विठ्ठलस्तवराजः Viththalastavarajah

ओं अस्य श्रीविठ्ठलस्तवराजस्तोत्रमहामन्त्रस्य भगवान् वेदव्यास ऋषिःअतिजगती छन्दः श्रीविठ्ठलः परमात्मा देवता ।त्रिमूर्त्यात्मक इति बीजम् । सृष्टिसंरक्षणार्थ इति शक्तिः ।वरदाभयहस्त इति कीलकम् ।मम सर्वाभीष्टफलसिद्धयर्थे जपे विनियोगः ।अथ न्यासःओं नमो भगवते विठ्ठलाय अङ्गुष्ठाभ्यां नमः ।ओं तत्त्वप्रकाशात्मने तर्जनीभ्यां नमः ।ओं शङ्खचक्रगदाधरात्मने मध्यमाभ्यां नमः ।ओं सृष्टिसंरक्षणार्थाय अनामिकाभ्यां नमः ।ओं त्रिमूर्त्यात्मकाय कनिष्ठिकाभ्यां नमः ।ओं वरदाभयहस्ताय करतलकरपृष्ठाभ्यां नमः ।एवं हृदयादिन्यासः । भूर्भुवस्सुवरोमिति दिग्बन्धः ।ध्यानम्श्रीगुरुं विठ्ठलानन्दं परात्परजगत्प्रभुम् ।त्रैलोक्यव्यापकं देवं शुद्धमत्यन्तनिर्मलम् ॥ १॥

oṃ asya śrīviṭhṭhalastavarājastotramahāmantrasya bhagavān vedavyāsa ṛṣiḥatijagatī chandaḥ śrīviṭhṭhalaḥ paramātmā devatā |trimūrtyātmaka iti bījam | sṛṣṭisaṃrakṣaṇārtha iti śaktiḥ |varadābhayahasta iti kīlakam |mama sarvābhīṣṭaphalasiddhayarthe jape viniyogaḥ |atha nyāsaḥoṃ namo bhagavate viṭhṭhalāya aṅguṣṭhābhyāṃ namaḥ |oṃ tattvaprakāśātmane tarjanībhyāṃ namaḥ |oṃ śaṅkhacakragadādharātmane madhyamābhyāṃ namaḥ |oṃ sṛṣṭisaṃrakṣaṇārthāya anāmikābhyāṃ namaḥ |oṃ trimūrtyātmakāya kaniṣṭhikābhyāṃ namaḥ |oṃ varadābhayahastāya karatalakarapṛṣṭhābhyāṃ namaḥ |evaṃ hṛdayādinyāsaḥ | bhūrbhuvassuvaromiti digbandhaḥ |dhyānamśrīguruṃ viṭhṭhalānandaṃ parātparajagatprabhum |trailokyavyāpakaṃ devaṃ śuddhamatyantanirmalam || 1||

नासाग्रेऽवस्थितं देवमाब्रह्मस्तम्बसंयुतम् ।ऊर्णातन्तुनिभाकारं सूत्रज्ञं विठ्ठलं स्वयम् ॥ २॥

nāsāgre'vasthitaṃ devamābrahmastambasaṃyutam |ūrṇātantunibhākāraṃ sūtrajñaṃ viṭhṭhalaṃ svayam || 2||

गङ्गायमुनयोर्मध्ये त्रिकूटं रङ्गमन्दरम् ।ज्ञानं भीमरथीतीरं स्वदेवं पण्डरीपुरम् ॥ ३॥

gaṅgāyamunayormadhye trikūṭaṃ raṅgamandaram |jñānaṃ bhīmarathītīraṃ svadevaṃ paṇḍarīpuram || 3||

रुक्मिणीशक्तिहस्तेन क्रीडन्तं चललोचनम् ।आज्ञाब्रह्मबिलान्तःस्थज्योतिर्मयस्वरूपकम् ॥ ४॥

rukmiṇīśaktihastena krīḍantaṃ calalocanam |ājñābrahmabilāntaḥsthajyotirmayasvarūpakam || 4||

सहस्रदलपद्मस्थं सर्वाभरणभूषितम् ।सर्वदेवसमुत्पन्नं ओमितिज्योतिरूपकम् ॥ ५॥

sahasradalapadmasthaṃ sarvābharaṇabhūṣitam |sarvadevasamutpannaṃ omitijyotirūpakam || 5||

समपर्वत ऊर्ध्वस्थं श्रोणित्रयसहस्रकम् ।स्तम्भो मध्यं यथा स्थानं कलौ वेङ्कटनायकम् ॥ ६॥

samaparvata ūrdhvasthaṃ śroṇitrayasahasrakam |stambho madhyaṃ yathā sthānaṃ kalau veṅkaṭanāyakam || 6||

पीतवस्त्रपरीधानं तुलसीवनमालिनम् ।शङ्खचक्रधरं देवं वरदाभयहस्तकम् ॥ ७॥

pītavastraparīdhānaṃ tulasīvanamālinam |śaṅkhacakradharaṃ devaṃ varadābhayahastakam || 7||

ऊर्ध्वपुण्ड्रमयं देवं चित्राभरणभूषितम् ।रत्नसिंहासनं देवं सुवर्णमुकुटोज्ज्वलम् ॥ ८॥

ūrdhvapuṇḍramayaṃ devaṃ citrābharaṇabhūṣitam |ratnasiṃhāsanaṃ devaṃ suvarṇamukuṭojjvalam || 8||

रत्नकिङ्किणिकेयूरं रत्नमण्डपशोभितम् ।पौण्ड्रं च पालिनं रङ्गं यदूनां कुलदीपकम् ॥ ९॥

ratnakiṅkiṇikeyūraṃ ratnamaṇḍapaśobhitam |pauṇḍraṃ ca pālinaṃ raṅgaṃ yadūnāṃ kuladīpakam || 9||

देवारिदैत्यदर्पघ्नं सर्वलोकैकनायकम् ।ओं नमश्शान्तरूपाय सर्वलोकैकसिद्धये ॥ १०॥

devāridaityadarpaghnaṃ sarvalokaikanāyakam |oṃ namaśśāntarūpāya sarvalokaikasiddhaye || 10||

सर्वदेवस्वरूपाय सर्वयन्त्रस्वरूपिणे ।सर्वतन्त्रस्वरूपाय विठ्ठलाय नमो नमः ॥ ११॥

sarvadevasvarūpāya sarvayantrasvarūpiṇe |sarvatantrasvarūpāya viṭhṭhalāya namo namaḥ || 11||

परमन्त्रप्रणाशाय परयन्त्रनिवारिणे ।परतन्त्रविनाशाय विठ्ठलाय नमो नमः ॥ १२॥

paramantrapraṇāśāya parayantranivāriṇe |paratantravināśāya viṭhṭhalāya namo namaḥ || 12||

परात्परस्वरूपाय परमात्मस्वरूपिणे ।परब्रह्मस्वरूपाय विठ्ठलाय नमो नमः ॥ १३॥

parātparasvarūpāya paramātmasvarūpiṇe |parabrahmasvarūpāya viṭhṭhalāya namo namaḥ || 13||

विश्वरूपस्वरूपाय विश्वव्यापिस्वरूपिणे ।विश्वम्भरस्वमित्राय विठ्ठलाय नमो नमः ॥ १४॥

viśvarūpasvarūpāya viśvavyāpisvarūpiṇe |viśvambharasvamitrāya viṭhṭhalāya namo namaḥ || 14||

परहंसस्वरूपाय सोऽहं हंसस्वरूपिणे ।हंसमन्त्रस्वरूपाय विठ्ठलाय नमो नमः ॥ १५॥

parahaṃsasvarūpāya so'haṃ haṃsasvarūpiṇe |haṃsamantrasvarūpāya viṭhṭhalāya namo namaḥ || 15||

अनिर्वाच्यस्वरूपाय अखण्डब्रह्मरूपिणे ।आत्मतत्त्वप्रकाशाय विठ्ठलाय नमो नमः ॥ १६॥

anirvācyasvarūpāya akhaṇḍabrahmarūpiṇe |ātmatattvaprakāśāya viṭhṭhalāya namo namaḥ || 16||

क्षराक्षरस्वरूपाय अक्षराय स्वरूपिणे ।ओङ्कारवाच्यरूपाय विठ्ठलाय नमो नमः ॥ १७॥

kṣarākṣarasvarūpāya akṣarāya svarūpiṇe |oṅkāravācyarūpāya viṭhṭhalāya namo namaḥ || 17||

बिन्दुनादकलातीतभिन्नदेहसमप्रभ ।अभिन्नायैव विश्वाय विठ्ठलाय नमो नमः ॥ १८॥

bindunādakalātītabhinnadehasamaprabha |abhinnāyaiva viśvāya viṭhṭhalāya namo namaḥ || 18||

भीमातीरनिवासाय पण्डरीपुरवासिने ।पाण्डुरङ्गप्रकाशाय विठ्ठलाय नमो नमः ॥ १९॥

bhīmātīranivāsāya paṇḍarīpuravāsine |pāṇḍuraṅgaprakāśāya viṭhṭhalāya namo namaḥ || 19||

सर्वयोगार्थतत्त्वज्ञ सर्वभूतहिते रत ।सर्वलोकहितार्थाय विठ्ठलाय नमो नमः ॥ २०॥

sarvayogārthatattvajña sarvabhūtahite rata |sarvalokahitārthāya viṭhṭhalāya namo namaḥ || 20||

य इदं पठते नित्यं त्रिसन्ध्यं स्तौति माधवम् ।सर्वयोगप्रदं नित्यं दीर्घमायुष्यवर्धनम् ॥ २१॥

ya idaṃ paṭhate nityaṃ trisandhyaṃ stauti mādhavam |sarvayogapradaṃ nityaṃ dīrghamāyuṣyavardhanam || 21||

सर्वे ज्वरा विनश्यन्ति मुच्यते सर्वबन्धनात् ।आवर्तनसहस्रात्तु लभते वाञ्छितं फलम् ॥ २२॥

sarve jvarā vinaśyanti mucyate sarvabandhanāt |āvartanasahasrāttu labhate vāñchitaṃ phalam || 22||

य इदं परमं गुह्यं सर्वत्र न प्रकाशयेत् ।स ब्रह्मज्ञानमाप्नोति भुक्तिं मुक्तिं च विन्दति ॥ २३॥

ya idaṃ paramaṃ guhyaṃ sarvatra na prakāśayet |sa brahmajñānamāpnoti bhuktiṃ muktiṃ ca vindati || 23||

सर्वभूतप्रशमनं सर्वदुःखनिवारणम् ।सर्वापमृत्युशमनं सर्वराजवशीकरम् ॥ २४॥

sarvabhūtapraśamanaṃ sarvaduḥkhanivāraṇam |sarvāpamṛtyuśamanaṃ sarvarājavaśīkaram || 24||

त्रिसन्ध्यं पठते भक्त्या निर्भयो भवति ध्रुवम् ॥ २५॥

trisandhyaṃ paṭhate bhaktyā nirbhayo bhavati dhruvam || 25||

सङ्ग्रामे सङ्कटे चैव विवादे शत्रुमध्यगे ।शृङ्खलाबन्धने चैव मुच्यते सर्वकिल्वषात् ॥ २६॥

saṅgrāme saṅkaṭe caiva vivāde śatrumadhyage |śṛṅkhalābandhane caiva mucyate sarvakilvaṣāt || 26||

राजद्वारे सभास्थाने सिंहव्याघ्रभयेषु च ।साधकस्तम्भने चैव सर्वत्र विजयी भवेत् ॥ २७॥

rājadvāre sabhāsthāne siṃhavyāghrabhayeṣu ca |sādhakastambhane caiva sarvatra vijayī bhavet || 27||

इति श्रीरुद्रपुराणे वामकेश्वरतन्त्रे विठ्ठलस्तवराजः सम्पूर्णः ।

iti śrīrudrapurāṇe vāmakeśvaratantre viṭhṭhalastavarājaḥ sampūrṇaḥ |