भैरवीकवचम् Shri Bhairavi Kavacham

श्रीपार्वत्युवाचदेवदेव महादेव सर्वशास्त्रविशारद ।कृपाङ्कुरु जगन्नाथ धर्मज्ञोऽसि महामते ॥ १॥

śrīpārvatyuvācadevadeva mahādeva sarvaśāstraviśārada |kṛpāṅkuru jagannātha dharmajño'si mahāmate || 1||

भैरवी या पुरा प्रोक्ता विद्या त्रिपुरपूर्विका ।तस्यास्तु कवचन्दिव्यं मह्यङ्कथय तत्त्वतः ॥ २॥

bhairavī yā purā proktā vidyā tripurapūrvikā |tasyāstu kavacandivyaṃ mahyaṅkathaya tattvataḥ || 2||

तस्यास्तु वचनं श्रुत्वा जगाद जगदीश्वरः ।अद्भुतङ्कवचन्देव्या भैरव्या दिव्यरूपि वै ॥ ३॥

tasyāstu vacanaṃ śrutvā jagāda jagadīśvaraḥ |adbhutaṅkavacandevyā bhairavyā divyarūpi vai || 3||

ईश्वर उवाचकथयामि महाविद्याकवचं सर्वदुर्लभम् ।शृणुष्व त्वञ्च विधिना श्रुत्वा गोप्यन्तवापि तत् ॥ ४॥

īśvara uvācakathayāmi mahāvidyākavacaṃ sarvadurlabham |śṛṇuṣva tvañca vidhinā śrutvā gopyantavāpi tat || 4||

यस्याः प्रसादात्सकलं बिभर्मि भुवनत्रयम् ।यस्याः सर्वं समुत्पन्नयस्यामद्यापि तिष्ठति ॥ ५॥

yasyāḥ prasādātsakalaṃ bibharmi bhuvanatrayam |yasyāḥ sarvaṃ samutpannayasyāmadyāpi tiṣṭhati || 5||

माता पिता जगद्धन्या जगद्ब्रह्मस्वरूपिणी ।सिद्धिदात्री च सिद्धास्स्यादसिद्धा दुष्टजन्तुषु ॥ ६॥

mātā pitā jagaddhanyā jagadbrahmasvarūpiṇī |siddhidātrī ca siddhāssyādasiddhā duṣṭajantuṣu || 6||

सर्वभूतहितकरी सर्वभूतस्वरूपिणी ।ककारी पातु मान्देवी कामिनी कामदायिनी ॥ ७॥

sarvabhūtahitakarī sarvabhūtasvarūpiṇī |kakārī pātu māndevī kāminī kāmadāyinī || 7||

एकारी पातु मान्देवी मूलाधारस्वरूपिणी ।इकारी पातु मान्देवी भूरि सर्वसुखप्रदा ॥ ८॥

ekārī pātu māndevī mūlādhārasvarūpiṇī |ikārī pātu māndevī bhūri sarvasukhapradā || 8||

लकारी पातु मान्देवी इन्द्राणी वरवल्लभा ।ह्रीङ्कारी पातु मान्देवी सर्वदा शम्भुसुन्दरी ॥ ९॥

lakārī pātu māndevī indrāṇī varavallabhā |hrīṅkārī pātu māndevī sarvadā śambhusundarī || 9||

एतैर्वर्णैर्महामाया शम्भवी पातु मस्तकम् ।ककारे पातु मान्देवी शर्वाणी हरगेहिनी ॥ १०॥

etairvarṇairmahāmāyā śambhavī pātu mastakam |kakāre pātu māndevī śarvāṇī haragehinī || 10||

मकारे पातु मान्देवी सर्वपापप्रणाशिनी ।ककारे पातु मान्देवी कामरूपधरा सदा ॥ ११॥

makāre pātu māndevī sarvapāpapraṇāśinī |kakāre pātu māndevī kāmarūpadharā sadā || 11||

ककारे पातु मान्देवी शम्बरारिप्रिया सदा ।पकारी पातु मान्देवी धराधरणिरूपधृक् ॥ १२॥

kakāre pātu māndevī śambarāripriyā sadā |pakārī pātu māndevī dharādharaṇirūpadhṛk || 12||

ह्रीङ्कारी पातु मान्देवी आकारार्द्धशरीरिणी ।एतैर्वर्णैर्महामाया कामराहुप्रियाऽवतु ॥ १३॥

hrīṅkārī pātu māndevī ākārārddhaśarīriṇī |etairvarṇairmahāmāyā kāmarāhupriyā'vatu || 13||

मकारः पातु मान्देवी सावित्री सर्वदायिनी ।ककारः पातु सर्वत्र कलाम्बरस्वरूपिणी ॥ १४॥

makāraḥ pātu māndevī sāvitrī sarvadāyinī |kakāraḥ pātu sarvatra kalāmbarasvarūpiṇī || 14||

लकारः पातु मान्देवी लक्ष्मीः सर्वसुलक्षणा ।ह्रीं पातु मान्तु सर्वत्र देवी त्रिभुवनेश्वरी ॥ १५॥

lakāraḥ pātu māndevī lakṣmīḥ sarvasulakṣaṇā |hrīṃ pātu māntu sarvatra devī tribhuvaneśvarī || 15||

एतैर्वर्णैर्महामाया पातु शक्तिस्वरूपिणी ।वाग्भवं मस्तकमम्पातु वदनङ्कामराजिका ॥ १६॥

etairvarṇairmahāmāyā pātu śaktisvarūpiṇī |vāgbhavaṃ mastakamampātu vadanaṅkāmarājikā || 16||

शक्तिस्वरूपिणी पातु हृदययन्त्रसिद्धिदा ।सुन्दरी सर्वदा पातु सुन्दरी परिरक्षति ॥ १७॥

śaktisvarūpiṇī pātu hṛdayayantrasiddhidā |sundarī sarvadā pātu sundarī parirakṣati || 17||

रक्तवर्णा सदा पातु सुन्दरी सर्वदायिनी ।नानालङ्कारसंयुक्ता सुन्दरी पातु सर्वदा ॥ १८॥

raktavarṇā sadā pātu sundarī sarvadāyinī |nānālaṅkārasaṃyuktā sundarī pātu sarvadā || 18||

सर्वाङ्गसुन्दरी पातु सर्वत्र शिवदायिनी ।जगदाह्लादजननी शम्भुरूपा च मां सदा ॥ १९॥

sarvāṅgasundarī pātu sarvatra śivadāyinī |jagadāhlādajananī śambhurūpā ca māṃ sadā || 19||

सर्वमन्त्रमयी पातु सर्वसौभाग्यदायिनी ।सर्वलक्ष्मीमयी देवी परमानन्ददायिनी ॥ २०॥

sarvamantramayī pātu sarvasaubhāgyadāyinī |sarvalakṣmīmayī devī paramānandadāyinī || 20||

पातु मां सर्वदा देवी नानाशङ्खनिधिः शिवा ।पातु पद्मनिधिर्देवी सर्वदा शिवदायिनी ॥ २१॥

pātu māṃ sarvadā devī nānāśaṅkhanidhiḥ śivā |pātu padmanidhirdevī sarvadā śivadāyinī || 21||

दक्षिणामूर्तिर्माम्पातु ऋषिः सर्वत्र मस्तके ।पङ्क्तिश्छन्दः स्वरूपा तु मुखे पातु सुरेश्वरी ॥ २२॥

dakṣiṇāmūrtirmāmpātu ṛṣiḥ sarvatra mastake |paṅktiśchandaḥ svarūpā tu mukhe pātu sureśvarī || 22||

गन्धाष्टकात्मिका पातु हृदयं शङ्करी सदा ।सर्वसंमोहिनी पातु पातु सङ्क्षोभिणी सदा ॥ २३॥

gandhāṣṭakātmikā pātu hṛdayaṃ śaṅkarī sadā |sarvasaṃmohinī pātu pātu saṅkṣobhiṇī sadā || 23||

सर्वसिद्धिप्रदा पातु सर्वाकर्षणकारिणी ।क्षोभिणी सर्वदा पातु वशिनी सर्वदावतु ॥ २४॥

sarvasiddhipradā pātu sarvākarṣaṇakāriṇī |kṣobhiṇī sarvadā pātu vaśinī sarvadāvatu || 24||

आकर्षिणी सदा पातु सं मोहिनी सदावतु ।रतिर्देवी सदा पातु भगाङ्गा सर्वदावतु ॥ २५॥

ākarṣiṇī sadā pātu saṃ mohinī sadāvatu |ratirdevī sadā pātu bhagāṅgā sarvadāvatu || 25||

महेश्वरी सदा पातु कौमारी सर्वदावतु ।सर्वाह्लादनकारी माम्पातु सर्ववशङ्करी ॥ २६॥

maheśvarī sadā pātu kaumārī sarvadāvatu |sarvāhlādanakārī māmpātu sarvavaśaṅkarī || 26||

क्षेमङ्करी सदा पातु सर्वाङ्गसुन्दरी तथा ।सर्वाङ्गयुवतिः सर्वं सर्वसौभाग्यदायिनी ॥ २७॥

kṣemaṅkarī sadā pātu sarvāṅgasundarī tathā |sarvāṅgayuvatiḥ sarvaṃ sarvasaubhāgyadāyinī || 27||

वाग्देवी सर्वदा पातु वाणिनी सर्वदावतु ।वशिनी सर्वदा पातु महासिद्धिप्रदा सदा ॥ २८॥

vāgdevī sarvadā pātu vāṇinī sarvadāvatu |vaśinī sarvadā pātu mahāsiddhipradā sadā || 28||

सर्वविद्राविणी पातु गणनाथः सदावतु ।दुर्गा देवी सदा पातु बटुकः सर्वदावतु ॥ २९॥

sarvavidrāviṇī pātu gaṇanāthaḥ sadāvatu |durgā devī sadā pātu baṭukaḥ sarvadāvatu || 29||

क्षेत्रपालः सदा पातु पातु चावरिशान्तिका ।अनन्तः सर्वदा पातु वराहः सर्वदावतु ॥ ३०॥

kṣetrapālaḥ sadā pātu pātu cāvariśāntikā |anantaḥ sarvadā pātu varāhaḥ sarvadāvatu || 30||

पृथिवी सर्वदा पातु स्वर्णसिम्हासनन्तथा ।रक्तामृतञ्च सततम्पातु मां सर्वकालतः ॥ ३१॥

pṛthivī sarvadā pātu svarṇasimhāsanantathā |raktāmṛtañca satatampātu māṃ sarvakālataḥ || 31||

सुरार्णवः सदा पातु कल्पवृक्षः सदावतु ।श्वेतच्छत्रं सदा पातु रक्तदीपः सदावतु ॥ ३२॥

surārṇavaḥ sadā pātu kalpavṛkṣaḥ sadāvatu |śvetacchatraṃ sadā pātu raktadīpaḥ sadāvatu || 32||

नन्दनोद्यानं सततम्पातु मां सर्वसिद्धये ।दिक्पालाः सर्वदा पान्तु द्वन्द्वौघाः सकलास्तथा ॥ ३३॥

nandanodyānaṃ satatampātu māṃ sarvasiddhaye |dikpālāḥ sarvadā pāntu dvandvaughāḥ sakalāstathā || 33||

वाहनानि सदा पान्तु अस्त्राणि पान्तु सर्वदा ।शस्त्राणि सर्वदा पान्तु योगिन्यः पान्तु सर्वदा ॥ ३४॥

vāhanāni sadā pāntu astrāṇi pāntu sarvadā |śastrāṇi sarvadā pāntu yoginyaḥ pāntu sarvadā || 34||

सिद्धाः पान्तु सदा देवी सर्वसिद्धिप्रदावतु ।सर्वाङ्गसुन्दरी देवी सर्वदावतु मान्तथा ॥ ३५॥

siddhāḥ pāntu sadā devī sarvasiddhipradāvatu |sarvāṅgasundarī devī sarvadāvatu māntathā || 35||

आनन्दरूपिणी देवी चित्स्वरूपा चिदात्मिका ।सर्वदा सुन्दरी पातु सुन्दरी भवसुन्दरी ॥ ३६॥

ānandarūpiṇī devī citsvarūpā cidātmikā |sarvadā sundarī pātu sundarī bhavasundarī || 36||

पृथग्देवालये घोरे सङ्कटे दुर्गमे गिरौ ।अरण्ये प्रान्तरे वापि पातु मां सुन्दरी सदा ॥ ३७॥

pṛthagdevālaye ghore saṅkaṭe durgame girau |araṇye prāntare vāpi pātu māṃ sundarī sadā || 37||

इदङ्कवचमित्युक्तं मन्त्रोद्धारश्च पार्वति ।यः पठेत्प्रयतो भूत्वा त्रिसन्ध्यन्नियतः शुचिः ॥ ३८॥

idaṅkavacamityuktaṃ mantroddhāraśca pārvati |yaḥ paṭhetprayato bhūtvā trisandhyanniyataḥ śuciḥ || 38||

तस्य सर्वार्थसिद्धिः स्याद्यद्यन्मनसि वर्तते ।गोरोचनाकुङ्कुमेन रक्तचन्दनकेन वा ॥ ३९॥

tasya sarvārthasiddhiḥ syādyadyanmanasi vartate |gorocanākuṅkumena raktacandanakena vā || 39||

स्वयम्भूकुसुमैः शुक्लैर्भूमिपुत्रे शनौ सुरे ।श्मशाने प्रान्तरे वापि शून्यागारे शिवालये ॥ ४०॥

svayambhūkusumaiḥ śuklairbhūmiputre śanau sure |śmaśāne prāntare vāpi śūnyāgāre śivālaye || 40||

स्वशक्त्या गुरुणा यन्त्रम्पूजयित्वा कुमारिकाः ।तन्मनुम्पूजयित्वा च गुरुपङ्क्तिन्तथैव च ॥ ४१॥

svaśaktyā guruṇā yantrampūjayitvā kumārikāḥ |tanmanumpūjayitvā ca gurupaṅktintathaiva ca || 41||

देव्यै बलिन्निवेद्याथ नरमार्जारसूकरैः ।नकुलैर्महिषैर्मेषैः पूजयित्वा विधानतः ॥ ४२॥

devyai balinnivedyātha naramārjārasūkaraiḥ |nakulairmahiṣairmeṣaiḥ pūjayitvā vidhānataḥ || 42||

धृत्वा सुवर्णमध्यस्तङ्कण्ठे वा दक्षिणे भुजे ।सुतिथौ शुभनक्षत्रे सूर्यस्योदयने तथा ॥ ४३॥

dhṛtvā suvarṇamadhyastaṅkaṇṭhe vā dakṣiṇe bhuje |sutithau śubhanakṣatre sūryasyodayane tathā || 43||

धारयित्वा च कवचं सर्वसिद्धिलभेन्नरः ।कवचस्य च माहात्म्यन्नाहवर्षशतैरपि ॥ ४४॥

dhārayitvā ca kavacaṃ sarvasiddhilabhennaraḥ |kavacasya ca māhātmyannāhavarṣaśatairapi || 44||

शक्नोमि तु महेशानि वक्तुन्तस्य फलन्तु यत् ।न दुर्भिक्षफलन्तत्र न चापि पीडनन्तथा ॥ ४५॥

śaknomi tu maheśāni vaktuntasya phalantu yat |na durbhikṣaphalantatra na cāpi pīḍanantathā || 45||

सर्वविघ्नप्रशमनं सर्वव्याधिविनाशनम् ॥ ४६॥

sarvavighnapraśamanaṃ sarvavyādhivināśanam || 46||

सर्वरक्षाकरञ्जन्तोश्चतुर्वर्गफलप्रदम् ।यत्र कुत्र न वक्तव्यन्न दातव्यङ्कदाचन ॥ ४७॥

sarvarakṣākarañjantoścaturvargaphalapradam |yatra kutra na vaktavyanna dātavyaṅkadācana || 47||

मन्त्रम्प्राप्य विधानेन पूजयेत्सततं सुधीः ।तत्रापि दुर्लभं मन्ये कवचन्देवरूपिणम् ॥ ४८॥

mantramprāpya vidhānena pūjayetsatataṃ sudhīḥ |tatrāpi durlabhaṃ manye kavacandevarūpiṇam || 48||

गुरोः प्रसादमासाद्य विद्याम्प्राप्य सुगोपिताम् ।तत्रापि कवचन्दिव्यन्दुर्लभम्भुवनत्रये ॥ ४९॥

guroḥ prasādamāsādya vidyāmprāpya sugopitām |tatrāpi kavacandivyandurlabhambhuvanatraye || 49||

श्लोकवा स्तवमेकवा यः पठेत्प्रयतः शुचिः ।तस्य सर्वार्थसिद्धिः स्याच्छङ्करेण प्रभाषितम् ॥ ५०॥

ślokavā stavamekavā yaḥ paṭhetprayataḥ śuciḥ |tasya sarvārthasiddhiḥ syācchaṅkareṇa prabhāṣitam || 50||

गुरुर्द्देवो हरः साक्षात्पत्नी तस्य च पार्वती ।अभेदेन यजेद्यस्तु तस्य सिद्धिरदूरतः ॥ ५१॥

gururddevo haraḥ sākṣātpatnī tasya ca pārvatī |abhedena yajedyastu tasya siddhiradūrataḥ || 51||

इति श्रीरुद्रयामले भैरवभैरवीसंआदे श्रीभैरवीकवचंसम्पूर्णम् ॥

iti śrīrudrayāmale bhairavabhairavīsaṃāde śrībhairavīkavacaṃsampūrṇam ||