भुवनेश्वर्यष्टोत्तरशतनामस्तोत्रम् १ Shri Bhuvaneshvai Ashtottarashatanama Stotram

कैलासशिखरे रम्ये नानारत्नोपशोभिते ।नरनारीहितार्थाय शिवं पप्रच्छ पार्वती ॥ १॥

kailāsaśikhare ramye nānāratnopaśobhite |naranārīhitārthāya śivaṃ papraccha pārvatī || 1||

देव्युवाचभुवनेशीमहाविद्यानाम्नामष्टोत्तरं शतम् ।कथयस्व महादेव यद्यहं तव वल्लभा ॥ २॥

devyuvācabhuvaneśīmahāvidyānāmnāmaṣṭottaraṃ śatam |kathayasva mahādeva yadyahaṃ tava vallabhā || 2||

ईश्वर उवाचशृणु देवि महाभागे स्तवराजमिदं शुभम् ।सहस्रनाम्नामधिकं सिद्धिदं मोक्षहेतुकम् ॥ ३॥

īśvara uvācaśṛṇu devi mahābhāge stavarājamidaṃ śubham |sahasranāmnāmadhikaṃ siddhidaṃ mokṣahetukam || 3||

शुचिभिः प्रातरुत्थाय पठितव्यं समाहितैः ।त्रिकालं श्रद्धया युक्तैः सर्वकामफलप्रदम् ॥ ४॥

śucibhiḥ prātarutthāya paṭhitavyaṃ samāhitaiḥ |trikālaṃ śraddhayā yuktaiḥ sarvakāmaphalapradam || 4||

अस्य श्रीभुवनेश्वर्यष्टोत्तरशतनामस्तोत्रस्य शक्तिरृषिःगायत्री छन्दःभुवनेश्वरी देवता चतुर्वर्गसाधने जपे विनियोगः ।ॐ महामाया महाविद्या महाभोगा महोत्कटा ।माहेश्वरी कुमारी च ब्रह्माणी ब्रह्मरूपिणी ॥ ५॥

asya śrībhuvaneśvaryaṣṭottaraśatanāmastotrasya śaktirṛṣiḥgāyatrī chandaḥbhuvaneśvarī devatā caturvargasādhane jape viniyogaḥ |oṃ mahāmāyā mahāvidyā mahābhogā mahotkaṭā |māheśvarī kumārī ca brahmāṇī brahmarūpiṇī || 5||

वागीश्वरी योगरूपा योगिनीकोटिसेविता ।जया च विजया चैव कौमारी सर्वमङ्गला ॥ ६॥

vāgīśvarī yogarūpā yoginīkoṭisevitā |jayā ca vijayā caiva kaumārī sarvamaṅgalā || 6||

हिङ्गुला च विलासी च ज्वालिनी ज्वालरूपिणी ।ईश्वरी क्रूरसंहारी कुलमार्गप्रदायिनी ॥ ७॥

hiṅgulā ca vilāsī ca jvālinī jvālarūpiṇī |īśvarī krūrasaṃhārī kulamārgapradāyinī || 7||

वैष्णवी सुभगाकारा सुकुल्या कुलपूजिता ।वामाङ्गा वामचारा च वामदेवप्रिया तथा ॥ ८॥

vaiṣṇavī subhagākārā sukulyā kulapūjitā |vāmāṅgā vāmacārā ca vāmadevapriyā tathā || 8||

डाकिनी योगिनीरूपा भूतेशी भूतनायिका ।पद्मावती पद्मनेत्रा प्रबुद्धा च सरस्वती ॥ ९॥

ḍākinī yoginīrūpā bhūteśī bhūtanāyikā |padmāvatī padmanetrā prabuddhā ca sarasvatī || 9||

भूचरी खेचरी माया मातङ्गी भुवनेश्वरी ।कान्ता पतिव्रता साक्षी सुचक्षुः कुण्डवासिनी ॥ १०॥

bhūcarī khecarī māyā mātaṅgī bhuvaneśvarī |kāntā pativratā sākṣī sucakṣuḥ kuṇḍavāsinī || 10||

उमा कुमारी लोकेशी सुकेशी पद्मरागिणी ।इन्द्राणी ब्रह्म चाण्डाली चण्डिका वायुवल्लभा ॥ ११॥

umā kumārī lokeśī sukeśī padmarāgiṇī |indrāṇī brahma cāṇḍālī caṇḍikā vāyuvallabhā || 11||

सर्वधातुमयीमूर्तिर्जलरूपा जलोदरी ।आकाशी रणगा चैव नृकपालविभूषणा ॥ १२॥

sarvadhātumayīmūrtirjalarūpā jalodarī |ākāśī raṇagā caiva nṛkapālavibhūṣaṇā || 12||

नर्मदा मोक्षदा चैव धर्मकामार्थदायिनी ।गायत्री चाथ सावित्री त्रिसन्ध्या तीर्थगामिनी ॥ १३॥

narmadā mokṣadā caiva dharmakāmārthadāyinī |gāyatrī cātha sāvitrī trisandhyā tīrthagāminī || 13||

अष्टमी नवमी चैव दशम्येकादशी तथा ।पौर्णमासी कुहूरूपा तिथिमूर्तिस्वरूपिणी ॥ १४॥

aṣṭamī navamī caiva daśamyekādaśī tathā |paurṇamāsī kuhūrūpā tithimūrtisvarūpiṇī || 14||

सुरारिनाशकारी च उग्ररूपा च वत्सला ।अनला अर्धमात्रा च अरुणा पीतलोचना ॥ १५॥

surārināśakārī ca ugrarūpā ca vatsalā |analā ardhamātrā ca aruṇā pītalocanā || 15||

लज्जा सरस्वती विद्या भवानी पापनाशिनी ।नागपाशधरा मूर्तिरगाधा धृतकुण्डला ॥ १६॥

lajjā sarasvatī vidyā bhavānī pāpanāśinī |nāgapāśadharā mūrtiragādhā dhṛtakuṇḍalā || 16||

क्षत्ररूपा क्षयकरी तेजस्विनी शुचिस्मिता ।अव्यक्ता व्यक्तलोका च शम्भुरूपा मनस्विनी ॥ १७॥

kṣatrarūpā kṣayakarī tejasvinī śucismitā |avyaktā vyaktalokā ca śambhurūpā manasvinī || 17||

मातङ्गी मत्तमातङ्गी महादेवप्रिया सदा ।दैत्यहा चैव वाराही सर्वशास्त्रमयी शुभा ॥ १८॥

mātaṅgī mattamātaṅgī mahādevapriyā sadā |daityahā caiva vārāhī sarvaśāstramayī śubhā || 18||

(फलश्रुतिः)य इदं पठते भक्त्या शृणुयाद्वा समाहितः ।अपुत्रो लभते पुत्रं निर्धनो धनवान् भवेत् ॥ १९॥

(phalaśrutiḥ)ya idaṃ paṭhate bhaktyā śṛṇuyādvā samāhitaḥ |aputro labhate putraṃ nirdhano dhanavān bhavet || 19||

मूर्खोऽपि लभते शास्त्रं चोरोऽपि लभते गतिम् ।वेदानां पाठको विप्रः क्षत्रियो विजयी भवेत् ॥ २०॥

mūrkho'pi labhate śāstraṃ coro'pi labhate gatim |vedānāṃ pāṭhako vipraḥ kṣatriyo vijayī bhavet || 20||

वैश्यस्तु धनवान्भूयाच्छूद्रस्तु सुखमेधते ।अष्टम्याञ्च चतुर्दश्यां नवम्यां चैकचेतसः ॥ २१॥

vaiśyastu dhanavānbhūyācchūdrastu sukhamedhate |aṣṭamyāñca caturdaśyāṃ navamyāṃ caikacetasaḥ || 21||

ये पठन्ति सदा भक्त्या न ते वै दुःखभागिनः ।एककालं द्विकालं वा त्रिकालं वा चतुर्थकम् ॥ २२॥

ye paṭhanti sadā bhaktyā na te vai duḥkhabhāginaḥ |ekakālaṃ dvikālaṃ vā trikālaṃ vā caturthakam || 22||

ये पठन्ति सदा भक्त्या स्वर्गलोके च पूजिताः ।रुद्रं दृष्ट्वा यथा देवाः पन्नगा गरुडं यथा ॥शत्रवः प्रपलायन्ते तस्य वक्त्रविलोकनात् ॥ २३॥

ye paṭhanti sadā bhaktyā svargaloke ca pūjitāḥ |rudraṃ dṛṣṭvā yathā devāḥ pannagā garuḍaṃ yathā ||śatravaḥ prapalāyante tasya vaktravilokanāt || 23||

इति श्रीरुद्रयामले देवीशङ्करसंवादेश्रीभुवनेश्वर्यष्टोत्तरशतनामस्तोत्रम् ॥

iti śrīrudrayāmale devīśaṅkarasaṃvādeśrībhuvaneśvaryaṣṭottaraśatanāmastotram ||