ज्येष्ठाम्बाष्टकम् Shri Jyeshthamba Ashtakam

ज्येष्ठाम्ब ते चरणकञ्जयुगस्य सेवांत्यक्त्वाशया जगति सन्ति वरान्यदेव्यः ।इत्याश्रयेन सततं परिसेवितास्ताःप्राप्तो मयात्र नहि काणवराट कोऽपि ॥ १॥

jyeṣṭhāmba te caraṇakañjayugasya sevāṃtyaktvāśayā jagati santi varānyadevyaḥ |ityāśrayena satataṃ parisevitāstāḥprāpto mayātra nahi kāṇavarāṭa ko'pi || 1||

ज्येष्ठाम्ब सेवनमिदं परदेवतानांअज्ञानमेव मम सम्प्रति वेद्मि तत्त्वम् ।अज्ञानतः करगतं मणिमय्युपेक्षकाचे मणि भ्रमयुतस्य गतिर्ममासीत् ॥ २॥

jyeṣṭhāmba sevanamidaṃ paradevatānāṃajñānameva mama samprati vedmi tattvam |ajñānataḥ karagataṃ maṇimayyupekṣakāce maṇi bhramayutasya gatirmamāsīt || 2||

ज्येष्ठाम्ब ते भुविजना सततं दरिद्रादेवीति नां कथयन्ति न ते यथार्थम् ।जानन्ति केवलधनेषण तत्परास्तेदारिद्र्यमेव किल ब्रह्मविचारदक्षम् ॥ ३॥

jyeṣṭhāmba te bhuvijanā satataṃ daridrādevīti nāṃ kathayanti na te yathārtham |jānanti kevaladhaneṣaṇa tatparāstedāridryameva kila brahmavicāradakṣam || 3||

ज्येष्ठाम्ब ते करुणया मम कल्पितं तदारिद्र्यमेव भुवि भोगपरम्परासु ।स्वर्गादि भोगबहुशेऽपि विरागबुद्धिमुत्पाद्य मेऽदद दलं सुखमद्वितीयम् ॥ ४॥

jyeṣṭhāmba te karuṇayā mama kalpitaṃ tadāridryameva bhuvi bhogaparamparāsu |svargādi bhogabahuśe'pi virāgabuddhimutpādya me'dada dalaṃ sukhamadvitīyam || 4||

ज्येष्ठाम्ब युष्मदनुजा शपथं त्वया श्रीःकृत्वा दरिद्रमधुना धनिकं करोमि ।इत्याग्रहात्वयमलं विनियुज्यशक्तिंव्यर्थाग्रहा सपदि सा शरणं गता त्वाम् ॥ ५॥

jyeṣṭhāmba yuṣmadanujā śapathaṃ tvayā śrīḥkṛtvā daridramadhunā dhanikaṃ karomi |ityāgrahātvayamalaṃ viniyujyaśaktiṃvyarthāgrahā sapadi sā śaraṇaṃ gatā tvām || 5||

ज्येष्ठाम्ब ते शृति समिरितमित्यलक्ष्मिर्मामास्ति लोकविदितं खलु गूढतत्त्वम् ।अध्यक्षर त्यज महेश्वरविष्णुरूपंब्रह्मप्रभोधकमकारमनुत्तरं च ॥ ६॥

jyeṣṭhāmba te śṛti samiritamityalakṣmirmāmāsti lokaviditaṃ khalu gūḍhatattvam |adhyakṣara tyaja maheśvaraviṣṇurūpaṃbrahmaprabhodhakamakāramanuttaraṃ ca || 6||

ज्येष्ठाम्ब सर्वविदिता किल विष्णुपत्नीलक्ष्मी रति त्वदनुजेति न तेऽपि लक्ष्मा ।भेदोऽस्ति किञ्चिदपि नेत्रनिमीलनात्तेउन्मीलनाच्च भुवि नाम तथा द्विभासीत् ॥ ७॥

jyeṣṭhāmba sarvaviditā kila viṣṇupatnīlakṣmī rati tvadanujeti na te'pi lakṣmā |bhedo'sti kiñcidapi netranimīlanātteunmīlanācca bhuvi nāma tathā dvibhāsīt || 7||

ज्येष्ठाम्ब तेऽक्षि युगलं यदि मीलितं स्वात्वां ते तदा बुधजनाः कथयन्त्यलक्ष्मीम् ।उन्मीलितं यदि तदा प्रवदन्ति लक्ष्मीमेकैव मूर्तिरभवद्विविदं तु नामम् ॥ ८॥

jyeṣṭhāmba te'kṣi yugalaṃ yadi mīlitaṃ svātvāṃ te tadā budhajanāḥ kathayantyalakṣmīm |unmīlitaṃ yadi tadā pravadanti lakṣmīmekaiva mūrtirabhavadvividaṃ tu nāmam || 8||

ज्येष्ठाम्बाष्टकमष्टकष्टहरणं यो वा पठेनिष्ठयाअष्टैश्वर्यमुपेत्य सम्प्रति विनष्टान्योन्य भेदभ्रमःकिं चाद्वैतविमर्शसर्वसमतायुक्तो विशुद्धाशयः ।ब्रह्मात्मैकमपि प्रयागि सहसा ज्येष्ठाम्बिकानुग्रहात्श्रीमत्सर सुखानन्दनाथस्य चरणार्थिनाश्रीयानन्देन कथितं ज्येष्ठाम्बायाः पराष्टकम् ॥ ९॥

jyeṣṭhāmbāṣṭakamaṣṭakaṣṭaharaṇaṃ yo vā paṭheniṣṭhayāaṣṭaiśvaryamupetya samprati vinaṣṭānyonya bhedabhramaḥkiṃ cādvaitavimarśasarvasamatāyukto viśuddhāśayaḥ |brahmātmaikamapi prayāgi sahasā jyeṣṭhāmbikānugrahātśrīmatsara sukhānandanāthasya caraṇārthināśrīyānandena kathitaṃ jyeṣṭhāmbāyāḥ parāṣṭakam || 9||

इति ज्येष्ठाम्बाष्टकं सम्पूर्णम् ।

iti jyeṣṭhāmbāṣṭakaṃ sampūrṇam |