || 5||

योषित्सु सर्वासु च मातृबुद्धिस्तथास्तु मे स्वसृमतिःप्ररूढाः ।बालेषु सर्वेषु च बन्धुबुद्धिर्मानीच बुद्धिः सततं ममास्तु ॥ ६॥

yoṣitsu sarvāsu ca mātṛbuddhistathāstu me svasṛmatiḥprarūḍhāḥ |bāleṣu sarveṣu ca bandhubuddhirmānīca buddhiḥ satataṃ mamāstu || 6||

विश्वासघातो न तथा कदर्यता नाभक्ष्यपेयाशनपानमस्तु मे ।न शास्त्र संवर्जित कर्मसुस्पृहाकदापिभूयान्महिते महीयसाम् ॥ ७॥

viśvāsaghāto na tathā kadaryatā nābhakṣyapeyāśanapānamastu me |na śāstra saṃvarjita karmasuspṛhākadāpibhūyānmahite mahīyasām || 7||

सहिष्णुता क्षान्तिरमन्दशुमुषीवात्सल्यताऽव्याज कृपा विनम्रता ।उदारता ह्री मृदुता सुशीलता नजातु चैता हृदयं त्यजन्तु मे ॥ ८॥

sahiṣṇutā kṣāntiramandaśumuṣīvātsalyatā'vyāja kṛpā vinamratā |udāratā hrī mṛdutā suśīlatā najātu caitā hṛdayaṃ tyajantu me || 8||

मदाश्रिताः क्लेशयुता न सन्तु वैविशेषतो भागवता उपेक्षया ।नाऽग्यागताःक्रूरगिरा दृशार्दितासमुछ्वसन्तु स्मयदूषितात्मनः ॥ ९॥

madāśritāḥ kleśayutā na santu vaiviśeṣato bhāgavatā upekṣayā |nā'gyāgatāḥkrūragirā dṛśārditāsamuchvasantu smayadūṣitātmanaḥ || 9||

ऋते त्वदुच्छिष्टमथान्यवस्तुषुस्याभोग बुद्धिर्न कदापिमामकी ।त्वदर्थमेवाऽखिलचेष्टितं हि मेभक्तापराधो न कदापि मां स्पृशेत् ॥ १०॥

ṛte tvaducchiṣṭamathānyavastuṣusyābhoga buddhirna kadāpimāmakī |tvadarthamevā'khilaceṣṭitaṃ hi mebhaktāparādho na kadāpi māṃ spṛśet || 10||

रतिः प्रवृत्तौ विरतिर्निवृत्तौसङ्गोऽसतां नास्तु सतामसङ्गः ।सर्वेषु सर्वास्वनुरागदृष्टिर्मादोषदृष्टिर्मम कर्हिचित्स्यात् ॥ ११॥

ratiḥ pravṛttau viratirnivṛttausaṅgo'satāṃ nāstu satāmasaṅgaḥ |sarveṣu sarvāsvanurāgadṛṣṭirmādoṣadṛṣṭirmama karhicitsyāt || 11||

स्वभृत्यसम्पोषणसक्तचेतसानोपेक्षितःसन्तुमयात्वदाश्रिताः ।लोभाभयाद्वा निजधर्मवर्जिताःक्रियास्तु नो कापि तवानुकम्पया ॥ १२॥

svabhṛtyasampoṣaṇasaktacetasānopekṣitaḥsantumayātvadāśritāḥ |lobhābhayādvā nijadharmavarjitāḥkriyāstu no kāpi tavānukampayā || 12||

स्वन्पोषमं मानुषमेत्य जज्मस्वर्वासिमृग्यं क्षण भङ्गुरं च ।वैरं न कुर्यां तव तुष्टिकामःकेनाप्यहं श्री निमिवंश भूषे ॥ १३॥

svanpoṣamaṃ mānuṣametya jajmasvarvāsimṛgyaṃ kṣaṇa bhaṅguraṃ ca |vairaṃ na kuryāṃ tava tuṣṭikāmaḥkenāpyahaṃ śrī nimivaṃśa bhūṣe || 13||

न्यायालयं ते क्षमता प्रधानंन्यायप्रधानं न वदन्ति सन्तः ।क्षान्तिरप्रधाना मातरस्तु तस्मायायप्रधाना न मम क्षमाब्धे ॥ १४॥

nyāyālayaṃ te kṣamatā pradhānaṃnyāyapradhānaṃ na vadanti santaḥ |kṣāntirapradhānā mātarastu tasmāyāyapradhānā na mama kṣamābdhe || 14||

भयं न मे स्याच्चरतः स्वधर्मंकालादपिं प्राप्तविवेक दृष्टेः ।मत्तस्तथा तन्न पिपीलिकानांसौभाग्यमेतत्कृपया प्रयच्छ ॥ १५॥

bhayaṃ na me syāccarataḥ svadharmaṃkālādapiṃ prāptaviveka dṛṣṭeḥ |mattastathā tanna pipīlikānāṃsaubhāgyametatkṛpayā prayaccha || 15||

स्वशिक्षये वा दृढयन्स्वधर्मेसमाश्रितान्भागवते प्रधाने ।अनेक सांसारिक भोगशक्तं नकाङ्क्षितं जन्म चिराय लोके ॥ १६॥

svaśikṣaye vā dṛḍhayansvadharmesamāśritānbhāgavate pradhāne |aneka sāṃsārika bhogaśaktaṃ nakāṅkṣitaṃ janma cirāya loke || 16||

त्वद्धामवासस्तव कीर्ति गानंत्वन्नामसङ्कीर्तन मेव नित्यम् ।अम्बाशुभोत्सङ्ग विहारशीलेस्वरूपसञ्चिन्तनमस्तु मह्यम् ॥ १७॥

tvaddhāmavāsastava kīrti gānaṃtvannāmasaṅkīrtana meva nityam |ambāśubhotsaṅga vihāraśīlesvarūpasañcintanamastu mahyam || 17||

अन्यान्य देवार्चन वन्दनस्मृतिस्तवप्रपत्तिः श्रवणानुरागिता ।स्वप्नेऽपि भूयादिह भक्तिकोटिकानानन्यता पाठपरायणस्यमे ॥ १८॥

anyānya devārcana vandanasmṛtistavaprapattiḥ śravaṇānurāgitā |svapne'pi bhūyādiha bhaktikoṭikānānanyatā pāṭhaparāyaṇasyame || 18||

पूज्यानुवन्द्या परिभावनीयाज्ञेयानुज्ञेया समुपासनीया ।श्रेयः परं काङ्क्षिभिरात्मनिष्ठैस्त्वमेवहित्वाखिल कर्म जालम् ॥ १९॥

pūjyānuvandyā paribhāvanīyājñeyānujñeyā samupāsanīyā |śreyaḥ paraṃ kāṅkṣibhirātmaniṣṭhaistvamevahitvākhila karma jālam || 19||

स मे पिता सा जननी स बन्धुःसखा स दाता स पतिः गुरुःसः ।कृपालुतोपेक्षित सर्वदोषःसेवा सहायो य इहास्त्वमीहः ॥ २०॥

sa me pitā sā jananī sa bandhuḥsakhā sa dātā sa patiḥ guruḥsaḥ |kṛpālutopekṣita sarvadoṣaḥsevā sahāyo ya ihāstvamīhaḥ || 20||

परमलालनैः पाल्यते त्वयानिरयकर्म कृन्मादृशो जनः ।करुणया यया हेतुहीनया कुरुन मां तया सेवयोज्झितम् ॥ २१॥

paramalālanaiḥ pālyate tvayānirayakarma kṛnmādṛśo janaḥ |karuṇayā yayā hetuhīnayā kuruna māṃ tayā sevayojjhitam || 21||

विनय एव मेज्यऽहि साञ्जलिःसुनयनाकभूषे प्रसीदतम् ।अनुदिनं तवोच्छिष्ट जीवतोवनरुहाक्षि मो चेत्तु का गतिः ॥ २२॥

vinaya eva mejya'hi sāñjaliḥsunayanākabhūṣe prasīdatam |anudinaṃ tavocchiṣṭa jīvatovanaruhākṣi mo cettu kā gatiḥ || 22||

॥ इति श्रीजनकजा प्रपत्ति सारस्तोत्रम् ॥

|| iti śrījanakajā prapatti sārastotram ||