ब्रह्मलेखिनीसहस्रनामस्तोत्रम् Brahmalekhini Sahasranamastotram

श्रीपरकृष्ण उवाचशृणुध्वं विबुधाः सर्वे सावधानतयाऽधुना ।सप्तधा वारयामि त्वामत्यन्तं गोपनं महत् ॥ ४७॥

śrīparakṛṣṇa uvācaśṛṇudhvaṃ vibudhāḥ sarve sāvadhānatayā'dhunā |saptadhā vārayāmi tvāmatyantaṃ gopanaṃ mahat || 47||

यदि जानाति चञ्चलो ज्योतिर्निरञ्जनः प्रभुः ।तर्हि हन्यात् स योगं वः साधनां च विफलीकृतम् ॥ ४८॥

yadi jānāti cañcalo jyotirnirañjanaḥ prabhuḥ |tarhi hanyāt sa yogaṃ vaḥ sādhanāṃ ca viphalīkṛtam || 48||

न प्रकाशं न वक्तव्यं न देयं दुष्टबुद्धये ।न दातव्यं कुशिष्याय न च पाखण्डमण्डले ॥ ४९॥

na prakāśaṃ na vaktavyaṃ na deyaṃ duṣṭabuddhaye |na dātavyaṃ kuśiṣyāya na ca pākhaṇḍamaṇḍale || 49||

न भ्रमेण न लोभेन न भयादपि कस्यचित् ।सप्तधा वारणं प्रोक्तं रहस्यं परमाद्भुतम् ॥ ५०॥

na bhrameṇa na lobhena na bhayādapi kasyacit |saptadhā vāraṇaṃ proktaṃ rahasyaṃ paramādbhutam || 50||

दीक्षा न वाऽत्र नियमो न मुद्रा न च शोधनम् ।अहमेव परो गुरुः स्वयं वक्ष्यामि तत्त्वतः ॥ ५१॥

dīkṣā na vā'tra niyamo na mudrā na ca śodhanam |ahameva paro guruḥ svayaṃ vakṣyāmi tattvataḥ || 51||

अस्य श्रीदशमहाविद्याब्रह्मलेखिनीसहस्रनामस्तोत्रमन्त्रस्य,श्रीपरब्रह्म ऋषिः, अनुस्तुप छन्दांसि, श्रीब्रह्मलेखिनीश्वरीराज्य श्यामला देवता, सर्वमन्त्रा बीजं, सर्वतन्त्राणि शक्तिः,सर्वयन्त्राणि कीलकम्, परब्रह्मयोनिरष्टमयोगिनी च विनियोगः ॥करन्यासःॐ तत्सवितुः ब्रह्मात्मने अङ्गुष्ठाभ्यां नमः ।ॐ वरेण्यं विष्ण्वात्मने तर्जनीभ्यां नमः ।ॐ भर्गो देवस्य रुद्रात्मने मध्यमाभ्यां नमः ।ॐ धीमहि सत्यात्मने अनामिकाभ्यां नमः ।ॐ धियो यो नः ज्ञानात्मने कनिष्ठिकाभ्यां नमः ।ॐ प्रचोदयात् सर्वात्मने करतलकरपृष्ठाभ्यां नमः ॥हृदयादिन्यासःॐ तत्सवितुः ब्रह्मात्मने हृदयाय नमः ।ॐ वरेण्यं विष्ण्वात्मने शिरसे स्वाहा ।ॐ भर्गो देवस्य रुद्रात्मने शिखायै वषट् ।ॐ धीमहि सत्यात्मने कवचाय हुं ।ॐ धियो यो नः ज्ञानात्मने नेत्रत्रयाय वौषट् ।ॐ प्रचोदयात् सर्वात्मने अस्त्राय फट् ।भूर्भुवःस्वरोमिति दिग्बन्धः ॥अक्षरन्यासःतत् शिरसिस ललाटेवि दक्षिणनेत्रेतु वामनेत्रेर्व दक्षिणकर्णेरे वामकर्णेण्यं नासिकायांभ मुखेर्गो कण्ठेदे दक्षिणस्कन्धेव वामस्कन्धेस्य दक्षिणबाहौधी वामबाहौम हृदयेहि नाभौधि कट्यांयो दक्षिणोरौयो वामोरौनः दक्षिणजानुनिप्र वामजानुनिचो दक्षिणजङ्घायांद वामजङ्घायांयात् पादयोःध्यानम्नीलाम्भोजदलायताक्षरुचिरामर्ककोटिप्रभांब्रह्मज्ञानमयीं सिताम्बरधरां दिव्यैरलङ्कारिताम् ।वामे पुस्तकलेखिनीवरकपालैर्भासितां भीषणांसौम्यास्यां शशिभूषितां त्रिनयनां त्रैलोक्यसम्मोहिनीम् ॥ ५२॥

asya śrīdaśamahāvidyābrahmalekhinīsahasranāmastotramantrasya,śrīparabrahma ṛṣiḥ, anustupa chandāṃsi, śrībrahmalekhinīśvarīrājya śyāmalā devatā, sarvamantrā bījaṃ, sarvatantrāṇi śaktiḥ,sarvayantrāṇi kīlakam, parabrahmayoniraṣṭamayoginī ca viniyogaḥ ||karanyāsaḥoṃ tatsavituḥ brahmātmane aṅguṣṭhābhyāṃ namaḥ |oṃ vareṇyaṃ viṣṇvātmane tarjanībhyāṃ namaḥ |oṃ bhargo devasya rudrātmane madhyamābhyāṃ namaḥ |oṃ dhīmahi satyātmane anāmikābhyāṃ namaḥ |oṃ dhiyo yo naḥ jñānātmane kaniṣṭhikābhyāṃ namaḥ |oṃ pracodayāt sarvātmane karatalakarapṛṣṭhābhyāṃ namaḥ ||hṛdayādinyāsaḥoṃ tatsavituḥ brahmātmane hṛdayāya namaḥ |oṃ vareṇyaṃ viṣṇvātmane śirase svāhā |oṃ bhargo devasya rudrātmane śikhāyai vaṣaṭ |oṃ dhīmahi satyātmane kavacāya huṃ |oṃ dhiyo yo naḥ jñānātmane netratrayāya vauṣaṭ |oṃ pracodayāt sarvātmane astrāya phaṭ |bhūrbhuvaḥsvaromiti digbandhaḥ ||akṣaranyāsaḥtat śirasisa lalāṭevi dakṣiṇanetretu vāmanetrerva dakṣiṇakarṇere vāmakarṇeṇyaṃ nāsikāyāṃbha mukhergo kaṇṭhede dakṣiṇaskandheva vāmaskandhesya dakṣiṇabāhaudhī vāmabāhauma hṛdayehi nābhaudhi kaṭyāṃyo dakṣiṇorauyo vāmoraunaḥ dakṣiṇajānunipra vāmajānunico dakṣiṇajaṅghāyāṃda vāmajaṅghāyāṃyāt pādayoḥdhyānamnīlāmbhojadalāyatākṣarucirāmarkakoṭiprabhāṃbrahmajñānamayīṃ sitāmbaradharāṃ divyairalaṅkāritām |vāme pustakalekhinīvarakapālairbhāsitāṃ bhīṣaṇāṃsaumyāsyāṃ śaśibhūṣitāṃ trinayanāṃ trailokyasammohinīm || 52||

ब्रह्माण्डौघविराजितां च जगतां मूलाधारसंस्थितांशब्दब्रह्ममयीं सुसूक्ष्मलहरीं व्योमकेशप्रियाम् ।श्रीकृष्णस्य हृदम्बुजे विलसितां दिव्यां परां योगिनींवन्दे ब्रह्ममयीं विरिञ्चिगणकां तां ब्रह्मलेखेश्वरीम् ॥ ५३॥

brahmāṇḍaughavirājitāṃ ca jagatāṃ mūlādhārasaṃsthitāṃśabdabrahmamayīṃ susūkṣmalaharīṃ vyomakeśapriyām |śrīkṛṣṇasya hṛdambuje vilasitāṃ divyāṃ parāṃ yoginīṃvande brahmamayīṃ viriñcigaṇakāṃ tāṃ brahmalekheśvarīm || 53||

ॐ ब्रह्मविद्या ब्रह्मराज्ञी ब्रह्माण्डशासनेश्वरी ।परब्रह्मोक्तनिर्मुक्ता मुक्तकेशी चतुर्भुजा ॥ १॥

oṃ brahmavidyā brahmarājñī brahmāṇḍaśāsaneśvarī |parabrahmoktanirmuktā muktakeśī caturbhujā || 1||

लेखिनीपुस्तकहस्ता ब्रह्माण्डभाग्यलेखिका ।अक्षररूपाक्षमाला गुञ्जामूलसुशोभिता ॥ २॥

lekhinīpustakahastā brahmāṇḍabhāgyalekhikā |akṣararūpākṣamālā guñjāmūlasuśobhitā || 2||

अनेकसूर्यकान्तिप्रभा दिव्यकेश्यलङ्कृता ।मस्तकचन्द्रमुकुटा रक्तचन्दनलेपिता ॥ ३॥

anekasūryakāntiprabhā divyakeśyalaṅkṛtā |mastakacandramukuṭā raktacandanalepitā || 3||

श्वेतवर्णा दीर्घकेशी पद्मनयनोज्ज्वला ।दीर्घस्तना श्वेतवस्त्रा दिव्यालङ्कारभूषिता ॥ ४॥

śvetavarṇā dīrghakeśī padmanayanojjvalā |dīrghastanā śvetavastrā divyālaṅkārabhūṣitā || 4||

मनोरूपेक्षुमन्त्रविद्या सर्वार्थविवर्जिता ।महाशून्यनिवासाढ्या मन्त्रयन्त्रैकरूपिणी ॥ ५॥

manorūpekṣumantravidyā sarvārthavivarjitā |mahāśūnyanivāsāḍhyā mantrayantraikarūpiṇī || 5||

शब्दब्रह्ममयी वाणी वदनाम्बुजवासिनी ।कालचक्रभ्रमत्केन्द्रा कालहासातिभीषणा ॥ ६॥

śabdabrahmamayī vāṇī vadanāmbujavāsinī |kālacakrabhramatkendrā kālahāsātibhīṣaṇā || 6||

अनन्तकोटिब्रह्माण्डगर्भाश्रयमहोदरी ।महाप्रलयनृत्यज्ञा कालभैरवमोहिनी ॥ ७॥

anantakoṭibrahmāṇḍagarbhāśrayamahodarī |mahāpralayanṛtyajñā kālabhairavamohinī || 7||

अनाहतध्वनिश्रेणी नादबिन्दुकलात्मिका ।महातेजःपुञ्जधरा सूर्यमण्डलमध्यगा ॥ ८॥

anāhatadhvaniśreṇī nādabindukalātmikā |mahātejaḥpuñjadharā sūryamaṇḍalamadhyagā || 8||

सृष्टिबीजप्रदप्त्री च सृष्टिस्थित्यन्तकारिणी ।परमव्योमनिलया परमज्योतिःस्वरूपिणी ॥ ९॥

sṛṣṭibījapradaptrī ca sṛṣṭisthityantakāriṇī |paramavyomanilayā paramajyotiḥsvarūpiṇī || 9||

महामाया विशालाक्षी महामोहापहारिणी ।महाबुद्धिर्महासिद्धिर्महाशक्तिर्महाद्युतिः ॥ १०॥

mahāmāyā viśālākṣī mahāmohāpahāriṇī |mahābuddhirmahāsiddhirmahāśaktirmahādyutiḥ || 10||

सर्वज्ञशासनधरा सर्वलोकैकवन्दिता ।अविद्याजालभेत्री च विद्याविनयदायिनी ॥ ११॥

sarvajñaśāsanadharā sarvalokaikavanditā |avidyājālabhetrī ca vidyāvinayadāyinī || 11||

ब्रह्मविष्णुशिवाद्यानां शक्तिस्तम्म्भनकारिणी ।महाप्राणमयी देवी चेतनास्पन्दरूपिणी ॥ १२॥

brahmaviṣṇuśivādyānāṃ śaktistammbhanakāriṇī |mahāprāṇamayī devī cetanāspandarūpiṇī || 12||

त्रैलोक्यपूजिताधारा विश्वव्याप्तकलेवरा ।अदृश्यरूपा सूक्ष्मा च स्थूलब्रह्माण्डविग्रहा ॥ १३॥

trailokyapūjitādhārā viśvavyāptakalevarā |adṛśyarūpā sūkṣmā ca sthūlabrahmāṇḍavigrahā || 13||

सर्वतन्त्रस्वतन्त्रा च सर्वमन्त्रमहोदधिः ।चिच्छक्तिश्चिद्रसा देवी चिन्मय्यानन्ददायिनी ॥ १४॥

sarvatantrasvatantrā ca sarvamantramahodadhiḥ |cicchaktiścidrasā devī cinmayyānandadāyinī || 14||

अकारादिक्षकारान्ता वर्णमालाविभूषणा ।ऋग्यजुःसामाथर्वाख्या वेदत्रयशिरोमणिः ॥ १५॥

akārādikṣakārāntā varṇamālāvibhūṣaṇā |ṛgyajuḥsāmātharvākhyā vedatrayaśiromaṇiḥ || 15||

पञ्चभूतात्मिका शक्तिः षडध्वपरिशोधिनी ।सप्तमन्वादिजननी ह्यष्टयोगिनिवन्दिता ॥ १६॥

pañcabhūtātmikā śaktiḥ ṣaḍadhvapariśodhinī |saptamanvādijananī hyaṣṭayoginivanditā || 16||

नवचक्रस्थिताधारा दशविद्याप्रकाशिनी ।एकादशमहापर्वपीठमण्डपवासिनी ॥ १७॥

navacakrasthitādhārā daśavidyāprakāśinī |ekādaśamahāparvapīṭhamaṇḍapavāsinī || 17||

द्वादशार्कप्रभोज्ज्वला त्रयोदशकलात्मिका ।चतुर्दशजगन्माता पञ्चदश्यादिमन्त्रगा ॥ १८॥

dvādaśārkaprabhojjvalā trayodaśakalātmikā |caturdaśajaganmātā pañcadaśyādimantragā || 18||

षोडशस्वरसंयुक्ता सप्तदशसुधाधारा ।अष्टादशमहाशास्त्रपुराणज्ञानलेखिका ॥ १९॥

ṣoḍaśasvarasaṃyuktā saptadaśasudhādhārā |aṣṭādaśamahāśāstrapurāṇajñānalekhikā || 19||

एकोनविंशतिव्याप्तविश्वविज्ञानरूपिणी ।कालातीता पराशक्तिः सर्वतत्त्वप्रबोधिनी ॥ २०॥

ekonaviṃśativyāptaviśvavijñānarūpiṇī |kālātītā parāśaktiḥ sarvatattvaprabodhinī || 20||

शून्यगर्भा निराकारा महाशून्यावभासिनी ।अव्यक्ताव्यक्तमूला च बिन्दुनादविमर्शिनी ॥ २१॥

śūnyagarbhā nirākārā mahāśūnyāvabhāsinī |avyaktāvyaktamūlā ca bindunādavimarśinī || 21||

प्रथमा चेतनाधारा सुप्तविश्वप्रबोधिनी ।इच्छाशक्तिमयी लेखा ज्ञानदीप्तिविधायिनी ॥ २२॥

prathamā cetanādhārā suptaviśvaprabodhinī |icchāśaktimayī lekhā jñānadīptividhāyinī || 22||

महाकाशमयी धारा सूक्ष्मस्पन्दतरङ्गिणी ।आदिबीजसमुद्भूता विसर्जनीविभूषणा ॥ २३॥

mahākāśamayī dhārā sūkṣmaspandataraṅgiṇī |ādibījasamudbhūtā visarjanīvibhūṣaṇā || 23||

पञ्चभूतपृथग्भावा तत्त्वजालवितानिका ।महत्तत्त्वशिरोरत्ना अहङ्कारविमोहिनी ॥ २४॥

pañcabhūtapṛthagbhāvā tattvajālavitānikā |mahattattvaśiroratnā ahaṅkāravimohinī || 24||

तन्मात्रसूक्ष्मजननी ज्ञानेन्द्रियनियोजिका ।कर्मेन्द्रियमहाप्राणा प्राणशक्तिप्रसारिणी ॥ २५॥

tanmātrasūkṣmajananī jñānendriyaniyojikā |karmendriyamahāprāṇā prāṇaśaktiprasāriṇī || 25||

अण्डविस्तारकुशला स्वर्णगर्भाण्डधारिणी ।दिग्देशकालकलना पञ्चविंशतितत्त्वगा ॥ २६॥

aṇḍavistārakuśalā svarṇagarbhāṇḍadhāriṇī |digdeśakālakalanā pañcaviṃśatitattvagā || 26||

महाप्रकृतिनर्तकी संवित्किरणमालिनी ।जगत्सूत्रमयी तन्त्री मायायवनिकाधरा ॥ २७॥

mahāprakṛtinartakī saṃvitkiraṇamālinī |jagatsūtramayī tantrī māyāyavanikādharā || 27||

अविद्यातमसंहर्त्री विद्याभास्करमण्डला ।चिदाकाशमहासिन्धुः सच्चिदानन्दलहरी ॥ २८॥

avidyātamasaṃhartrī vidyābhāskaramaṇḍalā |cidākāśamahāsindhuḥ saccidānandalaharī || 28||

नामरूपविभेदेशा सर्वनामविवर्जिता ।एकाननेका चित्रज्ञा विचित्ररचनामयी ॥ २९॥

nāmarūpavibhedeśā sarvanāmavivarjitā |ekānanekā citrajñā vicitraracanāmayī || 29||

स्वयम्प्रकाशविदुषी ज्योतिश्चक्रप्रवर्तिनी ।अनाद्यन्ता महाशक्तिः सृष्टिस्वप्नविहारिणी ॥ ३०॥

svayamprakāśaviduṣī jyotiścakrapravartinī |anādyantā mahāśaktiḥ sṛṣṭisvapnavihāriṇī || 30||

ब्रह्मस्तम्बपर्यन्तव्यापिनी विश्वरूपिणी ।अणुमात्रस्थिता सूक्ष्मा स्थूलाकाशव्यापिनी ॥ ३१॥

brahmastambaparyantavyāpinī viśvarūpiṇī |aṇumātrasthitā sūkṣmā sthūlākāśavyāpinī || 31||

सङ्कल्पमात्रजननी विकल्पजालभञ्जनी ।नित्या नित्योदिता शान्ता प्रलयोर्मिशयोत्थिता ॥ ३२॥

saṅkalpamātrajananī vikalpajālabhañjanī |nityā nityoditā śāntā pralayormiśayotthitā || 32||

अमृतार्णवमध्यास्था सुधासिन्धुतरङ्गिणी ।योगनिद्रामयी निद्रा जाग्रतस्वप्नतुरीयगा ॥ ३३॥

amṛtārṇavamadhyāsthā sudhāsindhutaraṅgiṇī |yoganidrāmayī nidrā jāgratasvapnaturīyagā || 33||

मन्त्राधिराजमहिषी यन्त्रागारविहारिणी ।तन्त्रमूर्ता तन्त्रगम्या सर्वतन्त्रप्रकाशिनी ॥ ३४॥

mantrādhirājamahiṣī yantrāgāravihāriṇī |tantramūrtā tantragamyā sarvatantraprakāśinī || 34||

महाबीजाङ्कुरा देवी महावृक्षफलप्रदा ।ब्रह्मलेखनसंसिद्धा सर्वभाग्यविधायिनी ॥ ३५॥

mahābījāṅkurā devī mahāvṛkṣaphalapradā |brahmalekhanasaṃsiddhā sarvabhāgyavidhāyinī || 35||

इति द्वितीयं खण्डं च नाम्नामक्षरभूषितम् ।सृष्टिक्रमसमायुक्ता ब्रह्मलेखिन्यनुग्रहात् ॥ ३६॥

iti dvitīyaṃ khaṇḍaṃ ca nāmnāmakṣarabhūṣitam |sṛṣṭikramasamāyuktā brahmalekhinyanugrahāt || 36||

वेदगर्भा श्रुतिधरा ऋक्सामध्वनिभूषिता ।यजुर्विधानकुशला ह्यथर्वमन्त्ररञ्जिनी ॥ ३७॥

vedagarbhā śrutidharā ṛksāmadhvanibhūṣitā |yajurvidhānakuśalā hyatharvamantrarañjinī || 37||

उदगीथस्वरसम्पन्ना स्वाहाकारस्वधात्मिका ।वषट्कारमयी दीप्तिस्तपोलोकमयी परा ॥ ३८॥

udagīthasvarasampannā svāhākārasvadhātmikā |vaṣaṭkāramayī dīptistapolokamayī parā || 38||

इतिहासपुराणज्ञा सर्गप्रतिसृगात्मिका ।मन्वन्तरकथाधारा वंशानुचरितोज्ज्वला ॥ ३९॥

itihāsapurāṇajñā sargapratisṛgātmikā |manvantarakathādhārā vaṃśānucaritojjvalā || 39||

पञ्चलक्षणयुक्ता सा महाभागवताकृतिः ।रामायणमहाकाव्या महाभारतभास्वर ॥ ४०॥

pañcalakṣaṇayuktā sā mahābhāgavatākṛtiḥ |rāmāyaṇamahākāvyā mahābhāratabhāsvara || 40||

उपनिषन्महामन्त्रा ह्यद्वैततुल्यवैभवा ।महावाक्यमयी बोधा तत्त्वमस्यादिभाषिणी ॥ ४१॥

upaniṣanmahāmantrā hyadvaitatulyavaibhavā |mahāvākyamayī bodhā tattvamasyādibhāṣiṇī || 41||

षडङ्गनिपुणा शिक्षा कल्पसूत्रविधानगा ।व्याकरणमहाभाष्यनिरुक्तामरकोशगा ॥ ४२॥

ṣaḍaṅganipuṇā śikṣā kalpasūtravidhānagā |vyākaraṇamahābhāṣyaniruktāmarakośagā || 42||

ज्योतिषामयनं चक्षुश्छन्दःशास्त्रमहागतिः ।अनुष्टुप्प्रमुखा वृत्ता जगतीपाङ्क्तिरूपिणी ॥ ४३॥

jyotiṣāmayanaṃ cakṣuśchandaḥśāstramahāgatiḥ |anuṣṭuppramukhā vṛttā jagatīpāṅktirūpiṇī || 43||