भुवनेश्वरीकवचम् २ Bhuvaneshvari Kavacham

(अथ मायातन्त्रे द्वादशपटलः ।)श्रीमहादेव उवाच । (श्रीदेव्युवाच ।?)शृणु प्रिये प्रवक्ष्यामि कवचं भुवि दुर्लभम् ।यस्यापि पठनाद् देवि सर्वसिद्धीश्वरो भवेत् ॥ १॥

(atha māyātantre dvādaśapaṭalaḥ |)śrīmahādeva uvāca | (śrīdevyuvāca |?)śṛṇu priye pravakṣyāmi kavacaṃ bhuvi durlabham |yasyāpi paṭhanād devi sarvasiddhīśvaro bhavet || 1||

इन्द्रोऽपि धारणाद् यस्य प्राप्नुयाद् राज्यमुत्तमम् ।कृष्णेन पठितं देवि भूतापमारणाय च ॥ २॥

indro'pi dhāraṇād yasya prāpnuyād rājyamuttamam |kṛṣṇena paṭhitaṃ devi bhūtāpamāraṇāya ca || 2||

शुकदेवोऽपि यद् धृत्वा सर्वयोगविशारदः ।तस्य श्रीभुवनेश्वरी कवचस्य महेश्वरि ॥ ३॥

śukadevo'pi yad dhṛtvā sarvayogaviśāradaḥ |tasya śrībhuvaneśvarī kavacasya maheśvari || 3||

सर्वार्थे विनियोगः स्यात् प्राणायामं ततश्चरेत् ।अथ कवचम् ।मायाबीजं शिरः पातु कामबीजं तु बालकम् ॥ ४॥

sarvārthe viniyogaḥ syāt prāṇāyāmaṃ tataścaret |atha kavacam |māyābījaṃ śiraḥ pātu kāmabījaṃ tu bālakam || 4||

दुर्गाबीजं नेत्रयुग्मं नासिकां मन्त्रदा मनुः ।वदने दक्षिणाबीजं ताराबीजं तु गण्डयोः ॥ ५॥

durgābījaṃ netrayugmaṃ nāsikāṃ mantradā manuḥ |vadane dakṣiṇābījaṃ tārābījaṃ tu gaṇḍayoḥ || 5||

षोडशी मे गलं पातु कण्ठं मे भैरवीमनुः ।हृदयं छिन्नमस्ता च उदरं बगला तथा ॥ ६॥

ṣoḍaśī me galaṃ pātu kaṇṭhaṃ me bhairavīmanuḥ |hṛdayaṃ chinnamastā ca udaraṃ bagalā tathā || 6||

धूमावतीं कटिं पातु मातङ्गी पातु सर्वतः ।सर्वाङ्गं मे सदा पातु सर्वविद्यास्वरूपिणी ॥ ७॥

dhūmāvatīṃ kaṭiṃ pātu mātaṅgī pātu sarvataḥ |sarvāṅgaṃ me sadā pātu sarvavidyāsvarūpiṇī || 7||

भुवनेश्वरी कवच महात्म्यइत्येतत् कवचं देवि पठनाद् धारणादिकम् ।कृत्वा तु साधकः श्रेष्ठो विद्यावान् धनवान् भवेत् ॥ ८॥

bhuvaneśvarī kavaca mahātmyaityetat kavacaṃ devi paṭhanād dhāraṇādikam |kṛtvā tu sādhakaḥ śreṣṭho vidyāvān dhanavān bhavet || 8||

पुत्रपौत्रादिसम्पन्नो ह्यन्ते याति परां गतिम् ।इदं तु कवचं गुह्यं साधकाय प्रकाशयेत् ॥ ९॥

putrapautrādisampanno hyante yāti parāṃ gatim |idaṃ tu kavacaṃ guhyaṃ sādhakāya prakāśayet || 9||

न दद्याद् भ्रष्टमर्त्याय न परदेवताय च ।इदं यन्त्रं महेशानि त्रिषु लोकेषु गोपितम् ॥ १०॥

na dadyād bhraṣṭamartyāya na paradevatāya ca |idaṃ yantraṃ maheśāni triṣu lokeṣu gopitam || 10||

सर्वसिद्धिकरं साक्षान्महापातकनाशनम् ।कल्पद्रुमसमं ज्ञेयं पूजयेत् श्रियमाप्नुयात् ॥ ११॥

sarvasiddhikaraṃ sākṣānmahāpātakanāśanam |kalpadrumasamaṃ jñeyaṃ pūjayet śriyamāpnuyāt || 11||

पठनाद् धारणात् सर्वं पापं क्षयति निश्चितम् ।विवादे जयमाप्नोति धनैर्धनपतिर्भवेत् ।यं यं वाञ्छति तत् सर्वं भवत्येव न संशयः ॥ १२॥

paṭhanād dhāraṇāt sarvaṃ pāpaṃ kṣayati niścitam |vivāde jayamāpnoti dhanairdhanapatirbhavet |yaṃ yaṃ vāñchati tat sarvaṃ bhavatyeva na saṃśayaḥ || 12||

इति श्रीमायातन्त्रे भुवनेश्वरीकवचं सम्पूर्णम् ।(॥ इति श्रीमायातन्त्रे द्वादशः पटलः ॥)

iti śrīmāyātantre bhuvaneśvarīkavacaṃ sampūrṇam |(|| iti śrīmāyātantre dvādaśaḥ paṭalaḥ ||)