विष्ण्वष्टमङ्गलम् Shri Vishnu Ashtamangalam

मङ्गलं भगवान्विष्णुर्मङ्गलं गरुडध्वजः ।मङ्गलं पुण्डरीकाक्षो मङ्गलायतनं हरिः ॥ १॥

maṅgalaṃ bhagavānviṣṇurmaṅgalaṃ garuḍadhvajaḥ |maṅgalaṃ puṇḍarīkākṣo maṅgalāyatanaṃ hariḥ || 1||

मङ्गलं लक्ष्मणभ्राता मङ्गलं जानकीश्वरः ।मङ्गलं शुभदो रामो मङ्गलं हनुमत्प्रियः ॥ २॥

maṅgalaṃ lakṣmaṇabhrātā maṅgalaṃ jānakīśvaraḥ |maṅgalaṃ śubhado rāmo maṅgalaṃ hanumatpriyaḥ || 2||

मङ्गलं परमानन्दो मङ्गलं परमेश्वरः ।मङ्गलं श्रीपद्मनाभो मङ्गलं पद्मलोचनः ॥ ३॥

maṅgalaṃ paramānando maṅgalaṃ parameśvaraḥ |maṅgalaṃ śrīpadmanābho maṅgalaṃ padmalocanaḥ || 3||

मङ्गलं करुणासिन्धुर्मङ्गलं विश्वपालकः ।मङ्गलं सच्चिदानन्दो मङ्गलं जगदीश्वरः ॥ ४॥

maṅgalaṃ karuṇāsindhurmaṅgalaṃ viśvapālakaḥ |maṅgalaṃ saccidānando maṅgalaṃ jagadīśvaraḥ || 4||

मङ्गलं श्रीरङ्गनाथो मङ्गलं पुरुषोत्तमः ।मङ्गलं कमलाकान्तो मङ्गलं भक्तवत्सलः ॥ ५॥

maṅgalaṃ śrīraṅganātho maṅgalaṃ puruṣottamaḥ |maṅgalaṃ kamalākānto maṅgalaṃ bhaktavatsalaḥ || 5||

मङ्गलं भगवान्कृष्णो मङ्गलं विश्वजीवनः ।मङ्गलं माधवो धीरो मङ्गलं धरणीधरः ॥ ६॥

maṅgalaṃ bhagavānkṛṣṇo maṅgalaṃ viśvajīvanaḥ |maṅgalaṃ mādhavo dhīro maṅgalaṃ dharaṇīdharaḥ || 6||

मङ्गलं राधिकाकान्तो मङ्गलं देवकीसुतः ।मङ्गलं देवदेवेशो मङ्गलं भक्तपालकः ॥ ७॥

maṅgalaṃ rādhikākānto maṅgalaṃ devakīsutaḥ |maṅgalaṃ devadeveśo maṅgalaṃ bhaktapālakaḥ || 7||

मङ्गलं बदरीनाथो मङ्गलं करुणाकरः ।मङ्गलं श्रीमुक्तिनाथो मङ्गलं सर्वनायकः ॥ ८॥

maṅgalaṃ badarīnātho maṅgalaṃ karuṇākaraḥ |maṅgalaṃ śrīmuktinātho maṅgalaṃ sarvanāyakaḥ || 8||

इति श्रीविष्ण्वष्टमङ्गलं सम्पूर्णम् ।

iti śrīviṣṇvaṣṭamaṅgalaṃ sampūrṇam |