वेङ्कटेश्वर द्वादशमञ्जरिकास्तोत्रम् Shri Venkateshvara Dvadashamanjarika Stotram

श्रीरस्तु ॥श्री कल्याण गुणोल्लासं चिद्विलासं महौजसम् ।शेषाद्रिमस्तकावासं श्रीनिवासं भजामहे ॥ १॥

śrīrastu ||śrī kalyāṇa guṇollāsaṃ cidvilāsaṃ mahaujasam |śeṣādrimastakāvāsaṃ śrīnivāsaṃ bhajāmahe || 1||

वाराहवेष भूलोकं लक्ष्मीमोहन विग्रहम् ।वेदान्त गोचरं देवं वेङ्कटेशं भजामहे ॥ २॥

vārāhaveṣa bhūlokaṃ lakṣmīmohana vigraham |vedānta gocaraṃ devaṃ veṅkaṭeśaṃ bhajāmahe || 2||

साङ्गाना मर्चिताकारं प्रसन्न मुखपङ्कजम् ।विश्वविश्वम्भराधीशं वृषाद्रीशं भजामहे ॥ ३॥

sāṅgānā marcitākāraṃ prasanna mukhapaṅkajam |viśvaviśvambharādhīśaṃ vṛṣādrīśaṃ bhajāmahe || 3||

कनत्कनक वेलाढ्यं करुणा वरुणालयम् ।श्री वासुदेव चिन्मूर्तिं शेषाद्रीशं भजामहे ॥ ४॥

kanatkanaka velāḍhyaṃ karuṇā varuṇālayam |śrī vāsudeva cinmūrtiṃ śeṣādrīśaṃ bhajāmahe || 4||

घनाघनं शेषाद्रि शिखरानन्द मन्दिरम् ।श्रितचातक संरक्षं सिंहाद्रीशं भजामहे ॥ ५॥

ghanāghanaṃ śeṣādri śikharānanda mandiram |śritacātaka saṃrakṣaṃ siṃhādrīśaṃ bhajāmahe || 5||

मङ्गळत्रं पद्माक्षं कस्तूरी तिलकोज्ज्वलम् ।तुलस्यादि मनःपूज्यं तारागण विभूत्वमे ॥ ६॥

maṅgaḷatraṃ padmākṣaṃ kastūrī tilakojjvalam |tulasyādi manaḥpūjyaṃ tārāgaṇa vibhūtvame || 6||

स्वामिपुष्करिणी तीर्थ वासं व्यासाभिः वर्णितम् ।स्वाङ्घ्रीसूचित हस्ताब्जं सत्यरूपं भजामहे ॥ ७॥

svāmipuṣkariṇī tīrtha vāsaṃ vyāsābhiḥ varṇitam |svāṅghrīsūcita hastābjaṃ satyarūpaṃ bhajāmahe || 7||

श्रीमन्नारायणं श्रीशं ब्रह्माण्डा वसन तत्परम् ।ब्रह्मण्यं सच्चिदानन्दं मोहातीतं भजामहे ॥ ८॥

śrīmannārāyaṇaṃ śrīśaṃ brahmāṇḍā vasana tatparam |brahmaṇyaṃ saccidānandaṃ mohātītaṃ bhajāmahe || 8||

अञ्जनाद्रीश्वरं लोकरञ्जनं मुनिरञ्जनम् ।भक्तार्ति भञ्जनं भक्त पारिजातं तमाश्रये ॥ ९॥

añjanādrīśvaraṃ lokarañjanaṃ munirañjanam |bhaktārti bhañjanaṃ bhakta pārijātaṃ tamāśraye || 9||

भिल्ली मनोहर्यं सत्य मनन्तं जगतां विभुम् ।नारायणाचलपतिं सत्यानन्दं तमाश्रये ॥ १०॥

bhillī manoharyaṃ satya manantaṃ jagatāṃ vibhum |nārāyaṇācalapatiṃ satyānandaṃ tamāśraye || 10||

चतुर्मुखत्र्यम्बकाढ्यं सन्नुतार्य कदम्बकम् ।ब्रह्म प्रमुखनित्रानं प्रधान पुरुषाश्रये ॥ ११॥

caturmukhatryambakāḍhyaṃ sannutārya kadambakam |brahma pramukhanitrānaṃ pradhāna puruṣāśraye || 11||

श्रीमत्पद्मासनाग्रस्थ चिन्तितार्थ प्रदायिकम् ।लोकैक नायकं श्रीमद् वेङ्कटाद्रीश माश्रये ॥ १२॥

śrīmatpadmāsanāgrastha cintitārtha pradāyikam |lokaika nāyakaṃ śrīmad veṅkaṭādrīśa māśraye || 12||

वेङ्कटाद्रि हरेः स्तोत्रं द्वादश श्लोक संयुतम् ।यःपठेः सततं भक्त्या तस्यमुक्तिः करे स्थिता ॥ १३॥

veṅkaṭādri hareḥ stotraṃ dvādaśa śloka saṃyutam |yaḥpaṭheḥ satataṃ bhaktyā tasyamuktiḥ kare sthitā || 13||

सर्वपापहरं प्राहुः वेङ्कटेशस्तदोच्यतेः ।त्वन्नामको वेङ्कटाद्रिः स्मरतो वेङ्कटेश्वरःसद्यः संस्मरणादेव मोक्ष साम्राज्य माप्नुयात् ॥ १४॥

sarvapāpaharaṃ prāhuḥ veṅkaṭeśastadocyateḥ |tvannāmako veṅkaṭādriḥ smarato veṅkaṭeśvaraḥsadyaḥ saṃsmaraṇādeva mokṣa sāmrājya māpnuyāt || 14||

वेङ्कटेश्वर पदद्वन्द्यं प्रजामिस्र स्मरणं सदा ।भूयाश्शरण्योमे साक्षाद्देवेशो भक्तवत्सलः ॥ १५॥

veṅkaṭeśvara padadvandyaṃ prajāmisra smaraṇaṃ sadā |bhūyāśśaraṇyome sākṣāddeveśo bhaktavatsalaḥ || 15||

॥ श्री वेङ्कटेश्वर द्वादश मञ्जरिका स्तोत्रं सम्पूर्णम् ॥

|| śrī veṅkaṭeśvara dvādaśa mañjarikā stotraṃ sampūrṇam ||