कालभैरवस्तोत्रम् Shri Kalabhairava Stotram

श्रीगणेशाय नमः ।देवाः उचुः ।नमो भैरवदेवाय नित्ययानन्दमूर्तये ।विधिशास्त्रान्तमार्गाय वेदशास्त्रार्थदर्शिने ॥ १॥

śrīgaṇeśāya namaḥ |devāḥ ucuḥ |namo bhairavadevāya nityayānandamūrtaye |vidhiśāstrāntamārgāya vedaśāstrārthadarśine || 1||

दिगम्बराय कालाय नमः खट्वाङ्गधारिणे ।विभूतिविलसद्भालनेत्रायार्धेन्दुमालने ॥ २॥

digambarāya kālāya namaḥ khaṭvāṅgadhāriṇe |vibhūtivilasadbhālanetrāyārdhendumālane || 2||

कुमारप्रभवे तुभ्यं बटुकायमहात्मने ।नमोऽचिन्त्यप्रभावाय त्रिशूलायुधधारिणे ॥ ३॥

kumāraprabhave tubhyaṃ baṭukāyamahātmane |namo'cintyaprabhāvāya triśūlāyudhadhāriṇe || 3||

नमः खड्गमहाधारहृत त्रैलोक्यभीतये ।पूरितविश्वविश्वाय विश्वपालाय ते नमः ॥ ४॥

namaḥ khaḍgamahādhārahṛta trailokyabhītaye |pūritaviśvaviśvāya viśvapālāya te namaḥ || 4||

भूतावासाय भूताय भूतानां पतये नम ।अष्टमूर्ते नमस्तुभ्यं कालकालाय ते नमः ॥ ५॥

bhūtāvāsāya bhūtāya bhūtānāṃ pataye nama |aṣṭamūrte namastubhyaṃ kālakālāya te namaḥ || 5||

कं कालायातिघोराय क्षेत्रपालाय कामिने ।कलाकाष्टादिरूपाय कालाय क्षेत्रवासिने ॥ ६॥

kaṃ kālāyātighorāya kṣetrapālāya kāmine |kalākāṣṭādirūpāya kālāya kṣetravāsine || 6||

नमः क्षेत्रजिते तुभ्यं विराजे ज्ञानशालने ।विद्यानां गुरवे तुभ्यं विधिनां पतये नमः ॥ ७॥

namaḥ kṣetrajite tubhyaṃ virāje jñānaśālane |vidyānāṃ gurave tubhyaṃ vidhināṃ pataye namaḥ || 7||

नमः प्रपञ्चदोर्दण्ड दैत्यदर्पविनाशने ।निजभक्त जनोद्दाम हर्षप्रवरदायिने ॥ ८॥

namaḥ prapañcadordaṇḍa daityadarpavināśane |nijabhakta janoddāma harṣapravaradāyine || 8||

नमो जम्भारिमुख्याय नामैश्वर्याष्टदायिने ।अनन्तदुःखसंसारपारावारान्तदर्शिने ॥ ९॥

namo jambhārimukhyāya nāmaiśvaryāṣṭadāyine |anantaduḥkhasaṃsārapārāvārāntadarśine || 9||

नमो जम्भाय मोहाय द्वेषायोच्याटकारिणे ।वशङ्कराय राजन्यमौलन्यस्त निजान्ध्रये ॥ १०॥

namo jambhāya mohāya dveṣāyocyāṭakāriṇe |vaśaṅkarāya rājanyamaulanyasta nijāndhraye || 10||

नमो भक्तापदां हन्त्रे स्मृतिमात्रार्थदर्शिने ।आनन्दमूर्तये तुभ्यं श्मशाननिलयाय ते ॥ ११॥

namo bhaktāpadāṃ hantre smṛtimātrārthadarśine |ānandamūrtaye tubhyaṃ śmaśānanilayāya te || 11||

वेतालभूतकूष्माण्ड ग्रहसेवाविलासिने ।दिगम्बराय महते पिशाचाकृतिशालने ॥ १२॥

vetālabhūtakūṣmāṇḍa grahasevāvilāsine |digambarāya mahate piśācākṛtiśālane || 12||

नमोब्रह्मादिभर्वन्द्य पदरेणुवरायुषे ।ब्रह्मादिग्रासदक्षाय निःफलाय नमो नमः ॥ १३॥

namobrahmādibharvandya padareṇuvarāyuṣe |brahmādigrāsadakṣāya niḥphalāya namo namaḥ || 13||

नमः काशीनिवासाय नमो दण्डकवासिने ।नमोऽनन्त प्रबोधाय भैरवाय नमोनमः ॥ १४॥

namaḥ kāśīnivāsāya namo daṇḍakavāsine |namo'nanta prabodhāya bhairavāya namonamaḥ || 14||

इति श्रीकालभैरवस्तोत्रं सम्पूर्णम् ।

iti śrīkālabhairavastotraṃ sampūrṇam |