कालीस्तुतिः दक्षप्रोक्ता Dakshaprokta Kali Stuti

मार्कण्डेय उवाचसिंहस्थां कालिकां कृष्णां पीनोत्तुङ्गपयोधराम् ।चतुर्भुजां चारुवक्त्रां नीलोत्पलधरां शुभाम् ॥ ९॥

mārkaṇḍeya uvācasiṃhasthāṃ kālikāṃ kṛṣṇāṃ pīnottuṅgapayodharām |caturbhujāṃ cāruvaktrāṃ nīlotpaladharāṃ śubhām || 9||

वरदाभयदां खड्गहस्तां सर्वगुणान्विताम् ।आरक्तनयनां चारुमुक्तकेशीं मनोहराम् ॥ १०॥

varadābhayadāṃ khaḍgahastāṃ sarvaguṇānvitām |āraktanayanāṃ cārumuktakeśīṃ manoharām || 10||

दृष्ट्वा दक्षोऽथ तुष्टाव महामायां प्रजापतिः ।प्रीत्या परमया युक्तो विनयानतकन्धरः ॥ ११॥

dṛṣṭvā dakṣo'tha tuṣṭāva mahāmāyāṃ prajāpatiḥ |prītyā paramayā yukto vinayānatakandharaḥ || 11||

दक्ष उवाचआनन्दरूपिणीं देवीं जगदानन्दकारिणीम् ।सृष्टिस्थित्यन्तरूपां तां स्तौमि लक्ष्मीं हरेः शुभाम् ॥ १२॥

dakṣa uvācaānandarūpiṇīṃ devīṃ jagadānandakāriṇīm |sṛṣṭisthityantarūpāṃ tāṃ staumi lakṣmīṃ hareḥ śubhām || 12||

सत्त्वोद्रेकप्रकाशेन यज्ज्योतिस्तत्त्वमुत्तमम् ।स्वप्रकाशं जगद्धाम तत्तवांशं महेश्वरि ॥ १३॥

sattvodrekaprakāśena yajjyotistattvamuttamam |svaprakāśaṃ jagaddhāma tattavāṃśaṃ maheśvari || 13||

रजोगुणातिरेकेण यत्कामस्य प्रकाशनम् ।रागस्वरूपं मध्यस्थं तत्तेंऽशांशं जगन्मयि ॥ १४॥

rajoguṇātirekeṇa yatkāmasya prakāśanam |rāgasvarūpaṃ madhyasthaṃ tatteṃ'śāṃśaṃ jaganmayi || 14||

तमोगुणातिरेकेण यद्यन्मोहप्रकाशनम् ।आच्छादनं चेतनानां तत्ते चांशांशगोचरम् ॥ १५॥

tamoguṇātirekeṇa yadyanmohaprakāśanam |ācchādanaṃ cetanānāṃ tatte cāṃśāṃśagocaram || 15||

परा परात्मिका शुद्धा निर्मला लोकमोहिनी ।त्वं त्रिरूपा त्रयी कीर्तिर्वार्त्तास्य जगतो गतिः ॥ १६॥

parā parātmikā śuddhā nirmalā lokamohinī |tvaṃ trirūpā trayī kīrtirvārttāsya jagato gatiḥ || 16||

बिभर्ति माधवो धात्रीं यथा मूर्त्त्या निजोत्थया ।सा मूर्त्तिस्तव सर्वेषां जगतामुपकारिणी ॥ १७॥

bibharti mādhavo dhātrīṃ yathā mūrttyā nijotthayā |sā mūrttistava sarveṣāṃ jagatāmupakāriṇī || 17||

महानुभावा त्वं विश्वशक्तिः सूक्ष्मापराजिता ।यदूर्ध्वाधोनिरोधेन व्यज्यते पवनैः परम् ॥ १८॥

mahānubhāvā tvaṃ viśvaśaktiḥ sūkṣmāparājitā |yadūrdhvādhonirodhena vyajyate pavanaiḥ param || 18||

तज्ज्योतिस्तव मात्रार्थे सात्त्विकं भावसम्मतम् ।यद्योगिनो निरालम्बं निष्फलं निर्मलं परम् ॥ १९॥

tajjyotistava mātrārthe sāttvikaṃ bhāvasammatam |yadyogino nirālambaṃ niṣphalaṃ nirmalaṃ param || 19||

आलम्बयन्ति तत्तत्त्वं त्वदन्तर्गोचरन्तु तत् ।या प्रसिद्धा च कूटस्था सुप्रसिद्धातिनिर्मला ॥ २०॥

ālambayanti tattattvaṃ tvadantargocarantu tat |yā prasiddhā ca kūṭasthā suprasiddhātinirmalā || 20||

सा ज्ञप्तिस्त्वन्निष्प्रपञ्चा प्रपञ्चापि प्रकाशिका ।त्वं विद्या त्वमविद्या च त्वमालम्बा निराश्रया ।प्रपञ्चरूपा जगतामादिशक्तिस्त्वमीश्वरी ॥ २१॥

sā jñaptistvanniṣprapañcā prapañcāpi prakāśikā |tvaṃ vidyā tvamavidyā ca tvamālambā nirāśrayā |prapañcarūpā jagatāmādiśaktistvamīśvarī || 21||

ब्रह्मकण्ठालया शुद्धा वाग्वाणी या प्रगीयते ।वेदप्रकाशनपरा सा त्वं विश्वप्रकाशिनी ॥ २२॥

brahmakaṇṭhālayā śuddhā vāgvāṇī yā pragīyate |vedaprakāśanaparā sā tvaṃ viśvaprakāśinī || 22||

त्वमग्निस्त्वं तथा स्वाहा त्वं स्वधा पितृभिः सह ।त्वं नभस्त्वं कालरूपा त्वं काष्ठा त्वं बहिःस्थिता ॥ २६॥

tvamagnistvaṃ tathā svāhā tvaṃ svadhā pitṛbhiḥ saha |tvaṃ nabhastvaṃ kālarūpā tvaṃ kāṣṭhā tvaṃ bahiḥsthitā || 26||

त्वमचिन्त्या त्वमव्यक्ता तथानिर्देश्यरूपिणी ।त्वं कालरात्रिस्त्वं शान्ता त्वमेव प्रकृतिः परा ॥ २४॥

tvamacintyā tvamavyaktā tathānirdeśyarūpiṇī |tvaṃ kālarātristvaṃ śāntā tvameva prakṛtiḥ parā || 24||

यस्याः संसारलोकानां परित्राणाय यद्बहिः ।रूपं जानन्ति धात्राद्यास्तत्त्वां ज्ञास्यन्ति के पराम् ॥ २५॥

yasyāḥ saṃsāralokānāṃ paritrāṇāya yadbahiḥ |rūpaṃ jānanti dhātrādyāstattvāṃ jñāsyanti ke parām || 25||

प्रसीद भगवत्यम्ब प्रसीद योगरूपिणि ।प्रसीद घोररूपे त्वं जगन्मयि नमोऽस्तु ते ॥ २६॥

prasīda bhagavatyamba prasīda yogarūpiṇi |prasīda ghorarūpe tvaṃ jaganmayi namo'stu te || 26||

इति कालिकापुराणे अष्टमाध्यायान्तर्गता दक्षप्रोक्ता कालीस्तुतिः समाप्ता ।

iti kālikāpurāṇe aṣṭamādhyāyāntargatā dakṣaproktā kālīstutiḥ samāptā |