कान्तिमतीश्वर्यष्टकम् Shri Kantimatishvari Ashtakam

॥ श्रीः ॥श्रीमद्वेणुवनेश्वरस्य रमणीं शीतांशुबिम्बाननांशिञ्जन्नूपुरकोमलाङ्घ्रिकमलां केयूरहारान्विताम् ।रत्नस्यूतकिरीटकुण्डलधरां हेलाविनोदप्रियांश्रीमत्कान्तिमतीश्वरीं हृदि भजे श्रीराजराजेश्वरीम् ॥ १॥

|| śrīḥ ||śrīmadveṇuvaneśvarasya ramaṇīṃ śītāṃśubimbānanāṃśiñjannūpurakomalāṅghrikamalāṃ keyūrahārānvitām |ratnasyūtakirīṭakuṇḍaladharāṃ helāvinodapriyāṃśrīmatkāntimatīśvarīṃ hṛdi bhaje śrīrājarājeśvarīm || 1||

तत्त्वज्ञानिहृदब्जमध्यनिलयां ताम्रापगातीरगांकारुण्याम्बुनिधिं तडित्तुलितभां तालीदलश्यामलाम् ।लीलासृष्टिविधायिनीं तनुभृतां तात्पर्यबोधाप्तयेतन्वीं कान्तिमतीश्वरीं हृदि भजे श्रीराजराजेश्वरीम् ॥ २॥

tattvajñānihṛdabjamadhyanilayāṃ tāmrāpagātīragāṃkāruṇyāmbunidhiṃ taḍittulitabhāṃ tālīdalaśyāmalām |līlāsṛṣṭividhāyinīṃ tanubhṛtāṃ tātparyabodhāptayetanvīṃ kāntimatīśvarīṃ hṛdi bhaje śrīrājarājeśvarīm || 2||

सङ्गीतामृतसिन्धुमध्यभवनां साहित्यनित्यादरांस्वारस्याद्भुतनाट्यवीक्षणपरां सालोक्यमुक्त्यादिदाम् ।साधुभ्यः सकलामरार्थितमहासाम्राज्यलक्ष्मीप्रदांसाध्वीं कान्तिमतीश्वरीं हृदि भजे श्रीराजराजेश्वरीम् ॥ ३॥

saṅgītāmṛtasindhumadhyabhavanāṃ sāhityanityādarāṃsvārasyādbhutanāṭyavīkṣaṇaparāṃ sālokyamuktyādidām |sādhubhyaḥ sakalāmarārthitamahāsāmrājyalakṣmīpradāṃsādhvīṃ kāntimatīśvarīṃ hṛdi bhaje śrīrājarājeśvarīm || 3||

कल्याणीमखिलाण्डकोटिजननीं कल्हारदामोज्ज्वलांकस्तूरीतिलकाभिरामनिटिलां कञ्जासनाराधिताम् ।कामारेःकनकाचलेन्द्रधनुषः कारुण्यवारान्निधेःकान्तां कान्तिमतीश्वरीं हृदि भजे श्रीराजराजेश्वरीम् ॥ ४॥

kalyāṇīmakhilāṇḍakoṭijananīṃ kalhāradāmojjvalāṃkastūrītilakābhirāmaniṭilāṃ kañjāsanārādhitām |kāmāreḥkanakācalendradhanuṣaḥ kāruṇyavārānnidheḥkāntāṃ kāntimatīśvarīṃ hṛdi bhaje śrīrājarājeśvarīm || 4||

भक्तानां भयजालभञ्जनकरीं भान्वब्जशुक्रेक्षणांभाग्योदारगुणान्वितां भगवतीं भण्डासुरध्वंसिनीम् ।भास्वद्रत्नकिरीटकुण्डलधरां भद्रासनाध्यासिनींभव्यां कान्तिमतीश्वरीं हृदि भजे श्रीराजराजेश्वरीम् ॥ ५॥

bhaktānāṃ bhayajālabhañjanakarīṃ bhānvabjaśukrekṣaṇāṃbhāgyodāraguṇānvitāṃ bhagavatīṃ bhaṇḍāsuradhvaṃsinīm |bhāsvadratnakirīṭakuṇḍaladharāṃ bhadrāsanādhyāsinīṃbhavyāṃ kāntimatīśvarīṃ hṛdi bhaje śrīrājarājeśvarīm || 5||

देवानामभयप्रदां विधिनुतां दुष्टापहन्त्रीं सुखांदेशानेकदिगन्तमध्यनिलयां देहार्धदास्यप्रियाम् ।माधुर्याकरचन्द्रखण्डमकुटां देवाङ्गनासेवितांदेवीं कान्तिमतीश्वरीं हृदि भजे श्रीराजराजेश्वरीम् ॥ ६॥

devānāmabhayapradāṃ vidhinutāṃ duṣṭāpahantrīṃ sukhāṃdeśānekadigantamadhyanilayāṃ dehārdhadāsyapriyām |mādhuryākaracandrakhaṇḍamakuṭāṃ devāṅganāsevitāṃdevīṃ kāntimatīśvarīṃ hṛdi bhaje śrīrājarājeśvarīm || 6||

दुष्टाटोपविनाशनैकनिपुणां दौर्भाग्यविच्छेदिनींदुर्मात्सर्यमदाभिमानमथिनीं दुःखापहां प्राणिनाम् ।दुर्वारामितदैत्यभञ्जनकरीं दुःस्वप्नहन्त्रीं शिवांदुर्गां कान्तिमतीश्वरीं हृदि भजे श्रीराजराजेश्वरीम् ॥ ७॥

duṣṭāṭopavināśanaikanipuṇāṃ daurbhāgyavicchedinīṃdurmātsaryamadābhimānamathinīṃ duḥkhāpahāṃ prāṇinām |durvārāmitadaityabhañjanakarīṃ duḥsvapnahantrīṃ śivāṃdurgāṃ kāntimatīśvarīṃ hṛdi bhaje śrīrājarājeśvarīm || 7||

मन्दस्मेरमुखाम्बुजां मरकतश्यामां महावैभवांमातङ्गीं महिषासुरस्य शमनीं मातङ्गकुम्भस्तनीम् ।मन्दारद्रुमसन्निभां सुमधुरां सिंहासनाध्यासितांमान्यां कान्तिमतीश्वरीं हृदि भजे श्रीराजराजेश्वरीम् ॥ ८॥

mandasmeramukhāmbujāṃ marakataśyāmāṃ mahāvaibhavāṃmātaṅgīṃ mahiṣāsurasya śamanīṃ mātaṅgakumbhastanīm |mandāradrumasannibhāṃ sumadhurāṃ siṃhāsanādhyāsitāṃmānyāṃ kāntimatīśvarīṃ hṛdi bhaje śrīrājarājeśvarīm || 8||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीकान्तिमतीश्वर्यष्टकं सम्पूर्णम् ।आ ऱरे छोम्पोसितिओन् ओन् टिरुनेल्वेलि ख़न्थिमथि आम्बल्

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīkāntimatīśvaryaṣṭakaṃ sampūrṇam |ā rare chomposition on ṭirunelveli ख़nthimathi āmbal