कुण्डलिनीस्तवः १ Kundalinistava from Rudrayamala uttaratantra

कुण्डलिनीस्तुतिस्तोत्रःजन्मोद्धारनिरीक्षणीहतरुणी वेदादिबीजादिमानित्यं चेतसि भाव्यते भुवि कदा सद्वाक्यसञ्चारिणी ।मां पातु प्रियदासभावकपदं संन्घातये श्रीधराधात्रि त्वं स्वयमादिदेववनिता दीनातिदीनं पशुम् ॥ ६२९॥

kuṇḍalinīstutistotraḥjanmoddhāranirīkṣaṇīhataruṇī vedādibījādimānityaṃ cetasi bhāvyate bhuvi kadā sadvākyasañcāriṇī |māṃ pātu priyadāsabhāvakapadaṃ saṃnghātaye śrīdharādhātri tvaṃ svayamādidevavanitā dīnātidīnaṃ paśum || 629||

रक्ताभामृतचन्द्रिका लिपिमयी सर्पाकृतिर्निद्रिताजाग्रत्कूर्मसमाश्रिता भगवति त्वं मां समालोकय ।मांसोद्गन्धकुगन्धदोषजडितं वेदादिकार्यान्वितंस्वल्पान्यामलचन्द्रकोटिकिरणैर्नित्यं शरीरं कुरु ॥ ६३०॥

raktābhāmṛtacandrikā lipimayī sarpākṛtirnidritājāgratkūrmasamāśritā bhagavati tvaṃ māṃ samālokaya |māṃsodgandhakugandhadoṣajaḍitaṃ vedādikāryānvitaṃsvalpānyāmalacandrakoṭikiraṇairnityaṃ śarīraṃ kuru || 630||

सिद्धार्थी निजदोषवित् स्थलगतिर्व्याजीयते विद्ययाकुण्डल्याकुलमार्गमुक्तनगरी मायाकुमार्गः श्रिया ।यद्येवं भजति प्रभातसमये मध्याह्नकालेऽथवानित्यं यः कुलकुण्डलीजपपदाम्भोजं स सिद्धो भवेत् ॥ ६३१॥

siddhārthī nijadoṣavit sthalagatirvyājīyate vidyayākuṇḍalyākulamārgamuktanagarī māyākumārgaḥ śriyā |yadyevaṃ bhajati prabhātasamaye madhyāhnakāle'thavānityaṃ yaḥ kulakuṇḍalījapapadāmbhojaṃ sa siddho bhavet || 631||

वाय्वाकाशचतुर्दलेऽतिविमले वाञ्छाफलान्यालकेनित्यं सम्प्रति नित्यदेहघटिता शाङ्केतिताभाविता ।विद्याकुण्डलमालिनी स्वजननी मायाक्रिया भाव्यतेयैस्तैः सिद्धकुलोद्भवैः प्रणतिभिः सत्स्तोत्रकैः शंभुभिः ॥ ६३२॥

vāyvākāśacaturdale'tivimale vāñchāphalānyālakenityaṃ samprati nityadehaghaṭitā śāṅketitābhāvitā |vidyākuṇḍalamālinī svajananī māyākriyā bhāvyateyaistaiḥ siddhakulodbhavaiḥ praṇatibhiḥ satstotrakaiḥ śaṃbhubhiḥ || 632||

धाताशङ्कर मोहिनीत्रिभुवनच्छायापटोद्गामिनीसंसारादिमहासुखप्रहरणी तत्रस्थिता योगिनी ।सर्वग्रन्थिविभेदिनी स्वभुजगा सूक्ष्मातिसूक्ष्मापराब्रह्मज्ञानविनोदिनी कुलकुटी व्याघातिनी भाव्यते ॥ ६३३॥

dhātāśaṅkara mohinītribhuvanacchāyāpaṭodgāminīsaṃsārādimahāsukhapraharaṇī tatrasthitā yoginī |sarvagranthivibhedinī svabhujagā sūkṣmātisūkṣmāparābrahmajñānavinodinī kulakuṭī vyāghātinī bhāvyate || 633||

वन्दे श्रीकुलकुण्डलीत्रिवलिभिः साङ्गैः स्वयम्भूं प्रियम्प्रावेष्ट्याम्बरमार्गचित्तचपला बालाबलानिष्कला ।या देवी परिभाति वेदवचना संभाविनी तापिनीइष्टानां शिरसि स्वयम्भुवनितां संभावयामि क्रियाम् ॥ ६३४॥

vande śrīkulakuṇḍalītrivalibhiḥ sāṅgaiḥ svayambhūṃ priyamprāveṣṭyāmbaramārgacittacapalā bālābalāniṣkalā |yā devī paribhāti vedavacanā saṃbhāvinī tāpinīiṣṭānāṃ śirasi svayambhuvanitāṃ saṃbhāvayāmi kriyām || 634||

वाणीकोटिमृदङ्गनादमदनानिश्रेणिकोटिध्वनिःप्राणेशीरसराशिमूलकमलोल्लासैकपूर्णानना ।आषाढोद्भवमेघवाजनियुतध्वान्ताननास्थायिनीमाता सा परिपातु सूक्ष्मपथगे मां योगिनां शङ्करः ॥ ६३५॥

vāṇīkoṭimṛdaṅganādamadanāniśreṇikoṭidhvaniḥprāṇeśīrasarāśimūlakamalollāsaikapūrṇānanā |āṣāḍhodbhavameghavājaniyutadhvāntānanāsthāyinīmātā sā paripātu sūkṣmapathage māṃ yogināṃ śaṅkaraḥ || 635||

त्वामाश्रित्य नरा व्रजन्ति सहसा वैकुण्ठकैलासयोःआनन्दैकविलासिनीं शशिशतानन्दाननां कारणाम् ।मातः श्रीकुलकुण्डली प्रियकरे कालीकुलोद्दीपनेतत्स्थानं प्रणमामि भद्रवनिते मामुद्धर त्वं पशुम् ॥ ६३६॥

tvāmāśritya narā vrajanti sahasā vaikuṇṭhakailāsayoḥānandaikavilāsinīṃ śaśiśatānandānanāṃ kāraṇām |mātaḥ śrīkulakuṇḍalī priyakare kālīkuloddīpanetatsthānaṃ praṇamāmi bhadravanite māmuddhara tvaṃ paśum || 636||

कुण्डलीशक्तिमार्गस्थं स्तोत्राष्टकमहाफलम् ।यतः पठेत् प्रातरुत्थाय स योगी भवति ध्रुवम् ॥ ६३७॥

kuṇḍalīśaktimārgasthaṃ stotrāṣṭakamahāphalam |yataḥ paṭhet prātarutthāya sa yogī bhavati dhruvam || 637||

क्षणादेव हि पाठेन कविनाथो भवेदिह ।पठेत् श्रीकुण्डलो योगो ब्रह्मलीनो भवेत् महान् ॥ ६३८॥

kṣaṇādeva hi pāṭhena kavinātho bhavediha |paṭhet śrīkuṇḍalo yogo brahmalīno bhavet mahān || 638||

इति ते कथितं नाथ कुण्डलीकोमलं स्तवम् ।एतत्स्तोत्रप्रसादेन देवेषु गुरुगीष्पतिः ॥ ६३९॥

iti te kathitaṃ nātha kuṇḍalīkomalaṃ stavam |etatstotraprasādena deveṣu gurugīṣpatiḥ || 639||

सर्वे देवाः सिद्धियुताः अस्याः स्तोत्रप्रसादतः ।द्विपरार्द्धं चिरञ्जीवी ब्रह्मा सर्वसुरेश्वरः ॥ ६४०॥

sarve devāḥ siddhiyutāḥ asyāḥ stotraprasādataḥ |dviparārddhaṃ cirañjīvī brahmā sarvasureśvaraḥ || 640||

॥ इति रुद्रयामलोत्तरतन्त्रान्तर्गते कुण्डलिनीस्तवः सम्पूर्णम् ॥

|| iti rudrayāmalottaratantrāntargate kuṇḍalinīstavaḥ sampūrṇam ||