दण्डायुधपाण्यष्टकम् Shri Dandayudhapani Ashtakam

यः पूर्वं शिवशक्तिनामकगिरिद्वन्द्वे हिडिम्बासुरेणानीते फलिनीस्थलान्तरगते कौमारवेषोज्ज्वलः ।आविर्भूय घटोद्भवाय मुनये भूयो वरान् प्रादिशत्श्रीदण्डायुधपाणिरात्तकरुणः पायादपायात्स माम् ॥ १॥

yaḥ pūrvaṃ śivaśaktināmakagiridvandve hiḍimbāsureṇānīte phalinīsthalāntaragate kaumāraveṣojjvalaḥ |āvirbhūya ghaṭodbhavāya munaye bhūyo varān prādiśatśrīdaṇḍāyudhapāṇirāttakaruṇaḥ pāyādapāyātsa mām || 1||

श्रीमत्पुष्यरथोत्सवेऽन्नमधुदुग्धाद्यैः पदार्थोत्तमैःनानादेशसमागतैरगणितैर्यः कावडीसम्भृतैः ।भक्तौघैरभिषेचितो बहुवरांस्तेभ्यो ददात्यादरात्श्रीदण्डायुधपाणिरात्तकरुणः पायादपायत्स माम् ॥ २॥

śrīmatpuṣyarathotsave'nnamadhudugdhādyaiḥ padārthottamaiḥnānādeśasamāgatairagaṇitairyaḥ kāvaḍīsambhṛtaiḥ |bhaktaughairabhiṣecito bahuvarāṃstebhyo dadātyādarātśrīdaṇḍāyudhapāṇirāttakaruṇaḥ pāyādapāyatsa mām || 2||

नानादिग्भ्य उपागता निजमहावेशान्विताः सुन्दरीःतासामेत्य निशासु यः सुमशरानन्दानुभूतिच्छलात् ।गोपीनां यदुनाथवन्निजपरानन्दं तनोति स्फुटंश्रीदण्डायुधपाणिरात्तकरुणः पायादपायात्स माम् ॥ ३॥

nānādigbhya upāgatā nijamahāveśānvitāḥ sundarīḥtāsāmetya niśāsu yaḥ sumaśarānandānubhūticchalāt |gopīnāṃ yadunāthavannijaparānandaṃ tanoti sphuṭaṃśrīdaṇḍāyudhapāṇirāttakaruṇaḥ pāyādapāyātsa mām || 3||

दुष्टानामिह भूतभाविभवतां दुर्मार्गसञ्चारिणांकष्टाहङ्कृतिजन्यकिल्बिषवशाच्छिष्टप्रविध्वंसिनाम् ।शिक्षार्थं निजपाणिनोद्वहति यो दण्डाभिधानायुधंश्रीदण्डायुधपाणिरात्तकरुणः पायादपायात्स माम् ॥ ४॥

duṣṭānāmiha bhūtabhāvibhavatāṃ durmārgasañcāriṇāṃkaṣṭāhaṅkṛtijanyakilbiṣavaśācchiṣṭapravidhvaṃsinām |śikṣārthaṃ nijapāṇinodvahati yo daṇḍābhidhānāyudhaṃśrīdaṇḍāyudhapāṇirāttakaruṇaḥ pāyādapāyātsa mām || 4||

पूर्वं तारकसंज्ञक दितिसुतं यः शूरपद्मासुरंसिंहास्यं च निहत्य वासवमुखान् देवान् जुगोपाखिलान् ।श्रीवल्ल्या सहितश्च निस्तुलयशाः श्रीदेवसेन्या युतःश्रीदण्डायुधपाणिरात्तकरुणः पायादपायात्स माम् ॥ ५॥

pūrvaṃ tārakasaṃjñaka ditisutaṃ yaḥ śūrapadmāsuraṃsiṃhāsyaṃ ca nihatya vāsavamukhān devān jugopākhilān |śrīvallyā sahitaśca nistulayaśāḥ śrīdevasenyā yutaḥśrīdaṇḍāyudhapāṇirāttakaruṇaḥ pāyādapāyātsa mām || 5||

यस्याङ्गस्थितरोमकूपनिकरे ब्रह्माण्डकोटिच्छटाःसौधाग्रस्थगवाक्षरन्ध्रविचरत्पीलूपमा एव ताः ।लक्ष्यन्ते यमिदृग्भिरात्मनि तथाभूतस्वविश्वाकृतिःश्रीदण्डायुधपाणिरात्तकरुणः पायादपायात्स माम् ॥ ६॥

yasyāṅgasthitaromakūpanikare brahmāṇḍakoṭicchaṭāḥsaudhāgrasthagavākṣarandhravicaratpīlūpamā eva tāḥ |lakṣyante yamidṛgbhirātmani tathābhūtasvaviśvākṛtiḥśrīdaṇḍāyudhapāṇirāttakaruṇaḥ pāyādapāyātsa mām || 6||

सद्योजातमुखैश्च पञ्चवदनैः शम्भोः सहैकं मुखंपार्वत्या मिलितं विभाति सततं यद्वक्त्रषट्कात्मना ।तत्तादृक् च्छिवशक्त्यभेदविषयव्यक्त्युज्ज्वलाङ्गं वहन्श्रीदण्डायुधपाणिरात्तकरुणः पायादपायात्स माम् ॥ ७॥

sadyojātamukhaiśca pañcavadanaiḥ śambhoḥ sahaikaṃ mukhaṃpārvatyā militaṃ vibhāti satataṃ yadvaktraṣaṭkātmanā |tattādṛk cchivaśaktyabhedaviṣayavyaktyujjvalāṅgaṃ vahanśrīdaṇḍāyudhapāṇirāttakaruṇaḥ pāyādapāyātsa mām || 7||

सत्यं ज्ञानमनन्तमद्वयमिति श्रुत्यन्तवाक्योदितंयद् ब्रह्मास्ति तदेव यस्य च विभोर्मूर्तेः स्वरूपं विदुः ।योगीन्द्रा विमलाशया हृदि निजानन्दानुभूत्युन्नताःश्रीदण्डायुधपाणिरात्तकरुणः पायादपायात्स माम् ॥ ८॥

satyaṃ jñānamanantamadvayamiti śrutyantavākyoditaṃyad brahmāsti tadeva yasya ca vibhormūrteḥ svarūpaṃ viduḥ |yogīndrā vimalāśayā hṛdi nijānandānubhūtyunnatāḥśrīdaṇḍāyudhapāṇirāttakaruṇaḥ pāyādapāyātsa mām || 8||

इदं श्रीफलिनीदण्डायुधपाण्यष्टकस्तवम् ।पठतामाशु सिध्यन्ति निखिलाश्च मनोरथाः ॥ ९॥

idaṃ śrīphalinīdaṇḍāyudhapāṇyaṣṭakastavam |paṭhatāmāśu sidhyanti nikhilāśca manorathāḥ || 9||

॥ इति श्रीदण्डायुधपाण्यष्टकं सम्पूर्णम् ॥

|| iti śrīdaṇḍāyudhapāṇyaṣṭakaṃ sampūrṇam ||