वेङ्कटेश मङ्गलाष्टकम् Shri Venkatesha Mangalashtakam

श्रीक्षोण्यौ रमणीयुगं सुरमणीपुत्रोऽपि वाणीपतिःपौत्रश्चन्द्रशिरोमणिः फणिपतिः शय्या सुराः सेवकाः ।तार्क्ष्यो यस्य रथो महश्च भवनं ब्रह्माण्डमाद्यः पुमान्श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ १॥

śrīkṣoṇyau ramaṇīyugaṃ suramaṇīputro'pi vāṇīpatiḥpautraścandraśiromaṇiḥ phaṇipatiḥ śayyā surāḥ sevakāḥ |tārkṣyo yasya ratho mahaśca bhavanaṃ brahmāṇḍamādyaḥ pumānśrīmadveṅkaṭabhūdharendraramaṇaḥ kuryāddharirmaṅgalam || 1||

यत्तेजो रविकोटिकोटिकिरणान् धिक्कृत्य जेजीयतेयस्य श्रीवदनाम्बुजस्य सुषमा राकेन्दुकोटीरपि ।सौन्दर्यं च मनोभवानपि बहून् कान्तिश्च कादम्बिनींश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ २॥

yattejo ravikoṭikoṭikiraṇān dhikkṛtya jejīyateyasya śrīvadanāmbujasya suṣamā rākendukoṭīrapi |saundaryaṃ ca manobhavānapi bahūn kāntiśca kādambinīṃśrīmadveṅkaṭabhūdharendraramaṇaḥ kuryāddharirmaṅgalam || 2||

नानारत्न किरीटकुण्डलमुखैर्भूषागणैर्भूषितःश्रीमत्कौस्तुभरत्न भव्यहृदयः श्रीवत्ससल्लाञ्छनः ।विद्युद्वर्णसुवर्णवस्त्ररुचिरो यः शङ्खचक्रादिभिःश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ३॥

nānāratna kirīṭakuṇḍalamukhairbhūṣāgaṇairbhūṣitaḥśrīmatkaustubharatna bhavyahṛdayaḥ śrīvatsasallāñchanaḥ |vidyudvarṇasuvarṇavastraruciro yaḥ śaṅkhacakrādibhiḥśrīmadveṅkaṭabhūdharendraramaṇaḥ kuryāddharirmaṅgalam || 3||

यत्फाले मृगनाभिचारुतिलको नेत्रेऽब्जपत्रायतेकस्तूरीघनसारकेसरमिलच्छ्रीगन्धसारो द्रवैः ।गन्धैर्लिप्ततनुः सुगन्धसुमनोमालाधरो यः प्रभुःश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ४॥

yatphāle mṛganābhicārutilako netre'bjapatrāyatekastūrīghanasārakesaramilacchrīgandhasāro dravaiḥ |gandhairliptatanuḥ sugandhasumanomālādharo yaḥ prabhuḥśrīmadveṅkaṭabhūdharendraramaṇaḥ kuryāddharirmaṅgalam || 4||

एतद्दिव्यपदं ममास्ति भुवि तत्सम्पश्यतेत्यादराद्भक्तेभ्यः स्वकरेण दर्शयति यद्दृष्ट्याऽतिसौख्यं गतः ।एतद्भक्तिमतो महानपि भवाम्भोधिर्नदीति स्पृशन्श्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ५॥

etaddivyapadaṃ mamāsti bhuvi tatsampaśyatetyādarādbhaktebhyaḥ svakareṇa darśayati yaddṛṣṭyā'tisaukhyaṃ gataḥ |etadbhaktimato mahānapi bhavāmbhodhirnadīti spṛśanśrīmadveṅkaṭabhūdharendraramaṇaḥ kuryāddharirmaṅgalam || 5||

यः स्वामी सरसस्तटे विहरतो श्रीस्वामिन्नाम्नः सदासौवर्णालयमन्दिरो विधिमुखैर्बर्हिर्मुखैः सेवितः ।यः शत्रून् हनयन् निजानवति च श्रीभूवराहात्मकःश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ६॥

yaḥ svāmī sarasastaṭe viharato śrīsvāminnāmnaḥ sadāsauvarṇālayamandiro vidhimukhairbarhirmukhaiḥ sevitaḥ |yaḥ śatrūn hanayan nijānavati ca śrībhūvarāhātmakaḥśrīmadveṅkaṭabhūdharendraramaṇaḥ kuryāddharirmaṅgalam || 6||

यो ब्रह्मादिसुरान् मुनींश्च मनुजान् ब्रह्मोत्सवायागतान्दृष्ट्वा हृष्टमना बभूव बहुशस्तैरर्चितः संस्तुतः ।तेभ्यो यः प्रददाद्वरान् बहुविधान् लक्ष्मीनिवासो विभुःश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ७॥

yo brahmādisurān munīṃśca manujān brahmotsavāyāgatāndṛṣṭvā hṛṣṭamanā babhūva bahuśastairarcitaḥ saṃstutaḥ |tebhyo yaḥ pradadādvarān bahuvidhān lakṣmīnivāso vibhuḥśrīmadveṅkaṭabhūdharendraramaṇaḥ kuryāddharirmaṅgalam || 7||

यो देवो भुवि वर्तते कलियुगे वैकुण्ठलोकस्थितोभक्तानां परिपालनाय सततं कारुण्यवारां निधिः ।श्रीशेषाख्यमहीध्रमस्तकमणिर्भक्तैकचिन्तामणिश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ८॥

yo devo bhuvi vartate kaliyuge vaikuṇṭhalokasthitobhaktānāṃ paripālanāya satataṃ kāruṇyavārāṃ nidhiḥ |śrīśeṣākhyamahīdhramastakamaṇirbhaktaikacintāmaṇiśrīmadveṅkaṭabhūdharendraramaṇaḥ kuryāddharirmaṅgalam || 8||

शेषाद्रिप्रभुमङ्गलाष्टकमिदं तुष्टेन यस्येशितुःप्रीत्यर्थं रचितं रमेशचरणद्वन्द्वैकनिष्टावता ।वैवाह्यादिशुभक्रियासु पठितं यैः साधु तेषामपिश्रीमद्वेङ्कटभूधरेन्द्ररमणः कुर्याद्धरिर्मङ्गलम् ॥ ९॥

śeṣādriprabhumaṅgalāṣṭakamidaṃ tuṣṭena yasyeśituḥprītyarthaṃ racitaṃ rameśacaraṇadvandvaikaniṣṭāvatā |vaivāhyādiśubhakriyāsu paṭhitaṃ yaiḥ sādhu teṣāmapiśrīmadveṅkaṭabhūdharendraramaṇaḥ kuryāddharirmaṅgalam || 9||

॥ इति श्री वेङ्कटेश मङ्गलाष्टकं सम्पूर्णम् ॥

|| iti śrī veṅkaṭeśa maṅgalāṣṭakaṃ sampūrṇam ||