हर्यष्टप्रासपञ्चकम् Hari Ashtaprasa Panchakam

आदावेव सुनिर्विकारवपुषे वेदादिसद्योनयेभेदाभेदविवर्जितात्मगतये वेदान्तवेद्यात्मने ।पादाम्भोरुहदाससंसृतिमयच्छेदाय लक्ष्मीपतेकादाचित्कतयात्मकल्पितजगद्भेदाय तुभ्यं नमः ॥ १॥

ādāveva sunirvikāravapuṣe vedādisadyonayebhedābhedavivarjitātmagataye vedāntavedyātmane |pādāmbhoruhadāsasaṃsṛtimayacchedāya lakṣmīpatekādācitkatayātmakalpitajagadbhedāya tubhyaṃ namaḥ || 1||

बालार्कद्युतिकौस्तुभाङ्कितगले नीलाम्बुजाभे जगज्जालोत्पादकनाभिपङ्कजभवत्कीलालजन्मासने ।फालाक्षप्रमुखस्वभक्तकरुणावालाक्षिपद्मे मनोलीला मेऽस्तु हरौ सदापि तुलसीमालादिभिर्भूषिते ॥ २॥

bālārkadyutikaustubhāṅkitagale nīlāmbujābhe jagajjālotpādakanābhipaṅkajabhavatkīlālajanmāsane |phālākṣapramukhasvabhaktakaruṇāvālākṣipadme manolīlā me'stu harau sadāpi tulasīmālādibhirbhūṣite || 2||

हैमातुल्यमणिप्रभामकुटिनं सोमार्ककोटिद्युतिंभीमाकारमहासुरप्रशमनोद्दामायुधालङ्कृतम् ।रोमाञ्चाङ्कितयोगिपुङ्गवरहोधीमाननीयाकृतिंभूमालालितपादपद्मयुगलं क्षेमाय सेवेऽच्युतम् ॥ ३॥

haimātulyamaṇiprabhāmakuṭinaṃ somārkakoṭidyutiṃbhīmākāramahāsurapraśamanoddāmāyudhālaṅkṛtam |romāñcāṅkitayogipuṅgavarahodhīmānanīyākṛtiṃbhūmālālitapādapadmayugalaṃ kṣemāya seve'cyutam || 3||

संसारार्णवमज्जतामुरुभयध्वंसात्मनामावलिःकंसारातिदशाननन्तकमुखोल्लासावतारांशकैः ।हंसारूढविधातृपूर्वकसुरान् हिंसाविहीनान् मुहुःपुंसामाकलयन् जघन्यमिह मां निःसारमव्याद्धरिः ॥ ४॥

saṃsārārṇavamajjatāmurubhayadhvaṃsātmanāmāvaliḥkaṃsārātidaśānanantakamukhollāsāvatārāṃśakaiḥ |haṃsārūḍhavidhātṛpūrvakasurān hiṃsāvihīnān muhuḥpuṃsāmākalayan jaghanyamiha māṃ niḥsāramavyāddhariḥ || 4||

पायाच्छेषफणासहस्रमणिभासाग्राहकोट्युष्णरुकछायाभासि तदीयभोगशयने जायाष्टकेनावृते ।मायावर्जितयोगमुद्रितमुनिध्येयात्मनिद्रां भजन्कायात् कायमुपेत्य दुःखितमितोऽपायान्मुकुन्दोऽद्य माम् ॥ ५॥

pāyāccheṣaphaṇāsahasramaṇibhāsāgrāhakoṭyuṣṇarukachāyābhāsi tadīyabhogaśayane jāyāṣṭakenāvṛte |māyāvarjitayogamudritamunidhyeyātmanidrāṃ bhajankāyāt kāyamupetya duḥkhitamito'pāyānmukundo'dya mām || 5||

हठात्कारेण संसारदुःखानि निखिलान्यपि ।हरत्येव न सन्देहो हर्यष्टप्रासपञ्चकम् ॥ ६॥

haṭhātkāreṇa saṃsāraduḥkhāni nikhilānyapi |haratyeva na sandeho haryaṣṭaprāsapañcakam || 6||

इति श्रीहर्यष्टप्रासपञ्चकस्तोत्रं सम्पूर्णम् ।स्तोत्रसमुच्चयः २ (७९)

iti śrīharyaṣṭaprāsapañcakastotraṃ sampūrṇam |stotrasamuccayaḥ 2 (79)