श्रीनिवासप्रातःस्मरणस्तोत्रम् Shri Shrinivasa Stotram

प्रातः स्मरामि रमया सह वेङ्कटेशंमन्दस्मितं मुखसरोरुहकान्तिरम्यम् ।माणिक्यकान्तिविलसन्मुकुटोर्ध्वपुण्ड्रंपद्माक्षलक्षमणिकुण्डलमण्डिताङ्गम् ॥ १॥

prātaḥ smarāmi ramayā saha veṅkaṭeśaṃmandasmitaṃ mukhasaroruhakāntiramyam |māṇikyakāntivilasanmukuṭordhvapuṇḍraṃpadmākṣalakṣamaṇikuṇḍalamaṇḍitāṅgam || 1||

प्रातर्भजामि कररम्यसुशङ्खचक्रंभक्ताभयप्रदकटिस्थलदत्तपाणिम् ।श्रीवत्सकौस्तुभलसन्मणिकाञ्चनाढ्यंपीताम्बरं मदनकोटिसुमोहनाङ्गम् ॥ २॥

prātarbhajāmi kararamyasuśaṅkhacakraṃbhaktābhayapradakaṭisthaladattapāṇim |śrīvatsakaustubhalasanmaṇikāñcanāḍhyaṃpītāmbaraṃ madanakoṭisumohanāṅgam || 2||

प्रातर्नमामि परमात्मपदारविन्दंआनन्दसान्द्रनिलयं मणिनूपुराढ्यम् ।एतत्समस्तजगतामपि दर्शयन्तंवैकुण्ठमत्र भजतां करपल्लवेन ॥ ३॥

prātarnamāmi paramātmapadāravindaṃānandasāndranilayaṃ maṇinūpurāḍhyam |etatsamastajagatāmapi darśayantaṃvaikuṇṭhamatra bhajatāṃ karapallavena || 3||

व्यासराजयतिप्रोक्तं श्लोकत्रयमिदं शुभम् ।प्रातःकाले पठेद्यस्तु पापेभ्यो मुच्यते नरः ॥ ४॥

vyāsarājayatiproktaṃ ślokatrayamidaṃ śubham |prātaḥkāle paṭhedyastu pāpebhyo mucyate naraḥ || 4||

॥ इति श्रीव्यासराजयतिविरचितं श्रीनिवासस्तोत्रं सम्पूर्णम् ॥

|| iti śrīvyāsarājayativiracitaṃ śrīnivāsastotraṃ sampūrṇam ||