पुरुषोत्तमस्तोत्रम् ०६ Janaih Kritam Purushottama Stotram

(आर्यायनमुनिप्रोक्तं पुरुषोत्तमस्तोत्रम्०)अथ नार्यो नराः स्तोत्रं सर्वे चक्रुर्हरेस्तदा ।प्रेमपूर्णहृदयाश्च स्थिरमानसवृत्तयः ॥ ३९॥

(āryāyanamuniproktaṃ puruṣottamastotram0)atha nāryo narāḥ stotraṃ sarve cakrurharestadā |premapūrṇahṛdayāśca sthiramānasavṛttayaḥ || 39||

नमोऽस्तु ते परे धाम्नि राजते वै परात्मने ।नमोऽसङ्ख्यसतीसाध्वीसाधुमुक्ताभिशासिने ॥ ४०॥

namo'stu te pare dhāmni rājate vai parātmane |namo'saṅkhyasatīsādhvīsādhumuktābhiśāsine || 40||

नमोऽक्षराऽधिपतयेऽक्षरमुक्ताऽभिशासिने ।नमो गोलोकवासाय गोपगोप्यभिशासिने ॥ ४१॥

namo'kṣarā'dhipataye'kṣaramuktā'bhiśāsine |namo golokavāsāya gopagopyabhiśāsine || 41||

गवां नाथाय कृष्णाय श्रीराधापतये नमः ।नमो वैकुण्ठवासाय श्रीरमापतये नमः ॥ ४२॥

gavāṃ nāthāya kṛṣṇāya śrīrādhāpataye namaḥ |namo vaikuṇṭhavāsāya śrīramāpataye namaḥ || 42||

बहुवैकुण्ठनाथाय लक्ष्मीश्रीपतये नमः ।श्रीप्रभामञ्जुलाहंसासगुणास्वामिने नमः ॥ ४३॥

bahuvaikuṇṭhanāthāya lakṣmīśrīpataye namaḥ |śrīprabhāmañjulāhaṃsāsaguṇāsvāmine namaḥ || 43||

वृन्दातुलसीकमलापार्वतीपतये नमः ।नमस्तेऽस्तु जगन्नाथ वासुदेव नमोऽस्तु ते ॥ ४४॥

vṛndātulasīkamalāpārvatīpataye namaḥ |namaste'stu jagannātha vāsudeva namo'stu te || 44||

श्रीनिवास नमस्तेऽस्तु विष्वक्सेन नमोऽस्तु ते ।गरुडध्वज गोपीश विष्णो वैकुण्ठ ते नमः ॥ ४५॥

śrīnivāsa namaste'stu viṣvaksena namo'stu te |garuḍadhvaja gopīśa viṣṇo vaikuṇṭha te namaḥ || 45||

पुरुषोत्तम देवेश सर्वेश्वर नमोऽस्तु ते ।अनाद्याद्यन्तमध्यान्त नमस्ते पद्मजप्रिय ॥ ४६॥

puruṣottama deveśa sarveśvara namo'stu te |anādyādyantamadhyānta namaste padmajapriya || 46||

सृष्टिगर्भ नमस्तुभ्यं शत्रुञ्जय नमोऽस्तु ते ।नमो हिरण्यरूपाय कालनेत्राय ते नमः ॥ ४७॥

sṛṣṭigarbha namastubhyaṃ śatruñjaya namo'stu te |namo hiraṇyarūpāya kālanetrāya te namaḥ || 47||

महानाभ महामूल मूलावास नमोऽस्तु ते ।धर्मावास हृदावास शुचिश्रवः पृथुश्रवा ॥ ४८॥

mahānābha mahāmūla mūlāvāsa namo'stu te |dharmāvāsa hṛdāvāsa śuciśravaḥ pṛthuśravā || 48||

धर्माध्यक्ष प्रजाध्यक्ष कालाध्यक्ष नमोऽस्तु ते ।गदाधारिन् पद्मधारिन् श्रुतिप्रश्न नमोऽस्तुते ॥ ४९॥

dharmādhyakṣa prajādhyakṣa kālādhyakṣa namo'stu te |gadādhārin padmadhārin śrutipraśna namo'stute || 49||

श्रियोधर वनमालाधर कृष्ण नमोऽस्तुते ।पुरुष्टुत महाकल्प सर्वात्मँस्ते नमो विभो ॥ ५०॥

śriyodhara vanamālādhara kṛṣṇa namo'stute |puruṣṭuta mahākalpa sarvātmam̐ste namo vibho || 50||

द्वादशात्मक कालात्मन् सामात्मन् परमेश्वर ।व्योमार्कात्मक चन्द्रात्मन् सर्वसूक्ष्म नमोऽस्तु ते ॥ ५१॥

dvādaśātmaka kālātman sāmātman parameśvara |vyomārkātmaka candrātman sarvasūkṣma namo'stu te || 51||

नीलकेश गुडाकेश महाकेश नमोऽस्तु ते ।मञ्जुकेश हृषीकेश सर्वकेश नमोऽस्तु ते ॥ ५२॥

nīlakeśa guḍākeśa mahākeśa namo'stu te |mañjukeśa hṛṣīkeśa sarvakeśa namo'stu te || 52||

श्वेत रक्त तथा पीत चित्र कृष्ण नमोऽस्तु ते ।कुशेशय प्रीतिकर्तर्गोविन्द हंस ते नमः ॥ ५३॥

śveta rakta tathā pīta citra kṛṣṇa namo'stu te |kuśeśaya prītikartargovinda haṃsa te namaḥ || 53||

नमस्ते धर्मनेत्राय सहस्राङ्गाय ते नमः ।नमस्ते विश्वरूपाय धामरूपाय ते नमः ॥ ५४॥

namaste dharmanetrāya sahasrāṅgāya te namaḥ |namaste viśvarūpāya dhāmarūpāya te namaḥ || 54||

न्यग्रोधाय पिप्पलाय महाशाखाय ते नमः ।स्कन्धपत्राङ्कुरलतापल्लवाय नमोऽस्तु ते ॥ ५५॥

nyagrodhāya pippalāya mahāśākhāya te namaḥ |skandhapatrāṅkuralatāpallavāya namo'stu te || 55||

त्वं वै वेदमयो विष्णुस्तीर्थदेवमतो विभुः ।भूर्भुवःस्वःस्वरूपस्त्वं यज्ञभागभुजे नमः ॥ ५६॥

tvaṃ vai vedamayo viṣṇustīrthadevamato vibhuḥ |bhūrbhuvaḥsvaḥsvarūpastvaṃ yajñabhāgabhuje namaḥ || 56||

परब्रह्म नमस्तेऽस्तु शब्दब्रह्म नमोऽस्तु ते ।विद्या त्वं वेद्यरूपस्त्वं वन्दनीय नमोऽस्तु ते ॥ ५७॥

parabrahma namaste'stu śabdabrahma namo'stu te |vidyā tvaṃ vedyarūpastvaṃ vandanīya namo'stu te || 57||

नारीवाणीस्वरूपस्त्वं नरे दयास्वरूपकः ।पुत्रे वात्सल्यभावस्त्वं त्वां वयं शरणं गताः ॥ ५८॥

nārīvāṇīsvarūpastvaṃ nare dayāsvarūpakaḥ |putre vātsalyabhāvastvaṃ tvāṃ vayaṃ śaraṇaṃ gatāḥ || 58||

उद्धारं कुरु संसाराद्भगवन् परमेश्वर ।इत्युक्त्वा मौनमासेदुस्ततश्चार्यायनो मुनिः ॥ ५९॥

uddhāraṃ kuru saṃsārādbhagavan parameśvara |ityuktvā maunamāsedustataścāryāyano muniḥ || 59||

तुष्टाव परया प्रीत्या श्रीकान्तं पुरुषोत्तमम् ।मत्स्यं नमस्ये कूर्मं च नमस्ये हयशीर्षकम् ॥ ६०॥

tuṣṭāva parayā prītyā śrīkāntaṃ puruṣottamam |matsyaṃ namasye kūrmaṃ ca namasye hayaśīrṣakam || 60||

त्रिविक्रमं नमस्ये च नमस्ये माधवं प्रभुम् ।ईशानं च हृषीकेशं नमस्ये च कुमारिलम् ॥ ६१॥

trivikramaṃ namasye ca namasye mādhavaṃ prabhum |īśānaṃ ca hṛṣīkeśaṃ namasye ca kumārilam || 61||

नारायणं नमस्येऽहं नमस्ये गरुडध्वजम् ।नरसिंहं नमस्ये च नमस्ये कामपालिनम् ॥ ६२॥

nārāyaṇaṃ namasye'haṃ namasye garuḍadhvajam |narasiṃhaṃ namasye ca namasye kāmapālinam || 62||

पुण्डरीकनिभनेत्रं नमस्ये श्रीनरायणम् ।नमस्ये ध्वजचक्राब्जधनुर्मीनसुशूलिनम् ॥ ६३॥

puṇḍarīkanibhanetraṃ namasye śrīnarāyaṇam |namasye dhvajacakrābjadhanurmīnasuśūlinam || 63||

गोपतिं कम्भरापुत्रं विभुं गोपालनन्दनम् ।नमस्ये च गदापाणिं चाश्वपट्टसरःस्थितम् ॥ ६४॥

gopatiṃ kambharāputraṃ vibhuṃ gopālanandanam |namasye ca gadāpāṇiṃ cāśvapaṭṭasaraḥsthitam || 64||

अर्धनारीश्वरं नाथं नारीवृन्दसुखप्रदम् ।नमस्ये पद्महस्तं च पद्मसक्थिनमित्यपि ॥ ६५॥

ardhanārīśvaraṃ nāthaṃ nārīvṛndasukhapradam |namasye padmahastaṃ ca padmasakthinamityapi || 65||

नमस्ये पद्मकिरणं तथोर्ध्वरेखपत्तलम् ।लक्ष्मीप्रतिमजघनं नमस्ये वनमालिनम् ॥ ६६॥

namasye padmakiraṇaṃ tathordhvarekhapattalam |lakṣmīpratimajaghanaṃ namasye vanamālinam || 66||

नमस्ये धरणिनाथं नमस्येऽहं श्रियः पतिम् ।अनाथनाथ नौकास्थ विमानस्थ च ते नमः ॥ ६७॥

namasye dharaṇināthaṃ namasye'haṃ śriyaḥ patim |anāthanātha naukāstha vimānastha ca te namaḥ || 67||

हृत्स्थ भक्तविहारस्थ दीनरक्षास्थ ते नमः ।त्रिणाचिकेतं ब्रह्माणं नमस्ये च महौजसम् ॥ ६८॥

hṛtstha bhaktavihārastha dīnarakṣāstha te namaḥ |triṇāciketaṃ brahmāṇaṃ namasye ca mahaujasam || 68||

सर्वामयविनाशं च नमस्ये घ्राणतर्पणम् ।नमस्ये रुक्मकवचं नमस्ये पुरुषोत्तमम् ॥ ६९॥

sarvāmayavināśaṃ ca namasye ghrāṇatarpaṇam |namasye rukmakavacaṃ namasye puruṣottamam || 69||

वनस्पतिं मधुपतिं नमस्ये च सुधापतिम् ।वासुदेवं चक्रपाणिं नमस्ये च यशोधनम् ॥ ७०॥

vanaspatiṃ madhupatiṃ namasye ca sudhāpatim |vāsudevaṃ cakrapāṇiṃ namasye ca yaśodhanam || 70||

सर्वभूतगतं शान्तं धर्ममूर्तिं परेश्वरम् ।नमस्ये मोक्षदं नाथं शरण्यं शरणं व्रजे ॥ ७१॥

sarvabhūtagataṃ śāntaṃ dharmamūrtiṃ pareśvaram |namasye mokṣadaṃ nāthaṃ śaraṇyaṃ śaraṇaṃ vraje || 71||

एवं तुष्टाव देवेशं श्रीमानार्यायनो मुनिः ।इति श्रीलक्ष्मीनारायणीयसंहिता । खण्ड २। अध्याय ६२अध्यायान्तर्गतंजनैः कृतं तथा आर्यायनमुनिप्रोक्तं पुरुषोत्तमस्तोत्रं सम्पूर्णम् ।लक्ष्मीनारायणीयसंहिता । खण्ड २। अध्याय ६२/३९७१॥लक्ष्मीनारायणीयसंहिता । खण्ड २। अध्याय ६२/३९-७१॥

evaṃ tuṣṭāva deveśaṃ śrīmānāryāyano muniḥ |iti śrīlakṣmīnārāyaṇīyasaṃhitā | khaṇḍa 2| adhyāya 62adhyāyāntargataṃjanaiḥ kṛtaṃ tathā āryāyanamuniproktaṃ puruṣottamastotraṃ sampūrṇam |lakṣmīnārāyaṇīyasaṃhitā | khaṇḍa 2| adhyāya 62/3971||lakṣmīnārāyaṇīyasaṃhitā | khaṇḍa 2| adhyāya 62/39-71||