कालीस्तुतिः दक्षप्रोक्ता २ Dakshaprokta Kali Stuti (2)

दक्ष उवाचशिवा शान्ता महामाया योगनिद्रा जगन्मयी ।या प्रोच्यते विष्णुमाया तां नमामि सनातनीम् ॥ ४९॥

dakṣa uvācaśivā śāntā mahāmāyā yoganidrā jaganmayī |yā procyate viṣṇumāyā tāṃ namāmi sanātanīm || 49||

यया धाता जगत्सृष्टौ नियुक्तस्तां पुराकरोत् ।स्थितिञ्च विष्णुरकरोद्यन्नियोगाज्जगत्पतिः ॥ ५०॥

yayā dhātā jagatsṛṣṭau niyuktastāṃ purākarot |sthitiñca viṣṇurakarodyanniyogājjagatpatiḥ || 50||

शम्भुरन्तं ततो देवीं त्वां नमाभि महीयसीम् ।विकाररहितां शुद्धामप्रमेयां प्रभावतीम् ।प्रमाणमानमेयाख्यां प्रणमामि सुखात्मिकाम् ॥ ५१॥

śambhurantaṃ tato devīṃ tvāṃ namābhi mahīyasīm |vikārarahitāṃ śuddhāmaprameyāṃ prabhāvatīm |pramāṇamānameyākhyāṃ praṇamāmi sukhātmikām || 51||

यस्त्वां विचिन्तयेद्देवीं विद्याविद्यात्मिकां पराम् ।तस्य भोग्यञ्च मुक्तिश्च सदा करतले स्थिता ॥ ५२॥

yastvāṃ vicintayeddevīṃ vidyāvidyātmikāṃ parām |tasya bhogyañca muktiśca sadā karatale sthitā || 52||

यस्त्वां प्रत्यक्षतो देवीं सकृत् पश्यति पावनीम् ।तस्यावश्यं भवेन्मुक्तिर्विद्याविद्याप्रकाशिकाम् ॥ ५३॥

yastvāṃ pratyakṣato devīṃ sakṛt paśyati pāvanīm |tasyāvaśyaṃ bhavenmuktirvidyāvidyāprakāśikām || 53||

योगनिद्रे महामाये विष्णुमाये जगन्मयि ।या प्रमाणार्थसम्पन्ना चेतना सा तवात्मिका ॥ ५४॥

yoganidre mahāmāye viṣṇumāye jaganmayi |yā pramāṇārthasampannā cetanā sā tavātmikā || 54||

ये स्तुवन्ति जगन्मातर्भवतीमम्बिकेति च ।जगन्मयीति मायेति सर्वं तेषां भविष्यति ॥ ५५॥

ye stuvanti jaganmātarbhavatīmambiketi ca |jaganmayīti māyeti sarvaṃ teṣāṃ bhaviṣyati || 55||

इति कालिकापुराणे अष्टमाध्यायान्तर्गता दक्षप्रोक्ता कालीस्तुतिः समाप्ता ।

iti kālikāpurāṇe aṣṭamādhyāyāntargatā dakṣaproktā kālīstutiḥ samāptā |