डाकिनीस्तोत्रम् कालिपावनस्तोत्रम् च Dakini Stotram

आनन्दभैरवी उवाचअथ वक्ष्ये महाकाल मूलपद्मविवेचनम् ।यत् कृत्वा अमरो भूत्वा वसेत् कालचतुष्टयम् ॥ १॥

ānandabhairavī uvācaatha vakṣye mahākāla mūlapadmavivecanam |yat kṛtvā amaro bhūtvā vaset kālacatuṣṭayam || 1||

अथ षट्चक्रभेदार्थे भेदिनीशक्तिमाश्रयेत् ।छेदिनीं सर्वग्रन्थीनां योगिनीं समुपाश्रयेत् ॥ २॥

atha ṣaṭcakrabhedārthe bhedinīśaktimāśrayet |chedinīṃ sarvagranthīnāṃ yoginīṃ samupāśrayet || 2||

तस्या मन्त्रान् प्रवक्ष्यामि येन सिद्धो भवेन्नरः ।आदौ शृणु महामन्त्रं भेदिन्याः परं मनुम् ॥ ३॥

tasyā mantrān pravakṣyāmi yena siddho bhavennaraḥ |ādau śṛṇu mahāmantraṃ bhedinyāḥ paraṃ manum || 3||

आदौ कालींसमुत्कृत्य ब्रह्ममन्त्रं ततः परम् ।देव्याः प्रणवमुद्धृत्य भेदनी तदनन्तरम् ॥ ४॥

ādau kālīṃsamutkṛtya brahmamantraṃ tataḥ param |devyāḥ praṇavamuddhṛtya bhedanī tadanantaram || 4||

ततो हि मम गृह्णीयात् प्रापय द्वयमेव च ।चित्तचञ्चीशब्दान्ते मां रक्ष युग्ममेव च ॥ ५॥

tato hi mama gṛhṇīyāt prāpaya dvayameva ca |cittacañcīśabdānte māṃ rakṣa yugmameva ca || 5||

भेदिनी मम शब्दान्ते अकालमरणं हर ।हर युग्मं स्वं महापापं नमो नमोऽग्निजायया ॥ ६॥

bhedinī mama śabdānte akālamaraṇaṃ hara |hara yugmaṃ svaṃ mahāpāpaṃ namo namo'gnijāyayā || 6||

एतन्मन्त्रं जपेत्तत्र डाकिनीरक्षसि प्रभो ।आदौ प्रणवमुद्धृत्य ब्रह्ममन्त्रं ततः परम् ॥ ७॥

etanmantraṃ japettatra ḍākinīrakṣasi prabho |ādau praṇavamuddhṛtya brahmamantraṃ tataḥ param || 7||

शाम्भवीति ततश्चोक्त्वा ब्राह्मणीति पदं ततः ।मनोनिवेशं कुरुते तारयेति द्विधापदम् ॥ ८॥

śāmbhavīti tataścoktvā brāhmaṇīti padaṃ tataḥ |manoniveśaṃ kurute tārayeti dvidhāpadam || 8||

छेदिनीपदमुद्धृत्य मम मानसशब्दतः ।महान्धकारमुद्धृत्य छेदयेति द्विधापदम् ॥ ९॥

chedinīpadamuddhṛtya mama mānasaśabdataḥ |mahāndhakāramuddhṛtya chedayeti dvidhāpadam || 9||

स्वाहान्तं मनुमुद्धृत्य जपेन्मूलाम्बुजे सुधीः ।एतन्मन्त्रप्रसादेन जीवन्मुक्तो भवेन्नरः ॥ १०॥

svāhāntaṃ manumuddhṛtya japenmūlāmbuje sudhīḥ |etanmantraprasādena jīvanmukto bhavennaraḥ || 10||

तथा स्त्रीयोगिनीमन्त्रं जपेत्तत्रैव शङ्कर ।ॐ घोररूपिणिपदं सर्वव्यापिनि शङ्कर ॥ ११॥

tathā strīyoginīmantraṃ japettatraiva śaṅkara |oṃ ghorarūpiṇipadaṃ sarvavyāpini śaṅkara || 11||

महायोगिनि मे पापं शोकं रोगं हरेति च ।विपक्षं छेदयेत्युक्त्वा योगं मय्यर्पय द्वयम् ॥ १२॥

mahāyogini me pāpaṃ śokaṃ rogaṃ hareti ca |vipakṣaṃ chedayetyuktvā yogaṃ mayyarpaya dvayam || 12||

स्वाहान्तं मनुमुद्धृत्य जपाद्योगी भवेन्नरः ।खेचरत्वं समाप्नोति योगाभ्यासेन योगिराट् ॥ १३॥

svāhāntaṃ manumuddhṛtya japādyogī bhavennaraḥ |khecaratvaṃ samāpnoti yogābhyāsena yogirāṭ || 13||

डाकिनीं ब्रह्मणा युक्तां मूले ध्यात्वा पुनः पुनः ।जपेन्मन्त्रं सदायोगी ब्रह्ममन्त्रेण योगवित् ॥ १४॥

ḍākinīṃ brahmaṇā yuktāṃ mūle dhyātvā punaḥ punaḥ |japenmantraṃ sadāyogī brahmamantreṇa yogavit || 14||

ब्रह्ममन्त्रं प्रवक्ष्यामि तज्जापेनापि योगिराट् ।ब्रह्ममन्त्रप्रसादेन जडो योगी न संशयः ॥ १५॥

brahmamantraṃ pravakṣyāmi tajjāpenāpi yogirāṭ |brahmamantraprasādena jaḍo yogī na saṃśayaḥ || 15||

प्रणवत्रयमुद्धृत्य दीर्घप्रणवयुग्मकम् ।तदन्ते प्रणवत्रीणि ब्रह्म ब्रह्म त्रयं त्रयम् ॥ १६॥

praṇavatrayamuddhṛtya dīrghapraṇavayugmakam |tadante praṇavatrīṇi brahma brahma trayaṃ trayam || 16||

सर्वसिद्धिपदस्यान्ते पालयेति च मां पदम् ।सत्त्वं गुणो रक्ष रक्ष मायास्वाहापदं जपेत् ॥ १७॥

sarvasiddhipadasyānte pālayeti ca māṃ padam |sattvaṃ guṇo rakṣa rakṣa māyāsvāhāpadaṃ japet || 17||

डाकिनीमन्त्रराजञ्च शृणुष्व परमेश्वर ।यज्जप्त्वा डाकिनी वश्या त्रैलोक्यस्थितिपालकाः ॥ १८॥

ḍākinīmantrarājañca śṛṇuṣva parameśvara |yajjaptvā ḍākinī vaśyā trailokyasthitipālakāḥ || 18||

यो जपेत् डाकिनीमन्त्रं चैतन्या कुण्डली झटित् ।अनायासेन सिद्धिः स्यात् परमात्मप्रदर्शनम् ॥ १९॥

yo japet ḍākinīmantraṃ caitanyā kuṇḍalī jhaṭit |anāyāsena siddhiḥ syāt paramātmapradarśanam || 19||

मायात्रयं समुद्धृत्य प्रणवैकं ततः परम् ।डाकिन्यन्ते महाशब्दं डाकिन्यम्बपदं ततः ॥ २०॥

māyātrayaṃ samuddhṛtya praṇavaikaṃ tataḥ param |ḍākinyante mahāśabdaṃ ḍākinyambapadaṃ tataḥ || 20||

पुनः प्रणवमुद्धृत्य मायात्रयं ततः परम् ।मम योगसिद्धिमन्ते साधयेति द्विधापदम् ॥ २१॥

punaḥ praṇavamuddhṛtya māyātrayaṃ tataḥ param |mama yogasiddhimante sādhayeti dvidhāpadam || 21||

मनुमुद्धृत्य देवेशि जपाद्योगी भवेज्जडः ।जप्त्वा सम्पूजयेन्मन्त्री पुरश्चरणसिद्धये ॥ २२॥

manumuddhṛtya deveśi japādyogī bhavejjaḍaḥ |japtvā sampūjayenmantrī puraścaraṇasiddhaye || 22||

सर्वत्र चित्तसाम्येन द्रव्यादिविविधानि च ।पूजयित्वा मूलपद्मे चित्तोपकरणेन च ॥ २३॥

sarvatra cittasāmyena dravyādivividhāni ca |pūjayitvā mūlapadme cittopakaraṇena ca || 23||

ततो मानसजापञ्च स्तोत्रञ्च कालिपावनम् ।पठित्वा योगिराट् भूत्त्वा वसेत् षट्चक्रवेश्मनि ॥ २४॥

tato mānasajāpañca stotrañca kālipāvanam |paṭhitvā yogirāṭ bhūttvā vaset ṣaṭcakraveśmani || 24||

शक्तियुक्तं विधिं यस्तु स्तौति नित्यं महेश्वर ।तस्यैव पालनार्थाय मम यन्त्रं महीतले ॥ २५॥

śaktiyuktaṃ vidhiṃ yastu stauti nityaṃ maheśvara |tasyaiva pālanārthāya mama yantraṃ mahītale || 25||

तत् स्तोत्रं शृणु योगार्थं सावधानावधारय ।एतत्स्तोत्रप्रसादेन महालयवशो भवेत् ॥ २६॥

tat stotraṃ śṛṇu yogārthaṃ sāvadhānāvadhāraya |etatstotraprasādena mahālayavaśo bhavet || 26||

कालिपावन स्तोत्रम् ।ब्रह्माणं हंससङ्घायुतशरणवदावाहनं देववक्त्र।विद्यादानैकहेतुं तिमिचरनयनाग्नीन्दुफुल्लारविन्दम्वागीशं वाग्गतिस्थं मतिमतविमलं बालार्कं चारुवर्णम् ।डाकिन्यालिङ्गितं तं सुरनरवरदं भावयेन्मूलपद्मे ॥ २७॥

kālipāvana stotram |brahmāṇaṃ haṃsasaṅghāyutaśaraṇavadāvāhanaṃ devavaktra|vidyādānaikahetuṃ timicaranayanāgnīnduphullāravindamvāgīśaṃ vāggatisthaṃ matimatavimalaṃ bālārkaṃ cāruvarṇam |ḍākinyāliṅgitaṃ taṃ suranaravaradaṃ bhāvayenmūlapadme || 27||

नित्यां ब्रह्मपरायणां सुखमयीं ध्यायेन्मुदा डाकिनी।रक्तां गच्छविमोहिनीं कुलपथे ज्ञानाकुलज्ञानिनीम् ।मूलाम्भोरुहमध्यदेशनिकटे भूविम्बमध्ये प्रभा।हेतुस्थां गतिमोहिनीं श्रुतिभुजां विद्यां भवाह्लादिनीम् ॥ २८॥

nityāṃ brahmaparāyaṇāṃ sukhamayīṃ dhyāyenmudā ḍākinī|raktāṃ gacchavimohinīṃ kulapathe jñānākulajñāninīm |mūlāmbhoruhamadhyadeśanikaṭe bhūvimbamadhye prabhā|hetusthāṃ gatimohinīṃ śrutibhujāṃ vidyāṃ bhavāhlādinīm || 28||

विद्यावास्तवमालया गलतलप्रालम्बशोभाकरा।ध्यात्वा मूलनिकेतने निजकुले यः स्तौति भक्त्या सुधीः ।नानाकारविकारसारकिरणां कर्त्री विधो योगिना।मुख्यां मुख्यजनस्थितां स्थितिमतिं सत्त्वाश्रितामाश्रये ॥ २९॥

vidyāvāstavamālayā galatalaprālambaśobhākarā|dhyātvā mūlaniketane nijakule yaḥ stauti bhaktyā sudhīḥ |nānākāravikārasārakiraṇāṃ kartrī vidho yoginā|mukhyāṃ mukhyajanasthitāṃ sthitimatiṃ sattvāśritāmāśraye || 29||

या देवी नवडाकिनी स्वरमणी विज्ञानिनी मोहिनी ।मां पातु पिरयकामिनी भवविधेरानन्दसिन्धूद्भवा ।मे मूलं गुणभासिनी प्रचयतु श्रीः कीतीचक्रं हि मा।नित्या सिद्धिगुणोदया सुरदया श्रीसंज्ञया मोहिता ॥ ३०॥

yā devī navaḍākinī svaramaṇī vijñāninī mohinī |māṃ pātu pirayakāminī bhavavidherānandasindhūdbhavā |me mūlaṃ guṇabhāsinī pracayatu śrīḥ kītīcakraṃ hi mā|nityā siddhiguṇodayā suradayā śrīsaṃjñayā mohitā || 30||

तन्मध्ये परमाकला कुलफला बाणप्रकाण्डाकराराका राशषसादशा शशिघटा लोलामला कोमला ।सा माता नवमालिनी मम कुलं मूलाम्बुजं सर्वदा ।सा देवी लवराकिणी कलिफलोल्लासैकबीजान्तरा ॥ ३१॥

tanmadhye paramākalā kulaphalā bāṇaprakāṇḍākarārākā rāśaṣasādaśā śaśighaṭā lolāmalā komalā |sā mātā navamālinī mama kulaṃ mūlāmbujaṃ sarvadā |sā devī lavarākiṇī kaliphalollāsaikabījāntarā || 31||

धात्री धैर्यवती सती मधुमती विद्यावती भारती ।कल्याणी कुलकन्यकाधरनरारूपा हि सूक्ष्मास्पदा ।मोक्षस्था स्थितिपूजिता स्थितिगता माता शुभा योगिना।नौमि श्रीभविकाशयां शमनगां गीतोद्गतां गोपनाम् ॥ ३२॥

dhātrī dhairyavatī satī madhumatī vidyāvatī bhāratī |kalyāṇī kulakanyakādharanarārūpā hi sūkṣmāspadā |mokṣasthā sthitipūjitā sthitigatā mātā śubhā yoginā|naumi śrībhavikāśayāṃ śamanagāṃ gītodgatāṃ gopanām || 32||

कल्केशीं कुलपण्डितां कुलपथग्रन्थिक्रियाच्छेदिनी।नित्यां तां गुणपण्डितां प्रचपलां मालाशतार्कारुणाम् ।विद्यां चण्डगुणोदयां समुदयां त्रैलोक्यरक्षाक्षरा।ब्रह्मज्ञाननिवासिनीं सितशुभानन्दैकबीजोद्गताम् ॥ ३३॥

kalkeśīṃ kulapaṇḍitāṃ kulapathagranthikriyācchedinī|nityāṃ tāṃ guṇapaṇḍitāṃ pracapalāṃ mālāśatārkāruṇām |vidyāṃ caṇḍaguṇodayāṃ samudayāṃ trailokyarakṣākṣarā|brahmajñānanivāsinīṃ sitaśubhānandaikabījodgatām || 33||

गीतार्थानुभवपिरयां सकलया सिद्धप्रभापाटलाम् ।कामाख्यां प्रभजामि जन्मनिलयां हेतुपिरयां सत्क्रियाम् ।सिद्धौ साधनतत्परं परतरं साकाररूपायिताम् ॥ ३४॥

gītārthānubhavapirayāṃ sakalayā siddhaprabhāpāṭalām |kāmākhyāṃ prabhajāmi janmanilayāṃ hetupirayāṃ satkriyām |siddhau sādhanatatparaṃ parataraṃ sākārarūpāyitām || 34||

ब्रह्मज्ञानं निदानं गुणनिधिनयनं कारणानन्दयानम् ।ब्रह्माणं ब्रह्मबीजं रजनिजयजनं यागकार्यानुरागम् ॥ ३५॥

brahmajñānaṃ nidānaṃ guṇanidhinayanaṃ kāraṇānandayānam |brahmāṇaṃ brahmabījaṃ rajanijayajanaṃ yāgakāryānurāgam || 35||

शोकातीतं विनीतं नरजलवचनं सर्वविद्याविधिज्ञम् ।सारात् सारं तरुं तं सकलतिमिरहं हंसगं पूजयामि ॥ ३६॥

śokātītaṃ vinītaṃ narajalavacanaṃ sarvavidyāvidhijñam |sārāt sāraṃ taruṃ taṃ sakalatimirahaṃ haṃsagaṃ pūjayāmi || 36||

एतत्सम्बन्धमार्गं नवनवदलगं वेदवेदाङ्गविज्ञम् ।मूलाम्भोजप्रकाशं तरुणरविशशिप्रोन्नताकारसारम् ॥ ३७॥

etatsambandhamārgaṃ navanavadalagaṃ vedavedāṅgavijñam |mūlāmbhojaprakāśaṃ taruṇaraviśaśipronnatākārasāram || 37||

भावाख्यं भावसिद्धं जयजयदविधिं ध्यानगम्यं पुराणम्पाराख्यं पारणायं परजनजनितं ब्रह्मरूपं भजामि ॥ ३८॥

bhāvākhyaṃ bhāvasiddhaṃ jayajayadavidhiṃ dhyānagamyaṃ purāṇampārākhyaṃ pāraṇāyaṃ parajanajanitaṃ brahmarūpaṃ bhajāmi || 38||

डाकिनीसहितं ब्रह्मध्यानं कृत्वा पठेत् स्तवम् ।पठनाद् धारणान्मन्त्री योगिनां सङ्गतिर्भवेत् ॥ ३९॥

ḍākinīsahitaṃ brahmadhyānaṃ kṛtvā paṭhet stavam |paṭhanād dhāraṇānmantrī yogināṃ saṅgatirbhavet || 39||

एतत्पठनमात्रेण महापातकनाशनम् ।एकरूपं जगन्नाथं विशालनयनाम्बुजम् ॥ ४०॥

etatpaṭhanamātreṇa mahāpātakanāśanam |ekarūpaṃ jagannāthaṃ viśālanayanāmbujam || 40||

एवं ध्यात्वा पठेत् स्तोत्रं पठित्वा योगिराड् भवेत् ॥ ४१॥

evaṃ dhyātvā paṭhet stotraṃ paṭhitvā yogirāḍ bhavet || 41||

इति श्रीरुद्रयामले उत्तरतन्त्रे महातन्त्रोद्दीपनेसिद्धमन्त्रप्रकरणे षट्चक्रसिद्धिसाधनेभैरवभैरवीसंवादे डाकिनी स्तोत्रं सम्पूर्णम् ॥ पटलः ३०॥

iti śrīrudrayāmale uttaratantre mahātantroddīpanesiddhamantraprakaraṇe ṣaṭcakrasiddhisādhanebhairavabhairavīsaṃvāde ḍākinī stotraṃ sampūrṇam || paṭalaḥ 30||