कालिकाकवचम् ३ अथवा जगन्मङ्गलकवचम् अथवा श्यामाकवचम् Kali Kavacham 3

श्री जगन्मङ्गलकवचम् अथवा श्यामाकवचम्भैरव्युवाचकालीपूजा श्रुता नाथ भावाश्च विविधाः प्रभो ॥इदानीं श्रोतुमिच्छामि कवचं पूर्वसूचितम् ॥ १॥

śrī jaganmaṅgalakavacam athavā śyāmākavacambhairavyuvācakālīpūjā śrutā nātha bhāvāśca vividhāḥ prabho ||idānīṃ śrotumicchāmi kavacaṃ pūrvasūcitam || 1||

त्वमेव स्रष्टा पाता च संहर्ता च त्वमेव हि ।त्वमेव शरणन्नाथ त्राहिमां दुःखसङ्कटात् ॥ २॥

tvameva sraṣṭā pātā ca saṃhartā ca tvameva hi |tvameva śaraṇannātha trāhimāṃ duḥkhasaṅkaṭāt || 2||

भैरव उवाचरहस्यं शृणु वक्ष्यामि भैरवि प्राणवल्लभे ।श्रीजगन्मङ्गलन्नाम कवचं मन्त्रविग्रहम् ॥ ३॥

bhairava uvācarahasyaṃ śṛṇu vakṣyāmi bhairavi prāṇavallabhe |śrījaganmaṅgalannāma kavacaṃ mantravigraham || 3||

पठित्वा धारयित्वा च त्रैलोक्यं मोहयेत्क्षणात् ।नारायणोऽपि यद्धृत्वा नारी भूत्वा महेश्वरम् ॥ ४॥

paṭhitvā dhārayitvā ca trailokyaṃ mohayetkṣaṇāt |nārāyaṇo'pi yaddhṛtvā nārī bhūtvā maheśvaram || 4||

योगिनङ्क्षोभमनयद्यद्धृत्वा च रघूत्तमः ।वरतृप्तो जघानैव रावणादिनिशाचरान् ॥ ५॥

yoginaṅkṣobhamanayadyaddhṛtvā ca raghūttamaḥ |varatṛpto jaghānaiva rāvaṇādiniśācarān || 5||

यस्य प्रसादादीशोऽहं त्रैलोक्यविजयी विभुः ।धनाधिपः कुबेरोऽपि सुरेशोऽभूच्छचीपतिः ॥ ६॥

yasya prasādādīśo'haṃ trailokyavijayī vibhuḥ |dhanādhipaḥ kubero'pi sureśo'bhūcchacīpatiḥ || 6||

एवं हि सकला देवास्सर्वसिद्धीश्वराः प्रिये ।श्रीजगन्मङ्गलस्यास्य कवचस्य ऋषिः शिवः ॥ ७॥

evaṃ hi sakalā devāssarvasiddhīśvarāḥ priye |śrījaganmaṅgalasyāsya kavacasya ṛṣiḥ śivaḥ || 7||

छन्दोऽनुष्टुप्देवता च कालिका दक्षिणेरिता ।जगतां मोहने दुष्टविजये भुक्तिमुक्तिषु ॥ ८॥

chando'nuṣṭupdevatā ca kālikā dakṣiṇeritā |jagatāṃ mohane duṣṭavijaye bhuktimuktiṣu || 8||

योषिदाकर्षणे चैव विनियोगः प्रकीर्तितः ।शिरो मे कालिका पातु क्रीङ्कारैकाक्षरी परा ॥ ९॥

yoṣidākarṣaṇe caiva viniyogaḥ prakīrtitaḥ |śiro me kālikā pātu krīṅkāraikākṣarī parā || 9||

क्रीङ्क्रीङ्क्रीं मे ललाटञ्च कालिका खड्गधारिणी ।हूं हूं पातु नेत्रयुगं ह्रीं ह्रीं पातु श्रुती मम ॥ १०॥

krīṅkrīṅkrīṃ me lalāṭañca kālikā khaḍgadhāriṇī |hūṃ hūṃ pātu netrayugaṃ hrīṃ hrīṃ pātu śrutī mama || 10||

दक्षिणे कालिका पातु घ्राणयुग्मं महेश्वरी ।क्रीङ्क्रीङ्क्रीं रसनाम्पातु हूं हूं पातु कपोलकम् ॥ ११॥

dakṣiṇe kālikā pātu ghrāṇayugmaṃ maheśvarī |krīṅkrīṅkrīṃ rasanāmpātu hūṃ hūṃ pātu kapolakam || 11||

वदनं सकलम्पातु ह्रीँ ह्रीँ स्वाहास्वरूपिणी ।द्वाविंशत्यक्षरी स्कन्धौ महाविद्या सुखप्रदा ॥ १२॥

vadanaṃ sakalampātu hrīm̐ hrīm̐ svāhāsvarūpiṇī |dvāviṃśatyakṣarī skandhau mahāvidyā sukhapradā || 12||

खड्गमुण्डधरा काली सर्वाङ्गमभितोऽवतु ।क्रींह्रूँह्रीँ त्र्यक्षरी पातु चामुण्डा हृदयं मम ॥ १३॥

khaḍgamuṇḍadharā kālī sarvāṅgamabhito'vatu |krīṃhrūm̐hrīm̐ tryakṣarī pātu cāmuṇḍā hṛdayaṃ mama || 13||

ऐंहूँओंऐं स्तनद्वन्द्वं ह्रीम्फट्स्वाहा ककुत्स्थलम् ।अष्टाक्षरी महाविद्या भुजौ पातु सकर्तृका ॥ १४॥

aiṃhūm̐oṃaiṃ stanadvandvaṃ hrīmphaṭsvāhā kakutsthalam |aṣṭākṣarī mahāvidyā bhujau pātu sakartṛkā || 14||

क्रीङ्क्रींहूंहूंह्रींह्रीङ्कारी पातु षडक्षरी मम ।क्रीं नाभिं मध्यदेशञ्च दक्षिणे कालिकाऽवतु ॥ १५॥

krīṅkrīṃhūṃhūṃhrīṃhrīṅkārī pātu ṣaḍakṣarī mama |krīṃ nābhiṃ madhyadeśañca dakṣiṇe kālikā'vatu || 15||

क्रींस्वाहा पातु पृष्ठञ्च कालिका सा दशाक्षरी ।क्रीं मे गुह्यं सदा पातु कालिकायै नमस्ततः ॥ १६॥

krīṃsvāhā pātu pṛṣṭhañca kālikā sā daśākṣarī |krīṃ me guhyaṃ sadā pātu kālikāyai namastataḥ || 16||

सप्ताक्षरी महाविद्या सर्वतन्त्रेषु गोपिता ।ह्रींह्रीं दक्षिणे कालिके हूंहूं पातु कटिद्वयम् ॥ १७॥

saptākṣarī mahāvidyā sarvatantreṣu gopitā |hrīṃhrīṃ dakṣiṇe kālike hūṃhūṃ pātu kaṭidvayam || 17||

काली दशाक्षरी विद्या स्वाहा मामूरुयुग्मकम् ।ॐ क्रीङ्क्रीं मे स्वाहा पातु कालिका जानुनी सदा ॥ १८॥

kālī daśākṣarī vidyā svāhā māmūruyugmakam |oṃ krīṅkrīṃ me svāhā pātu kālikā jānunī sadā || 18||

कालीहृन्नामविद्येयञ्चतुर्वर्गफलप्रदा ।क्रींह्रींह्रीं पातु सा गुल्फन्दक्षिणे कालिकाऽवतु ॥ १९॥

kālīhṛnnāmavidyeyañcaturvargaphalapradā |krīṃhrīṃhrīṃ pātu sā gulphandakṣiṇe kālikā'vatu || 19||

क्रींह्रूंह्रीं स्वाहा पदम्पातु चतुर्द्दशाक्षरी मम ।खड्गमुण्डधरा काली वरदाभयधारिणी ॥ २०॥

krīṃhrūṃhrīṃ svāhā padampātu caturddaśākṣarī mama |khaḍgamuṇḍadharā kālī varadābhayadhāriṇī || 20||

विद्याभिस्सकलाभिः सा सर्वाङ्गमभितोऽवतु ।काली कपालिनी कुल्ला कुरुकुल्ला विरोधिनी ॥ २१॥

vidyābhissakalābhiḥ sā sarvāṅgamabhito'vatu |kālī kapālinī kullā kurukullā virodhinī || 21||

विप्रचित्ता तथोग्रोग्रप्रभा दीप्ता घनत्विषा ।नीला घना वलाका च मात्रा मुद्रा मिता च माम् ॥ २२॥

vipracittā tathogrograprabhā dīptā ghanatviṣā |nīlā ghanā valākā ca mātrā mudrā mitā ca mām || 22||

एतास्सर्वाः खड्गधरा मुण्डमालाविभूषणाः ।रक्षन्तु दिग्विदिक्षु मां ब्राह्मी नारायणी तथा ॥ २३॥

etāssarvāḥ khaḍgadharā muṇḍamālāvibhūṣaṇāḥ |rakṣantu digvidikṣu māṃ brāhmī nārāyaṇī tathā || 23||

माहेश्वरी च चामुण्डा कौमारी चापराजिता ।वाराही नारसिम्ही च सर्वाश्चामितभूषणाः ॥ २४॥

māheśvarī ca cāmuṇḍā kaumārī cāparājitā |vārāhī nārasimhī ca sarvāścāmitabhūṣaṇāḥ || 24||

रक्षन्तु स्वायुधैर्दिक्षु विदिक्षु मां यथा तथा ।इति ते कथितं दिव्यं कवचं परमाद्भुतम् ॥ २५॥

rakṣantu svāyudhairdikṣu vidikṣu māṃ yathā tathā |iti te kathitaṃ divyaṃ kavacaṃ paramādbhutam || 25||

श्रीजगन्मङ्गलन्नाम महाविद्यौघविग्रहम् ।त्रैलोक्याकर्षणं ब्रह्मन्कवचं मन्मुखोदितम् ॥ २६॥

śrījaganmaṅgalannāma mahāvidyaughavigraham |trailokyākarṣaṇaṃ brahmankavacaṃ manmukhoditam || 26||

गुरुपूजाँ विधायाथ विधिवत्प्रपठेत्ततः ।कवचन्त्रिस्सकृद्वापि यावज्जीवञ्च वा पुनः ॥ २७॥

gurupūjām̐ vidhāyātha vidhivatprapaṭhettataḥ |kavacantrissakṛdvāpi yāvajjīvañca vā punaḥ || 27||

एतच्छतार्द्धमावृत्य त्रैलोक्यविजयी भवेत् ।त्रैलोक्यङ्क्षोभयत्येव कवचस्य प्रसादतः ॥ २८॥

etacchatārddhamāvṛtya trailokyavijayī bhavet |trailokyaṅkṣobhayatyeva kavacasya prasādataḥ || 28||

महाकविर्भवेन्मासं सर्वसिद्धीश्वरो भवेत् ।पुष्पाञ्जलीन्कालिकायै मूलेनैवार्पयेत् सकृत् ॥ २९॥

mahākavirbhavenmāsaṃ sarvasiddhīśvaro bhavet |puṣpāñjalīnkālikāyai mūlenaivārpayet sakṛt || 29||

शतवर्षसहस्राणां पूजायाः फलमाप्नुयात् ।भूर्जे विलिखितञ्चैतत् स्वर्णस्थन्धारयेद्यदि ॥ ३०॥

śatavarṣasahasrāṇāṃ pūjāyāḥ phalamāpnuyāt |bhūrje vilikhitañcaitat svarṇasthandhārayedyadi || 30||

विशाखायां दक्षबाहौ कण्ठे वा धारयेद्यदि ।त्रैलोक्यं मोहयेत् क्रोधात्त्रैलोक्यञ्चूर्णयेत्क्षणात् ॥ ३१॥

viśākhāyāṃ dakṣabāhau kaṇṭhe vā dhārayedyadi |trailokyaṃ mohayet krodhāttrailokyañcūrṇayetkṣaṇāt || 31||

पुत्रवान्धनवाञ्श्रीमान्नानाविद्यानिधिर्भवेत् ।ब्रह्मास्त्रादीनि शस्त्राणि तद्गात्रस्पर्शनात्ततः ॥ ३२॥

putravāndhanavāñśrīmānnānāvidyānidhirbhavet |brahmāstrādīni śastrāṇi tadgātrasparśanāttataḥ || 32||

नाशमायाति या नारी वन्ध्या वा मृतपुत्रिनी ।बह्वपत्या जीवतोका भवत्येव न संशयः ॥ ३३॥

nāśamāyāti yā nārī vandhyā vā mṛtaputrinī |bahvapatyā jīvatokā bhavatyeva na saṃśayaḥ || 33||

न देयम्परशिष्येभ्यो ह्यभक्तेभ्यो विशेषतः ।शिष्येभ्यो भक्तियुक्तेभ्यो ह्यन्यथा मृत्युमाप्नुयात् ॥ ३४॥

na deyamparaśiṣyebhyo hyabhaktebhyo viśeṣataḥ |śiṣyebhyo bhaktiyuktebhyo hyanyathā mṛtyumāpnuyāt || 34||

स्पर्द्धामुद्धूय कमला वाग्देवी मन्दिरे सुखे ।पौत्रान्तं स्थैर्यमास्थाय निवसत्येव निश्चितम् ॥ ३५॥

sparddhāmuddhūya kamalā vāgdevī mandire sukhe |pautrāntaṃ sthairyamāsthāya nivasatyeva niścitam || 35||

इदं कवचमज्ञात्वा यो भजेद्(कालि)घोरदक्षिणाम् ॥शतलक्षम्प्रजप्त्वापि तस्य विद्या न सिद्।ह्ध्यति ॥सहस्रघातमाप्नोति सोऽचिरान्मृत्युमाप्नुयात् ॥ ३६॥

idaṃ kavacamajñātvā yo bhajed(kāli)ghoradakṣiṇām ||śatalakṣamprajaptvāpi tasya vidyā na sid|hdhyati ||sahasraghātamāpnoti so'cirānmṛtyumāpnuyāt || 36||

इति कालीकवचं अथवा जगन्मङ्गलकवचम् अथवा श्यामाकवचं सम्पूर्णम् ।

iti kālīkavacaṃ athavā jaganmaṅgalakavacam athavā śyāmākavacaṃ sampūrṇam |