चक्रपाण्यष्टकम् Chakrapani Ashtakam

सतोयतोयदालिनीलदिव्यविग्रहोपरिस्फुरद्धिरण्यकान्तिजालशोभिपीतवाससे ।किरीटरत्नरोचिषा विनिर्जितोष्णरश्मयेनतिर्ममास्तु सन्ततं हृदिस्थचक्रपाणये ॥ १॥

satoyatoyadālinīladivyavigrahoparisphuraddhiraṇyakāntijālaśobhipītavāsase |kirīṭaratnarociṣā vinirjitoṣṇaraśmayenatirmamāstu santataṃ hṛdisthacakrapāṇaye || 1||

ललामशोभितत्तदङ्गसौभगात्ममूर्तयेललाटगोर्ध्वपुण्ड्रकान्तिधूतपातकालये ।प्रफुल्लरत्नवारिरुट्छदायतात्मचक्षुषेनतिर्ममास्तु सन्ततं हृदिस्थचक्रपाणये ॥ २॥

lalāmaśobhitattadaṅgasaubhagātmamūrtayelalāṭagordhvapuṇḍrakāntidhūtapātakālaye |praphullaratnavāriruṭchadāyatātmacakṣuṣenatirmamāstu santataṃ hṛdisthacakrapāṇaye || 2||

अनर्घरत्नदीप्तिपुञ्जहैमकुण्डलत्विषाधगद्धगायमाननैजगण्डयुग्मशोभिने ।अमन्दशीतमन्दहासनिर्जितामृतांशवेनतिर्ममास्तु सन्ततं हृदिस्थचक्रपाणये ॥ ३॥

anargharatnadīptipuñjahaimakuṇḍalatviṣādhagaddhagāyamānanaijagaṇḍayugmaśobhine |amandaśītamandahāsanirjitāmṛtāṃśavenatirmamāstu santataṃ hṛdisthacakrapāṇaye || 3||

प्रशस्तकम्बुकन्धरप्रलम्बिकौस्तुभोल्लसद्बृहद्विशालवक्षसि स्थितेन्दिराविभूतये ।भुजङ्गराजभोगदीर्घभूषणाढ्यबाहवेनतिर्ममास्तु सन्ततं हृदिस्थचक्रपाणये ॥ ४॥

praśastakambukandharapralambikaustubhollasadbṛhadviśālavakṣasi sthitendirāvibhūtaye |bhujaṅgarājabhogadīrghabhūṣaṇāḍhyabāhavenatirmamāstu santataṃ hṛdisthacakrapāṇaye || 4||

समस्तजीवसन्तताण्डकोटिपूर्णकुक्षयेसदन्तरङ्गरत्नपीठवासिनेऽमलात्मने ।खगाधिराजवाहनस्थिताय शेषशायिनेनतिर्ममास्तु सन्ततं हृदिस्थचक्रपाणये ॥ ५॥

samastajīvasantatāṇḍakoṭipūrṇakukṣayesadantaraṅgaratnapīṭhavāsine'malātmane |khagādhirājavāhanasthitāya śeṣaśāyinenatirmamāstu santataṃ hṛdisthacakrapāṇaye || 5||

अशेषभूतभौतिकादिविश्वसृष्टिशक्तिमद्विधातृजन्मभूमिभूतनाभिपङ्कजश्रिये ।समस्तवेदसन्नुतप्रभावयुङ्निजङ्घ्रयेनतिर्ममास्तु सन्ततं हृदिस्थचक्रपाणये ॥ ६॥

aśeṣabhūtabhautikādiviśvasṛṣṭiśaktimadvidhātṛjanmabhūmibhūtanābhipaṅkajaśriye |samastavedasannutaprabhāvayuṅnijaṅghrayenatirmamāstu santataṃ hṛdisthacakrapāṇaye || 6||

दशाननाद्यनेकदुष्टनिग्रहार्थमादराद्गृहीतरामकृष्णपूर्वदिव्यमूर्तिकोटये ।गजेन्द्रपूर्वनैजभक्तपालनैकदृष्टयेनतिर्ममास्तु सन्ततं हृदिस्थचक्रपाणये ॥ ७॥

daśānanādyanekaduṣṭanigrahārthamādarādgṛhītarāmakṛṣṇapūrvadivyamūrtikoṭaye |gajendrapūrvanaijabhaktapālanaikadṛṣṭayenatirmamāstu santataṃ hṛdisthacakrapāṇaye || 7||

अमायिकस्वरूपभूतपारमार्थिकाश्रयादखण्डसच्चिदात्मकस्वरूपमात्रशोभिने ।अथापि तत्तदुत्सवाय तत्तदात्मकाय तेनतिर्ममास्तु सन्ततं हृदिस्थचक्रपाणये ॥ ८॥

amāyikasvarūpabhūtapāramārthikāśrayādakhaṇḍasaccidātmakasvarūpamātraśobhine |athāpi tattadutsavāya tattadātmakāya tenatirmamāstu santataṃ hṛdisthacakrapāṇaye || 8||

चक्रपाण्यष्टकस्तोत्रमिदं भक्त्यैव यः पठेत् ।विपच्चकान्न तस्यास्ति भयलेशोऽपि सर्वदा ॥ ९॥

cakrapāṇyaṣṭakastotramidaṃ bhaktyaiva yaḥ paṭhet |vipaccakānna tasyāsti bhayaleśo'pi sarvadā || 9||

इति श्रीचक्रपाण्यष्टकं सम्पूर्णम् ।स्तोत्रसमुच्चयः २ (५८)

iti śrīcakrapāṇyaṣṭakaṃ sampūrṇam |stotrasamuccayaḥ 2 (58)