छिन्नमस्ताध्यानम् Chhhinnamastadhyanam

१\। प्रत्यालीढपदां सदैव दधतीं छिन्नं शिरः कर्त्रिकांदिग्वस्त्रां स्वकबन्धशोणितसुधाधारां पिबन्तीं मुदा ।नागाबद्धशिरोमणिं त्रिनयनां हृद्युत्पलालङ्कृतांरत्यासक्तमनोभवोपरि दृढां वन्दे जपासन्निभाम् ॥ १॥

1\| pratyālīḍhapadāṃ sadaiva dadhatīṃ chinnaṃ śiraḥ kartrikāṃdigvastrāṃ svakabandhaśoṇitasudhādhārāṃ pibantīṃ mudā |nāgābaddhaśiromaṇiṃ trinayanāṃ hṛdyutpalālaṅkṛtāṃratyāsaktamanobhavopari dṛḍhāṃ vande japāsannibhām || 1||

२\। दक्षे चातिसिता विमुक्तचिकुरा कर्त्रीं तथा खर्परम् ।हस्ताभ्यां दधती रजोगुणभवा नाम्नापि सा वर्णिनी ॥देव्याश्छिन्नकबन्धतः पतदसृग्धारां पिबन्ती मुदा ।नागाबद्धशिरोमणिर्मनुविदा ध्येया सदा सा सुरैः ॥ २॥

2\| dakṣe cātisitā vimuktacikurā kartrīṃ tathā kharparam |hastābhyāṃ dadhatī rajoguṇabhavā nāmnāpi sā varṇinī ||devyāśchinnakabandhataḥ patadasṛgdhārāṃ pibantī mudā |nāgābaddhaśiromaṇirmanuvidā dhyeyā sadā sā suraiḥ || 2||

प्रत्यालीढपदा कबन्धविगलद्रक्तं पिबन्ती मुदा ।सैषा या प्रलये समस्तभुवनं भोक्तुं क्षमा तामसी ॥शक्तिः सापि परात्परा भगवती नाम्ना परा डाकिनी ।ध्येया ध्यानपरैः सदा सविनयं भक्तेष्टभूतिप्रदा ॥ ३॥

pratyālīḍhapadā kabandhavigaladraktaṃ pibantī mudā |saiṣā yā pralaye samastabhuvanaṃ bhoktuṃ kṣamā tāmasī ||śaktiḥ sāpi parātparā bhagavatī nāmnā parā ḍākinī |dhyeyā dhyānaparaiḥ sadā savinayaṃ bhakteṣṭabhūtipradā || 3||

२\। भास्वन्मण्डलमध्यगां निजशिरश्छिन्नं विकीर्णालकम् ।स्फारास्यं प्रपिबद्गलात्स्वरुधिरं वामे करे बिभ्रतीम् ॥याभासक्तरतिस्मरोपरिगतां सख्यौ निजे डाकिनीवर्णिन्यौ परिदृश्य मोदकलितां श्रीछिन्नमस्तां भजे ॥ ४॥

2\| bhāsvanmaṇḍalamadhyagāṃ nijaśiraśchinnaṃ vikīrṇālakam |sphārāsyaṃ prapibadgalātsvarudhiraṃ vāme kare bibhratīm ||yābhāsaktaratismaroparigatāṃ sakhyau nije ḍākinīvarṇinyau paridṛśya modakalitāṃ śrīchinnamastāṃ bhaje || 4||

३\। स्वनाभौ नीरजं ध्यायाम्यर्धं विकसितं सितम् ।तत्पद्मकोशमध्ये तु मण्डलं चण्डरोचिषः ॥ ५॥

3\| svanābhau nīrajaṃ dhyāyāmyardhaṃ vikasitaṃ sitam |tatpadmakośamadhye tu maṇḍalaṃ caṇḍarociṣaḥ || 5||

जपाकुसुमसङ्काशं रक्तबन्धूकसन्निभम् ।रजस्सत्वतमोरेखा योनिमण्डलमण्डितम् ॥ ६॥

japākusumasaṅkāśaṃ raktabandhūkasannibham |rajassatvatamorekhā yonimaṇḍalamaṇḍitam || 6||

तन्मध्ये तां महादेवीं सूर्यकोटिसमप्रभाम् ।छिन्नमस्तां करे वामे धारयन्तीं स्वमस्तकम् ॥ ७॥

tanmadhye tāṃ mahādevīṃ sūryakoṭisamaprabhām |chinnamastāṃ kare vāme dhārayantīṃ svamastakam || 7||

प्रसारितमुखीं देवीं लेलिहानाग्रजिह्विकाम् ।पिबन्तीं रौधिरीं धारां निजकण्ठविनिर्गताम् ॥ ८॥

prasāritamukhīṃ devīṃ lelihānāgrajihvikām |pibantīṃ raudhirīṃ dhārāṃ nijakaṇṭhavinirgatām || 8||

विकीर्णकेशपाशां च नानापुष्पसमन्विताम् ।दक्षिणे च करे कर्त्रीं मुण्डमालाविभूषिताम् ॥ ९॥

vikīrṇakeśapāśāṃ ca nānāpuṣpasamanvitām |dakṣiṇe ca kare kartrīṃ muṇḍamālāvibhūṣitām || 9||

दिगम्बरां महाघोरां प्रत्यालीढपदे स्थिताम् ।अस्थिमालाधरां देवीं नागयज्ञेपवीतिनीम् ॥ १०॥

digambarāṃ mahāghorāṃ pratyālīḍhapade sthitām |asthimālādharāṃ devīṃ nāgayajñepavītinīm || 10||

रतिकामोपरिष्ठां च सदा ध्यातां च मन्त्रिभिः ।सदा षोडशवर्षीयां पीनोन्नतपयोधराम् ॥ ११॥

ratikāmopariṣṭhāṃ ca sadā dhyātāṃ ca mantribhiḥ |sadā ṣoḍaśavarṣīyāṃ pīnonnatapayodharām || 11||

४\। विपरीतरतासक्तौ ध्यायामि रतिमन्मथौ ।शाकिनीवर्णिनीयुक्तां वामदक्षिणयोगतः ॥ १२॥

4\| viparītaratāsaktau dhyāyāmi ratimanmathau |śākinīvarṇinīyuktāṃ vāmadakṣiṇayogataḥ || 12||

देवीगलोच्छलद्रक्तधारापानं प्रकुर्वतीम् ।वर्णिनीं लोहितां सौम्यां मुक्तकेशीं दिगम्बराम् ॥ १३॥

devīgalocchaladraktadhārāpānaṃ prakurvatīm |varṇinīṃ lohitāṃ saumyāṃ muktakeśīṃ digambarām || 13||

कपालकर्त्रिकाहस्तां वामदक्षिणयोगतः ।नागयज्ञेपवीताढ्यां ज्वलत्तेजोमयीमिव ॥ १४॥

kapālakartrikāhastāṃ vāmadakṣiṇayogataḥ |nāgayajñepavītāḍhyāṃ jvalattejomayīmiva || 14||

प्रत्यालीढपदां विद्यां नानालङ्कारभूषिताम् ।सदा द्वादशवर्षीयां अस्थिमालाविभूषिताम् ॥ १५॥

pratyālīḍhapadāṃ vidyāṃ nānālaṅkārabhūṣitām |sadā dvādaśavarṣīyāṃ asthimālāvibhūṣitām || 15||

डाकिनीं वामपार्श्वे तु कल्पसूर्यानलोपमाम् ।विद्युज्जटां त्रिनयनां दन्तपङ्क्तिबलाकिनीम् ॥ १६॥

ḍākinīṃ vāmapārśve tu kalpasūryānalopamām |vidyujjaṭāṃ trinayanāṃ dantapaṅktibalākinīm || 16||

दंष्ट्राकरालवदनां पीनोन्नतपयोधराम् ।महादेवीं महाघोरां मुक्तकेशीं दिगम्बराम् ॥ १७॥

daṃṣṭrākarālavadanāṃ pīnonnatapayodharām |mahādevīṃ mahāghorāṃ muktakeśīṃ digambarām || 17||

लेलिहानमहाजिह्वां मुण्डमालाविभूषिताम् ।कपालकर्त्रिकाहस्तां वामदक्षिणयोगतः ॥ १८॥

lelihānamahājihvāṃ muṇḍamālāvibhūṣitām |kapālakartrikāhastāṃ vāmadakṣiṇayogataḥ || 18||

देवीगलोच्छलद्रक्तधारापानं प्रकुर्वतीम् ।करस्थितकपालेन भीषणेनातिभीषणाम् ।आभ्यां निषेव्यमाणां तां कलये जगदीश्वरीम् ॥ १९॥

devīgalocchaladraktadhārāpānaṃ prakurvatīm |karasthitakapālena bhīṣaṇenātibhīṣaṇām |ābhyāṃ niṣevyamāṇāṃ tāṃ kalaye jagadīśvarīm || 19||

इति छिन्नमस्ताध्यानम् ॥

iti chinnamastādhyānam ||