विष्णुस्तोत्रम् (जनलोकस्थैः सनकाद्यैः ऋषिभिः कृतं हरिवंशान्तर्गतम् जय देव जगन्नाथ भूतभावन भावन) Janalokasthaih Sanakadyaih Rishibhih Kritam Vishnu Stotram

ऋषयो जनलोकस्था दृष्ट्वा देवं तथाविधम् ।अस्तुवन् भक्तिनम्रास्ते सनकाद्या मुनीश्वराः ॥ १॥

ṛṣayo janalokasthā dṛṣṭvā devaṃ tathāvidham |astuvan bhaktinamrāste sanakādyā munīśvarāḥ || 1||

जय देव जगन्नाथ भूतभावन भावन ।जय विश्वप्रभो विष्णो जय वामन माधव ॥ २॥

jaya deva jagannātha bhūtabhāvana bhāvana |jaya viśvaprabho viṣṇo jaya vāmana mādhava || 2||

नमः सहस्रशिरसे देवदेव जगत्पते ।जयाच्युत हरे विष्णो जयाजेय जगत्पते ॥ ३॥

namaḥ sahasraśirase devadeva jagatpate |jayācyuta hare viṣṇo jayājeya jagatpate || 3||

नताः स्म भूताधिपमदिदेवं ।जगज्जनित्रं सकलस्य जन्तोः ।परावरेशं परमं वरेण्यं ।नमो नमः सत्यजगत्पते ते ॥ ४॥

natāḥ sma bhūtādhipamadidevaṃ |jagajjanitraṃ sakalasya jantoḥ |parāvareśaṃ paramaṃ vareṇyaṃ |namo namaḥ satyajagatpate te || 4||

विश्वस्य धातारमणीयसामणुं ।वेदान्तवेद्यं परमामनन्ति ।तमदिदेवं वरदं वरेण्यं ।नताः स्मस्तं जगतां पतिमदिभूतम् ॥ ५॥

viśvasya dhātāramaṇīyasāmaṇuṃ |vedāntavedyaṃ paramāmananti |tamadidevaṃ varadaṃ vareṇyaṃ |natāḥ smastaṃ jagatāṃ patimadibhūtam || 5||

नमो नमो जगन्नाथ विष्णो देव जगत्पते ।त्वामेव विविधा वेदा वदन्ति ब्रह्म शाश्वतम् ॥ ६॥

namo namo jagannātha viṣṇo deva jagatpate |tvāmeva vividhā vedā vadanti brahma śāśvatam || 6||

जय देव हरे कृष्ण जय वामन पावन ।त्वय्येव सकलं लोकं पश्यामो जगतीपते ।सर्वात्मन् सर्वभूतेश नमस्तेऽस्तु जनार्दन ॥ ७॥

jaya deva hare kṛṣṇa jaya vāmana pāvana |tvayyeva sakalaṃ lokaṃ paśyāmo jagatīpate |sarvātman sarvabhūteśa namaste'stu janārdana || 7||

इति हरिवंशान्तर्गतं जनलोकस्थैः सनकाद्यैःऋषिभिः कृतं विष्णुस्तोत्रं सम्पूर्णम् ।हरिवंश । अनुबन्ध परिशिष्ट । अध्याय अ४२ब\।२८५५हरिवंश । अनुबन्ध – परिशिष्ट । अध्याय अ४२ब।२८५५

iti harivaṃśāntargataṃ janalokasthaiḥ sanakādyaiḥṛṣibhiḥ kṛtaṃ viṣṇustotraṃ sampūrṇam |harivaṃśa | anubandha pariśiṣṭa | adhyāya a42ba\|2855harivaṃśa | anubandha – pariśiṣṭa | adhyāya a42ba|2855