विष्णुस्तोत्रम् (सनकादिभिः कृतं हरिवंशान्तर्गतम् जय प्रपन्नार्तिहर प्रभो हरे) Sanakadibhih Kritam Vishnu Stotram

तस्मिन् युद्धे महाघोरे सनकाद्यास्ततो हरिम् ।तुष्टुवुः पुण्डरीकाक्षं वाराहं वपुरास्थितम् ॥ १॥

tasmin yuddhe mahāghore sanakādyāstato harim |tuṣṭuvuḥ puṇḍarīkākṣaṃ vārāhaṃ vapurāsthitam || 1||

जय प्रपन्नार्तिहर प्रभो हरेजयस्व गोविन्द सनातनात्मन् ।जयादिदेवेश जयामरेशजयस्व देव त्रिपुरारिसंस्तुत ॥ २॥

jaya prapannārtihara prabho harejayasva govinda sanātanātman |jayādideveśa jayāmareśajayasva deva tripurārisaṃstuta || 2||

नमो नमो देव महामते हरेमहावराहाय नमोऽस्तु भूयः ।नमः समस्तेश वराहरूपिणेजनार्दनाय प्रभविष्णवे नमः ॥ ३॥

namo namo deva mahāmate haremahāvarāhāya namo'stu bhūyaḥ |namaḥ samasteśa varāharūpiṇejanārdanāya prabhaviṣṇave namaḥ || 3||

नमो वरेण्याय वराय देवत्रिविक्रमायादिवराहरूपिणे ।नमो नमो भूपविलासविक्रमप्रभो हरे देव सनातनाय ॥ ४॥

namo vareṇyāya varāya devatrivikramāyādivarāharūpiṇe |namo namo bhūpavilāsavikramaprabho hare deva sanātanāya || 4||

अचिन्त्यरूपाय हिरण्यरेतसेविनाशकर्त्रे क्षितिपालनाय ।नताः स्म देवं वरदं वरेण्यंनताः स्म विष्णो नियता जनार्दन ॥ ५॥

acintyarūpāya hiraṇyaretasevināśakartre kṣitipālanāya |natāḥ sma devaṃ varadaṃ vareṇyaṃnatāḥ sma viṣṇo niyatā janārdana || 5||

नताः स्म शङ्खारिगदासीधारिणे ।नताः स्म शार्ङ्गायुध देवदेव ॥ ६॥

natāḥ sma śaṅkhārigadāsīdhāriṇe |natāḥ sma śārṅgāyudha devadeva || 6||

कृष्ण कृष्ण हृषीकेश देवदेव सनातन ।नारायन पुराणात्मन् योगिध्येय जगत्पते ॥ ७॥

kṛṣṇa kṛṣṇa hṛṣīkeśa devadeva sanātana |nārāyana purāṇātman yogidhyeya jagatpate || 7||

जहीमं दानवं विष्णो चक्रेण मधुसूदन ।निर्विघ्नाः सन्तु लोकाश्च दानवस्य वधाद्धरे ॥ ८॥

jahīmaṃ dānavaṃ viṣṇo cakreṇa madhusūdana |nirvighnāḥ santu lokāśca dānavasya vadhāddhare || 8||

एते देवा नमस्यन्ति भीतास्त्वां शरणं गताः ।जहि क्षिप्रं दुरात्मानं विप्राणां भयवर्धनम् ॥ ९॥

ete devā namasyanti bhītāstvāṃ śaraṇaṃ gatāḥ |jahi kṣipraṃ durātmānaṃ viprāṇāṃ bhayavardhanam || 9||

इत्युक्त्वा ते मुनिवरा वाचमायम्य संस्थिताः ।देवाश्च मुनयश्चैव संस्थिता भयविक्लवाः ॥ १०॥

ityuktvā te munivarā vācamāyamya saṃsthitāḥ |devāśca munayaścaiva saṃsthitā bhayaviklavāḥ || 10||

इति हरिवंशान्तर्गतं सनकादिभिः कृतं विष्णुस्तोत्रं सम्पूर्णम् ।हरिवंश । अनुबन्ध परिशिष्ट । अध्याय अ४२/५९८॥हरिवंश । अनुबन्ध – परिशिष्ट । अध्याय अ४२/५९८॥

iti harivaṃśāntargataṃ sanakādibhiḥ kṛtaṃ viṣṇustotraṃ sampūrṇam |harivaṃśa | anubandha pariśiṣṭa | adhyāya a42/598||harivaṃśa | anubandha – pariśiṣṭa | adhyāya a42/598||