नारायणस्तोत्रम् Agnikritam Narayana Stotram

अग्निरुवाच ।विशुद्धविज्ञानघनं पुराणं सनातनं विश्वसृजां पतिं गुरुम् ।अनेकमेकं जगदेकनाथं नमाम्यनन्ताश्रितशुद्धबुद्धिम् ॥ ३३॥

agniruvāca |viśuddhavijñānaghanaṃ purāṇaṃ sanātanaṃ viśvasṛjāṃ patiṃ gurum |anekamekaṃ jagadekanāthaṃ namāmyanantāśritaśuddhabuddhim || 33||

मायामयीं शक्तिमुपेत्य विश्वकर्त्तारमुद्दिश्य रजोपयुक्तम् ।सत्त्वेन चास्य स्थितिहेतुमुग्रमथो तमोभिग्रसितारमीडे ॥ ३४॥

māyāmayīṃ śaktimupetya viśvakarttāramuddiśya rajopayuktam |sattvena cāsya sthitihetumugramatho tamobhigrasitāramīḍe || 34||

अविद्यया विश्वविमोहितात्मा विद्यैकरूपं विततं त्रिलोक्याम् ।विद्याऽऽश्रितत्वात्सकलज्ञमीशं त्वविद्यया जीवमहं प्रपद्ये ॥ ३५॥

avidyayā viśvavimohitātmā vidyaikarūpaṃ vitataṃ trilokyām |vidyā''śritatvātsakalajñamīśaṃ tvavidyayā jīvamahaṃ prapadye || 35||

भक्तेच्छयाऽऽविष्कृतदेहयोगमाभोगभोगार्पितयोगयोगम् ।कौशेयपीताम्बरजुष्टशक्तिं विचित्रशक्त्यष्टमयेष्टमीडे ॥ ३६॥

bhaktecchayā''viṣkṛtadehayogamābhogabhogārpitayogayogam |kauśeyapītāmbarajuṣṭaśaktiṃ vicitraśaktyaṣṭamayeṣṭamīḍe || 36||

इति श्रीस्कन्दपुराणे वैष्णवखण्डे बदरिकाश्रममाहात्म्ये द्वितीयाध्यायान्तर्गतंअग्निकृतं नारायणस्तोत्रं समाप्तम् ।स्कन्दपुराण । वैष्णवखण्ड । बदरिकाखण्ड । अध्याय २/३३३६॥स्कन्दपुराण । वैष्णवखण्ड । बदरिकाखण्ड । अध्याय २/३३-३६॥

iti śrīskandapurāṇe vaiṣṇavakhaṇḍe badarikāśramamāhātmye dvitīyādhyāyāntargataṃagnikṛtaṃ nārāyaṇastotraṃ samāptam |skandapurāṇa | vaiṣṇavakhaṇḍa | badarikākhaṇḍa | adhyāya 2/3336||skandapurāṇa | vaiṣṇavakhaṇḍa | badarikākhaṇḍa | adhyāya 2/33-36||