भुवनेश्वर्यष्टोत्तरशतनामस्तोत्रम् २ Shri Bhuvaneshvari Ashtottarashatanama Stotram

अथ श्रीभुवनेश्वर्यष्टोत्तरशतनामस्तोत्रम् ।ईश्वर उवाच ।ॐ महासम्मोहिनी देवी सुन्दरी भुवनेश्वरी ।एकाक्षरी एकमन्त्री एकाकी लोकनायिका ॥ १॥

atha śrībhuvaneśvaryaṣṭottaraśatanāmastotram |īśvara uvāca |oṃ mahāsammohinī devī sundarī bhuvaneśvarī |ekākṣarī ekamantrī ekākī lokanāyikā || 1||

एकरूपा महारूपा स्थूलसूक्ष्मशरीरिणी ।बीजरूपा महाशक्तिः सङ्ग्रामे जयवर्धिनी ॥ २॥

ekarūpā mahārūpā sthūlasūkṣmaśarīriṇī |bījarūpā mahāśaktiḥ saṅgrāme jayavardhinī || 2||

महारतिर्महाशक्तिर्योगिनी पापनाशिनी ।अष्टसिद्धिः कलारूपा वैष्णवी भद्रकालिका ॥ ३॥

mahāratirmahāśaktiryoginī pāpanāśinī |aṣṭasiddhiḥ kalārūpā vaiṣṇavī bhadrakālikā || 3||

भक्तिप्रिया महादेवी हरिब्रह्मादिरूपिणी ।शिवरूपी विष्णुरूपी कालरूपी सुखासिनी ॥ ४॥

bhaktipriyā mahādevī haribrahmādirūpiṇī |śivarūpī viṣṇurūpī kālarūpī sukhāsinī || 4||

पुराणी पुण्यरूपा च पार्वती पुण्यवर्धिनी ।रुद्राणी पार्वतीन्द्राणी शङ्करार्धशरीरिणी ॥ ५॥

purāṇī puṇyarūpā ca pārvatī puṇyavardhinī |rudrāṇī pārvatīndrāṇī śaṅkarārdhaśarīriṇī || 5||

नारायणी महादेवी महिषी सर्वमङ्गला ।अकारादिक्षकारान्ता ह्यष्टात्रिंशत्कलाधरी ॥ ६॥

nārāyaṇī mahādevī mahiṣī sarvamaṅgalā |akārādikṣakārāntā hyaṣṭātriṃśatkalādharī || 6||

सप्तमा त्रिगुणा नारी शरीरोत्पत्तिकारिणी ।आकल्पान्तकलाव्यापिसृष्टिसंहारकारिणी ॥ ७॥

saptamā triguṇā nārī śarīrotpattikāriṇī |ākalpāntakalāvyāpisṛṣṭisaṃhārakāriṇī || 7||

सर्वशक्तिर्महाशक्तिः शर्वाणी परमेश्वरी ।हृल्लेखा भुवना देवी महाकविपरायणा ॥ ८॥

sarvaśaktirmahāśaktiḥ śarvāṇī parameśvarī |hṛllekhā bhuvanā devī mahākaviparāyaṇā || 8||

इच्छाज्ञानक्रियारूपा अणिमादिगुणाष्टका ।नमः शिवायै शान्तायै शाङ्करि भुवनेश्वरि ॥ ९॥

icchājñānakriyārūpā aṇimādiguṇāṣṭakā |namaḥ śivāyai śāntāyai śāṅkari bhuvaneśvari || 9||

वेदवेदाङ्गरूपा च अतिसूक्ष्मा शरीरिणी ।कालज्ञानी शिवज्ञानी शैवधर्मपरायणा ॥ १०॥

vedavedāṅgarūpā ca atisūkṣmā śarīriṇī |kālajñānī śivajñānī śaivadharmaparāyaṇā || 10||

कालान्तरी कालरूपी संज्ञाना प्राणधारिणी ।खड्गश्रेष्ठा च खट्वाङ्गी त्रिशूलवरधारिणी ॥ ११॥

kālāntarī kālarūpī saṃjñānā prāṇadhāriṇī |khaḍgaśreṣṭhā ca khaṭvāṅgī triśūlavaradhāriṇī || 11||

अरूपा बहुरूपा च नायिका लोकवश्यगा ।अभया लोकरक्षा च पिनाकी नागधारिणी ॥ १२॥

arūpā bahurūpā ca nāyikā lokavaśyagā |abhayā lokarakṣā ca pinākī nāgadhāriṇī || 12||

वज्रशक्तिर्महाशक्तिः पाशतोमरधारिणी ।अष्टादशभुजा देवी हृल्लेखा भुवना तथा ॥ १३॥

vajraśaktirmahāśaktiḥ pāśatomaradhāriṇī |aṣṭādaśabhujā devī hṛllekhā bhuvanā tathā || 13||

खड्गधारी महारूपा सोमसूर्याग्निमध्यगा ।एवं शताष्टकं नाम स्तोत्रं रमणभाषितम् ॥ १४॥

khaḍgadhārī mahārūpā somasūryāgnimadhyagā |evaṃ śatāṣṭakaṃ nāma stotraṃ ramaṇabhāṣitam || 14||

सर्वपापप्रशमनं सर्वारिष्टनिवारणम् ।सर्वशत्रुक्षयकरं सदा विजयवर्धनम् ॥ १५॥

sarvapāpapraśamanaṃ sarvāriṣṭanivāraṇam |sarvaśatrukṣayakaraṃ sadā vijayavardhanam || 15||

आयुष्करं पुष्टिकरं रक्षाकरं यशस्करम् ।अमरादिपदैश्वर्यममत्वांशकलापहम् ॥ १६॥

āyuṣkaraṃ puṣṭikaraṃ rakṣākaraṃ yaśaskaram |amarādipadaiśvaryamamatvāṃśakalāpaham || 16||

इति श्रीरुद्रयामले तन्त्रे भुवनेश्वर्यष्टोत्तरशतनाम समाप्तम् ।

iti śrīrudrayāmale tantre bhuvaneśvaryaṣṭottaraśatanāma samāptam |