वेङ्कटेश्वरनवरत्नमालिकास्तुतिः Shri Venkateshvaranavaratnamalikastutih

श्रीमानम्भोधिकन्याविहरणभवनीभूतवक्षःप्रदेशःभास्वद्भोगीन्द्रभूमीधरवरशिखरप्रान्तकेलीरसज्ञः ।शश्वद्ब्रह्मेन्द्रवह्निप्रमुखसुरवराराध्यमानाङ्।ह्घ्रिपद्मःपायान्मां वेङ्कटेशः प्रणतजनमनःकामनाकल्पशाखी ॥ १॥

śrīmānambhodhikanyāviharaṇabhavanībhūtavakṣaḥpradeśaḥbhāsvadbhogīndrabhūmīdharavaraśikharaprāntakelīrasajñaḥ |śaśvadbrahmendravahnipramukhasuravarārādhyamānāṅ|hghripadmaḥpāyānmāṃ veṅkaṭeśaḥ praṇatajanamanaḥkāmanākalpaśākhī || 1||

यस्मिन् विश्वं समस्तं चरमचरमिदं दृश्यते वृद्धिमेतिभ्रश्यत्यन्ते च तादृग्विभवविलसितस्सोऽयमानन्दमूर्तिः ।पद्मावासामुखाम्भोरुहमद धु मधुविद्विभ्रमोन्निद्रचेताःशश्वद्भूयाद्विनम्राखिलमुनिनिवहो भूयसे श्रेयसे मे ॥ २॥

yasmin viśvaṃ samastaṃ caramacaramidaṃ dṛśyate vṛddhimetibhraśyatyante ca tādṛgvibhavavilasitasso'yamānandamūrtiḥ |padmāvāsāmukhāmbhoruhamada dhu madhuvidvibhramonnidracetāḥśaśvadbhūyādvinamrākhilamuninivaho bhūyase śreyase me || 2||

वन्दे देवं महान्तं दरहसितलसद्वक्त्रचन्द्राभिरामंनव्योन्निद्रावदाताम्बुजरुचिरविशालेक्षणद्वन्द्वरम्यम् ।राजन्मार्ताण्डतेजःप्रसितशुभमहाकौस्तुभोद्भास्युरस्कंशान्तं श्रीशङ्खचक्राद्यमलकरयुतं भव्यपीताम्बराढ्यम् ॥ ३॥

vande devaṃ mahāntaṃ darahasitalasadvaktracandrābhirāmaṃnavyonnidrāvadātāmbujaruciraviśālekṣaṇadvandvaramyam |rājanmārtāṇḍatejaḥprasitaśubhamahākaustubhodbhāsyuraskaṃśāntaṃ śrīśaṅkhacakrādyamalakarayutaṃ bhavyapītāmbarāḍhyam || 3||

पायाद्विश्वस्य साक्षी प्रभुरखिलजगत्कारणं शाश्वतोऽयंपादप्रह्वाघराशिप्रशमननिभृताम्भोधरप्राभवो माम् ।ब्यक्ताव्यक्तस्वरूपो दुरधिगमपदः प्राक्तनीनां च वाचांध्येयो योगीन्द्रचेतस्सरसिजनियतानन्ददीक्षाविहारः ॥ ४॥

pāyādviśvasya sākṣī prabhurakhilajagatkāraṇaṃ śāśvato'yaṃpādaprahvāgharāśipraśamananibhṛtāmbhodharaprābhavo mām |byaktāvyaktasvarūpo duradhigamapadaḥ prāktanīnāṃ ca vācāṃdhyeyo yogīndracetassarasijaniyatānandadīkṣāvihāraḥ || 4||

आद्यं तेजोविशेषैरुपगतदशदिङ्मण्डलाभ्यन्तरालंसूक्ष्मं सूक्ष्मातिरिक्तं भवभयहरणं दिव्यभव्यस्वरूपम् ।लक्ष्मीकान्तं खगेन्द्रध्वजमघशमनं कामितार्थैकहेतुंवन्दे गोविन्दमिन्दीवरनवजलदश्यामलं चारुहासम् ॥ ५॥

ādyaṃ tejoviśeṣairupagatadaśadiṅmaṇḍalābhyantarālaṃsūkṣmaṃ sūkṣmātiriktaṃ bhavabhayaharaṇaṃ divyabhavyasvarūpam |lakṣmīkāntaṃ khagendradhvajamaghaśamanaṃ kāmitārthaikahetuṃvande govindamindīvaranavajaladaśyāmalaṃ cāruhāsam || 5||

राकाचन्द्रोपमास्यं ललितकुवलयश्याममम्भोजनेत्रंध्यायाम्याजानुबाहुं हलनलिनगदाशार्ङ्गरेखाञ्चिताङ्।ह्घ्रिम् ।कारुण्याञ्चत्कटाक्षं कलशजलधिजापीनवक्षोजकोशाश्लेषावाताङ्गरागोच्छ्।ह्यललितनवाङ्कोरुवक्षस्स्थलाढ्यम् ॥ ६॥

rākācandropamāsyaṃ lalitakuvalayaśyāmamambhojanetraṃdhyāyāmyājānubāhuṃ halanalinagadāśārṅgarekhāñcitāṅ|hghrim |kāruṇyāñcatkaṭākṣaṃ kalaśajaladhijāpīnavakṣojakośāśleṣāvātāṅgarāgocch|hyalalitanavāṅkoruvakṣassthalāḍhyam || 6||

श्रीमन्संपूर्णशीतद्युतिहसनमुखं रम्यबिम्बाधरोष्ठंग्रीवाप्रालम्बिवक्षस्स्थलसततनटद्वैजयन्तीविलासम् ।आदर्शौपम्यगण्डप्रतिफलितलसत्कुण्डलश्रोत्रयुग्मंस्तौमि त्वां द्योतमानोत्तममणिरुचिरानल्पकोटीरकान्तम् ॥ ७॥

śrīmansaṃpūrṇaśītadyutihasanamukhaṃ ramyabimbādharoṣṭhaṃgrīvāprālambivakṣassthalasatatanaṭadvaijayantīvilāsam |ādarśaupamyagaṇḍapratiphalitalasatkuṇḍalaśrotrayugmaṃstaumi tvāṃ dyotamānottamamaṇirucirānalpakoṭīrakāntam || 7||

सप्रेमौत्सुक्यलक्ष्मीदरहसितमुखाम्भोरुहामोदलुभ्यन्मत्तद्वैरेफविक्रीडितनिजहृदयो देवदेवो मुकुन्दः ।स्वस्ति श्रीवत्सवक्षाः श्रितजनशुभदः शाश्वतं मे विदध्यात्न्यस्तप्रत्यग्रकस्तूर्यनुपमतिलकप्रोल्लसत्फालभागः ॥ ८॥

sapremautsukyalakṣmīdarahasitamukhāmbhoruhāmodalubhyanmattadvairephavikrīḍitanijahṛdayo devadevo mukundaḥ |svasti śrīvatsavakṣāḥ śritajanaśubhadaḥ śāśvataṃ me vidadhyātnyastapratyagrakastūryanupamatilakaprollasatphālabhāgaḥ || 8||

श्रीमान् शेषाद्रिनाथो मुनिजनहृदयाम्भोजसद्राजहंसः ।सेवासक्तामरेन्द्रप्रमुखसुरकिरीटर्चितात्माङ्।ह्घ्रिपीठः ।लोकस्यालोकमात्राद्विहरति रचयन् यो दिवारात्रलीलांसोऽयं मां वेङ्कटेशप्रभुरधिककृपावारिधिः पातु शश्वत् ॥ ९॥

śrīmān śeṣādrinātho munijanahṛdayāmbhojasadrājahaṃsaḥ |sevāsaktāmarendrapramukhasurakirīṭarcitātmāṅ|hghripīṭhaḥ |lokasyālokamātrādviharati racayan yo divārātralīlāṃso'yaṃ māṃ veṅkaṭeśaprabhuradhikakṛpāvāridhiḥ pātu śaśvat || 9||

श्रीशेषशर्माभिनवोपवलृप्ताप्रियेण भक्त्या च समर्पितेयम् ।श्रीवेङ्कटेशप्रभुकण्ठभूषाविराजतां श्रीनवर्त्नमाला ॥ १०० ।

śrīśeṣaśarmābhinavopavalṛptāpriyeṇa bhaktyā ca samarpiteyam |śrīveṅkaṭeśaprabhukaṇṭhabhūṣāvirājatāṃ śrīnavartnamālā || 100 |

॥ इति श्रीवेङ्कटेश्वरनवरत्नमालिकास्तुतिः समाप्ता॥

|| iti śrīveṅkaṭeśvaranavaratnamālikāstutiḥ samāptā||