सुदर्शनाष्टोत्तरशतनामस्तोत्रम् Shri Sudarshanashtottarashatanamastotram

॥श्रीः॥सुदर्शनश्चक्रराजः तेजोव्यूहो महाद्युतिः ।सहस्रबाहुर्दीप्ताङ्गः अरुणाक्षः प्रतापवान् ॥ १॥

||śrīḥ||sudarśanaścakrarājaḥ tejovyūho mahādyutiḥ |sahasrabāhurdīptāṅgaḥ aruṇākṣaḥ pratāpavān || 1||

अनेकादित्यसङ्काशः प्रोद्यज्ज्वालाभिरञ्जितः ।सौदामिनीसहस्राभः मणिकुण्डलशोभितः ॥ २॥

anekādityasaṅkāśaḥ prodyajjvālābhirañjitaḥ |saudāminīsahasrābhaḥ maṇikuṇḍalaśobhitaḥ || 2||

पञ्चभूतमनोरूपो षट्कोणान्तरसंस्थितः ।हरान्तः करणोद्भूतरोषभीषणविग्रहः ॥ ३॥

pañcabhūtamanorūpo ṣaṭkoṇāntarasaṃsthitaḥ |harāntaḥ karaṇodbhūtaroṣabhīṣaṇavigrahaḥ || 3||

हरिपाणिलसत्पद्मविहारारमनोहरः ।श्राकाररूपस्सर्वज्ञः सर्वलोकार्चितप्रभुः ॥ ४॥

haripāṇilasatpadmavihārāramanoharaḥ |śrākārarūpassarvajñaḥ sarvalokārcitaprabhuḥ || 4||

चतुर्दशसहस्रारः चतुर्वेदमयोऽनलः ।भक्तचान्द्रमसज्योतिः भवरोगविनाशकः ॥ ५॥

caturdaśasahasrāraḥ caturvedamayo'nalaḥ |bhaktacāndramasajyotiḥ bhavarogavināśakaḥ || 5||

रेफात्मको मकारश्च रक्षोसृग्रूषिताङ्गकः ।सर्वदैत्यग्रीवनालविभेदनमहागजः ॥ ६॥

rephātmako makāraśca rakṣosṛgrūṣitāṅgakaḥ |sarvadaityagrīvanālavibhedanamahāgajaḥ || 6||

भीमदंष्ट्रोज्ज्वलाकारो भीमकर्मा विलोचनः ।नीलवर्त्मा नित्यसुखो निर्मलश्रीर्निरञ्जनः ॥ ७॥

bhīmadaṃṣṭrojjvalākāro bhīmakarmā vilocanaḥ |nīlavartmā nityasukho nirmalaśrīrnirañjanaḥ || 7||

रक्तमाल्यांबरधरो रक्तचन्दनरूषितः ।रजोगुणाकृतिश्शूरो रक्षःकुलयमोपमः ॥ ८॥

raktamālyāṃbaradharo raktacandanarūṣitaḥ |rajoguṇākṛtiśśūro rakṣaḥkulayamopamaḥ || 8||

नित्यक्षेमकरः प्राज्ञः पाषण्डजनखण्डनः ।नारायणाज्ञानुवर्ती नैगमान्तःप्रकाशकः ॥ ९॥

nityakṣemakaraḥ prājñaḥ pāṣaṇḍajanakhaṇḍanaḥ |nārāyaṇājñānuvartī naigamāntaḥprakāśakaḥ || 9||

बलिनन्दनदोर्दण्डखण्डनो विजयाकृतिः ।मित्रभावी सर्वमयो तमोविध्वंसकस्तथा ॥ १०॥

balinandanadordaṇḍakhaṇḍano vijayākṛtiḥ |mitrabhāvī sarvamayo tamovidhvaṃsakastathā || 10||

रजस्सत्त्वतमोद्वर्ती त्रिगुणात्मा त्रिलोकधृत् ।हरिमायागुणोपेतोऽव्ययोऽक्षस्वरूपभाक् ॥ ११॥

rajassattvatamodvartī triguṇātmā trilokadhṛt |harimāyāguṇopeto'vyayo'kṣasvarūpabhāk || 11||

परमात्मा परंज्योतिः पञ्चकृत्यपरायणः ।ज्ञानशक्तिबलैश्वर्यवीर्यतेजःप्रभामयः ॥ १२॥

paramātmā paraṃjyotiḥ pañcakṛtyaparāyaṇaḥ |jñānaśaktibalaiśvaryavīryatejaḥprabhāmayaḥ || 12||

सदसत्परमः पूर्णो वाङ्मयो वरदोऽच्युतः ।जीवो गुरुर्हंसरूपः पञ्चाशत्पीठरूपकः ॥ १३॥

sadasatparamaḥ pūrṇo vāṅmayo varado'cyutaḥ |jīvo gururhaṃsarūpaḥ pañcāśatpīṭharūpakaḥ || 13||

मातृकामण्डलाध्यक्षो मधुध्वंसी मनोमयः ।बुद्धिरूपश्चित्तसाक्षी सारो हंसाक्षरद्वयः ॥ १४॥

mātṛkāmaṇḍalādhyakṣo madhudhvaṃsī manomayaḥ |buddhirūpaścittasākṣī sāro haṃsākṣaradvayaḥ || 14||

मन्त्रयन्त्रप्रभावज्ञो मन्त्रयन्त्रमयो विभुः ।स्रष्टा क्रियास्पदश्शुद्धः आधारश्चक्ररूपकः ॥ १५॥

mantrayantraprabhāvajño mantrayantramayo vibhuḥ |sraṣṭā kriyāspadaśśuddhaḥ ādhāraścakrarūpakaḥ || 15||

निरायुधो ह्यसंरम्भः सर्वायुधसमन्वितः ।ओम्काररूपी पूर्णात्मा आंकारस्साध्यबन्धनः ॥ १६॥

nirāyudho hyasaṃrambhaḥ sarvāyudhasamanvitaḥ |omkārarūpī pūrṇātmā āṃkārassādhyabandhanaḥ || 16||

ऐंकारो वाक्प्रदो वग्मी श्रींकारैश्वर्यवर्धनः ।क्लींकारमोहनाकारो हुंफट्क्षोभणाकृतिः ॥ १७॥

aiṃkāro vākprado vagmī śrīṃkāraiśvaryavardhanaḥ |klīṃkāramohanākāro huṃphaṭkṣobhaṇākṛtiḥ || 17||

इन्द्रार्चितमनोवेगो धरणीभारनाशकः ।वीराराध्यो विश्वरूपः वैष्णवो विष्णुरूपकः ॥ १८॥

indrārcitamanovego dharaṇībhāranāśakaḥ |vīrārādhyo viśvarūpaḥ vaiṣṇavo viṣṇurūpakaḥ || 18||

सत्यव्रतः सत्यधरः सत्यधर्मानुषङ्गकः'नारायणकृपाव्यूहतेजश्चक्रस्सुदर्शनः ॥ १९॥

satyavrataḥ satyadharaḥ satyadharmānuṣaṅgakaḥ'nārāyaṇakṛpāvyūhatejaścakrassudarśanaḥ || 19||

॥ श्री सुदर्शनाष्टोत्तरशतनाम स्तोत्रं संपूर्णम्॥

|| śrī sudarśanāṣṭottaraśatanāma stotraṃ saṃpūrṇam||