कुमारीस्तवः Kumaristavah

महाविद्या महासेवा भक्तिश्रद्धाप्लुतार्पितः ॥ ८१३॥

mahāvidyā mahāsevā bhaktiśraddhāplutārpitaḥ || 813||

महाज्ञानी भवेत् क्षिप्रं वाञ्छासिद्धिमवाप्नुयात् ॥ ८१४॥

mahājñānī bhavet kṣipraṃ vāñchāsiddhimavāpnuyāt || 814||

आनन्दभैरव उवाचदेवेन्द्रादय इन्दुकोटिकिरणां वाराणसीवासिनींविद्यां वाग्भवकामिनीं त्रिनयनां सूक्ष्मक्रियाज्वालिनीम् ।चण्डोद्योगनिकृन्तिनीं त्रिजगतां धात्रीं कुमारीं वरांमूलाम्भोरुहवासिनीं शशिमुखीं सम्पूजयामि श्रिये ॥ ८१५॥

ānandabhairava uvācadevendrādaya indukoṭikiraṇāṃ vārāṇasīvāsinīṃvidyāṃ vāgbhavakāminīṃ trinayanāṃ sūkṣmakriyājvālinīm |caṇḍodyoganikṛntinīṃ trijagatāṃ dhātrīṃ kumārīṃ varāṃmūlāmbhoruhavāsinīṃ śaśimukhīṃ sampūjayāmi śriye || 815||

भाव्यां देवगणैः शिवेन्द्रयतिभिर्मोक्षार्थिभिर्बालिकांसन्ध्यां नित्यगुणोदयां द्विजगणे श्रेष्ठोदयां सारुणाम् ।शुक्लाभां परमेश्वरीं शुभकरीं भद्रां विशालाननांगायत्रीं गणमातरं दिनगतिं कृष्णाञ्च वृद्धां भजे ॥ ८१६॥

bhāvyāṃ devagaṇaiḥ śivendrayatibhirmokṣārthibhirbālikāṃsandhyāṃ nityaguṇodayāṃ dvijagaṇe śreṣṭhodayāṃ sāruṇām |śuklābhāṃ parameśvarīṃ śubhakarīṃ bhadrāṃ viśālānanāṃgāyatrīṃ gaṇamātaraṃ dinagatiṃ kṛṣṇāñca vṛddhāṃ bhaje || 816||

बालां बालकपूजितां गणभृतां विद्यावतां मोक्षदांधात्रीं शुक्लसरस्वतीं नववरां वाग्वादिनीं चण्डिकाम् ।स्वाधिष्ठानहरिप्रियां प्रियकरीं वेदान्तविद्याप्रदांनित्यं मोक्षहिताय योगवपुषा चैतन्यरूपां भजे ॥ ८१७॥

bālāṃ bālakapūjitāṃ gaṇabhṛtāṃ vidyāvatāṃ mokṣadāṃdhātrīṃ śuklasarasvatīṃ navavarāṃ vāgvādinīṃ caṇḍikām |svādhiṣṭhānaharipriyāṃ priyakarīṃ vedāntavidyāpradāṃnityaṃ mokṣahitāya yogavapuṣā caitanyarūpāṃ bhaje || 817||

नानारत्नसमूहनिर्मितगृहे पूज्यां सूरैर्बालिकांवन्दे नन्दनकानने मनसिजे सिद्धान्तबीजानने ।अर्थं देहि निरर्थकाय पुरुषे हित्वा कुमारीं कलांसत्यं पातु कुमारिके त्रिविधमूर्त्या च तेजोमयीम् ॥ ८१८॥

nānāratnasamūhanirmitagṛhe pūjyāṃ sūrairbālikāṃvande nandanakānane manasije siddhāntabījānane |arthaṃ dehi nirarthakāya puruṣe hitvā kumārīṃ kalāṃsatyaṃ pātu kumārike trividhamūrtyā ca tejomayīm || 818||

वरानने सकलिकां कुलपथोल्लासैकबीजोद्वहांमांसामोदकरालिनीं हि भजतां कामातिरिक्तप्रदाम् ।बालोऽहं वटुकेश्वरस्य चरणाम्भोजाश्रितोऽहं सदाहित्वा बालकुमारिके शिरसि शुक्लाम्भोरुहेशं भजे ॥ ८१९॥

varānane sakalikāṃ kulapathollāsaikabījodvahāṃmāṃsāmodakarālinīṃ hi bhajatāṃ kāmātiriktapradām |bālo'haṃ vaṭukeśvarasya caraṇāmbhojāśrito'haṃ sadāhitvā bālakumārike śirasi śuklāmbhoruheśaṃ bhaje || 819||

सूर्याह्लादवलाकिनीं कलिमहापापादितापापहांतेजोऽङ्गां भुवि सूर्यगां भयहरां तेजोमयीं बालिकाम् ।वन्दे हृत्कमले सदा रविदले बालेन्द्रविद्यां सतींसाक्षात् सिद्धिकरीं कुमारि विमलेऽन्वासाद्य रूपेश्वरीम् ॥ ८२०॥

sūryāhlādavalākinīṃ kalimahāpāpāditāpāpahāṃtejo'ṅgāṃ bhuvi sūryagāṃ bhayaharāṃ tejomayīṃ bālikām |vande hṛtkamale sadā ravidale bālendravidyāṃ satīṃsākṣāt siddhikarīṃ kumāri vimale'nvāsādya rūpeśvarīm || 820||

नित्यं श्रीकुलकामिनीं कुलवतीं कोलामुमामम्बिकांनानायोगनिवासिनीं सुरमणीं नित्यां तपस्यान्विताम् ।वेदान्तार्थविशेषदेशवसना भाषाविशेषस्थितांवन्दे पर्वतराजराजतनयां कालप्रियो त्वामहम् ॥ ८२१॥

nityaṃ śrīkulakāminīṃ kulavatīṃ kolāmumāmambikāṃnānāyoganivāsinīṃ suramaṇīṃ nityāṃ tapasyānvitām |vedāntārthaviśeṣadeśavasanā bhāṣāviśeṣasthitāṃvande parvatarājarājatanayāṃ kālapriyo tvāmaham || 821||

कौमारीं कुलकामिनीं रिपुगणक्षोभाग्निसन्दोहिनींरक्ताभानयनां शुभां परममार्गमुक्तिसंज्ञाप्रदाम् ।भार्या भागवतीं मतिं भुवनमामोदपञ्चाननांपञ्चास्यप्रियकामिनीं भयहरां सर्पादिहारां भजे ॥ ८२२॥

kaumārīṃ kulakāminīṃ ripugaṇakṣobhāgnisandohinīṃraktābhānayanāṃ śubhāṃ paramamārgamuktisaṃjñāpradām |bhāryā bhāgavatīṃ matiṃ bhuvanamāmodapañcānanāṃpañcāsyapriyakāminīṃ bhayaharāṃ sarpādihārāṃ bhaje || 822||

चन्द्रास्यां चरणद्वयाम्बुजमहाशोभाविनोदीं नदींमोहादिक्षयकारिणीं वरकरां श्रीकुब्जिकां सुन्दरीम् ।ये नित्यं परिपूजयन्ति सहसा राजेन्द्रचूडामणिंसम्पादं धनमायुषो जनयतो व्याप्येश्वरत्वं जगुः ॥ ८२३॥

candrāsyāṃ caraṇadvayāmbujamahāśobhāvinodīṃ nadīṃmohādikṣayakāriṇīṃ varakarāṃ śrīkubjikāṃ sundarīm |ye nityaṃ paripūjayanti sahasā rājendracūḍāmaṇiṃsampādaṃ dhanamāyuṣo janayato vyāpyeśvaratvaṃ jaguḥ || 823||

योगीशं भुवनेश्वरं प्रियकरं श्रीकालसन्दर्भयाशोभासागरगामिनं हरभवं वाञ्छाफलोद्दीपनम् ।लोकानामघनाशनाय शिवया श्रीसंज्ञया विद्ययाधर्मप्राणसदैवतां प्रणमतां कल्पद्रुमं भावये ॥ ८२४॥

yogīśaṃ bhuvaneśvaraṃ priyakaraṃ śrīkālasandarbhayāśobhāsāgaragāminaṃ harabhavaṃ vāñchāphaloddīpanam |lokānāmaghanāśanāya śivayā śrīsaṃjñayā vidyayādharmaprāṇasadaivatāṃ praṇamatāṃ kalpadrumaṃ bhāvaye || 824||

विद्यां तामपराजितां मदनभावामोदमत्ताननांहृत्पद्मस्थितपादुकां कुलकलां कात्यायनीं भैरवीम् ।ये ये पुण्यधियो भजन्ति परमानन्दाब्धिमध्ये मुदासर्व्वाच्छापिततेजसा भयकरीं मोक्षाय सङ्कीर्तये ॥ ८२५॥

vidyāṃ tāmaparājitāṃ madanabhāvāmodamattānanāṃhṛtpadmasthitapādukāṃ kulakalāṃ kātyāyanīṃ bhairavīm |ye ye puṇyadhiyo bhajanti paramānandābdhimadhye mudāsarvvācchāpitatejasā bhayakarīṃ mokṣāya saṅkīrtaye || 825||

रुद्राणीं प्रणमामि पद्मवदनां कोट्यर्कतेजोमयींनानालङ्कृतभूषणां कुलभुजामानन्दसन्दायिनीम् ।श्री मायाकमलान्वितां हृदिगतां सन्तानबीजक्रियांआनन्दैकनिकेतनां हृदि भजे साक्षादलब्धामहम् ॥ ८२६॥

rudrāṇīṃ praṇamāmi padmavadanāṃ koṭyarkatejomayīṃnānālaṅkṛtabhūṣaṇāṃ kulabhujāmānandasandāyinīm |śrī māyākamalānvitāṃ hṛdigatāṃ santānabījakriyāṃānandaikaniketanāṃ hṛdi bhaje sākṣādalabdhāmaham || 826||

नमामि वरभैरवीं क्षितितलाद्यकालानलांमृणालसुकुमारारुणां भुवनदोषसंशोधिनीम् ।जगद्भयहरां हरां हरति या च योगेश्वरीमहापदसहस्रकं सकलभोगदान्तामहम् ॥ ८२७॥

namāmi varabhairavīṃ kṣititalādyakālānalāṃmṛṇālasukumārāruṇāṃ bhuvanadoṣasaṃśodhinīm |jagadbhayaharāṃ harāṃ harati yā ca yogeśvarīmahāpadasahasrakaṃ sakalabhogadāntāmaham || 827||

साम्राज्यं प्रददाति याचितवती विद्या महालक्षणासाक्षादष्टसमृद्धिदातरि महालक्ष्मीः कुलक्षोभहा ।स्वाधिष्ठानसुपङ्कजे विवसितां विष्णोरनन्तप्रियेवन्दे राजपदप्रदां शुभकरीं कौलेश्वरीं कौलिकीम् ॥ ८२८॥

sāmrājyaṃ pradadāti yācitavatī vidyā mahālakṣaṇāsākṣādaṣṭasamṛddhidātari mahālakṣmīḥ kulakṣobhahā |svādhiṣṭhānasupaṅkaje vivasitāṃ viṣṇoranantapriyevande rājapadapradāṃ śubhakarīṃ kauleśvarīṃ kaulikīm || 828||

पीठानामधिपाधिपां असुवहां विद्यां शुभां नायिकांसर्वालङ्करणान्वितां त्रिजगतां क्षोभापहां वारुणीम् ।वन्दे पीठगनायिकां त्रिभुवनच्छायाभिराच्छादितांसर्वेषां हितकारिणीं जयवतामानन्दरूपेश्वरीम् ॥ ८२९॥

pīṭhānāmadhipādhipāṃ asuvahāṃ vidyāṃ śubhāṃ nāyikāṃsarvālaṅkaraṇānvitāṃ trijagatāṃ kṣobhāpahāṃ vāruṇīm |vande pīṭhaganāyikāṃ tribhuvanacchāyābhirācchāditāṃsarveṣāṃ hitakāriṇīṃ jayavatāmānandarūpeśvarīm || 829||

क्षेत्रज्ञां मदविह्वलां कुलवतीं सिद्धिप्रियां प्रेयसीम् ।शम्भोः श्री वटुकेश्वरस्य महतामानन्दसञ्चारिणीम् ॥ ८३०॥

kṣetrajñāṃ madavihvalāṃ kulavatīṃ siddhipriyāṃ preyasīm |śambhoḥ śrī vaṭukeśvarasya mahatāmānandasañcāriṇīm || 830||

साक्षादात्मपरोद्गमां कमलमध्यसम्भाविनींशिरो दशशते दलेऽमृतमहाब्धिधाराधराम् ।निजमनः क्षोभापहां शाकिनींबाह्यार्थ प्रकटामहं रजतभां वन्दे महाभैरवीम् ॥ ८३१॥

sākṣādātmaparodgamāṃ kamalamadhyasambhāvinīṃśiro daśaśate dale'mṛtamahābdhidhārādharām |nijamanaḥ kṣobhāpahāṃ śākinīṃbāhyārtha prakaṭāmahaṃ rajatabhāṃ vande mahābhairavīm || 831||

प्रणामफलदायिनीं सकलबाह्यवश्यां गुणांनमामि परमम्बिकां विषयदोषसंहारिणीम् ।सम्पूर्णाविधुवन्मुखीं कमलमध्यसम्भाविनींशिरो दशशते दलेऽमृतमहाब्धिधाराधराम् ॥ ८३२॥

praṇāmaphaladāyinīṃ sakalabāhyavaśyāṃ guṇāṃnamāmi paramambikāṃ viṣayadoṣasaṃhāriṇīm |sampūrṇāvidhuvanmukhīṃ kamalamadhyasambhāvinīṃśiro daśaśate dale'mṛtamahābdhidhārādharām || 832||

साक्षादहं त्रिभुवनामृतपूर्णदेहांसन्ध्यादि देवकमलां कुलपण्डितेन्द्राम् ।नत्वा भजे दशशते दलमध्यमध्येकौलेश्वरीं सकलदिव्यजनाश्रयां ताम् ॥ ८३३॥

sākṣādahaṃ tribhuvanāmṛtapūrṇadehāṃsandhyādi devakamalāṃ kulapaṇḍitendrām |natvā bhaje daśaśate dalamadhyamadhyekauleśvarīṃ sakaladivyajanāśrayāṃ tām || 833||

विश्वेश्वरीं स्वरकुले वरबालिके त्वांसिद्धासने प्रतिदिनं प्रणमामि भक्त्या ।भक्तिं धनं जयपदं यदि देहि दास्यंतस्मिन् महामधुमतीं लघुनाहताः स्यात् ॥ ८३४॥

viśveśvarīṃ svarakule varabālike tvāṃsiddhāsane pratidinaṃ praṇamāmi bhaktyā |bhaktiṃ dhanaṃ jayapadaṃ yadi dehi dāsyaṃtasmin mahāmadhumatīṃ laghunāhatāḥ syāt || 834||

एतत्स्तोत्रप्रसादेन कविता वाक्पतिर्भवेत् ।महासिद्धीश्वरो दिव्यो वीरभावपरायणः ॥ ८३५॥

etatstotraprasādena kavitā vākpatirbhavet |mahāsiddhīśvaro divyo vīrabhāvaparāyaṇaḥ || 835||

सर्वत्र जयमाप्नोति स हि स्याद् देववल्लभः ।वाचामीशो भवेत् क्षिप्रं कामरूपो भवेन्नरः ॥ ८३६॥

sarvatra jayamāpnoti sa hi syād devavallabhaḥ |vācāmīśo bhavet kṣipraṃ kāmarūpo bhavennaraḥ || 836||

पशुरेव महावीरो दिव्यो भवति निश्चितम् ।सर्वविद्याः प्रसीदन्ति तुष्टाः सर्वे दिगीश्वराः ॥ ८३७॥

paśureva mahāvīro divyo bhavati niścitam |sarvavidyāḥ prasīdanti tuṣṭāḥ sarve digīśvarāḥ || 837||

वह्निः शीतलतां याति जलस्तम्भं स कारयेत् ।धनवान् पुत्रवान् राजा इह काले भवेन्नरः ॥ ८३८॥

vahniḥ śītalatāṃ yāti jalastambhaṃ sa kārayet |dhanavān putravān rājā iha kāle bhavennaraḥ || 838||

परे च याति वैकुण्ठे कैलासे शिवसन्निधौ ।मुक्तिरेव महादेव यो नित्यं सर्वदा पठेत् ॥ ८३९॥

pare ca yāti vaikuṇṭhe kailāse śivasannidhau |muktireva mahādeva yo nityaṃ sarvadā paṭhet || 839||

महाविद्यापदाम्भोजं स हि पश्यति निश्चितम् ।इति श्रीरुद्रयामले उत्तरतन्त्रे महातन्त्रोद्दीपने भावासननिर्णयेपाशवकल्पे षट्चक्र प्रकाशे कुमारीस्तवः नाम अष्टमः पटलम् ॥ २८॥

mahāvidyāpadāmbhojaṃ sa hi paśyati niścitam |iti śrīrudrayāmale uttaratantre mahātantroddīpane bhāvāsananirṇayepāśavakalpe ṣaṭcakra prakāśe kumārīstavaḥ nāma aṣṭamaḥ paṭalam || 28||

ऱुद्रयमल उत्तरतन्त्र।

rudrayamala uttaratantra|