त्रिपुरसुन्दरीप्रातःस्मरणम् Tripurasundari Pratahsmaranam

श्रीगणेशाय नमः ।कस्तूरिकाकृतमनोज्ञललामभास्वदर्धेन्दुमुग्धनिटिलाञ्चलनीलकेशीम् ।प्रालम्बमाननवमौक्तिकहारभूषांप्रातः स्मरामि ललितां कमलायताक्षीम् ॥ १॥

śrīgaṇeśāya namaḥ |kastūrikākṛtamanojñalalāmabhāsvadardhendumugdhaniṭilāñcalanīlakeśīm |prālambamānanavamauktikahārabhūṣāṃprātaḥ smarāmi lalitāṃ kamalāyatākṣīm || 1||

एणाङ्कचूडसमुपार्जितपुण्यराशिमुत्तप्तहेमतनुकान्तिझरीपरीताम् ।एकाग्रचित्तमुनिमानसराजहंसींप्रातः स्मरामि ललितापरमेश्वरीं ताम् ॥ २॥

eṇāṅkacūḍasamupārjitapuṇyarāśimuttaptahematanukāntijharīparītām |ekāgracittamunimānasarājahaṃsīṃprātaḥ smarāmi lalitāparameśvarīṃ tām || 2||

ईषद्विकासिनयनान्तनिरीक्षणेनसाम्राज्यदानचतुरां चतुराननेड्याम् ।ईशाङ्कवासरसिकां रससिद्धिदात्रींप्रातः स्मरामि मनसा ललिताधिनाथाम् ॥ ३॥

īṣadvikāsinayanāntanirīkṣaṇenasāmrājyadānacaturāṃ caturānaneḍyām |īśāṅkavāsarasikāṃ rasasiddhidātrīṃprātaḥ smarāmi manasā lalitādhināthām || 3||

लक्ष्मीशपद्मभवनादिपदैश्चतुर्भिःसंशोभिते च फलकेन सदाशिवेन ।मञ्चे वितानसहिते ससुखं निषण्णांप्रातः स्मरामि मनसा ललिताधिनाथाम् ॥ ४॥

lakṣmīśapadmabhavanādipadaiścaturbhiḥsaṃśobhite ca phalakena sadāśivena |mañce vitānasahite sasukhaṃ niṣaṇṇāṃprātaḥ smarāmi manasā lalitādhināthām || 4||

ह्रींकारमन्त्रजपतर्पणहोमतुष्टांह्रींकारमन्त्रजलजातसुराजहंसीम् ।ह्रींकारहेमनवपञ्जरसारिकां तांप्रातः स्मरामि मनसा ललिताधिनाथाम् ॥ ५॥

hrīṃkāramantrajapatarpaṇahomatuṣṭāṃhrīṃkāramantrajalajātasurājahaṃsīm |hrīṃkārahemanavapañjarasārikāṃ tāṃprātaḥ smarāmi manasā lalitādhināthām || 5||

हल्लीसलास्यमृदुगीतिरसं पिबन्तीमाकूणिताक्षमनवद्यगुणाम्बुराशिम् ।सुप्तोत्थितां श्रुतिमनोहरकीरवाग्भिःप्रातः स्मरामि मनसा ललिताधिनाथाम्॥ ६॥

hallīsalāsyamṛdugītirasaṃ pibantīmākūṇitākṣamanavadyaguṇāmburāśim |suptotthitāṃ śrutimanoharakīravāgbhiḥprātaḥ smarāmi manasā lalitādhināthām|| 6||

सच्चिन्मयीं सकललोकहितैषिणी चसम्पत्करीहयमुखीमुखदेवतेड्याम् ।सर्वानवद्यसुकुमारशरीररम्यांप्रातः स्मरामि मनसा ललिताधिनाथाम् ॥ ७॥

saccinmayīṃ sakalalokahitaiṣiṇī casampatkarīhayamukhīmukhadevateḍyām |sarvānavadyasukumāraśarīraramyāṃprātaḥ smarāmi manasā lalitādhināthām || 7||

कन्याभिरर्धशशिमुग्धकिरीटभास्वच्चूडाभिरङ्कगतहृद्यविपञ्चिकाभिः ।संस्तूयमानचरितां सरसीरुहाक्षींप्रातः स्मरामि मनसा ललिताधिनाथाम् ॥ ८॥

kanyābhirardhaśaśimugdhakirīṭabhāsvaccūḍābhiraṅkagatahṛdyavipañcikābhiḥ |saṃstūyamānacaritāṃ sarasīruhākṣīṃprātaḥ smarāmi manasā lalitādhināthām || 8||

हत्वाऽसुरेन्द्रमतिमात्रबलावलिप्तभण्डासुरं समरचण्डमघोरसैन्यम् ।संरक्षितार्तजनतां तपनेन्दुनेत्रांप्रातः स्मरामि मनसा ललिताधिनाथाम् ॥ ९॥

hatvā'surendramatimātrabalāvaliptabhaṇḍāsuraṃ samaracaṇḍamaghorasainyam |saṃrakṣitārtajanatāṃ tapanendunetrāṃprātaḥ smarāmi manasā lalitādhināthām || 9||

लज्जावनम्ररमणीयमुखेन्दुबिम्बांलाक्षारुणाङ्घ्रिसरसीरुहशोभमानाम् ।रोलम्बजालसमनीलसुकुन्तलाड्यांप्रातः स्मरामि मनसा ललिताधिनाथाम् ॥ १०॥

lajjāvanamraramaṇīyamukhendubimbāṃlākṣāruṇāṅghrisarasīruhaśobhamānām |rolambajālasamanīlasukuntalāḍyāṃprātaḥ smarāmi manasā lalitādhināthām || 10||

ह्रींकारिणी हिममहीधरपुण्यराशिंह्रींकारमन्त्रमहनीयमनोज्ञरूपाम् ।ह्रींकारगर्भमनुसाधकसिद्धिदात्रींप्रातः स्मरामि मनसा ललिताधिनाथाम् ॥ ११॥

hrīṃkāriṇī himamahīdharapuṇyarāśiṃhrīṃkāramantramahanīyamanojñarūpām |hrīṃkāragarbhamanusādhakasiddhidātrīṃprātaḥ smarāmi manasā lalitādhināthām || 11||

सञ्जातजन्ममरणादिभयेन देवींसम्फुल्लपद्मविलयां शरदिन्दुशुभ्राम् ।अर्धेन्दुचूडवनितामणिमादिवन्द्यांप्रातः स्मरामि मनसा ललिताधिनाथाम् ॥ १२॥

sañjātajanmamaraṇādibhayena devīṃsamphullapadmavilayāṃ śaradinduśubhrām |ardhenducūḍavanitāmaṇimādivandyāṃprātaḥ smarāmi manasā lalitādhināthām || 12||

कल्याणशैलशिखरेषु विहारशीलांकामेश्वराङ्कनिलयां कमनीयरूपाम् ।काद्यर्णमन्त्रमहनीयमहानुभावांप्रातः स्मरामि मनसा ललिताधिनाथाम् ॥ १३॥

kalyāṇaśailaśikhareṣu vihāraśīlāṃkāmeśvarāṅkanilayāṃ kamanīyarūpām |kādyarṇamantramahanīyamahānubhāvāṃprātaḥ smarāmi manasā lalitādhināthām || 13||

लम्बोदरस्य जननीं तनुरोमराजींबिम्बाधरां च शरदिन्दुमुखीं मृडानीम् ।लावण्यपूर्णजलधिं जलजातहस्तांप्रातः स्मरामि मनसा ललीताधिनाथाम् ॥ १४॥

lambodarasya jananīṃ tanuromarājīṃbimbādharāṃ ca śaradindumukhīṃ mṛḍānīm |lāvaṇyapūrṇajaladhiṃ jalajātahastāṃprātaḥ smarāmi manasā lalītādhināthām || 14||

ह्रींकारपूर्णनिगमैः प्रतिपाद्यमानांह्रींकारपद्मनिलयां हतदानवेन्द्राम् ।ह्रींकारगर्भमनुराजनिषेव्यमाणांप्रातः स्मरामि मनसा ललिताधिनाथाम् ॥ १५॥

hrīṃkārapūrṇanigamaiḥ pratipādyamānāṃhrīṃkārapadmanilayāṃ hatadānavendrām |hrīṃkāragarbhamanurājaniṣevyamāṇāṃprātaḥ smarāmi manasā lalitādhināthām || 15||

श्रीचक्रराजनिलयां श्रितकामधेनुंश्रीकामराजजननीं शिवभागधेयाम् ।श्रीमद्गुहस्य कुल्यमङ्गलदेवतां तांप्रातः स्मरामि मनसा ललिताधिनाथाम् ॥ १६॥

śrīcakrarājanilayāṃ śritakāmadhenuṃśrīkāmarājajananīṃ śivabhāgadheyām |śrīmadguhasya kulyamaṅgaladevatāṃ tāṃprātaḥ smarāmi manasā lalitādhināthām || 16||

इति श्रीत्रिपुरसुन्दरीप्रातःस्मरणं समाप्तम् ॥

iti śrītripurasundarīprātaḥsmaraṇaṃ samāptam ||