षोडशीकवचम् Shri Shodashi Khavacham

ॐ श्रीगणेशाय नमः ।श्रीगुरुभ्यो नमः ।श्रीदेव्युवाचभगवन्देवदेवेश भक्तानुग्रहकारक ।श्रीमहाषोडशीदेव्याः कवचं वद मे प्रभो ॥ १॥

oṃ śrīgaṇeśāya namaḥ |śrīgurubhyo namaḥ |śrīdevyuvācabhagavandevadeveśa bhaktānugrahakāraka |śrīmahāṣoḍaśīdevyāḥ kavacaṃ vada me prabho || 1||

श्रीभैरव उवाचअधुना देवि वक्ष्यामि महाश्रीषोडशीमयम् ।परमार्थाभिधं वर्म श्रीविद्यासारमुत्तमम् ॥ २॥

śrībhairava uvācaadhunā devi vakṣyāmi mahāśrīṣoḍaśīmayam |paramārthābhidhaṃ varma śrīvidyāsāramuttamam || 2||

अस्य श्रीमहाषोडशीकवचस्य शिवऋषिः, पङ्क्तिछन्दः, श्रीमहाषोडशीदेवता ।कएईल ह्रीं बीजं, हसकहल ह्रीं शक्तिः, सकल ह्रीं कीलकं,धर्मार्थकाममोक्षार्थे विनियोगः प्रकीर्तिताः ।अथ ध्यानम्सूर्यकोटिसहस्राभां सर्वाभरणभूषिताम् ।पञ्चवक्त्रां चतुर्बाहुं शिवशक्त्यात्मकां भजे ॥ ३॥

asya śrīmahāṣoḍaśīkavacasya śivaṛṣiḥ, paṅktichandaḥ, śrīmahāṣoḍaśīdevatā |kaeīla hrīṃ bījaṃ, hasakahala hrīṃ śaktiḥ, sakala hrīṃ kīlakaṃ,dharmārthakāmamokṣārthe viniyogaḥ prakīrtitāḥ |atha dhyānamsūryakoṭisahasrābhāṃ sarvābharaṇabhūṣitām |pañcavaktrāṃ caturbāhuṃ śivaśaktyātmakāṃ bhaje || 3||

शिरोऽव्यान्मे रमाबीजं वाग्बीजं लोचनेऽवतात् ।पराबीजं श्रुती पायात् कामबीजं च नासिकाम् ॥ ४॥

śiro'vyānme ramābījaṃ vāgbījaṃ locane'vatāt |parābījaṃ śrutī pāyāt kāmabījaṃ ca nāsikām || 4||

कामराजस्तथोष्ठौ मे शक्तिः पायान्मुखं मम ।वासव्यारदनान्पातु तारं जिह्वां ममावतु ॥ ५॥

kāmarājastathoṣṭhau me śaktiḥ pāyānmukhaṃ mama |vāsavyāradanānpātu tāraṃ jihvāṃ mamāvatu || 5||

शक्तिः कण्ठं तथा पातु रमा स्कन्धौ ममावतु ।त्र्यक्षं भ्रुवौ सदा पतु धृतिः पतु करौ मम ॥ ६॥

śaktiḥ kaṇṭhaṃ tathā pātu ramā skandhau mamāvatu |tryakṣaṃ bhruvau sadā patu dhṛtiḥ patu karau mama || 6||

पराबीजं पातु वक्षो लक्ष्मी कुक्षिं ममावतु ।शिवकूटोऽवतात्पृष्ठं ब्रह्मकूटं तु पार्श्वयोः ॥ ७॥

parābījaṃ pātu vakṣo lakṣmī kukṣiṃ mamāvatu |śivakūṭo'vatātpṛṣṭhaṃ brahmakūṭaṃ tu pārśvayoḥ || 7||

शक्तिकूटोऽवतान्नाभिं कान्तिकूटो गुदं तथा ।वायुकूटोऽवताद्धस्तौ शक्तिकूटस्तु जानुतः ॥ ८॥

śaktikūṭo'vatānnābhiṃ kāntikūṭo gudaṃ tathā |vāyukūṭo'vatāddhastau śaktikūṭastu jānutaḥ || 8||

तारं जङ्घे सदा पातु पादौ शक्तिर्ममावतु ।परा प्रभातकालेऽव्यात् वाङ्मध्याह्नेऽवताच्च माम् ॥ ९॥

tāraṃ jaṅghe sadā pātu pādau śaktirmamāvatu |parā prabhātakāle'vyāt vāṅmadhyāhne'vatācca mām || 9||

सा सायं पातु सर्वत्र मोहाऽव्यान्मां निशीथके ।पूर्वादिदिक्षु तारोऽव्यात् वह्निवायोः परावतु ॥ १०॥

sā sāyaṃ pātu sarvatra mohā'vyānmāṃ niśīthake |pūrvādidikṣu tāro'vyāt vahnivāyoḥ parāvatu || 10||

जलदुर्भिक्षदारिद्र्यात् शक्तिः पातु ममानिशम् ।दारापुत्रधनाढ्येभ्यो गजाश्वगृहमण्डलात् ॥ ११॥

jaladurbhikṣadāridryāt śaktiḥ pātu mamāniśam |dārāputradhanāḍhyebhyo gajāśvagṛhamaṇḍalāt || 11||

पातु मे कमलाबीजं कामः श्रीयोगिनीगणात् ।वाग्भवं सर्वदा पातु श्रीविद्या सर्वतोऽवतु ॥ १२॥

pātu me kamalābījaṃ kāmaḥ śrīyoginīgaṇāt |vāgbhavaṃ sarvadā pātu śrīvidyā sarvato'vatu || 12||

इतीदं कवचं दिव्यं महाश्रीषोडशीमयम् ।मूलमन्त्रमयं गोप्यं सर्वाशापरिपूरकम् ॥ १३॥

itīdaṃ kavacaṃ divyaṃ mahāśrīṣoḍaśīmayam |mūlamantramayaṃ gopyaṃ sarvāśāparipūrakam || 13||

सर्वश्रेयस्करं नित्यं स्तुतं सिद्धिप्रदं कलौ ।यः पठेत्साधको नित्यं धत्ते मौनव्रतं शिवे ॥ १४॥

sarvaśreyaskaraṃ nityaṃ stutaṃ siddhipradaṃ kalau |yaḥ paṭhetsādhako nityaṃ dhatte maunavrataṃ śive || 14||

स एव शोडशीपुत्रः कामेश्वरसमप्रभुः ।श्यामात्मको महाकालरूपो वैरिविमर्दनः ॥ १५॥

sa eva śoḍaśīputraḥ kāmeśvarasamaprabhuḥ |śyāmātmako mahākālarūpo vairivimardanaḥ || 15||

बहुपुत्रो रमानाथो मान्त्रिकोत्तमशेखरः ।इत्येतत्कथितं वर्म महाश्रीशोडशीमयम् ॥ १६॥

bahuputro ramānātho māntrikottamaśekharaḥ |ityetatkathitaṃ varma mahāśrīśoḍaśīmayam || 16||

विनानेन न सिद्धिः स्यान्ममापि परमेश्वरि ।गोप्यं गुह्यतमं वर्म मूलमन्त्रमयं परम् ॥ १७॥

vinānena na siddhiḥ syānmamāpi parameśvari |gopyaṃ guhyatamaṃ varma mūlamantramayaṃ param || 17||

परमार्थाभिधं वस्तु गोपयेत्स सदाशिवः ॥इति श्रीरुद्रयमले तन्त्रे महाषोडशी कवचं सम्पूर्णम् ।श्रीरस्तु ॥

paramārthābhidhaṃ vastu gopayetsa sadāśivaḥ ||iti śrīrudrayamale tantre mahāṣoḍaśī kavacaṃ sampūrṇam |śrīrastu ||