वेङ्कटेश करावलम्बस्तोत्रम् Shri Venkatesha Karavalamba Stotra

श्रीशेषशैलसुनिकेतन दिव्यमूर्तेनारायणाच्युत हरे नलिनायताक्ष ।लीलाकटाक्षपरिरक्षितसर्वलोकश्रीवेङ्कटेश मम देहि करावलम्बम् ॥ १॥ब्रह्मादिवन्दितपदाम्बुज शङ्खपाणेश्रीमत्सुदर्शनसुशोभितदिव्यहस्त ।कारुण्यसागर शरण्य सुपुण्यमूर्तेश्रीवेङ्कटेश मम देहि करावलम्बम् ॥ २॥वेदान्तवेद्य भवसागरकर्णधारश्रीपद्मनाभ कमलार्चितपादपद्म ।लोकैकपावन परात्पर पापहारिन्श्रीवेङ्कटेश मम देहि करावलम्बम् ॥ ३॥लक्ष्मीपते निगमलक्ष्य निजस्वरूपकामादिदोषपरिहारक बोधदायिन् ।दैत्यादिमर्दन जनार्दन वासुदेव (दैत्यारिमर्दन)श्रीवेङ्कटेश मम देहि करावलम्बम् ॥ ४॥तापत्रयं हर विभो रभसान्मुरारेसंरक्ष मां करुणया सरसीरुहाक्ष ।मच्छिष्यमित्यनुदिनं परिरक्ष विष्णो (मच्छिष्यमप्यनुदिनं)श्रीवेङ्कटेश मम देहि करावलम्बम् ॥ ५॥श्रीजातरूपनवरत्नलसत्किरीटकस्तूरिकातिलकशोभिललाटदेश ।राकेन्दुबिम्बवदनाम्बुज वारिजाक्षश्रीवेङ्कटेश मम देहि करावलम्बम् ॥ ६॥वन्दारुलोकवरदानवचोविलासरत्नाढ्यहारपरिशोभित कम्बुकण्ठ ।केयूररत्न सुविभासिदिगन्तरालश्रीवेङ्कटेश मम देहि करावलम्बम् ॥ ७॥दिव्याङ्गदाङ्कितभुजद्वय मङ्गलात्मन्केयूरभूषण सुशोभित दीर्घबाहो ।नागेन्द्रकङ्कणकरद्वयकामदायिन्श्रीवेङ्कटेश मम देहि करावलम्बम् ॥ ८॥स्वामिन् जगद्धरण वारिधिमध्यमग्नमामुद्धारय कृपया करुणापयोधे ।लक्ष्मींश्च देहि मम धर्म समृद्धिहेतुं (देहि विपुलामृणवारणाय)

śrīśeṣaśailasuniketana divyamūrtenārāyaṇācyuta hare nalināyatākṣa |līlākaṭākṣaparirakṣitasarvalokaśrīveṅkaṭeśa mama dehi karāvalambam || 1||brahmādivanditapadāmbuja śaṅkhapāṇeśrīmatsudarśanasuśobhitadivyahasta |kāruṇyasāgara śaraṇya supuṇyamūrteśrīveṅkaṭeśa mama dehi karāvalambam || 2||vedāntavedya bhavasāgarakarṇadhāraśrīpadmanābha kamalārcitapādapadma |lokaikapāvana parātpara pāpahārinśrīveṅkaṭeśa mama dehi karāvalambam || 3||lakṣmīpate nigamalakṣya nijasvarūpakāmādidoṣaparihāraka bodhadāyin |daityādimardana janārdana vāsudeva (daityārimardana)śrīveṅkaṭeśa mama dehi karāvalambam || 4||tāpatrayaṃ hara vibho rabhasānmurāresaṃrakṣa māṃ karuṇayā sarasīruhākṣa |macchiṣyamityanudinaṃ parirakṣa viṣṇo (macchiṣyamapyanudinaṃ)śrīveṅkaṭeśa mama dehi karāvalambam || 5||śrījātarūpanavaratnalasatkirīṭakastūrikātilakaśobhilalāṭadeśa |rākendubimbavadanāmbuja vārijākṣaśrīveṅkaṭeśa mama dehi karāvalambam || 6||vandārulokavaradānavacovilāsaratnāḍhyahārapariśobhita kambukaṇṭha |keyūraratna suvibhāsidigantarālaśrīveṅkaṭeśa mama dehi karāvalambam || 7||divyāṅgadāṅkitabhujadvaya maṅgalātmankeyūrabhūṣaṇa suśobhita dīrghabāho |nāgendrakaṅkaṇakaradvayakāmadāyinśrīveṅkaṭeśa mama dehi karāvalambam || 8||svāmin jagaddharaṇa vāridhimadhyamagnamāmuddhāraya kṛpayā karuṇāpayodhe |lakṣmīṃśca dehi mama dharma samṛddhihetuṃ (dehi vipulāmṛṇavāraṇāya)

श्रीवेङ्कटेश मम देहि करावलम्बम् ॥ ९॥दिव्याङ्गरागपरिचर्चितकोमलाङ्गपीताम्बरावृततनो तरुणार्क भाससत्यांचनाभपरिधान सुपत्तु बन्धश्रीवेङ्कटेश मम देहि करावलम्बम् ॥ १०॥रत्नाढ्यदामसुनिबद्धकटिप्रदेशमाणिक्यदर्पणसुसन्निभजानुदेश ।जङ्घाद्वयेन परिमोहितसर्वलोकश्रीवेङ्कटेश मम देहि करावलम्बम् ॥ ११॥लोकैकपावनसरित्परिशोभिताङ्घ्रे (पावन लसत्परिशोभिताङ्घ्रे)त्वत्पाददर्शन दिने च ममाघमीश । (दिनेशमहाप्रसादात्)हार्दं तमश्च सकलं लयमाप भूमन्श्रीवेङ्कटेश मम देहि करावलम्बम् ॥ १२॥कामादिवैरिनिवहोच्युत मे प्रयातः (निवहोऽप्रियतां)दारिद्र्यमप्यपगतं सकलं दयालो ।दीनं च मां समवलोक्य दयार्द्रदृष्ट्याश्रीवेङ्कटेश मम देहि करावलम्बम् ॥ १३॥श्रीवेङ्कटेशपदपङ्कजषट्पदेनश्रीमन्नृसिंहयतिना रचितं जगत्याम् ।एतत्पठन्ति मनुजाः पुरुषोत्तमस्यते प्राप्नुवन्ति परमां पदवीं मुरारेः ॥ १४॥

śrīveṅkaṭeśa mama dehi karāvalambam || 9||divyāṅgarāgaparicarcitakomalāṅgapītāmbarāvṛtatano taruṇārka bhāsasatyāṃcanābhaparidhāna supattu bandhaśrīveṅkaṭeśa mama dehi karāvalambam || 10||ratnāḍhyadāmasunibaddhakaṭipradeśamāṇikyadarpaṇasusannibhajānudeśa |jaṅghādvayena parimohitasarvalokaśrīveṅkaṭeśa mama dehi karāvalambam || 11||lokaikapāvanasaritpariśobhitāṅghre (pāvana lasatpariśobhitāṅghre)tvatpādadarśana dine ca mamāghamīśa | (dineśamahāprasādāt)hārdaṃ tamaśca sakalaṃ layamāpa bhūmanśrīveṅkaṭeśa mama dehi karāvalambam || 12||kāmādivairinivahocyuta me prayātaḥ (nivaho'priyatāṃ)dāridryamapyapagataṃ sakalaṃ dayālo |dīnaṃ ca māṃ samavalokya dayārdradṛṣṭyāśrīveṅkaṭeśa mama dehi karāvalambam || 13||śrīveṅkaṭeśapadapaṅkajaṣaṭpadenaśrīmannṛsiṃhayatinā racitaṃ jagatyām |etatpaṭhanti manujāḥ puruṣottamasyate prāpnuvanti paramāṃ padavīṃ murāreḥ || 14||

॥ इति श्री शृङ्गेरि जगद्गुरुणा श्रीनृसिंहभारतिस्वामिना रचितं श्रीवेङ्कटेशकरावलम्ब स्तोत्रं सम्पूर्णम् ॥

|| iti śrī śṛṅgeri jagadguruṇā śrīnṛsiṃhabhāratisvāminā racitaṃ śrīveṅkaṭeśakarāvalamba stotraṃ sampūrṇam ||