झिल्लिरास्तोत्रम् श्रीकृष्णोक्त Shrikrishnokta Jhillira Stotram

(अथ श्रीकालीविलासतन्त्रे अष्टाविंशतिपटलः ।)श्रीकृष्ण उवाच ।हे मातः कथ्यतां नित्यां यदितेऽस्ति दयामयि ।कदापश्यामि तां राधां कासा राधा कुतस्थितिः ॥ ३७॥

(atha śrīkālīvilāsatantre aṣṭāviṃśatipaṭalaḥ |)śrīkṛṣṇa uvāca |he mātaḥ kathyatāṃ nityāṃ yadite'sti dayāmayi |kadāpaśyāmi tāṃ rādhāṃ kāsā rādhā kutasthitiḥ || 37||

तन्मे कथय हे मातर्हृत्कम्पञ्च भवेन्मम ।राधा राधेति मे चिन्ता सर्वदैव प्रजायते ॥ ३८॥

tanme kathaya he mātarhṛtkampañca bhavenmama |rādhā rādheti me cintā sarvadaiva prajāyate || 38||

श्रीकालिकोवाच ।गोलोकमन्मथे बीजे वैद्युते विन्द मण्डले ।यद्दिन्दौ सुन्दरी नित्या तत्रराधा विराजते ॥ ३८॥

śrīkālikovāca |golokamanmathe bīje vaidyute vinda maṇḍale |yaddindau sundarī nityā tatrarādhā virājate || 38||

बिन्दुना शृणु रे पुत्र मर्दिन्या गमनं यतः ।मर्दिन्या अर्ध सम्भूता चाहं ब्रह्मादिपूजिता ॥ ४०॥

bindunā śṛṇu re putra mardinyā gamanaṃ yataḥ |mardinyā ardha sambhūtā cāhaṃ brahmādipūjitā || 40||

करालवदना काली सुन्दरी चाङ्ग सम्भवा ।नमस्ते कालिके मातर्धर्मार्थकाममोक्षदे ॥ ४१॥

karālavadanā kālī sundarī cāṅga sambhavā |namaste kālike mātardharmārthakāmamokṣade || 41||

दलिताञ्जनसङ्काशे नमस्ते बीजरूपिणि ।कामरूपे नमस्तुभ्यं नमो मन्मथरूपिणि ॥ ४२॥

dalitāñjanasaṅkāśe namaste bījarūpiṇi |kāmarūpe namastubhyaṃ namo manmatharūpiṇi || 42||

कन्दर्परूपिणि मातर्नमस्तुभ्यं नमो नमः ।ऊँकार रूपिणि तुभ्यं नमस्तुभ्यं नमो नमः ॥ ४३॥

kandarparūpiṇi mātarnamastubhyaṃ namo namaḥ |ūm̐kāra rūpiṇi tubhyaṃ namastubhyaṃ namo namaḥ || 43||

नमस्ते शङ्कराकारे मीनकेतुस्वरूपिणि ।मायारूपि नमस्तुभ्यं कमला राजरूपिणि ॥ ४४॥

namaste śaṅkarākāre mīnaketusvarūpiṇi |māyārūpi namastubhyaṃ kamalā rājarūpiṇi || 44||

कूर्चराजे नमस्तुभ्यं नमस्ते श्रीस्वरूपिणि ।वह्निजाया खरूपे त्वं नमस्तुभ्यं नमो नमः ॥ ४५॥

kūrcarāje namastubhyaṃ namaste śrīsvarūpiṇi |vahnijāyā kharūpe tvaṃ namastubhyaṃ namo namaḥ || 45||

झिल्लिरा रूपिणि तुभ्यं नमस्तुभ्यं नमो नमः ।श्रुत्वा कृष्णमुखात् स्तोत्रं यदाह कालिका परा ॥ ४६॥

jhillirā rūpiṇi tubhyaṃ namastubhyaṃ namo namaḥ |śrutvā kṛṣṇamukhāt stotraṃ yadāha kālikā parā || 46||

ध्यात्वा मन्त्र जपित्वा च स्तोत्र मेतत्तु यः पठेत् ।तस्मैतुष्टा च झिल्लीरा प्रसन्ना च प्रसीदति ॥ ४७॥

dhyātvā mantra japitvā ca stotra metattu yaḥ paṭhet |tasmaituṣṭā ca jhillīrā prasannā ca prasīdati || 47||

झिल्लीरा मन्त्रविज्ञानं धानं स्तोत्रं विना तथा ।यत्किञ्चित् क्रियते कर्म सर्वं भवति निष्फलम् ॥ ४८॥

jhillīrā mantravijñānaṃ dhānaṃ stotraṃ vinā tathā |yatkiñcit kriyate karma sarvaṃ bhavati niṣphalam || 48||

इति श्रीकालीविलासतन्त्रे श्रीकृष्णोक्त झिल्लिरास्तोत्रंनामाष्टाविंशतिपटलः समाप्तः ।

iti śrīkālīvilāsatantre śrīkṛṣṇokta jhillirāstotraṃnāmāṣṭāviṃśatipaṭalaḥ samāptaḥ |