भैरवीहृदयम् Shri Bhairavi Hridaya

॥ श्रीगणेशाय नमः ॥॥ श्रीउमामहेश्वराभ्यां नमः ॥॥ अथ श्रीभैरवीहृदय प्रारम्भः ॥मेरौ गिरिवरेशानी शिवन्ध्यानपरायणम् ।पार्वती परिपप्रच्छ परानुग्रहवाञ्छया ॥ १॥

|| śrīgaṇeśāya namaḥ |||| śrīumāmaheśvarābhyāṃ namaḥ |||| atha śrībhairavīhṛdaya prārambhaḥ ||merau girivareśānī śivandhyānaparāyaṇam |pārvatī paripapraccha parānugrahavāñchayā || 1||

श्रीपार्वत्युवाचभगवंस्त्वन्मुखाम्भोजाच्छ्रुता धर्मा अनेकशः ।पुनह्स्श्रोतुं समिच्छामि भैरवीस्तोत्रमुत्तमम् ॥ २॥

śrīpārvatyuvācabhagavaṃstvanmukhāmbhojācchrutā dharmā anekaśaḥ |punahsśrotuṃ samicchāmi bhairavīstotramuttamam || 2||

श्रीशङ्कर उवाचशृणु देवि प्रवक्ष्यामि भैरवीहृदयाह्वयम् ।स्तोत्रन्तु परमम्पुण्यं सर्वकल्याणकारणम् ॥ ३॥

śrīśaṅkara uvācaśṛṇu devi pravakṣyāmi bhairavīhṛdayāhvayam |stotrantu paramampuṇyaṃ sarvakalyāṇakāraṇam || 3||

यस्य श्रवणमात्रेण मङ्गलम्भवति ध्रुवम् ।विना ध्यानादिना वापि भैरवी परितुष्यति ॥ ४॥

yasya śravaṇamātreṇa maṅgalambhavati dhruvam |vinā dhyānādinā vāpi bhairavī parituṣyati || 4||

ॐ अस्य श्रीभैरवीहृदयमन्त्रस्य दक्षिणामूर्त्ति ऋषिः ।पङ्क्ति छन्दः । भयविध्वंसिनी भैरवी देवता ।हकारो बीजम् । रीं शक्तिः । रैः कीलकम् ।सर्वभयविध्वंसनार्थे जपे (पाठे) विनियोगः ॥॥ अथ करन्यासः ॥ॐ ह्रीं अङ्गुष्ठाभ्यां नमः ।ॐ श्रीं तर्जनीभ्यां नमः ।ॐ ऐं मध्यमाभ्यां नमः ।ॐ ह्रीं अनामिकाभ्यां नमः ।ॐ श्रीं कनिष्ठिकाभ्यां नमः ।ॐ ऐं करतलकरपृष्ठाभ्यां नमः ॥॥ इति करन्यासः ॥॥ अथ हृदयादिषडङ्गन्यासः ॥ॐ ह्रीं हृदयाय नमः ।ॐ श्रीं शिरसे स्वाहा ।ॐ ऐं शिखायै वषट् ।ॐ ह्रीं कवचाय हुम् ।ॐ श्रीं नेत्रत्रयाय वौषट् ।ॐ ऐं अस्त्राय फट् ॥॥ इति हृदयादिषडङ्गन्यासः ॥॥ अथ ध्यानम् ॥देवैर्ध्द्ये यान्त्रिनेत्रामसुरदलघनारण्यरोराग्निरूपांरौद्रीं रक्ताम्बराढ्यां रतिघटिघटितोरोजयुग्मोग्ररूपाम् ।चन्द्रार्द्धभ्राजिभव्याभरणकरलसद्भालबिम्बाम्भवानींसिन्दूरापूरिताङ्गीं त्रिभुवनजननीं भैरवीं भावयामि ॥भवभ्रमत्समस्तभूतवेदमार्गदायिनीन्दुरन्तदुःखदारिणींविदारिणीं सुरद्रुहाम् ।भवप्रदाम्भवान्धकारभेदनप्रभाकरामितप्रभाम्भवच्छिदाम्भजामि भैरवीं सदा ॥ १॥

oṃ asya śrībhairavīhṛdayamantrasya dakṣiṇāmūrtti ṛṣiḥ |paṅkti chandaḥ | bhayavidhvaṃsinī bhairavī devatā |hakāro bījam | rīṃ śaktiḥ | raiḥ kīlakam |sarvabhayavidhvaṃsanārthe jape (pāṭhe) viniyogaḥ |||| atha karanyāsaḥ ||oṃ hrīṃ aṅguṣṭhābhyāṃ namaḥ |oṃ śrīṃ tarjanībhyāṃ namaḥ |oṃ aiṃ madhyamābhyāṃ namaḥ |oṃ hrīṃ anāmikābhyāṃ namaḥ |oṃ śrīṃ kaniṣṭhikābhyāṃ namaḥ |oṃ aiṃ karatalakarapṛṣṭhābhyāṃ namaḥ |||| iti karanyāsaḥ |||| atha hṛdayādiṣaḍaṅganyāsaḥ ||oṃ hrīṃ hṛdayāya namaḥ |oṃ śrīṃ śirase svāhā |oṃ aiṃ śikhāyai vaṣaṭ |oṃ hrīṃ kavacāya hum |oṃ śrīṃ netratrayāya vauṣaṭ |oṃ aiṃ astrāya phaṭ |||| iti hṛdayādiṣaḍaṅganyāsaḥ |||| atha dhyānam ||devairdhdye yāntrinetrāmasuradalaghanāraṇyarorāgnirūpāṃraudrīṃ raktāmbarāḍhyāṃ ratighaṭighaṭitorojayugmograrūpām |candrārddhabhrājibhavyābharaṇakaralasadbhālabimbāmbhavānīṃsindūrāpūritāṅgīṃ tribhuvanajananīṃ bhairavīṃ bhāvayāmi ||bhavabhramatsamastabhūtavedamārgadāyinīndurantaduḥkhadāriṇīṃvidāriṇīṃ suradruhām |bhavapradāmbhavāndhakārabhedanaprabhākarāmitaprabhāmbhavacchidāmbhajāmi bhairavīṃ sadā || 1||

उरः प्रलम्बिताहिमाल्यचन्द्रभालभूषणान्नवाम्बुदप्रभां सरोजचारुलोचनत्रयाम् ।सुपर्ववृन्दवन्दितां सुरापदन्तकारिकाम्भवानुभावभाविनीं भजामि भैरवीं सदा ॥ २॥

uraḥ pralambitāhimālyacandrabhālabhūṣaṇānnavāmbudaprabhāṃ sarojacārulocanatrayām |suparvavṛndavanditāṃ surāpadantakārikāmbhavānubhāvabhāvinīṃ bhajāmi bhairavīṃ sadā || 2||

अखण्डभूमिमण्डलैकभारधीरधारिणींसुभक्तिभावितात्मनां विभूतिभव्यदायिनीम् ।भवप्रपञ्चकारिणीं विहारिणीं भवाम्बुधौभवस्यहृदयभाविनीं भजामि भैरवीं सदा ॥ ३॥

akhaṇḍabhūmimaṇḍalaikabhāradhīradhāriṇīṃsubhaktibhāvitātmanāṃ vibhūtibhavyadāyinīm |bhavaprapañcakāriṇīṃ vihāriṇīṃ bhavāmbudhaubhavasyahṛdayabhāvinīṃ bhajāmi bhairavīṃ sadā || 3||

शरच्चमत्कृतार्च्यचन्द्रचन्द्रिकाविरोधिकप्रभावतीमुखाब्जमञ्जुमाधुरीमिलद्गिराम् ।भुजङ्गमालया नृमुण्डमालया च मण्डितांसुभक्तिमुक्तिभूतिदां भजामि भैरवीं सदा ॥ ४॥

śaraccamatkṛtārcyacandracandrikāvirodhikaprabhāvatīmukhābjamañjumādhurīmiladgirām |bhujaṅgamālayā nṛmuṇḍamālayā ca maṇḍitāṃsubhaktimuktibhūtidāṃ bhajāmi bhairavīṃ sadā || 4||

सुधांशुसूर्यवह्निलोचनत्रयान्विताननान्नरान्तकान्तकप्रभूतिपर्वदत्त दक्षिणाम् ।समुण्डचण्डखण्डनप्रचण्डचन्द्रहासिनीन्तमोमतिप्रकाशिनीं भजामि भैरवीं सदा ॥ ५॥

sudhāṃśusūryavahnilocanatrayānvitānanānnarāntakāntakaprabhūtiparvadatta dakṣiṇām |samuṇḍacaṇḍakhaṇḍanapracaṇḍacandrahāsinīntamomatiprakāśinīṃ bhajāmi bhairavīṃ sadā || 5||

त्रिशूलिनीं त्रिपुण्ड्रिनीं त्रिखण्डिनीं त्रिदण्डिनींगुणत्रयातिरक्तमत्यचिन्त्यचित्स्वरूपिणीम् ।सवासवादितेयवैरिवृन्दवंशभेदिनींभवप्रभावभाविनीं भजामि भैरवीं सदा ॥ ६॥

triśūlinīṃ tripuṇḍrinīṃ trikhaṇḍinīṃ tridaṇḍinīṃguṇatrayātiraktamatyacintyacitsvarūpiṇīm |savāsavāditeyavairivṛndavaṃśabhedinīṃbhavaprabhāvabhāvinīṃ bhajāmi bhairavīṃ sadā || 6||

सुदीप्तकोटिबालभानुमण्डलप्रभाङ्गमादिगन्तदारितान्धकारभूरिपुञ्जपद्धतिम् ।द्विजन्मनित्यधर्म्मनीतिवृद्धिलग्नमानसांसरोजरोचिराननां भजामि भैरवीं सदा ॥ ७॥

sudīptakoṭibālabhānumaṇḍalaprabhāṅgamādigantadāritāndhakārabhūripuñjapaddhatim |dvijanmanityadharmmanītivṛddhilagnamānasāṃsarojarocirānanāṃ bhajāmi bhairavīṃ sadā || 7||

चलत्सुवर्णकुण्डलप्रभोल्लसत्कपोलरुक्समाकुलाननाम्बुजस्थशुभ्रकीर नासिकाम् ।सचन्द्रभालभैरवस्य दर्शनस्पृहच्चकोरनीलकञ्जदर्शनां भजामि भैरवीं सदा ॥ ८॥

calatsuvarṇakuṇḍalaprabhollasatkapolaruksamākulānanāmbujasthaśubhrakīra nāsikām |sacandrabhālabhairavasya darśanaspṛhaccakoranīlakañjadarśanāṃ bhajāmi bhairavīṃ sadā || 8||

इमं हृदाख्यसङ्गतस्तवम्पठन्ति येऽनिशम्पतन्ति ते कदापिनान्धकूपरूपवद्भवे ।भवन्ति च प्रभूतिभक्तिमुक्तिमन्त उज्ज्वलास्ततः प्रसीदति प्रमोदमानसा च भैरवी ॥ ९॥

imaṃ hṛdākhyasaṅgatastavampaṭhanti ye'niśampatanti te kadāpināndhakūparūpavadbhave |bhavanti ca prabhūtibhaktimuktimanta ujjvalāstataḥ prasīdati pramodamānasā ca bhairavī || 9||

यशोजगत्यजस्रमुज्ज्वलञ्जयत्यलं समेन तस्य जायते पराजयोञ्जसा जगत्त्रये ।सदा स्तुतिं शुभामिमाम्पठत्यनन्यमानसोभवन्ति तस्य सम्पदोऽपिसन्ततं सुखप्रदाः ॥ १०॥

yaśojagatyajasramujjvalañjayatyalaṃ samena tasya jāyate parājayoñjasā jagattraye |sadā stutiṃ śubhāmimāmpaṭhatyananyamānasobhavanti tasya sampado'pisantataṃ sukhapradāḥ || 10||

जपपूजादिकास्सर्वाः स्तोत्रपाठादिकाश्च याः ।भैरवीहृदयस्यास्य कलान्नार्हन्ति षोडशीम् ॥ ११॥

japapūjādikāssarvāḥ stotrapāṭhādikāśca yāḥ |bhairavīhṛdayasyāsya kalānnārhanti ṣoḍaśīm || 11||

किमत्र बहुनोक्तेन शृणु देवि महेश्वरि ।नातः परतरङ्किञ्चित्पुण्यमस्ति जगत्त्रये ॥ १२॥

kimatra bahunoktena śṛṇu devi maheśvari |nātaḥ parataraṅkiñcitpuṇyamasti jagattraye || 12||

॥ इति श्रीभैरवीकुलसर्वस्वे श्रीभैरवीहृदयस्तोत्रं समाप्तम् ॥

|| iti śrībhairavīkulasarvasve śrībhairavīhṛdayastotraṃ samāptam ||