विष्णुमाहात्म्यम् Sanatkumaraproktam Vishnumahatmyam
viṣṇumāhātmyam
Sanatkumaraproktam Vishnumahatmyam (विष्णुमाहात्म्यम्): a stotra to Viṣṇu. 12 verses in Sanskrit with Devanagari and IAST.
- Stotra
- Stotra
- Viṣṇu
- Stotra
विष्णुमाहात्म्यम्
1 / 12
अनादिनिधनः श्रीमान्हरिर्नारायणः प्रभुः ।स वै सृजति भूतानि स्थावराणि चराणि च ॥ १९॥
anādinidhanaḥ śrīmānharirnārāyaṇaḥ prabhuḥ |sa vai sṛjati bhūtāni sthāvarāṇi carāṇi ca || 19||
एष सर्वेषु भूतेषु क्षरश्चाक्षर एव च ।एकादशविकारात्मा जगत्पिबति रश्मिभिः ॥ २०॥
eṣa sarveṣu bhūteṣu kṣaraścākṣara eva ca |ekādaśavikārātmā jagatpibati raśmibhiḥ || 20||
पादौ तस्य महीं विद्धि मूर्धानं दिवमेव च ।बाहवस्तु दिशो दैत्य श्रोत्रमाकाशमेव च ॥ २१॥
pādau tasya mahīṃ viddhi mūrdhānaṃ divameva ca |bāhavastu diśo daitya śrotramākāśameva ca || 21||
तस्य तेजोमयः सूर्यो मनश्चन्द्रमसि स्थितम् ।बुद्धिर्ज्ञानगता नित्यं रसस्त्वप्सु प्रवर्तते ॥ २२॥
tasya tejomayaḥ sūryo manaścandramasi sthitam |buddhirjñānagatā nityaṃ rasastvapsu pravartate || 22||
भ्रुवोरनन्तरास्तस्य ग्रहा दानवसत्तम ।नक्षत्रचक्रं नेत्राभ्यां पादयोर्भूश्च दानव ॥ २३॥
bhruvoranantarāstasya grahā dānavasattama |nakṣatracakraṃ netrābhyāṃ pādayorbhūśca dānava || 23||
रजस्तमश्च सत्त्वं च विद्धि नारायणात्मकम् ।स आश्रमाणां मुखं तात कर्मणस्तत्फलं विदुः ॥ २४॥
rajastamaśca sattvaṃ ca viddhi nārāyaṇātmakam |sa āśramāṇāṃ mukhaṃ tāta karmaṇastatphalaṃ viduḥ || 24||
अकर्मणः फलं चैव स एव परमव्ययः ।छन्दांसि तस्य रोमाणि अक्षरं च सरस्वती ॥ २५॥
akarmaṇaḥ phalaṃ caiva sa eva paramavyayaḥ |chandāṃsi tasya romāṇi akṣaraṃ ca sarasvatī || 25||
बह्वाश्रयो बहुमुखो धर्मो हृदि समाश्रितः ।स ब्रह्मपरमो धर्मस्तपश्च सदसच्च सः ॥ २६॥
bahvāśrayo bahumukho dharmo hṛdi samāśritaḥ |sa brahmaparamo dharmastapaśca sadasacca saḥ || 26||
श्रुतिशास्त्रग्रहोपेतः षोडशर्त्विक्क्रतुश्च सः ।पितामहश्च विष्णुश्च सोऽश्विनौ स पुरन्दरः ॥ २७॥
śrutiśāstragrahopetaḥ ṣoḍaśartvikkratuśca saḥ |pitāmahaśca viṣṇuśca so'śvinau sa purandaraḥ || 27||
मित्रश्च वरुणश्चैव यमोऽथ धनदस्तथा ।ते पृथग्दर्शनास्तस्य संविदन्ति तथैकताम् ।एकस्य विद्धि देवस्य सर्वं जगदिदं वशे ॥ २८॥
mitraśca varuṇaścaiva yamo'tha dhanadastathā |te pṛthagdarśanāstasya saṃvidanti tathaikatām |ekasya viddhi devasya sarvaṃ jagadidaṃ vaśe || 28||
नानाभूतस्य दैत्येन्द्र तस्यैकत्वं वदत्ययम् ।जन्तुः पश्यति ज्ञानेन ततः सत्त्वं प्रकाशते ॥ २९॥
nānābhūtasya daityendra tasyaikatvaṃ vadatyayam |jantuḥ paśyati jñānena tataḥ sattvaṃ prakāśate || 29||
इति महाभारते शान्तिपर्वणि २७१ अध्यायान्तर्गतंसनत्कुमारप्रोक्तं विष्णुमाहात्म्यं सम्पूर्णम् ।महाभारत । शान्तिपर्व । अध्याय (२८६)२७१/१९२९॥महाभारत । शान्तिपर्व । अध्याय (२८६)२७१/१९-२९॥
iti mahābhārate śāntiparvaṇi 271 adhyāyāntargataṃsanatkumāraproktaṃ viṣṇumāhātmyaṃ sampūrṇam |mahābhārata | śāntiparva | adhyāya (286)271/1929||mahābhārata | śāntiparva | adhyāya (286)271/19-29||
॥ इति विष्णुमाहात्म्यम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Sanatkumaraproktam Vishnumahatmyam?
Sanatkumaraproktam Vishnumahatmyam has 12 verses on this page, each shown with its number, Devanagari text and transliteration, and meaning where available.
Can I read Sanatkumaraproktam Vishnumahatmyam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Sanatkumaraproktam Vishnumahatmyam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
