कन्याकुमारीपञ्चरत्नस्तुतिः Shri Kanyakumaripancharatnastutih

(श्रीकन्याकुमारीक्षेत्रे)कान्तिधूतकनकाखिलगर्वांकाञ्चनाश्मसमबुद्धिविधात्रीम् ।काङ्क्षितार्थलघुदानसमर्थांकाञ्चनात्र कलये हृदि कन्याम् ॥ १॥

(śrīkanyākumārīkṣetre)kāntidhūtakanakākhilagarvāṃkāñcanāśmasamabuddhividhātrīm |kāṅkṣitārthalaghudānasamarthāṃkāñcanātra kalaye hṛdi kanyām || 1||

मान्यमङ्गजरिपोरपि यत्तच्छून्यदेहमतिमुख्यविकल्पैः ।मन्यते जडजनो हृदि कुर्वेकन्यकामहमघौघनिवृत्त्यै ॥ २॥

mānyamaṅgajariporapi yattacchūnyadehamatimukhyavikalpaiḥ |manyate jaḍajano hṛdi kurvekanyakāmahamaghaughanivṛttyai || 2||

वन्यमूलफलरक्षितदेहैर्जन्यसौख्यविमुखैरुपशान्तैः ।कन्यकां धरपतेरुपसेव्यामन्यशून्यहृदयः प्रणतोऽस्मि ॥ ३॥

vanyamūlaphalarakṣitadehairjanyasaukhyavimukhairupaśāntaiḥ |kanyakāṃ dharapaterupasevyāmanyaśūnyahṛdayaḥ praṇato'smi || 3||

कुमारीं रमामुख्यदेवाङ्गनार्च्यासमाधिप्रवीणैः समाराध्यपादाम् ।क्षमागर्वमात्मक्षमातोऽतिदूरंनयन्तीं शमादीनभीप्सन्नमस्ये ॥ ४॥

kumārīṃ ramāmukhyadevāṅganārcyāsamādhipravīṇaiḥ samārādhyapādām |kṣamāgarvamātmakṣamāto'tidūraṃnayantīṃ śamādīnabhīpsannamasye || 4||

क्षपानाथचूडां कृपावारिराशिंविपापेड्यपादामपारं भवाब्धिम् ।स्वपादाब्जनम्रान्द्रुतं तारयन्तींकुमारी भजे कन्यपूर्वामजस्रम् ॥ ५॥

kṣapānāthacūḍāṃ kṛpāvārirāśiṃvipāpeḍyapādāmapāraṃ bhavābdhim |svapādābjanamrāndrutaṃ tārayantīṃkumārī bhaje kanyapūrvāmajasram || 5||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीकन्याकुमारीपञ्चरत्नस्तुतिः सम्पूर्णा ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīkanyākumārīpañcaratnastutiḥ sampūrṇā |