भुवनेश्वर्यष्टोत्तरशतनामस्तोत्रम् ३ Shri Bhuvaneshvari Ashtottarashatanama Stotram (2)

(अथ श्रीकालीविलासतन्त्रे दशमः पटलः ।)श्रीदेव्युवाच ।देवदेव महादेव योगीन्द्र वृषभध्वज ।अस्याः श्रीभुवनेश्वर्याः शतनाम वद प्रभो ॥ १॥

(atha śrīkālīvilāsatantre daśamaḥ paṭalaḥ |)śrīdevyuvāca |devadeva mahādeva yogīndra vṛṣabhadhvaja |asyāḥ śrībhuvaneśvaryāḥ śatanāma vada prabho || 1||

श्रीईशान उवाच ।सहस्रेण महेशानि कलिकाले न सिद्।ह्ध्यति ।शतनाम्नः परं नाम कलौ नास्ति महेश्वरि ॥ २॥

śrīīśāna uvāca |sahasreṇa maheśāni kalikāle na sid|hdhyati |śatanāmnaḥ paraṃ nāma kalau nāsti maheśvari || 2||

अस्य श्रीभुवनेश्वरी शतनामस्तोत्रस्य शक्तिरृषिविराट्च्छन्दः श्रीभुवनेश्वरी देवता चतुर्वर्गसिद्।ह्ध्यर्थे विनियोगः ॥ॐ आद्या श्रीभुवनाभव्या भवबन्धविमोहिनी ।भगरूपा भगवती भेरण्डा भाग्यशालिनी ॥ ३॥

asya śrībhuvaneśvarī śatanāmastotrasya śaktirṛṣivirāṭcchandaḥ śrībhuvaneśvarī devatā caturvargasid|hdhyarthe viniyogaḥ ||oṃ ādyā śrībhuvanābhavyā bhavabandhavimohinī |bhagarūpā bhagavatī bheraṇḍā bhāgyaśālinī || 3||

ईश्वरी ईश्वरानन्दा वन्दनीया विलासिनी ।उमा ऊमा च (१)उन्मत्ता इन्दिरा इन्द्रपूजिता ॥ ४॥

īśvarī īśvarānandā vandanīyā vilāsinī |umā ūmā ca (1)unmattā indirā indrapūjitā || 4||

ऊर्ध्वतेजस्विनी ऊर्ध्वा ऊर्ध्वगा ऊर्ध्वरूपिणी ।नन्दिनी नन्दमथिनी नन्दा नन्दकरूपिणी ॥ ५॥

ūrdhvatejasvinī ūrdhvā ūrdhvagā ūrdhvarūpiṇī |nandinī nandamathinī nandā nandakarūpiṇī || 5||

नित्या च निष्कलङ्का च निर्मला मलनाशिनी ।निरीहोल्लासिनी नत्या निर्मला नित्यनूतना(२) ॥ ६॥

nityā ca niṣkalaṅkā ca nirmalā malanāśinī |nirīhollāsinī natyā nirmalā nityanūtanā(2) || 6||

निशुम्भनाशिनी चैव तथा शुम्भविनाशिनी ।शुक्लरूपा च शुक्लार्हा शाम्भवी शम्भुवल्वभा ॥ ७॥

niśumbhanāśinī caiva tathā śumbhavināśinī |śuklarūpā ca śuklārhā śāmbhavī śambhuvalvabhā || 7||

शिवाख्या शिवरूपा च शिवपूज्या शिवार्चिता ।शिववादा (३)च श्यामा च श्यामाङ्गी श्याममूर्त्तिका ॥ ८॥

śivākhyā śivarūpā ca śivapūjyā śivārcitā |śivavādā (3)ca śyāmā ca śyāmāṅgī śyāmamūrttikā || 8||

शोभा च सुभगा चैव शोभना भुवनेश्वरी ।रक्ताङ्गी रक्तनयना रक्ताक्षी रक्तलोचना ॥ ९॥

śobhā ca subhagā caiva śobhanā bhuvaneśvarī |raktāṅgī raktanayanā raktākṣī raktalocanā || 9||

रेवती रुक्मिणी राधा रौद्री रामा रजोगुणा ।रम्या च रमणीया च रामक्रीडावती तथा ॥ १०॥

revatī rukmiṇī rādhā raudrī rāmā rajoguṇā |ramyā ca ramaṇīyā ca rāmakrīḍāvatī tathā || 10||

रामार्चिता रामपूज्या रङ्गिनी रामवल्लभा(४) ।रक्ताक्षी रक्तहास्या च रुधिरा रुधिरप्रिया ॥ ११॥

rāmārcitā rāmapūjyā raṅginī rāmavallabhā(4) |raktākṣī raktahāsyā ca rudhirā rudhirapriyā || 11||

रक्तारक्तमयी राज्ञी रसयुक्ता रसप्रिया ।रसमाला रसमयी तथा रसवती रतिः ॥ १२॥

raktāraktamayī rājñī rasayuktā rasapriyā |rasamālā rasamayī tathā rasavatī ratiḥ || 12||

रूपमाला रूपवती रूपाङ्गदविभूषणा ।रेणुका रेत(५)रूपा च रसरूपा रसाश्रया(६) ॥ १३॥

rūpamālā rūpavatī rūpāṅgadavibhūṣaṇā |reṇukā reta(5)rūpā ca rasarūpā rasāśrayā(6) || 13||

भागीरथी तथोन्नासां(७)वशिनी वेशरूपिणी ।रेवा च शाम्भवी चैव मृदापारण(८)पण्डिता ॥ १४॥

bhāgīrathī tathonnāsāṃ(7)vaśinī veśarūpiṇī |revā ca śāmbhavī caiva mṛdāpāraṇa(8)paṇḍitā || 14||

शतनाम इदं देवि कथितं भक्तितस्तव ।गुह्याद् गुह्यतरं गुह्यं कलिकालस्य सम्मतम् ॥ १५॥

śatanāma idaṃ devi kathitaṃ bhaktitastava |guhyād guhyataraṃ guhyaṃ kalikālasya sammatam || 15||

अष्टोत्तरशतं जप्त्वा दशधा वापि सुन्दरि ।पठित्वा फलमाप्नोति अयुतं वरवर्णनि ॥ १६॥

aṣṭottaraśataṃ japtvā daśadhā vāpi sundari |paṭhitvā phalamāpnoti ayutaṃ varavarṇani || 16||

अयुतावर्त्तनाद्देवि चाश्वमेधफलं लभेत् ।गोमेधशतयज्ञानां फलमाप्नोति निश्चितम् ॥ १७॥

ayutāvarttanāddevi cāśvamedhaphalaṃ labhet |gomedhaśatayajñānāṃ phalamāpnoti niścitam || 17||

प्रपठेद् यदि शुद्धात्मा स्वकीयस्त्रीषु संरतः ।वामभागे स्त्रियं स्थाप्य धूपामोद सुगन्धितः ॥ १८॥

prapaṭhed yadi śuddhātmā svakīyastrīṣu saṃrataḥ |vāmabhāge striyaṃ sthāpya dhūpāmoda sugandhitaḥ || 18||

ताम्बूलपूरितमुखी यदि स्याज्जपतत्परः ।यद्यप्यदीक्षिता नारी दूरतः परिवर्जयेत् ॥ १९॥

tāmbūlapūritamukhī yadi syājjapatatparaḥ |yadyapyadīkṣitā nārī dūrataḥ parivarjayet || 19||

दीक्षितापरनारीषु यदि मैथुनमाचरेत् ।न विन्दोः पातनं कार्यं कृते च ब्रह्महा भवेत् ॥ २०॥

dīkṣitāparanārīṣu yadi maithunamācaret |na vindoḥ pātanaṃ kāryaṃ kṛte ca brahmahā bhavet || 20||

मृदापारगां मृत्तिकाविदारणमित्यर्थः ।यदि न प्रपतेद्दिन्दुः परनारीषु पार्वति ।सर्वसिद्धीश्वरो भूत्वा विहरेत् क्षितिमण्डले ॥ २१॥

mṛdāpāragāṃ mṛttikāvidāraṇamityarthaḥ |yadi na prapateddinduḥ paranārīṣu pārvati |sarvasiddhīśvaro bhūtvā viharet kṣitimaṇḍale || 21||

इति श्रीकालीविलासतन्त्रे श्रीभुवनेश्वरी शतनामस्तोत्रं समाप्तम् ।ॐ तत्सदित्यादि ।१\। ऊशब्देनाव शिव उच्चते तेन तस्य माता इत्यर्थः । उमाऊमा इत्यव उमारूपा इति क्वचित् पुस्तके पाठः ।२\। नूतना इत्यत्र मुत्तमा इति क्वचित्पुस्तके पाठः । क्वचिञ्च निर्लज्जा निर्घृणा निद्रा निश्चलानिरूपद्रवाम् । इत्यधिक लोकाई दृश्यते ।३\। शिववादा इत्यत्र शववादां इति क्वचित पुस्तके पाठः,तस्वार्थस्तु शवेन सह वादः कथोपकथन यस्याः, अथवा शवःशिवरूपः शव इति तात्पर्यम् ।४\। रामशब्देनात्र परशुरामः, बलरामः, श्रीरामश्च यथायथं ज्ञेयम् ।५\। सर्वेसान्ता अप्यदन्ता इति नियमात् रेतः शब्दस्य रेतरूपता ।६\। रसाश्रया इत्यत्र रसप्रिया इति क्वचित् पुस्तके पाठः ।७\। उन्नासा इत्यत्र उल्लासा इति क्वचित् पुस्तके पाठः ।८\। मृदापा इत्यत्र वसुधा इति क्वचित् पुस्तके पाठः ।

iti śrīkālīvilāsatantre śrībhuvaneśvarī śatanāmastotraṃ samāptam |oṃ tatsadityādi | 1\| ūśabdenāva śiva uccate tena tasya mātā ityarthaḥ | umāūmā ityava umārūpā iti kvacit pustake pāṭhaḥ | 2\| nūtanā ityatra muttamā iti kvacitpustake pāṭhaḥ | kvaciñca nirlajjā nirghṛṇā nidrā niścalānirūpadravām | ityadhika lokāī dṛśyate | 3\| śivavādā ityatra śavavādāṃ iti kvacita pustake pāṭhaḥ,tasvārthastu śavena saha vādaḥ kathopakathana yasyāḥ, athavā śavaḥśivarūpaḥ śava iti tātparyam | 4\| rāmaśabdenātra paraśurāmaḥ, balarāmaḥ, śrīrāmaśca yathāyathaṃ jñeyam | 5\| sarvesāntā apyadantā iti niyamāt retaḥ śabdasya retarūpatā | 6\| rasāśrayā ityatra rasapriyā iti kvacit pustake pāṭhaḥ | 7\| unnāsā ityatra ullāsā iti kvacit pustake pāṭhaḥ | 8\| mṛdāpā ityatra vasudhā iti kvacit pustake pāṭhaḥ |