वेङ्कटेश्वरस्तोत्रम् Shri Venkateshvara Shtotram

चतुरश्चतुरः सकृत्पुमर्थान्चतुरोदातुं इवोद्वहन् भुजान् यः ।करुणावरुणालयः समिन्धेफणिशैते शरणन्तमाश्रयामः ॥ १॥

caturaścaturaḥ sakṛtpumarthāncaturodātuṃ ivodvahan bhujān yaḥ |karuṇāvaruṇālayaḥ samindhephaṇiśaite śaraṇantamāśrayāmaḥ || 1||

नमस्कर्मीकुर्मोस् नटजन मनोभीष्ट घटनापटियांसं शेषक्षितिधरशिरोभूषण मणिम् ।त्रिलोकीनिर्माणस्थितिहरणलीलासुरषिकम्श्रियःकान्तंदेवं सुगुणनिधिं अस्मत्कुलगुरुम् ॥ २॥

namaskarmīkurmos naṭajana manobhīṣṭa ghaṭanāpaṭiyāṃsaṃ śeṣakṣitidharaśirobhūṣaṇa maṇim |trilokīnirmāṇasthitiharaṇalīlāsuraṣikamśriyaḥkāntaṃdevaṃ suguṇanidhiṃ asmatkulagurum || 2||

श्रीमद् वेङ्कटशैलशेखरतटे सञ्चारमातन्वतीनिष्कम्पां तटितं सदैव दधति भूयो अमृतं वर्षति ।सौहार्दं च धनञ्जये विधदती ध्यातुं तमोधुन्वतिपुष्याद्वोनितरां प्रमोदलतिकां या कापि कादम्बिनीम् ॥ ३॥

śrīmad veṅkaṭaśailaśekharataṭe sañcāramātanvatīniṣkampāṃ taṭitaṃ sadaiva dadhati bhūyo amṛtaṃ varṣati |sauhārdaṃ ca dhanañjaye vidhadatī dhyātuṃ tamodhunvatipuṣyādvonitarāṃ pramodalatikāṃ yā kāpi kādambinīm || 3||

जयन्ति श्रीकान्तप्रणयरसधारा मधुरिपोःकटाक्षः कारुण्यामृतजलधिकल्लोलनिकराः ।त्रिलोकी कल्याणप्रणयनमहाकल्पविटपाःश्रितस्वान्तध्वान्तप्रषमकरणादित्यकिरणः ॥ ४॥

jayanti śrīkāntapraṇayarasadhārā madhuripoḥkaṭākṣaḥ kāruṇyāmṛtajaladhikallolanikarāḥ |trilokī kalyāṇapraṇayanamahākalpaviṭapāḥśritasvāntadhvāntapraṣamakaraṇādityakiraṇaḥ || 4||

अहीनशैलस्थं अहीनवैभवं महो यदा भाति महोत्सवः सताम्निरन्तरं तं निगमान्तगोचरं चिरन्तनं चेतसि चिन्तयामहम् ॥ ५॥

ahīnaśailasthaṃ ahīnavaibhavaṃ maho yadā bhāti mahotsavaḥ satāmnirantaraṃ taṃ nigamāntagocaraṃ cirantanaṃ cetasi cintayāmaham || 5||

॥ इति श्री वट्टेपल्ले नरकण्ठीरव शास्त्रि विरचितम्श्री वेङ्कटेश्वरस्तोत्रं समाप्तम् ॥

|| iti śrī vaṭṭepalle narakaṇṭhīrava śāstri viracitamśrī veṅkaṭeśvarastotraṃ samāptam ||