कुण्डलिनीस्तवः २ Kundalinistavah 2

आनन्दभैरव उवाचषट्चक्रभेदनकथां कथयस्व वरानने ॥ २८७१॥

ānandabhairava uvācaṣaṭcakrabhedanakathāṃ kathayasva varānane || 2871||

हिताय सर्वजन्तूनां हिरण्यवर्णमण्डितम् ।प्रकाशयस्व वरदे योगानामुदयं वद ॥ २८७२॥

hitāya sarvajantūnāṃ hiraṇyavarṇamaṇḍitam |prakāśayasva varade yogānāmudayaṃ vada || 2872||

येन योगेन धीराणां हितार्थं वाञ्छितं मया ।कालक्रमेण सिद्धिः स्यात् कालजालविनाशनात् ॥ २८७३॥

yena yogena dhīrāṇāṃ hitārthaṃ vāñchitaṃ mayā |kālakrameṇa siddhiḥ syāt kālajālavināśanāt || 2873||

कालक्षालनहेतोश्च पुनरुद्यापनं कृतम् ।आनन्दभैरवी उवाचआदौ कुर्यात् परानन्दं रससागरसम्भवम् ॥ २८७४॥

kālakṣālanahetośca punarudyāpanaṃ kṛtam |ānandabhairavī uvācaādau kuryāt parānandaṃ rasasāgarasambhavam || 2874||

मान्द्यं मन्दगुणोपेतं शृणु तत्क्रममुत्तमम् ।स्तोत्रं कुर्यात् मूलपद्मे कुण्डलिन्याः पुरष्क्रियाम् ॥ २८७५॥

māndyaṃ mandaguṇopetaṃ śṛṇu tatkramamuttamam |stotraṃ kuryāt mūlapadme kuṇḍalinyāḥ puraṣkriyām || 2875||

पुरश्चरणकाले तु जपान्ते नित्यकर्मणि ।काम्यकर्मणि धर्मेषु तथैव धर्मकर्मसु ॥ २८७६॥

puraścaraṇakāle tu japānte nityakarmaṇi |kāmyakarmaṇi dharmeṣu tathaiva dharmakarmasu || 2876||

गुर्वाद्यगुरुनित्येषु भक्तिमाकृत्य सम्पठेत् ।ॐ नमो गुरवे ॐ नमो गुर्वम्बपरदेवतायै ॥ २८७७॥

gurvādyagurunityeṣu bhaktimākṛtya sampaṭhet |oṃ namo gurave oṃ namo gurvambaparadevatāyai || 2877||

सर्वधर्मस्वरूपायै सर्वज्ञानस्वरूपायै ।ॐ भवविभवायै ॐ दक्षयज्ञविनाशिन्यै ॥ २८७८॥

sarvadharmasvarūpāyai sarvajñānasvarūpāyai |oṃ bhavavibhavāyai oṃ dakṣayajñavināśinyai || 2878||

ॐ भद्रकाल्यै ॐ कपालिन्यै ॐ उमायै ॐ माहेश्वर्यैॐ सर्वसङ्कटतारिण्यै ॐ महादेव्यै नमो नमः ॥ २८७९॥

oṃ bhadrakālyai oṃ kapālinyai oṃ umāyai oṃ māheśvaryaioṃ sarvasaṅkaṭatāriṇyai oṃ mahādevyai namo namaḥ || 2879||

ॐ या माया मयदानवक्षयकरी शक्तिः क्षमा कर्त्तृकाशुम्भश्रीमहिषासुरासुरबलप्रात्रोलचण्डामहा ।भद्रार्द्रा रुधिरप्रिया प्रियकरी क्रोधाङ्गरक्तोत्पलाचामुण्डा रणरक्तबीजरजनी ज्योत्स्ना मुखेन्दीवरा ॥ २८८०॥

oṃ yā māyā mayadānavakṣayakarī śaktiḥ kṣamā karttṛkāśumbhaśrīmahiṣāsurāsurabalaprātrolacaṇḍāmahā |bhadrārdrā rudhirapriyā priyakarī krodhāṅgaraktotpalācāmuṇḍā raṇaraktabījarajanī jyotsnā mukhendīvarā || 2880||

या जाया जयदायिनी नृगृहिणी भीत्यापहा भैरवीनित्या सा परिरक्षणं कुरु शिवा सारस्वतोत्पत्तये ।सा मे पातु कलेवरस्य विषयाह्लादेन्द्रियाणां बलंवक्षः स्थायिनमुल्वणोज्ज्वलशिखाकारादिजीवाञ्चिता ॥ २८८१॥

yā jāyā jayadāyinī nṛgṛhiṇī bhītyāpahā bhairavīnityā sā parirakṣaṇaṃ kuru śivā sārasvatotpattaye |sā me pātu kalevarasya viṣayāhlādendriyāṇāṃ balaṃvakṣaḥ sthāyinamulvaṇojjvalaśikhākārādijīvāñcitā || 2881||

कृत्वा योगकुलान्वितं स्वभवने नित्यं मनोरञ्जनंनित्यं संयमतत्परं परतरे भक्तिक्रियानिर्मलम् ।शम्भो रक्षरजोऽपनीशचरणाम्भोजे सदा भावनंविद्यार्थप्रियदर्शनं त्रिजगतां संयम्ययोगी भवेत् ॥ २८८२॥

kṛtvā yogakulānvitaṃ svabhavane nityaṃ manorañjanaṃnityaṃ saṃyamatatparaṃ paratare bhaktikriyānirmalam |śambho rakṣarajo'panīśacaraṇāmbhoje sadā bhāvanaṃvidyārthapriyadarśanaṃ trijagatāṃ saṃyamyayogī bhavet || 2882||

आकाङ्क्षापरिवर्जितं निजगुरोः सेवापरं पावनंप्रेमाह्लादकथाच्युतं कुटिलताहिंसापमानप्रियम् ।कालक्षेपण दोषजालरहितं शाक्तं सुभक्तं पतिंश्रीशक्तिप्रियवल्लभं सुरुचिरज्ञानान्तरं मानिनम् ॥ २८८३॥

ākāṅkṣāparivarjitaṃ nijaguroḥ sevāparaṃ pāvanaṃpremāhlādakathācyutaṃ kuṭilatāhiṃsāpamānapriyam |kālakṣepaṇa doṣajālarahitaṃ śāktaṃ subhaktaṃ patiṃśrīśaktipriyavallabhaṃ surucirajñānāntaraṃ māninam || 2883||

मालासूक्ष्म सुसूक्ष्मबद्धनिलयं सल्लक्षणं साक्षिणंनानाकारणकारणं ससरणं साकारब्रह्मार्पणम् ।नित्या सा जडितं महान्तमखिले योगासनज्ञानिनंतं वन्दे पुरुषोत्तमं त्रिजगतामंशार्कहंसं परम् ॥ २८८४॥

mālāsūkṣma susūkṣmabaddhanilayaṃ sallakṣaṇaṃ sākṣiṇaṃnānākāraṇakāraṇaṃ sasaraṇaṃ sākārabrahmārpaṇam |nityā sā jaḍitaṃ mahāntamakhile yogāsanajñāninaṃtaṃ vande puruṣottamaṃ trijagatāmaṃśārkahaṃsaṃ param || 2884||

मायाङ्के प्रतिभाति चारुनयानाह्लादैकबीजं विधिंकल्लोलाविकुलाकुला समतुला कालाग्निवाहानना ।हालाहेलन कौलकालकलिका केयूरहारानना ।सर्वाङ्गा मम पातु पीतवसना शीघ्रासना वत्सला ॥ २८८५॥

māyāṅke pratibhāti cārunayānāhlādaikabījaṃ vidhiṃkallolāvikulākulā samatulā kālāgnivāhānanā |hālāhelana kaulakālakalikā keyūrahārānanā |sarvāṅgā mama pātu pītavasanā śīghrāsanā vatsalā || 2885||

सा बालाबलवाहना सुगहना सम्मानना धारणाखं खं खं खचराचरा कुलचरा वाचाचरा वङ्खरा ।चं चं चं चमरीहरीभगवती गाथागताः सङ्गतिःबाहौ मे परिपातु पङ्कजमुखी या चण्डमुण्डापहा ॥ २८८६॥

sā bālābalavāhanā sugahanā sammānanā dhāraṇākhaṃ khaṃ khaṃ khacarācarā kulacarā vācācarā vaṅkharā |caṃ caṃ caṃ camarīharībhagavatī gāthāgatāḥ saṅgatiḥbāhau me paripātu paṅkajamukhī yā caṇḍamuṇḍāpahā || 2886||

कं कं कं कमलाकला गतिफला फूत्कारफेरूत्करापं पं पं परमा रमा जयगमा व्यासङ्गमा जङ्गमा ।तं तं तं तिमिरारुणा सकरुणा मातावला तारिणीभं भं भं भयहारिणी प्रियकरी सा मे भवत्वन्तरा ॥ २८८७॥

kaṃ kaṃ kaṃ kamalākalā gatiphalā phūtkārapherūtkarāpaṃ paṃ paṃ paramā ramā jayagamā vyāsaṅgamā jaṅgamā |taṃ taṃ taṃ timirāruṇā sakaruṇā mātāvalā tāriṇībhaṃ bhaṃ bhaṃ bhayahāriṇī priyakarī sā me bhavatvantarā || 2887||

झं झं झं झरझर्मरीगतिपथस्थाता रमानन्दितंमं मं मं मलिनं हि मां हयगतां हन्त्रीं रिपूणां हि ताम् ।भक्तानां भयहारिणी रणमुखे शत्रोः कुलाग्निस्थितासा सा सा भवतु प्रभावपटला दीप्ताङ्घ्रियुग्मोज्ज्वला ॥ २८८८॥

jhaṃ jhaṃ jhaṃ jharajharmarīgatipathasthātā ramānanditaṃmaṃ maṃ maṃ malinaṃ hi māṃ hayagatāṃ hantrīṃ ripūṇāṃ hi tām |bhaktānāṃ bhayahāriṇī raṇamukhe śatroḥ kulāgnisthitāsā sā sā bhavatu prabhāvapaṭalā dīptāṅghriyugmojjvalā || 2888||

गं गं गं गुरुरूपिणी गणपतेरानन्दपुञ्जोदयातारासारसरोरुहारुणकला कोटिप्रभालोचना ।नेत्रं पातु(सदा) शिवप्रियपथा कौट्यायुतार्कप्रभातुण्डं मुण्डविभूषणा नरशिरोमाला विलोला समा ॥ २८८९॥

gaṃ gaṃ gaṃ gururūpiṇī gaṇapaterānandapuñjodayātārāsārasaroruhāruṇakalā koṭiprabhālocanā |netraṃ pātu(sadā) śivapriyapathā kauṭyāyutārkaprabhātuṇḍaṃ muṇḍavibhūṣaṇā naraśiromālā vilolā samā || 2889||

योगेशी शशिशेखरोल्वणकथालापोदया मानवीशीर्षं पातु ललाटकर्ण युगलानन्तस्ततः सर्वदा ।मूर्त्तं मेरुशिखा स्थिता व्यवतु मे गण्डस्थलं कैवलीतुष्टं चाष्टमषष्टिकाधरतलं धात्री धराधारिणी ॥ २८९०॥

yogeśī śaśiśekharolvaṇakathālāpodayā mānavīśīrṣaṃ pātu lalāṭakarṇa yugalānantastataḥ sarvadā |mūrttaṃ meruśikhā sthitā vyavatu me gaṇḍasthalaṃ kaivalītuṣṭaṃ cāṣṭamaṣaṣṭikādharatalaṃ dhātrī dharādhāriṇī || 2890||

नासाग्रद्वयगह्वरं भृगुतरा नेत्रत्रयं तारिणीकेशान् कुन्तलकालिका सुकपिला कैलासशैलासना ।कङ्कालामलमालिका सुवसना दन्तावलीं दैत्यहाबाह्यं मन्त्रमनन्तशास्त्रतरणी संज्ञावचःस्तम्भिनी ॥ २८९१॥

nāsāgradvayagahvaraṃ bhṛgutarā netratrayaṃ tāriṇīkeśān kuntalakālikā sukapilā kailāsaśailāsanā |kaṅkālāmalamālikā suvasanā dantāvalīṃ daityahābāhyaṃ mantramanantaśāstrataraṇī saṃjñāvacaḥstambhinī || 2891||

हं हं हं नरहारघोररमणी सञ्चारिणी पातु मेशत्रूणां दलनं करोतु नियतं मे चण्डमुण्डापहा ।भीमा सन्दहतु प्रतापतपना संवर्द्धनं वर्द्धिनीमन्दारप्रियगन्धविभ्रममदा वैदग्धमोहान्तरा ॥ २८९२॥

haṃ haṃ haṃ narahāraghoraramaṇī sañcāriṇī pātu meśatrūṇāṃ dalanaṃ karotu niyataṃ me caṇḍamuṇḍāpahā |bhīmā sandahatu pratāpatapanā saṃvarddhanaṃ varddhinīmandārapriyagandhavibhramamadā vaidagdhamohāntarā || 2892||

श्यामा पातु पतङ्गकोटिनिनदा हङ्कारफट्कारिणीआनन्दोत्सवसर्वसारजयदा सर्वत्र सा रक्षिका ।क्षौं क्षौं क्षौं कठिनाक्षरा क्षयकरी सर्वाङ्गदोषंहनादेहारेः कचहा परा कचकुचाकीलालपूराशिता ॥ २८९३॥

śyāmā pātu pataṅgakoṭininadā haṅkāraphaṭkāriṇīānandotsavasarvasārajayadā sarvatra sā rakṣikā |kṣauṃ kṣauṃ kṣauṃ kaṭhinākṣarā kṣayakarī sarvāṅgadoṣaṃhanādehāreḥ kacahā parā kacakucākīlālapūrāśitā || 2893||

घं घं घं घटघर्घरा विघटिता जायापतेः पातु मेकल्पे कल्पा कुलानामतिभयकलितं सर्वत्र मे विग्रहम् ।निद्रोद्रावितकालिका मम कुलं लङ्कातटाच्छादिनीनं नं नं नयनानना सुकमला सा लाकिनी लक्षणा ॥ २८९४॥

ghaṃ ghaṃ ghaṃ ghaṭaghargharā vighaṭitā jāyāpateḥ pātu mekalpe kalpā kulānāmatibhayakalitaṃ sarvatra me vigraham |nidrodrāvitakālikā mama kulaṃ laṅkātaṭācchādinīnaṃ naṃ naṃ nayanānanā sukamalā sā lākinī lakṣaṇā || 2894||

कुक्षौ पृष्ठतलं सदा मम धनं सा पातु मुद्रामयीमोक्षं पातु करालकालरजकी या रञ्जकी कौतुकी ।कृत्या नापितकन्यका शशिमुखी सूक्ष्मा मम प्राणगंमन्दारप्रियमालया मणिमयग्रन्थ्या महन्मण्डिता ॥ २८९५॥

kukṣau pṛṣṭhatalaṃ sadā mama dhanaṃ sā pātu mudrāmayīmokṣaṃ pātu karālakālarajakī yā rañjakī kautukī |kṛtyā nāpitakanyakā śaśimukhī sūkṣmā mama prāṇagaṃmandārapriyamālayā maṇimayagranthyā mahanmaṇḍitā || 2895||

पूज्या योगिभिरुत्सुकी भगवती मूलस्थिता सत्क्रियामत्ता पातु पतिव्रता मम गृहं धर्मं यशः श्रेयसम् ।धर्माम्भोरुहमध्यदर्शनिकरे काली महायोगिनीमत्तानामतिदर्पहा हरशिरोमाला कला केवला ॥ २८९६॥

pūjyā yogibhirutsukī bhagavatī mūlasthitā satkriyāmattā pātu pativratā mama gṛhaṃ dharmaṃ yaśaḥ śreyasam |dharmāmbhoruhamadhyadarśanikare kālī mahāyoginīmattānāmatidarpahā haraśiromālā kalā kevalā || 2896||

मे गुह्यं जयमेव लिङ्गमपि मे मूलाम्बुजं पातु साया कन्या हिमपर्वतस्य भयहा पायान्नितम्बस्थलम् ।सर्वेषां हृदयोदयानलशिखाशक्तिर्मनोरूपिणीमे भक्तिं परिपातु कामकुशला लक्ष्मीः प्रिया मे प्रभो ॥ २८९७॥

me guhyaṃ jayameva liṅgamapi me mūlāmbujaṃ pātu sāyā kanyā himaparvatasya bhayahā pāyānnitambasthalam |sarveṣāṃ hṛdayodayānalaśikhāśaktirmanorūpiṇīme bhaktiṃ paripātu kāmakuśalā lakṣmīḥ priyā me prabho || 2897||

गौरी गौरवकारिणी भुवि महामाया महामोहहा ।वं वं वं वरवारुणी सुमदिरा मे पातु नित्यं कटिम् ।कूटा सा रविचन्द्रवह्निरहिता स्वेच्छामयी मे मुखम् ॥ २८९८॥

gaurī gauravakāriṇī bhuvi mahāmāyā mahāmohahā |vaṃ vaṃ vaṃ varavāruṇī sumadirā me pātu nityaṃ kaṭim |kūṭā sā ravicandravahnirahitā svecchāmayī me mukham || 2898||

एतत्स्तोत्रं पठेद् यस्तु सर्वकाले च सर्वदा ।स भवेत् कालयोगेन्द्रो महाविद्यानिधिर्भवेत् ॥ २८९९॥

etatstotraṃ paṭhed yastu sarvakāle ca sarvadā |sa bhavet kālayogendro mahāvidyānidhirbhavet || 2899||

मूलपद्मबोधने च मूलप्रकृतिसाधने ।निजमन्त्रबोधने च घोरसङ्कटकालके ॥ २८१००॥

mūlapadmabodhane ca mūlaprakṛtisādhane |nijamantrabodhane ca ghorasaṅkaṭakālake || 28100||

आपदस्तस्य नश्यन्ति अन्धकारं विना रविः ।सर्वकाले सर्वदेशे महापातकघातकः ॥ २८१०१॥

āpadastasya naśyanti andhakāraṃ vinā raviḥ |sarvakāle sarvadeśe mahāpātakaghātakaḥ || 28101||

स भवेद् योगिनीपुत्रः कलिकाले न संशयः ॥ २८१०२॥

sa bhaved yoginīputraḥ kalikāle na saṃśayaḥ || 28102||

इति श्रीरुद्रयामले उत्तरतन्त्रे महातन्त्रोद्दीपने भावासननिर्णये पाशवकल्पेषट्चक्र प्रकाशे भैरवभैरवीसंवादे कन्दवासिनिस्तोत्रं नामअष्टाविंशः पटलः ॥ २८॥

iti śrīrudrayāmale uttaratantre mahātantroddīpane bhāvāsananirṇaye pāśavakalpeṣaṭcakra prakāśe bhairavabhairavīsaṃvāde kandavāsinistotraṃ nāmaaṣṭāviṃśaḥ paṭalaḥ || 28||

ऱुद्रयमल उत्तरतन्त्र।

rudrayamala uttaratantra|