वेङ्कटेशमङ्गलाष्टकम् २ Shri Venkatesha Mangalashtakam 2

जम्बूद्वीपगशेषशैलभुवनः श्रीजानिराद्यात्मजःतार्क्ष्याहीशमुखासनस्त्रिभुवनस्थाशेषलोकप्रियःश्रीमत्स्वामिसरःसुवर्णमुखरीसंवेष्टितः सर्वदाश्रीमद्वेङ्कटभूपतिर्मम सुखं दद्यात् सदा मङ्गलम् ॥ १॥

jambūdvīpagaśeṣaśailabhuvanaḥ śrījānirādyātmajaḥtārkṣyāhīśamukhāsanastribhuvanasthāśeṣalokapriyaḥśrīmatsvāmisaraḥsuvarṇamukharīsaṃveṣṭitaḥ sarvadāśrīmadveṅkaṭabhūpatirmama sukhaṃ dadyāt sadā maṅgalam || 1||

सन्तप्तामलजातरूपरचितागारे निविष्टः सदास्वर्गद्वारकवाटतोरणयुतः प्राकारसप्तान्वितः ।भास्वत्काञ्चनतुङ्गचारुगरुडस्तम्भे पतत्प्राणिनांस्वप्रे वक्ति हिताहितं सुकरुणो दद्यात् सदा मङ्गलम् ॥ २॥

santaptāmalajātarūparacitāgāre niviṣṭaḥ sadāsvargadvārakavāṭatoraṇayutaḥ prākārasaptānvitaḥ |bhāsvatkāñcanatuṅgacārugaruḍastambhe patatprāṇināṃsvapre vakti hitāhitaṃ sukaruṇo dadyāt sadā maṅgalam || 2||

अत्युच्चाद्रिविचित्रगोपुरगणैः पूर्णैः सुवर्णाचलैःविस्तीर्णामलमण्टपायुतयुतैर्नानावनैर्निर्भयैः ।पञ्चास्येभवराहखड्गमृगशार्दूलादिभिः श्रीपतिःनित्यं वेदपरायणसुकृतिनां दद्यात् सदा मङ्गलम् ॥ ३॥

atyuccādrivicitragopuragaṇaiḥ pūrṇaiḥ suvarṇācalaiḥvistīrṇāmalamaṇṭapāyutayutairnānāvanairnirbhayaiḥ |pañcāsyebhavarāhakhaḍgamṛgaśārdūlādibhiḥ śrīpatiḥnityaṃ vedaparāyaṇasukṛtināṃ dadyāt sadā maṅgalam || 3||

भेरीमङ्गलतुर्यगोमुखमृदङ्गादिस्वनैः शोभितेतन्त्रीवेणुसुघोषशृङ्गकलहैः शब्दैश्च दिव्यैर्निजैः ।गन्धर्वाप्सरकिन्नरोरगनृभिर्नृत्यद्भिरासेव्यतेनानावाहनगः समस्तफलदो दद्यात् सदा मङ्गलम् ॥ ४॥

bherīmaṅgalaturyagomukhamṛdaṅgādisvanaiḥ śobhitetantrīveṇusughoṣaśṛṅgakalahaiḥ śabdaiśca divyairnijaiḥ |gandharvāpsarakinnaroraganṛbhirnṛtyadbhirāsevyatenānāvāhanagaḥ samastaphalado dadyāt sadā maṅgalam || 4||

यः श्रीभार्गववासरे नियमतः कस्तूरिकारेणुभिःश्रीमत्कुङ्कुमकेसरामलयुतः कर्पूरमुख्यैर्जलैः ।स्नातः पुण्यसुकञ्चुकेन विलसत्काञ्चीकिरीटादिभिःनानाभूषणपूगशोभिततनुर्दद्यात् सदा मङ्गलम् ॥ ५ ॥

yaḥ śrībhārgavavāsare niyamataḥ kastūrikāreṇubhiḥśrīmatkuṅkumakesarāmalayutaḥ karpūramukhyairjalaiḥ |snātaḥ puṇyasukañcukena vilasatkāñcīkirīṭādibhiḥnānābhūṣaṇapūgaśobhitatanurdadyāt sadā maṅgalam || 5 ||

तीर्थं पाण्डवनामकं शुभकरं त्वाकाशगङ्गा पराइत्यादीनि सुपुण्यराशिजनकान्यायोजनैः सर्वदा ।तीर्थं तुम्बुरुनामकं त्वघहरं धारा कुमाराभिधानित्यानन्दनिधिर्महीधरवरो दद्यात् सदा मङ्गलम् ॥ ६॥

tīrthaṃ pāṇḍavanāmakaṃ śubhakaraṃ tvākāśagaṅgā parāityādīni supuṇyarāśijanakānyāyojanaiḥ sarvadā |tīrthaṃ tumburunāmakaṃ tvaghaharaṃ dhārā kumārābhidhānityānandanidhirmahīdharavaro dadyāt sadā maṅgalam || 6||

आर्तानामतिदुस्तरामयगणैर्जन्मान्तराघैरपिसङ्कल्पात् परिशोध्य रक्षति निजस्थानं सदा गच्छताम् ।मार्गे निर्भयतः स्वनामगृणतो गीतादिभिः सर्वदानित्यं शास्त्रपरायणैः सुकृतिनां दद्यात् सदा मङ्गलम् ॥ ७॥

ārtānāmatidustarāmayagaṇairjanmāntarāghairapisaṅkalpāt pariśodhya rakṣati nijasthānaṃ sadā gacchatām |mārge nirbhayataḥ svanāmagṛṇato gītādibhiḥ sarvadānityaṃ śāstraparāyaṇaiḥ sukṛtināṃ dadyāt sadā maṅgalam || 7||

नित्यं ब्राह्मणपुण्यवर्यवनितापूजासमाराधनैरत्नैःपायसभक्ष्यभोज्यसुघृतक्षीरादिभिः सर्वदा ।नित्यं दानतपःपुराणपठनैराराधिते वेङ्कटक्षेत्रेनन्दसुपूर्णचित्रमहिमा दद्यात् सदा मङ्गलम् ॥ ८॥

nityaṃ brāhmaṇapuṇyavaryavanitāpūjāsamārādhanairatnaiḥpāyasabhakṣyabhojyasughṛtakṣīrādibhiḥ sarvadā |nityaṃ dānatapaḥpurāṇapaṭhanairārādhite veṅkaṭakṣetrenandasupūrṇacitramahimā dadyāt sadā maṅgalam || 8||

इत्येतद्वरमङ्गलाष्टकमिदं श्रीवादिराजेश्वरैराख्यातं जगतामभीष्टफलदं सर्वाशुभध्वंसनम् ।माङ्गल्यं सकलार्थदं शुभकरं वैवाहिकादिस्थलेतेषां मङ्गलशंसतां सुमनसां दद्यात् सदा मङ्गलम् ॥ ९॥

ityetadvaramaṅgalāṣṭakamidaṃ śrīvādirājeśvarairākhyātaṃ jagatāmabhīṣṭaphaladaṃ sarvāśubhadhvaṃsanam |māṅgalyaṃ sakalārthadaṃ śubhakaraṃ vaivāhikādisthaleteṣāṃ maṅgalaśaṃsatāṃ sumanasāṃ dadyāt sadā maṅgalam || 9||

॥ इति श्रीवादिराजतीर्थश्रीचरणकृतं श्रीवेङ्कटेशमङ्गलाष्टकम् ॥

|| iti śrīvādirājatīrthaśrīcaraṇakṛtaṃ śrīveṅkaṭeśamaṅgalāṣṭakam ||