कामाख्याष्टोत्तरशतनामस्तोत्रम्नामस्तोत्रम् Shri Kamakhya Ashtottarashatanama Stotram

विनियोगः ।ॐ अस्य श्रीकामाख्याष्टोत्तरशतनामस्तोत्रस्य मत्स्यऋषिः, अनुष्टुप्छन्दः, श्रीकामकालिकाकामाख्या देवता, क्षौं बीजम्, त्रीं शक्तिः,क्लीं कीलकम्, श्रीकामाख्याप्रीत्यर्थं सर्वाभीष्टसिद्।ह्ध्यर्थं चपाठे जपे विनियोगः ॥ऋष्यादिन्यासः ।ॐ मत्स्यऋषये नमः शिरसि ।ॐ अनुष्टुप्छन्दसे नमः मुखे ।ॐ श्रीकामकालिकादेवताये नमः हृदि ।ॐ क्षौं बीजाय नमः गुह्ये ।ॐ त्रीं शक्तये नमः पादयोः ।ॐ क्लीं कीलकाय नमः नाभौ ।ॐ विनियोगाय नमः सर्वाङ्गे ॥ध्यानम् ।रक्ताम्बरां रक्तमालां रक्तगन्धानुलेपनाम् ।कामकोटिस्थितां देवीं ध्यायेत् कामेश्वरीं पराम् ॥ १॥

viniyogaḥ |oṃ asya śrīkāmākhyāṣṭottaraśatanāmastotrasya matsyaṛṣiḥ, anuṣṭupchandaḥ, śrīkāmakālikākāmākhyā devatā, kṣauṃ bījam, trīṃ śaktiḥ,klīṃ kīlakam, śrīkāmākhyāprītyarthaṃ sarvābhīṣṭasid|hdhyarthaṃ capāṭhe jape viniyogaḥ ||ṛṣyādinyāsaḥ |oṃ matsyaṛṣaye namaḥ śirasi |oṃ anuṣṭupchandase namaḥ mukhe |oṃ śrīkāmakālikādevatāye namaḥ hṛdi |oṃ kṣauṃ bījāya namaḥ guhye |oṃ trīṃ śaktaye namaḥ pādayoḥ |oṃ klīṃ kīlakāya namaḥ nābhau |oṃ viniyogāya namaḥ sarvāṅge ||dhyānam |raktāmbarāṃ raktamālāṃ raktagandhānulepanām |kāmakoṭisthitāṃ devīṃ dhyāyet kāmeśvarīṃ parām || 1||

रक्तपद्मासना देवीं रक्ताभरणभूषिताम् ।त्रिनेत्रां वरदां वन्दे कामाख्यां कामदां शिवाम् ॥ २॥

raktapadmāsanā devīṃ raktābharaṇabhūṣitām |trinetrāṃ varadāṃ vande kāmākhyāṃ kāmadāṃ śivām || 2||

अथ स्तोत्रम् ।ॐ कामाख्या कामदा कान्ता कामरूपप्रदायिनी ।कामेश्वरी कामरता कामिनी कामदायिनी ॥ १॥

atha stotram |oṃ kāmākhyā kāmadā kāntā kāmarūpapradāyinī |kāmeśvarī kāmaratā kāminī kāmadāyinī || 1||

कामातुरा कामकला कामकोटिस्वरूपिणी ।कामादिनाशिनी चैव कामधेनुस्वरूपा च ॥ २॥

kāmāturā kāmakalā kāmakoṭisvarūpiṇī |kāmādināśinī caiva kāmadhenusvarūpā ca || 2||

कुब्जिका च किशोरी च कालिन्दी कामसुन्दरी ।कौशिकी साधिका चैव गर्भविशालिनी सदा ॥ ३॥

kubjikā ca kiśorī ca kālindī kāmasundarī |kauśikī sādhikā caiva garbhaviśālinī sadā || 3||

विश्वयोनिर्जगत्प्रसूस्तन्त्रविद्या मन्त्रेश्वरी ।यन्त्रविद्या कौलाचारप्रिया कुमुन्दी कालिका ॥ ४॥

viśvayonirjagatprasūstantravidyā mantreśvarī |yantravidyā kaulācārapriyā kumundī kālikā || 4||

कामाक्षी कामरूपप्रवेशिनी नीला नीलाञ्जिनी ।पीता सुमुखी षण्मुखी च षोडशी श्रीजिका तथा ॥ ५॥

kāmākṣī kāmarūpapraveśinī nīlā nīlāñjinī |pītā sumukhī ṣaṇmukhī ca ṣoḍaśī śrījikā tathā || 5||

सिद्धा सिद्धाश्रमस्था च दुर्गा चोमा च पार्वती ।शारदा हरादा लक्ष्मीर्वाणी महामाया च सा ॥ ६॥

siddhā siddhāśramasthā ca durgā comā ca pārvatī |śāradā harādā lakṣmīrvāṇī mahāmāyā ca sā || 6||

श्रीविद्या ललिताम्बिका क्लीङ्कारा मन्त्ररूपिणी ।आद्या आद्यकालिका च तिथिमुहूर्तदायिनी ॥ ७॥

śrīvidyā lalitāmbikā klīṅkārā mantrarūpiṇī |ādyā ādyakālikā ca tithimuhūrtadāyinī || 7||

नक्षत्ररूपिणी ज्योत्स्ना प्राग्ज्योतिषिणी योगिनी ।पर्वतस्था नीलकूटनिवासिनी शिवरूपिणी ॥ ८॥

nakṣatrarūpiṇī jyotsnā prāgjyotiṣiṇī yoginī |parvatasthā nīlakūṭanivāsinī śivarūpiṇī || 8||

योनिमण्डलसंस्था च रमा रासेश्वरी परा ।परापरा परज्योतिः परब्रह्मकुटुम्बिनी ॥ ९॥

yonimaṇḍalasaṃsthā ca ramā rāseśvarī parā |parāparā parajyotiḥ parabrahmakuṭumbinī || 9||

दशभुजा चतुर्भुजा नानास्त्रविभूषिता ।त्रिजटा चैकजटा च बलिहोमप्रिया सदा ॥ १०॥

daśabhujā caturbhujā nānāstravibhūṣitā |trijaṭā caikajaṭā ca balihomapriyā sadā || 10||

डाकिनी हादिविद्या च सादिः शकुनिका तथा ।कादिः ककारविद्या च तन्त्रेश्वरसुपूजिता ॥ ११॥

ḍākinī hādividyā ca sādiḥ śakunikā tathā |kādiḥ kakāravidyā ca tantreśvarasupūjitā || 11||

शूलिनी विपरीतचित्ता प्रत्यङ्गिरा च कृत्या ।योगविद्या योनिमुद्राप्रतिष्ठिता विश्वरूपा ॥ १२॥

śūlinī viparītacittā pratyaṅgirā ca kṛtyā |yogavidyā yonimudrāpratiṣṭhitā viśvarūpā || 12||

जगत्कर्त्री च भोक्त्री च संहारिणी च योगिनी ।गोरक्षपूजिता सौम्या कुल्लुका मुकुन्दा सती ॥ १३॥

jagatkartrī ca bhoktrī ca saṃhāriṇī ca yoginī |gorakṣapūjitā saumyā kullukā mukundā satī || 13||

मातृका व्यञ्जना शब्दध्वनिः प्रणवनादिनी ।नादात्मिका भैरवी च त्रिपुरापीठगामिनी ॥ १४॥

mātṛkā vyañjanā śabdadhvaniḥ praṇavanādinī |nādātmikā bhairavī ca tripurāpīṭhagāminī || 14||

महापीठनिवासिनी कामाङ्गि कामरूपगा ।सर्वविद्यामयी चैव पराशक्तिः प्रकीर्तिता ॥ १५॥

mahāpīṭhanivāsinī kāmāṅgi kāmarūpagā |sarvavidyāmayī caiva parāśaktiḥ prakīrtitā || 15||

फलश्रुतिः ।अष्टोत्तरशतं नाम्नां कामख्यायास्तु यः पठेत् ।तस्य सर्वार्थासिद्धिः स्यान्नात्र कार्या विचारणा ॥ १६॥

phalaśrutiḥ |aṣṭottaraśataṃ nāmnāṃ kāmakhyāyāstu yaḥ paṭhet |tasya sarvārthāsiddhiḥ syānnātra kāryā vicāraṇā || 16||

अष्टोत्तरशतं नाम्नां पुरश्चर्याविधिः स्मृतः ।सहस्रजपमात्रेण मन्त्रसिद्धिः प्रजायते ॥ १७॥

aṣṭottaraśataṃ nāmnāṃ puraścaryāvidhiḥ smṛtaḥ |sahasrajapamātreṇa mantrasiddhiḥ prajāyate || 17||

यः पठेच्छृणुयान्नित्यं भक्तिभावेन चेतसा ।तस्य राज्यं च सौभाग्यं लक्ष्मीश्चाचलगामिनी ॥ १८॥

yaḥ paṭhecchṛṇuyānnityaṃ bhaktibhāvena cetasā |tasya rājyaṃ ca saubhāgyaṃ lakṣmīścācalagāminī || 18||

दुर्गेषु विषमे घोरे सङ्कटे समुपस्थिते ।इदं स्तोत्रं स्मरेद्यस्तु तस्य रक्षां करोति सा ॥ १९॥

durgeṣu viṣame ghore saṅkaṭe samupasthite |idaṃ stotraṃ smaredyastu tasya rakṣāṃ karoti sā || 19||

बन्धने शत्रुनाशाय महाव्याधिप्रशान्तये ।मारणोच्चाटनादीनां स्तम्भने चापि सिद्धिदम् ॥ २०॥

bandhane śatrunāśāya mahāvyādhipraśāntaye |māraṇoccāṭanādīnāṃ stambhane cāpi siddhidam || 20||

येऽपि वाञ्छन्ति सन्तानं विद्यां वा धर्ममुत्तमम् ।कामाख्यायाः प्रसादेन ते लभन्ते न संशयः ॥ २१॥

ye'pi vāñchanti santānaṃ vidyāṃ vā dharmamuttamam |kāmākhyāyāḥ prasādena te labhante na saṃśayaḥ || 21||

तन्त्रं मन्त्रं च यन्त्रं च यत्किञ्चित्सिद्धिकाम्यया ।इदमेव पठेद्विद्वानन्यथा विफलः श्रमः ॥ २२॥

tantraṃ mantraṃ ca yantraṃ ca yatkiñcitsiddhikāmyayā |idameva paṭhedvidvānanyathā viphalaḥ śramaḥ || 22||

प्रातःकाले पठेद्यस्तु स भवेच्छ्रीपतिः सदा ।सन्ध्याकाले पठेद्यस्तु शत्रुं संहरते द्रुतम् ॥ २३॥

prātaḥkāle paṭhedyastu sa bhavecchrīpatiḥ sadā |sandhyākāle paṭhedyastu śatruṃ saṃharate drutam || 23||

योनिमण्डलमध्यस्थां ध्यात्वा देवीं जपेदिदम् ।साक्षात्कामाख्यारूपाऽसौ भवत्येव न संशयः ॥ २४॥

yonimaṇḍalamadhyasthāṃ dhyātvā devīṃ japedidam |sākṣātkāmākhyārūpā'sau bhavatyeva na saṃśayaḥ || 24||

राजद्वारे जयेत्सर्वं विवादे विजयं लभेत् ।सर्वं च वशमानयेत्त्रैलोक्यं सचराचरम् ॥ २५॥

rājadvāre jayetsarvaṃ vivāde vijayaṃ labhet |sarvaṃ ca vaśamānayettrailokyaṃ sacarācaram || 25||

न भयं चौरतो नास्ति न भयं राजतोऽपि च ।न भयं भूतप्रेतानां स्तोत्रस्यास्य प्रभावतः ॥ २६॥

na bhayaṃ caurato nāsti na bhayaṃ rājato'pi ca |na bhayaṃ bhūtapretānāṃ stotrasyāsya prabhāvataḥ || 26||

अरण्ये वा श्मशाने वा पर्वते वा निशामुखे ।जपन्सिद्धिं लभेच्छीघ्रं कामरूपेति विश्रुताम् ॥ २७॥

araṇye vā śmaśāne vā parvate vā niśāmukhe |japansiddhiṃ labhecchīghraṃ kāmarūpeti viśrutām || 27||

नास्ति सद्यः परं मन्त्रं नास्ति सद्यः परं फलम् ।अष्टोत्तरशतं नाम्नां कामख्यायाः प्रपठ्यते ॥ २८॥

nāsti sadyaḥ paraṃ mantraṃ nāsti sadyaḥ paraṃ phalam |aṣṭottaraśataṃ nāmnāṃ kāmakhyāyāḥ prapaṭhyate || 28||

यः पठेदष्टोत्तरं नाम्नां देवीं ध्यात्वा च तन्मयीम् ।तस्य पादे जगत्सर्वं कामरूपा प्रदास्यति ॥ २९॥

yaḥ paṭhedaṣṭottaraṃ nāmnāṃ devīṃ dhyātvā ca tanmayīm |tasya pāde jagatsarvaṃ kāmarūpā pradāsyati || 29||

इति श्रीकामाख्याष्टोत्तरशतनामस्तोत्रं सम्पूर्णम् ।

iti śrīkāmākhyāṣṭottaraśatanāmastotraṃ sampūrṇam |