कार्तिकेयाष्टोत्तरशतनामस्तोत्रम् Shri Kartikeya Ashtottarashatanama Stotram

ध्यानम्सिन्दूरारुणकान्तिमिन्दुवदनं केयूरहारादिभिःदिव्यैराभरणैर्विभूषिततनुं स्वर्गस्य सौख्यप्रदम् ।अम्भोजाभयशक्तिकुक्कुटधरं रत्नाङ्गरागांशुकंसुब्रह्मण्यमुपास्महे प्रणमतां भीतिप्रणाशोद्यतम् ॥अथ स्तोत्रम् ।विश्वामित्रस्तु भगवान् कुमारं शरणं गतः ।स्तवं दिव्यं संप्रचक्रे महासेनस्य चापि सः ॥ १॥

dhyānamsindūrāruṇakāntiminduvadanaṃ keyūrahārādibhiḥdivyairābharaṇairvibhūṣitatanuṃ svargasya saukhyapradam |ambhojābhayaśaktikukkuṭadharaṃ ratnāṅgarāgāṃśukaṃsubrahmaṇyamupāsmahe praṇamatāṃ bhītipraṇāśodyatam ||atha stotram |viśvāmitrastu bhagavān kumāraṃ śaraṇaṃ gataḥ |stavaṃ divyaṃ saṃpracakre mahāsenasya cāpi saḥ || 1||

अष्टोत्तरशतनाम्नां शृणु त्वं तानि फाल्गुन ।जपेन येषां पापानि यान्ति ज्ञानमवाप्नुयात् ॥ २॥

aṣṭottaraśatanāmnāṃ śṛṇu tvaṃ tāni phālguna |japena yeṣāṃ pāpāni yānti jñānamavāpnuyāt || 2||

त्वं ब्रह्मवादी त्वं ब्रह्मा ब्रह्मब्राह्मणवत्सलः ।ब्रह्मण्यो ब्रह्मदेवश्च ब्रह्मदो ब्रह्मसङ्ग्रहः ॥ ३॥

tvaṃ brahmavādī tvaṃ brahmā brahmabrāhmaṇavatsalaḥ |brahmaṇyo brahmadevaśca brahmado brahmasaṅgrahaḥ || 3||

त्वं परं परमं तेजो मङ्गलानां च मङ्गलम् ।अप्रमेयगुणश्चैव मन्त्राणां मन्त्रगो भवान् ॥ ४॥

tvaṃ paraṃ paramaṃ tejo maṅgalānāṃ ca maṅgalam |aprameyaguṇaścaiva mantrāṇāṃ mantrago bhavān || 4||

त्वं सावित्रीमयो देवः सर्वत्रैवापराजितः ।मन्त्रः सर्वात्मको देवः षडक्षरवतां वरः ॥ ५॥

tvaṃ sāvitrīmayo devaḥ sarvatraivāparājitaḥ |mantraḥ sarvātmako devaḥ ṣaḍakṣaravatāṃ varaḥ || 5||

गवां पुत्रः सुरारिघ्नः सम्भवो भवभावनः ।पिनाकी शत्रुहा चैव कूटः स्कन्दः सुराग्रणीः ॥ ६॥

gavāṃ putraḥ surārighnaḥ sambhavo bhavabhāvanaḥ |pinākī śatruhā caiva kūṭaḥ skandaḥ surāgraṇīḥ || 6||

द्वादशो भूर्भुवो भावी भुवःपुत्रो नमस्कृतः ।नागराजः सुधर्मात्मा नाकपृष्ठः सनातनः ॥ ७॥

dvādaśo bhūrbhuvo bhāvī bhuvaḥputro namaskṛtaḥ |nāgarājaḥ sudharmātmā nākapṛṣṭhaḥ sanātanaḥ || 7||

हेमगर्भो महागर्भो जयश्च विजयेश्वरः ।त्वं कर्ता त्वं विधाता च नित्योऽनित्योऽरिमर्दनः ॥ ८॥

hemagarbho mahāgarbho jayaśca vijayeśvaraḥ |tvaṃ kartā tvaṃ vidhātā ca nityo'nityo'rimardanaḥ || 8||

महासेनो महातेजा वीरसेनश्चमूपतिः ।सुरसेनः सुराध्यक्षो भीमसेनो निरामयः ॥ ९॥

mahāseno mahātejā vīrasenaścamūpatiḥ |surasenaḥ surādhyakṣo bhīmaseno nirāmayaḥ || 9||

शौरिर्यदुर्महातेजा वीर्यवान् सत्यविक्रमः ।तेजोगर्भोऽसुररिपुः सुरमूर्तिः सुरोर्जितः ॥ १०॥

śauriryadurmahātejā vīryavān satyavikramaḥ |tejogarbho'suraripuḥ suramūrtiḥ surorjitaḥ || 10||

कृतज्ञो वरदः सत्यः शरण्यः साधुवत्सलः ।सुव्रतः सूर्यसङ्काशो वह्निगर्भो रणोत्सुकः ॥ ११॥

kṛtajño varadaḥ satyaḥ śaraṇyaḥ sādhuvatsalaḥ |suvrataḥ sūryasaṅkāśo vahnigarbho raṇotsukaḥ || 11||

पिप्पली शीघ्रगो रौद्रिर्गाङ्गेयो रिपुदारणः ।कार्तिकेयः प्रभुः क्षान्तो नीलदंष्ट्रो महामनाः ॥ १२॥

pippalī śīghrago raudrirgāṅgeyo ripudāraṇaḥ |kārtikeyaḥ prabhuḥ kṣānto nīladaṃṣṭro mahāmanāḥ || 12||

निग्रहो निग्रहाणां च नेता त्वं दैत्यसूदनः ।प्रग्रहः परमानन्दः क्रोधघ्नस्तारकोऽच्छिदः ॥ १३॥

nigraho nigrahāṇāṃ ca netā tvaṃ daityasūdanaḥ |pragrahaḥ paramānandaḥ krodhaghnastārako'cchidaḥ || 13||

कुक्कुटी बहुलो वादी कामदो भूरिवर्धनः ।अमोघोऽमृतदो ह्यग्निः शत्रुघ्नः सर्वबोधनः ॥ १४॥

kukkuṭī bahulo vādī kāmado bhūrivardhanaḥ |amogho'mṛtado hyagniḥ śatrughnaḥ sarvabodhanaḥ || 14||

अनघो ह्यमरः श्रीमानुन्नतो ह्यग्निसम्भवः ।पिशाचराजः सूर्याभः शिवात्मा त्वं सनातनः ॥ १५॥

anagho hyamaraḥ śrīmānunnato hyagnisambhavaḥ |piśācarājaḥ sūryābhaḥ śivātmā tvaṃ sanātanaḥ || 15||

एवं स सर्वभूतानां संस्तुतः परमेश्वरः ।नाम्नामष्टशतेनायं विश्वामित्रमहर्षिणा ॥ १६॥

evaṃ sa sarvabhūtānāṃ saṃstutaḥ parameśvaraḥ |nāmnāmaṣṭaśatenāyaṃ viśvāmitramaharṣiṇā || 16||

प्रसन्नमूर्तिराहेदं मुनीन्द्र व्रियतामिति ।मम त्वया द्विजश्रेष्ठ स्तुतिरेषा विनिर्मिता ॥ १७॥

prasannamūrtirāhedaṃ munīndra vriyatāmiti |mama tvayā dvijaśreṣṭha stutireṣā vinirmitā || 17||

भविष्यति मनोभीष्टप्राप्तये प्राणिनां भुवि ।विवर्धते कुले लक्ष्मीस्तस्य यः प्रपठेदिमम् ॥ १८॥

bhaviṣyati manobhīṣṭaprāptaye prāṇināṃ bhuvi |vivardhate kule lakṣmīstasya yaḥ prapaṭhedimam || 18||

न राक्षसाः पिशाचा वा न भूतानि न चऽऽपदः ।विघ्नकारीणि तद्गेहे यत्रैवं संस्तुवन्ति माम् ॥ १९॥

na rākṣasāḥ piśācā vā na bhūtāni na ca''padaḥ |vighnakārīṇi tadgehe yatraivaṃ saṃstuvanti mām || 19||

दुःस्वप्नं न च पश्येत्स बद्धो मुच्येत बन्धनात् ।स्तवस्यास्य प्रभावेण दिव्यभावः पुमान्भवेत् ॥ २०॥

duḥsvapnaṃ na ca paśyetsa baddho mucyeta bandhanāt |stavasyāsya prabhāveṇa divyabhāvaḥ pumānbhavet || 20||

॥ इति श्रीस्कन्दमहापुराणे माहेश्वरखण्डान्तर्गतेकुमारिकाखण्डे श्रीकार्तिकेयाष्टोत्तरशतनामस्तोत्रं सम्पूर्णम् ॥

|| iti śrīskandamahāpurāṇe māheśvarakhaṇḍāntargatekumārikākhaṇḍe śrīkārtikeyāṣṭottaraśatanāmastotraṃ sampūrṇam ||