जयस्कन्दस्तोत्रम् Shri Jayaskandastotram

ॐ श्रीगणेशाय नमः ।॥ श्रीः ॥जय देवेन्द्रजाकान्त जय मृत्युञ्जयात्मज ।जय शैलेन्द्रजासूनो जय शम्भुगणावृत ॥ १॥

oṃ śrīgaṇeśāya namaḥ ||| śrīḥ ||jaya devendrajākānta jaya mṛtyuñjayātmaja |jaya śailendrajāsūno jaya śambhugaṇāvṛta || 1||

जय तारकदर्पघ्न जय विघ्नेश्वरानुज ।जय देवेन्द्रजामातः जय पङ्कजलोचन ॥ २॥

jaya tārakadarpaghna jaya vighneśvarānuja |jaya devendrajāmātaḥ jaya paṅkajalocana || 2||

जय शङ्करसम्भूत जय पद्मासनार्चित ।जय दाक्षायणीसूनो जय काशवनोद्भव ॥ ३॥

jaya śaṅkarasambhūta jaya padmāsanārcita |jaya dākṣāyaṇīsūno jaya kāśavanodbhava || 3||

जय भागीरथीसूनो जय पावकसम्भव ।जय पद्मजगर्वघ्न जय वैकुण्ठपूजित ॥ ४॥

jaya bhāgīrathīsūno jaya pāvakasambhava |jaya padmajagarvaghna jaya vaikuṇṭhapūjita || 4||

जय भक्तेष्टवरद जय भक्तार्तिभञ्जन ।जय भक्तपराधीन जय भक्तप्रपूजित ॥ ५॥

jaya bhakteṣṭavarada jaya bhaktārtibhañjana |jaya bhaktaparādhīna jaya bhaktaprapūjita || 5||

जय धर्मवतां श्रेष्ठ जय दारिद्र्यनाशन ।जय बुद्धिमतां श्रेष्ठ जय नारदसन्नुत ॥ ६॥

jaya dharmavatāṃ śreṣṭha jaya dāridryanāśana |jaya buddhimatāṃ śreṣṭha jaya nāradasannuta || 6||

जय भोगीश्वराधीश जय तुम्बुरुसेवित ।जय षट्तारकाराध्य जय वल्लीमनोहर ॥ ७॥

jaya bhogīśvarādhīśa jaya tumburusevita |jaya ṣaṭtārakārādhya jaya vallīmanohara || 7||

जय योगसमाराध्य जय सुन्दरविग्रह ।जय सौन्दर्यकूपार जय वासववन्दित ॥ ८॥

jaya yogasamārādhya jaya sundaravigraha |jaya saundaryakūpāra jaya vāsavavandita || 8||

जय षड्भावरहित जय वेदविदां वर ।जय षण्मुखदेवेश जय भो विजयी भव ॥ ९॥

jaya ṣaḍbhāvarahita jaya vedavidāṃ vara |jaya ṣaṇmukhadeveśa jaya bho vijayī bhava || 9||

ॐ श्रीवल्लीदेवसेनासमेत श्रीसुब्रह्मण्याय नमः ।इति श्रीजयस्कन्दस्तोत्रं सम्पूर्णम् ।

oṃ śrīvallīdevasenāsameta śrīsubrahmaṇyāya namaḥ |iti śrījayaskandastotraṃ sampūrṇam |