छिन्नमस्तास्तोत्रम् २ श्रीछिन्नमस्तास्तवराजः Chhhinnamastastotram 2

श्रीछिन्नमस्तास्तवराजं चश्रीगणेशाय नमः ।अथ स्तोत्रम् ।ईश्वर उवाचस्तवराजमहं वन्दे वैरोचन्याः शुभप्रदम् ।नाभौ शुभ्रारविन्दं तदुपरि विलसन्मण्डलं चण्डरश्मेःसंसारस्यैकसारां त्रिभुवनजननीं धर्मकामार्थदात्रीम् ।तस्मिन्मध्ये त्रिमार्गे त्रितयतनुधरां छिन्नमस्तां प्रशस्तांतां वन्दे छिन्नमस्तां शमनभयहरां योगिनीं योगमुद्राम् ॥ १॥

śrīchinnamastāstavarājaṃ caśrīgaṇeśāya namaḥ |atha stotram |īśvara uvācastavarājamahaṃ vande vairocanyāḥ śubhapradam |nābhau śubhrāravindaṃ tadupari vilasanmaṇḍalaṃ caṇḍaraśmeḥsaṃsārasyaikasārāṃ tribhuvanajananīṃ dharmakāmārthadātrīm |tasminmadhye trimārge tritayatanudharāṃ chinnamastāṃ praśastāṃtāṃ vande chinnamastāṃ śamanabhayaharāṃ yoginīṃ yogamudrām || 1||

नाभौ शुद्धसरोजवक्त्रविलसद्बन्धूकपुष्पारुणंभास्वद्भास्करमण्डलं तदुदरे तद्योनिचक्रं महत् ।तन्मध्ये विपरीतमैथुनरतप्रद्युम्नसत्कामिन्पृष्ठस्थाम् तरुणार्ककोटिविलसत्तेजस्स्वरूपां भजे ॥ २॥

nābhau śuddhasarojavaktravilasadbandhūkapuṣpāruṇaṃbhāsvadbhāskaramaṇḍalaṃ tadudare tadyonicakraṃ mahat |tanmadhye viparītamaithunaratapradyumnasatkāminpṛṣṭhasthām taruṇārkakoṭivilasattejassvarūpāṃ bhaje || 2||

वामे छिन्नशिरोधरां तदितरे पाणौ महत्कर्तृकांप्रत्यालीढपदां दिगन्तवसनामुन्मुक्तकेशव्रजाम् ।छिन्नात्मीयशिरस्समुच्छलदसृग्धारां पिबन्तीं परांबालादित्यसमप्रकाशविलसन्नेत्रत्रयोद्भासिनीम् ॥ ३॥

vāme chinnaśirodharāṃ taditare pāṇau mahatkartṛkāṃpratyālīḍhapadāṃ digantavasanāmunmuktakeśavrajām |chinnātmīyaśirassamucchaladasṛgdhārāṃ pibantīṃ parāṃbālādityasamaprakāśavilasannetratrayodbhāsinīm || 3||

वामादन्यत्र नालं बहुगहनगलद्रक्तधाराभिरुच्चैःगायन्तीमस्थिभूषां करकमललसत्कर्तृकामुग्ररूपाम् ।रक्तामारक्तकेशीमपगतवसनां वर्णिनीमात्मशक्तिंप्रत्यालीढोरुपादामरुणितनयनां योगिनीं योगनिद्राम् ॥ ४॥

vāmādanyatra nālaṃ bahugahanagaladraktadhārābhiruccaiḥgāyantīmasthibhūṣāṃ karakamalalasatkartṛkāmugrarūpām |raktāmāraktakeśīmapagatavasanāṃ varṇinīmātmaśaktiṃpratyālīḍhorupādāmaruṇitanayanāṃ yoginīṃ yoganidrām || 4||

दिग्वस्त्रां मुक्तकेशीं प्रलयघनघटाघोररूपां प्रचण्डांदंष्ट्रा दुष्प्रेक्ष्य वक्त्रोदरविवरलसल्लोलजिह्वाग्रभासाम् ।विद्युल्लोलाक्षियुग्मां हृदयतटलसद्भोगिनीं भीममूर्त्तिंसद्यश्छिन्नात्मकण्ठप्रगलितरुधिरैर्डाकिनीं वर्धयन्तीम् ॥ ५॥

digvastrāṃ muktakeśīṃ pralayaghanaghaṭāghorarūpāṃ pracaṇḍāṃdaṃṣṭrā duṣprekṣya vaktrodaravivaralasallolajihvāgrabhāsām |vidyullolākṣiyugmāṃ hṛdayataṭalasadbhoginīṃ bhīmamūrttiṃsadyaśchinnātmakaṇṭhapragalitarudhirairḍākinīṃ vardhayantīm || 5||

ब्रह्मेशानाच्युताद्यैः शिरसि विनिहता मन्दपादारविन्दैराप्तैर्योगीन्द्रमुख्यैः प्रतिपदमनिशं चिन्तितां चिन्त्यरूपाम् ।संसारे सारभूतां त्रिभुवनजननीं छिन्नमस्तां प्रशस्तामिष्टां तामिष्टदात्रीं कलिकलुषहरां चेतसा चिन्तयामि ॥ ६॥

brahmeśānācyutādyaiḥ śirasi vinihatā mandapādāravindairāptairyogīndramukhyaiḥ pratipadamaniśaṃ cintitāṃ cintyarūpām |saṃsāre sārabhūtāṃ tribhuvanajananīṃ chinnamastāṃ praśastāmiṣṭāṃ tāmiṣṭadātrīṃ kalikaluṣaharāṃ cetasā cintayāmi || 6||

उत्पत्तिस्थितिसंहतीर्घटयितुं धत्ते त्रिरूपां तनुम् ।त्रैगुण्याज्जगतो यदीय विकृतिर्ब्रह्माच्युतः शूलभृत् ॥तामाद्यां प्रकृतिं स्मरामि मनसा सर्वार्थसंसिद्धये ।यस्याः स्मेरपदारविन्दयुगले लाभं भजन्ते नराः ॥ ७॥

utpattisthitisaṃhatīrghaṭayituṃ dhatte trirūpāṃ tanum |traiguṇyājjagato yadīya vikṛtirbrahmācyutaḥ śūlabhṛt ||tāmādyāṃ prakṛtiṃ smarāmi manasā sarvārthasaṃsiddhaye |yasyāḥ smerapadāravindayugale lābhaṃ bhajante narāḥ || 7||

अभिलषितपरस्त्रीयोगपूजापरोऽहंबहुविधजनभावारम्भसम्भावितोऽहम् ।पशुजनविरतोऽहं भैरवीसंस्थितोऽहंगुरुचरणपरोऽहं भैरवोऽहं शिवोऽहम् ॥ ८॥

abhilaṣitaparastrīyogapūjāparo'haṃbahuvidhajanabhāvārambhasambhāvito'ham |paśujanavirato'haṃ bhairavīsaṃsthito'haṃgurucaraṇaparo'haṃ bhairavo'haṃ śivo'ham || 8||

इदं स्तोत्रं महापुण्यं ब्रह्मणा भाषितं पुरा ।सर्वसिद्धिप्रदं साक्षान्महापातकनाशनम् ॥ ९॥

idaṃ stotraṃ mahāpuṇyaṃ brahmaṇā bhāṣitaṃ purā |sarvasiddhipradaṃ sākṣānmahāpātakanāśanam || 9||

यः पठेत्प्रातरुत्थाय देव्याः सन्निहितोऽपि वा ।तस्य सिद्धिर्भवेद्देवि वाञ्छितार्त्थप्रदायिनी ॥ १०॥

yaḥ paṭhetprātarutthāya devyāḥ sannihito'pi vā |tasya siddhirbhaveddevi vāñchitārtthapradāyinī || 10||

धनं धान्यं सुतं जायां हयं हस्तिनमेव च ।वसुन्धरां महाविद्यामष्टसिद्धिं लभेद् ध्रुवम् ॥ ११॥

dhanaṃ dhānyaṃ sutaṃ jāyāṃ hayaṃ hastinameva ca |vasundharāṃ mahāvidyāmaṣṭasiddhiṃ labhed dhruvam || 11||

वैयाघ्राजिनरञ्जितस्वजघनेऽरण्ये प्रलम्बोदरेखर्वेऽनिर्वचनीयपर्वसुभगे मुण्डावलीमण्डिते ।कर्त्रीं कुन्दरुचिं विचित्रवनितां ज्ञाने दधाने पदेमातर्भक्तजनानुकम्पिनि महामायेऽस्तु तुभ्यं नमः ॥ १२इति ब्रह्मकृतं छिन्नमस्तास्तोत्रम् ॥श्रीछिन्नमस्तास्तवराजं च

vaiyāghrājinarañjitasvajaghane'raṇye pralambodarekharve'nirvacanīyaparvasubhage muṇḍāvalīmaṇḍite |kartrīṃ kundaruciṃ vicitravanitāṃ jñāne dadhāne pademātarbhaktajanānukampini mahāmāye'stu tubhyaṃ namaḥ || 12iti brahmakṛtaṃ chinnamastāstotram ||śrīchinnamastāstavarājaṃ ca