कुलकुण्डलीकवचं अथवा कन्दवासिनीकवचम् Shri Khulakundali Or Khandavasini Khavacha Shtotram

॥ श्रीगणेशाय नमः ॥॥ श्रीउमामहेश्वराभ्यां नमः ॥॥ श्रीगुरवे नमः ॥आनन्दभैरवी उवाच ।अथ वक्ष्ये महादेव कुण्डलीकवचं शुभम् ।परमानन्ददं सिद्धं सिद्धवृन्दनिषेवितम् ॥ १॥

|| śrīgaṇeśāya namaḥ |||| śrīumāmaheśvarābhyāṃ namaḥ |||| śrīgurave namaḥ ||ānandabhairavī uvāca |atha vakṣye mahādeva kuṇḍalīkavacaṃ śubham |paramānandadaṃ siddhaṃ siddhavṛndaniṣevitam || 1||

यत्कृत्वा योगिनः सर्वे धर्माधर्मप्रदर्शकाः ।ज्ञानिनो मानिनो धर्मान् विचरन्ति यथामराः ॥ २॥

yatkṛtvā yoginaḥ sarve dharmādharmapradarśakāḥ |jñānino mānino dharmān vicaranti yathāmarāḥ || 2||

सिद्धयोऽप्यणिमाद्याश्च करस्थाः सर्वदेवताः ।एतत्कवचपाठेन देवेन्द्रो योगिराड्भवेत् ॥ ३॥

siddhayo'pyaṇimādyāśca karasthāḥ sarvadevatāḥ |etatkavacapāṭhena devendro yogirāḍbhavet || 3||

ऋषयो योगिनः सर्वे जटिलाः कुलभैरवाः ।प्रातःकाले त्रिवारं च मध्याह्ने वारयुग्मकम् ॥ ४॥

ṛṣayo yoginaḥ sarve jaṭilāḥ kulabhairavāḥ |prātaḥkāle trivāraṃ ca madhyāhne vārayugmakam || 4||

सायाह्ने वारमेकन्तु पठेत्कवचमेव च ।पठेदेवं महायोगी कुण्डलीदर्शनं भवेत् ॥ ५॥

sāyāhne vāramekantu paṭhetkavacameva ca |paṭhedevaṃ mahāyogī kuṇḍalīdarśanaṃ bhavet || 5||

ॐ अस्य श्रीकुलकुण्डलीकवचस्य ब्रह्मेन्द्र ऋषिः ।गायत्री छन्दः । कुलकुण्डली देवता । सर्वाभीष्टसिद्ध्यर्थे विनियोगः ।ॐ ईश्वरी जगतां धात्री ललिता सुन्दरी परा ।कुण्डली कुलरूपा च पातु मां कुलचण्डिका ॥ ६॥

oṃ asya śrīkulakuṇḍalīkavacasya brahmendra ṛṣiḥ |gāyatrī chandaḥ | kulakuṇḍalī devatā | sarvābhīṣṭasiddhyarthe viniyogaḥ |oṃ īśvarī jagatāṃ dhātrī lalitā sundarī parā |kuṇḍalī kularūpā ca pātu māṃ kulacaṇḍikā || 6||

शिरो मे ललिता देवी पातूग्राख्या कपोलकम् ।ब्रह्ममन्त्रेण पुटिता भ्रूमध्यं पातु मे सदा ॥ ७॥

śiro me lalitā devī pātūgrākhyā kapolakam |brahmamantreṇa puṭitā bhrūmadhyaṃ pātu me sadā || 7||

नेत्रत्रयं महाकाली कालाग्निभक्षिका शिखाम् ।दन्तावलीं विशालाक्षी ओष्ठमिष्टानुवासिनी ॥ ८॥

netratrayaṃ mahākālī kālāgnibhakṣikā śikhām |dantāvalīṃ viśālākṣī oṣṭhamiṣṭānuvāsinī || 8||

कामबीजात्मिका विद्या अधरं पातु मे सदा ।ऌयुगस्था गण्डयुग्मं माया विश्वा रसप्रिया ॥ ९॥

kāmabījātmikā vidyā adharaṃ pātu me sadā |ḷyugasthā gaṇḍayugmaṃ māyā viśvā rasapriyā || 9||

भुवनेशी कर्णयुग्मं चिबुकं क्रोधकालिका ।कपिला मे गलं पातु सर्वबीजस्वरूपिणी ॥ १०॥

bhuvaneśī karṇayugmaṃ cibukaṃ krodhakālikā |kapilā me galaṃ pātu sarvabījasvarūpiṇī || 10||

मातृकावर्णपुटिता कुण्डली कण्ठमेव च ।हृदयं कालपृथ्वी च कङ्काली पातु मे मुखम् ॥ ११॥

mātṛkāvarṇapuṭitā kuṇḍalī kaṇṭhameva ca |hṛdayaṃ kālapṛthvī ca kaṅkālī pātu me mukham || 11||

भुजयुग्मं चतुर्वर्गा चण्डदोर्द्दण्डखण्डिनी ।स्कन्धयुग्मं स्कन्दमाता हालाहलगता मम ॥ १२॥

bhujayugmaṃ caturvargā caṇḍadorddaṇḍakhaṇḍinī |skandhayugmaṃ skandamātā hālāhalagatā mama || 12||

अङ्गुल्यग्रं कुलानन्दा श्रीविद्या नखमण्डलम् ।कालिका भुवनेशानी पृष्ठदेशं सदावतु ॥ १३॥

aṅgulyagraṃ kulānandā śrīvidyā nakhamaṇḍalam |kālikā bhuvaneśānī pṛṣṭhadeśaṃ sadāvatu || 13||

पार्श्वयुग्मं महावीरा वीरासनधराभया ।पातु मां कुलदर्भस्था नाभिमुदरमम्बिका ॥ १४॥

pārśvayugmaṃ mahāvīrā vīrāsanadharābhayā |pātu māṃ kuladarbhasthā nābhimudaramambikā || 14||

कटिदेशं पीठसंस्था महामहिषघातिनी ।लिङ्गस्थानं महामुद्रा भगं मालामनुप्रिया ॥ १५॥

kaṭideśaṃ pīṭhasaṃsthā mahāmahiṣaghātinī |liṅgasthānaṃ mahāmudrā bhagaṃ mālāmanupriyā || 15||

भगीरथप्रिया धूम्रा मूलाधारं गणेश्वरी ।चतुर्दलं कक्ष्यपूज्या दलाग्रं मे वसुन्धरा ॥ १६॥

bhagīrathapriyā dhūmrā mūlādhāraṃ gaṇeśvarī |caturdalaṃ kakṣyapūjyā dalāgraṃ me vasundharā || 16||

शीर्षं राधा रणाख्या च ब्रह्माणी पातु मे मुखम् ।मेदिनी पातु कमला वाग्देवी पूर्वगं दलम् ॥ १७॥

śīrṣaṃ rādhā raṇākhyā ca brahmāṇī pātu me mukham |medinī pātu kamalā vāgdevī pūrvagaṃ dalam || 17||

छेदिनी दक्षिणे पातु पातु चण्डा महातपा ।चन्द्रघण्टा सदा पातु योगिनी वारुणं दलम् ॥ १८॥

chedinī dakṣiṇe pātu pātu caṇḍā mahātapā |candraghaṇṭā sadā pātu yoginī vāruṇaṃ dalam || 18||

उत्तरस्थं दलं पातु पृथिवीमिन्द्रपालिता ।चतुष्कोणं कामविद्या ब्रह्मविद्याब्जकोणकम् ॥ १९॥

uttarasthaṃ dalaṃ pātu pṛthivīmindrapālitā |catuṣkoṇaṃ kāmavidyā brahmavidyābjakoṇakam || 19||

अष्टशूलं सदा पातु सर्ववाहनवाहना ।चतुर्भुजा सदा पातु डाकिनी कुलचञ्चला ॥ २०॥

aṣṭaśūlaṃ sadā pātu sarvavāhanavāhanā |caturbhujā sadā pātu ḍākinī kulacañcalā || 20||

मेढ्रस्था मदनाधारा पातु मे चारुपङ्कजम् ।स्वयम्भूलिङ्ग चार्वाका कोटराक्षी ममासनम् ॥ २१॥

meḍhrasthā madanādhārā pātu me cārupaṅkajam |svayambhūliṅga cārvākā koṭarākṣī mamāsanam || 21||

कदम्बवनमापातु कदम्बवनवासिनी ।वैष्णवी परमा माया पातु मे वैष्णवं पदम् ॥ २२॥

kadambavanamāpātu kadambavanavāsinī |vaiṣṇavī paramā māyā pātu me vaiṣṇavaṃ padam || 22||

षड्दलं राकिणी पातु राकिणी कामवासिनी ।कामेश्वरी कामरूपा श्रीकृष्णं पीतवाससम् ॥ २३॥

ṣaḍdalaṃ rākiṇī pātu rākiṇī kāmavāsinī |kāmeśvarī kāmarūpā śrīkṛṣṇaṃ pītavāsasam || 23||

वनमाला वनदुर्गा शङ्खं मे शङ्खिनी शिवा ।चक्रं चक्रेश्वरी पातु कमलाक्षी गदां मम ॥ २४॥

vanamālā vanadurgā śaṅkhaṃ me śaṅkhinī śivā |cakraṃ cakreśvarī pātu kamalākṣī gadāṃ mama || 24||

पद्मं मे पद्मगन्धा च पद्ममाला मनोहरा ।रादिलान्ताक्षरं पातु लाकिनी लोकपालिनी ॥ २५॥ (कादिलान्ताक्षरं)

padmaṃ me padmagandhā ca padmamālā manoharā |rādilāntākṣaraṃ pātu lākinī lokapālinī || 25|| (kādilāntākṣaraṃ)

षड्दले स्थितदेवांश्च पातु कैलासवासिनी । (षड्वर्गस्थितदेवीश्च)अग्निवर्णा सदा पातु गणं मे परमेश्वरी ॥ २६॥

ṣaḍdale sthitadevāṃśca pātu kailāsavāsinī | (ṣaḍvargasthitadevīśca)agnivarṇā sadā pātu gaṇaṃ me parameśvarī || 26||

मणिपूरं सदा पातु मणिमालाविभूषणा ।दशापत्रं दशवर्णं डादिफान्तं त्रिविक्रमा ॥ २७॥

maṇipūraṃ sadā pātu maṇimālāvibhūṣaṇā |daśāpatraṃ daśavarṇaṃ ḍādiphāntaṃ trivikramā || 27||

पातु नीला महाकाली भद्रा भीमा सरस्वती ।अयोध्यावासिनी देवी महापीठनिवासिनी ॥ २८॥

pātu nīlā mahākālī bhadrā bhīmā sarasvatī |ayodhyāvāsinī devī mahāpīṭhanivāsinī || 28||

वाग्भवाद्या महाविद्या कुण्डली कालकुण्डली ।दशच्छदगतं पातु रुद्रं रुद्रात्मकं मम ॥ २९॥

vāgbhavādyā mahāvidyā kuṇḍalī kālakuṇḍalī |daśacchadagataṃ pātu rudraṃ rudrātmakaṃ mama || 29||

सूक्ष्मात्सूक्ष्मतरा पातु सूक्ष्मस्थाननिवासिनी ।राकिणी लोकजननी पातु कूटाक्षरस्थिता ॥ ३०॥

sūkṣmātsūkṣmatarā pātu sūkṣmasthānanivāsinī |rākiṇī lokajananī pātu kūṭākṣarasthitā || 30||

तैजसं पातु नियतं रजकी राजपूजिता ।विजया कुलबीजस्था तवर्गं तिमिरापहा ॥ ३१॥

taijasaṃ pātu niyataṃ rajakī rājapūjitā |vijayā kulabījasthā tavargaṃ timirāpahā || 31||

मन्त्रात्मिका मणिग्रन्थिभेदिनी पातु सर्वदा ।गर्भदाता भृगुसुता पातु मां नाभिवासिनी ॥ ३२॥

mantrātmikā maṇigranthibhedinī pātu sarvadā |garbhadātā bhṛgusutā pātu māṃ nābhivāsinī || 32||

नन्दिनी पातु सकलं कुण्डली कालकम्पिता ।हृत्पद्मं पातु कालाख्या धूम्रवर्णा मनोहरा ॥ ३३॥

nandinī pātu sakalaṃ kuṇḍalī kālakampitā |hṛtpadmaṃ pātu kālākhyā dhūmravarṇā manoharā || 33||

दलद्वादशवर्णं च भास्करी भावसिद्धिदा ।पातु मे परमा विद्या कवर्गं कामचारिणी ॥ ३४॥

daladvādaśavarṇaṃ ca bhāskarī bhāvasiddhidā |pātu me paramā vidyā kavargaṃ kāmacāriṇī || 34||

चवर्गं चारुवसना व्याघ्रास्या टङ्कधारिणी ।चकारं पातु कृष्णाख्या काकिनीं पातु कालिका ॥ ३५॥

cavargaṃ cāruvasanā vyāghrāsyā ṭaṅkadhāriṇī |cakāraṃ pātu kṛṣṇākhyā kākinīṃ pātu kālikā || 35||

टकुराङ्गी टकारं मे जीवभावा महोदया ।ईश्वरी पातु विमला मम हृत्पद्मवासिनी ॥ ३६॥

ṭakurāṅgī ṭakāraṃ me jīvabhāvā mahodayā |īśvarī pātu vimalā mama hṛtpadmavāsinī || 36||

कर्णिकां कालसन्दर्भा योगिनी योगमातरम् ।इन्द्राणी वारुणी पातु कुलमाला कुलान्तरम् ॥ ३७॥

karṇikāṃ kālasandarbhā yoginī yogamātaram |indrāṇī vāruṇī pātu kulamālā kulāntaram || 37||

तारिणी शक्तिमाता च कण्ठवाक्यं सदावतु ।विप्रचित्ता महोग्रोग्रा प्रभा दीप्ता घनासना ॥ ३८॥

tāriṇī śaktimātā ca kaṇṭhavākyaṃ sadāvatu |vipracittā mahogrogrā prabhā dīptā ghanāsanā || 38||

वाक्स्तम्भिनी वज्रदेहा वैदेही वृषवाहिनी ।उन्मत्तानन्दचित्ता च क्षणोशीशा भगान्तरा ॥ ३९॥

vākstambhinī vajradehā vaidehī vṛṣavāhinī |unmattānandacittā ca kṣaṇośīśā bhagāntarā || 39||

मम षोडशपत्राणि पातु मातृतनुस्थिता । (मातुलसंस्थिता)सुरान् रक्षतु वेदज्ञा सर्वभाषा च कर्णिकाम् ॥ ४०॥

mama ṣoḍaśapatrāṇi pātu mātṛtanusthitā | (mātulasaṃsthitā)surān rakṣatu vedajñā sarvabhāṣā ca karṇikām || 40||

ईश्वरार्धासनगता प्रपायान्मे सदाशिवम् ।शाकम्भरी महामाया साकिनी पातु सर्वदा ॥ ४१॥

īśvarārdhāsanagatā prapāyānme sadāśivam |śākambharī mahāmāyā sākinī pātu sarvadā || 41||

भवानी भवमाता च पायाद्भ्रूमध्यपङ्कजम् ।द्विदलं व्रतकामाख्या अष्टाङ्गसिद्धिदायिनी ॥ ४२॥

bhavānī bhavamātā ca pāyādbhrūmadhyapaṅkajam |dvidalaṃ vratakāmākhyā aṣṭāṅgasiddhidāyinī || 42||

पातु नासामखिलानन्दा मनोरूपा जगत्प्रिया ।लकारं लक्षणाक्रान्ता सर्वलक्षणलक्षणा ॥ ४३॥

pātu nāsāmakhilānandā manorūpā jagatpriyā |lakāraṃ lakṣaṇākrāntā sarvalakṣaṇalakṣaṇā || 43||

कृष्णाजिनधरा देवी क्षकारं पातु सर्वदा ।द्विदलस्थं सर्वदेवं सदा पातु वरानना ॥ ४४॥

kṛṣṇājinadharā devī kṣakāraṃ pātu sarvadā |dvidalasthaṃ sarvadevaṃ sadā pātu varānanā || 44||

बहुरूपा विश्वरूपा हाकिनी पातु संस्थिता ।हरापरशिवं पातु मानसं पातु पञ्चमी ॥ ४५॥

bahurūpā viśvarūpā hākinī pātu saṃsthitā |harāparaśivaṃ pātu mānasaṃ pātu pañcamī || 45||

षट्चक्रस्था सदा पातु षट्चक्रकुलवासिनी ।अकारादिक्षकारान्ता बिन्दुसर्गसमन्विता ॥ ४६॥

ṣaṭcakrasthā sadā pātu ṣaṭcakrakulavāsinī |akārādikṣakārāntā bindusargasamanvitā || 46||

मातृकाणां सदा पातु कुण्डली ज्ञानकुण्डली ।देवकाली गतिप्रेमा पूर्णा गिरितटं शिवा ॥ ४७॥

mātṛkāṇāṃ sadā pātu kuṇḍalī jñānakuṇḍalī |devakālī gatipremā pūrṇā giritaṭaṃ śivā || 47||

उड्डीयानेश्वरी देवी सकलं पातु सर्वदा ।कैलासपर्वतं पातु कैलासगिरिवासिनी ॥ ४८॥

uḍḍīyāneśvarī devī sakalaṃ pātu sarvadā |kailāsaparvataṃ pātu kailāsagirivāsinī || 48||

पातु मे डाकिनीशक्तिर्लाकिनी राकिणी कला ।साकिनी हाकिनी देवी षट्चक्रादीन् प्रपातु मे ॥ ४९॥

pātu me ḍākinīśaktirlākinī rākiṇī kalā |sākinī hākinī devī ṣaṭcakrādīn prapātu me || 49||

कैलासाख्यं सदा पातु पञ्चाननतनूद्भवा ।हिरण्यवर्णा रजनी चन्द्रसूर्याग्निभक्षिणी ॥ ५०॥

kailāsākhyaṃ sadā pātu pañcānanatanūdbhavā |hiraṇyavarṇā rajanī candrasūryāgnibhakṣiṇī || 50||

सहस्रदलपद्मं मे सदा पातु कुलाकुला ।सहस्रदलपद्मस्था दैवतं पातु खेचरी ॥ ५१॥

sahasradalapadmaṃ me sadā pātu kulākulā |sahasradalapadmasthā daivataṃ pātu khecarī || 51||

काली तारा षोडशाख्या मातङ्गी पद्मवासिनी ।शशिकोटिगलद्रूपा पातु मे सकलं तमः ॥ ५२॥

kālī tārā ṣoḍaśākhyā mātaṅgī padmavāsinī |śaśikoṭigaladrūpā pātu me sakalaṃ tamaḥ || 52||

वने घोरे जले देशे युद्धे वादे श्मशानके ।सर्वत्र गमने ज्ञाने सदा मां पातु शैलजा ॥ ५३॥

vane ghore jale deśe yuddhe vāde śmaśānake |sarvatra gamane jñāne sadā māṃ pātu śailajā || 53||

पर्वते विविधायासे विनाशे पातु कुण्डली ।पादादिब्रह्मरन्ध्रान्तं सर्वाकाशं सुरेश्वरी ॥ ५४॥

parvate vividhāyāse vināśe pātu kuṇḍalī |pādādibrahmarandhrāntaṃ sarvākāśaṃ sureśvarī || 54||

सदा पातु सर्वविद्या सर्वज्ञानं सदा मम ।नवलक्षमहाविद्या दशदिक्षु प्रपातु माम् ॥ ५५॥

sadā pātu sarvavidyā sarvajñānaṃ sadā mama |navalakṣamahāvidyā daśadikṣu prapātu mām || 55||

इत्येतत्कवचं देवि कुण्डलिन्याः प्रसिद्धिदम् ।ये पठन्ति ध्यानयोगे योगमार्गव्यवस्थिताः ॥ ५६॥

ityetatkavacaṃ devi kuṇḍalinyāḥ prasiddhidam |ye paṭhanti dhyānayoge yogamārgavyavasthitāḥ || 56||

ते यान्ति मुक्तिपदवीमैहिके नात्र संशयः ।मूलपद्मे मनोयोगं कृत्त्वा हृदासनस्थितः ॥ ५७॥

te yānti muktipadavīmaihike nātra saṃśayaḥ |mūlapadme manoyogaṃ kṛttvā hṛdāsanasthitaḥ || 57||

मन्त्रं ध्यायेत्कुण्डलिनीं मूलपद्मप्रकाशिनीम् ।धर्योदयां दयारुढामाकाशस्थानवासिनीम् ॥ ५८॥

mantraṃ dhyāyetkuṇḍalinīṃ mūlapadmaprakāśinīm |dharyodayāṃ dayāruḍhāmākāśasthānavāsinīm || 58||

अमृतानन्दरसिकां विकलां सुकलां शिताम् ।अजितां रक्तरहितां विशक्तां रक्तविग्रहाम् ॥ ५९॥

amṛtānandarasikāṃ vikalāṃ sukalāṃ śitām |ajitāṃ raktarahitāṃ viśaktāṃ raktavigrahām || 59||

रक्तनेत्रां कुलक्षिप्तां ज्ञानाञ्जनजयोज्ज्वलाम् ।विश्वाकारां मनोरूपां मूले ध्यात्त्वा प्रपूजयेत् ॥ ६०॥

raktanetrāṃ kulakṣiptāṃ jñānāñjanajayojjvalām |viśvākārāṃ manorūpāṃ mūle dhyāttvā prapūjayet || 60||

यो योगी कुरुते एवं स सिद्धो नात्र संशयः ।रोगी रोगात्प्रमुच्येत बद्धो मुच्येत बन्धनात् ॥ ६१॥

yo yogī kurute evaṃ sa siddho nātra saṃśayaḥ |rogī rogātpramucyeta baddho mucyeta bandhanāt || 61||

राज्यं श्रियमवाप्नोति राज्यहीनः पठेद्यदि ।पुत्रहीनो लभेत्पुत्रं योगहीनो भवेद्वशी ॥ ६२॥

rājyaṃ śriyamavāpnoti rājyahīnaḥ paṭhedyadi |putrahīno labhetputraṃ yogahīno bhavedvaśī || 62||

कवचं धारयेद्यस्तु शिखायां दक्षिणे भुजे ।वामा वामकरे धृत्त्वा सर्वाभीष्टमवाप्नुयात् ॥ ६३॥

kavacaṃ dhārayedyastu śikhāyāṃ dakṣiṇe bhuje |vāmā vāmakare dhṛttvā sarvābhīṣṭamavāpnuyāt || 63||

स्वर्णे रौप्ये तथा ताम्रे स्थापयित्त्वा प्रपूजयेत् ।सर्वदेशे सर्वकाले पठित्वा सिद्धिमाप्नुयात् ॥ ६४॥

svarṇe raupye tathā tāmre sthāpayittvā prapūjayet |sarvadeśe sarvakāle paṭhitvā siddhimāpnuyāt || 64||

स भूयात्कुण्डलीपुत्रो नात्र कार्या विचारणा ॥ ६५॥

sa bhūyātkuṇḍalīputro nātra kāryā vicāraṇā || 65||

॥ इति श्रीरुद्रयामले उत्तरतन्त्रे महातन्त्रोद्दीपने सिद्धिविद्याप्रकरणेषट्चक्रप्रकाशे भैरवीभैरवसंवादे कन्दवासिनीकवचंअथवा कुलकुण्डलिनीकवचं सम्पूर्णम् ॥

|| iti śrīrudrayāmale uttaratantre mahātantroddīpane siddhividyāprakaraṇeṣaṭcakraprakāśe bhairavībhairavasaṃvāde kandavāsinīkavacaṃathavā kulakuṇḍalinīkavacaṃ sampūrṇam ||