विष्ण्वष्टकम् ४ Shri Vishnu Ashtakam (2)

शतानीकःब्रह्मन्नपारे संसारे रागादिव्याप्तमानसः ।शब्दादिलुब्धपुरुषः किं कुर्वन्नावसीदति ॥ १॥

śatānīkaḥbrahmannapāre saṃsāre rāgādivyāptamānasaḥ |śabdādilubdhapuruṣaḥ kiṃ kurvannāvasīdati || 1||

श्री शौनकःस्वे महिम्नि स्थितं देवमप्रमेयमजं विभुम् ।शोकमोहविनिर्मुक्तं विष्णुं ध्यायन्न सीदति ॥ २॥

śrī śaunakaḥsve mahimni sthitaṃ devamaprameyamajaṃ vibhum |śokamohavinirmuktaṃ viṣṇuṃ dhyāyanna sīdati || 2||

प्रमाणमतिगं ब्रह्म वेदान्तेषु प्रकाशितम् ।आद्यं पुरुषमीशानं विष्णुं ध्यायन्न सीदति ॥ ३॥

pramāṇamatigaṃ brahma vedānteṣu prakāśitam |ādyaṃ puruṣamīśānaṃ viṣṇuṃ dhyāyanna sīdati || 3||

अमृतं साधनं साध्यं यं पश्यन्ति मनीषिणः ।ज्ञेयाख्यं परमात्मानं विष्णुं ध्यायन्न सीदति ॥ ४॥

amṛtaṃ sādhanaṃ sādhyaṃ yaṃ paśyanti manīṣiṇaḥ |jñeyākhyaṃ paramātmānaṃ viṣṇuṃ dhyāyanna sīdati || 4||

अशनाद्यैरसंस्पृष्टं सेवितं योगिभिस्सदा ।सर्वदोषविनिर्मुक्तं विष्णुं ध्यायन्न सीदति ॥ ५॥

aśanādyairasaṃspṛṣṭaṃ sevitaṃ yogibhissadā |sarvadoṣavinirmuktaṃ viṣṇuṃ dhyāyanna sīdati || 5||

क्ष्रराक्षरविनिर्मुक्तं जन्ममृत्युविवर्जितम् ।अभयं सत्यसङ्कल्पं विष्णुं ध्यायन्न सीदति ॥ ६॥

kṣrarākṣaravinirmuktaṃ janmamṛtyuvivarjitam |abhayaṃ satyasaṅkalpaṃ viṣṇuṃ dhyāyanna sīdati || 6||

अतुल्यसखधर्माणं व्योमदेहं सनातनम् ।धर्माधर्मविनिर्मुक्तं विष्णुं ध्यायन्न सीदति ॥ ७॥

atulyasakhadharmāṇaṃ vyomadehaṃ sanātanam |dharmādharmavinirmuktaṃ viṣṇuṃ dhyāyanna sīdati || 7||

व्यासाद्यैर्मुनिभिस्सिद्धैः ध्यानयोगपरायणैः ।अर्चितं भावकुसुमैः विष्णुं ध्यायन्न सीदति ॥ ८॥

vyāsādyairmunibhissiddhaiḥ dhyānayogaparāyaṇaiḥ |arcitaṃ bhāvakusumaiḥ viṣṇuṃ dhyāyanna sīdati || 8||

विष्ण्वष्टकमिदं पुण्यं योगिनां प्रीतिवर्धनम् ।यः पठेत्परया प्रीत्या स गच्छेद्विष्णुसाम्यताम् ॥ ९॥

viṣṇvaṣṭakamidaṃ puṇyaṃ yogināṃ prītivardhanam |yaḥ paṭhetparayā prītyā sa gacchedviṣṇusāmyatām || 9||

एतत् पुण्यं पापहरं धन्यं दुःस्वप्ननाशनम् ।पठतां शृण्वतां चैव विष्णोर्माहात्म्यमुत्तमम् ॥ १०॥

etat puṇyaṃ pāpaharaṃ dhanyaṃ duḥsvapnanāśanam |paṭhatāṃ śṛṇvatāṃ caiva viṣṇormāhātmyamuttamam || 10||

इति श्रीविष्ण्वष्टकं सम्पूर्णम् ।

iti śrīviṣṇvaṣṭakaṃ sampūrṇam |