षाण्मातुरस्तवम् Shanmaturastavam

श्रीगणेशाय नमः ।गौरीसहायसुहृदूरीकृतावयवभूरीषु वैरिषु तमस्सूरीकृतायुधनिवारीतदोष निजनारीकलालसमनः ।क्रूरीभवत्तिमिरचारी हितापदुररी नीतिसूरि करुणावारीणवारिधर, गौरीकिशोर, मम दूरीकुरुष्व दुरितम् ॥ १॥

śrīgaṇeśāya namaḥ |gaurīsahāyasuhṛdūrīkṛtāvayavabhūrīṣu vairiṣu tamassūrīkṛtāyudhanivārītadoṣa nijanārīkalālasamanaḥ |krūrībhavattimiracārī hitāpadurarī nītisūri karuṇāvārīṇavāridhara, gaurīkiśora, mama dūrīkuruṣva duritam || 1||

मल्लीकृतत्रिदशमल्लीसदा सुदतिवल्लीकुचाङ्कणलसत्सल्लीनकुङ्कुमरसोल्लीनवत्स, युधि भल्लीस्मयोऽसि दितिजैः ।फुल्लीकुरुष्व स च वल्लीतगोधितलवल्लीविलोलबुधहृद्वल्लीनिवास, मम सोल्लीनकेकि हयसल्लीलपाहृदुदजम् ॥ २॥

mallīkṛtatridaśamallīsadā sudativallīkucāṅkaṇalasatsallīnakuṅkumarasollīnavatsa, yudhi bhallīsmayo'si ditijaiḥ |phullīkuruṣva sa ca vallītagodhitalavallīvilolabudhahṛdvallīnivāsa, mama sollīnakeki hayasallīlapāhṛdudajam || 2||

प्राणीकृतस्वनखराणीतभक्तजनवाणीशमुख्यसुमनश्श्रेणीसुजानुतलतूणीतमालतिमिराणीलचूचुकभरा ।वाणीविलासमलिवेणीविपञ्चिमृदुवाणी तवांगरमणीश्रोणीघना सुमति, शाणीतनोतु भृशमेणीविशालनयना ॥ ३॥

prāṇīkṛtasvanakharāṇītabhaktajanavāṇīśamukhyasumanaśśreṇīsujānutalatūṇītamālatimirāṇīlacūcukabharā |vāṇīvilāsamaliveṇīvipañcimṛduvāṇī tavāṃgaramaṇīśroṇīghanā sumati, śāṇītanotu bhṛśameṇīviśālanayanā || 3||

रागाभिषिक्तनिजकेशादिपादवपुराशापिशाचदहनाश्रीशातकुंभनिभपाशाङ्कुशाभरणनाशान्तकानुचर! भोः ।भीशाड्वलाहरणगोशाबकावनतकोशाधिपाशु भगवन्पाशाटवी भव हृताशाशयावपिशिताशा हि भोगभुगमुम् ॥ ४॥

rāgābhiṣiktanijakeśādipādavapurāśāpiśācadahanāśrīśātakuṃbhanibhapāśāṅkuśābharaṇanāśāntakānucara! bhoḥ |bhīśāḍvalāharaṇagośābakāvanatakośādhipāśu bhagavanpāśāṭavī bhava hṛtāśāśayāvapiśitāśā hi bhogabhugamum || 4||

सन्तापसन्ततिनिशान्तावसन्तमयि कान्तायुगान्तररते,किन्तावके हृदि नितान्ताकुलाशयमहन्तानपेतमवितुम् ।किन्तामसं भवसि, चिन्तामणीरुचिरसन्तानपादपदवश्चिन्ताधुतान्तरुजमन्तादिहीन कुरु मान्तावकीनभजनम् ॥ ५॥

santāpasantatiniśāntāvasantamayi kāntāyugāntararate,kintāvake hṛdi nitāntākulāśayamahantānapetamavitum |kintāmasaṃ bhavasi, cintāmaṇīrucirasantānapādapadavaścintādhutāntarujamantādihīna kuru māntāvakīnabhajanam || 5||

सीमाविहीनगुण सोमावचूड जितकामाभिमान सुमते!भूमाधवादिनुत भूमासमान, पुरकामान्धकान्तकगुरो ।नामालिजापिजनकामावसानफलदामाशमातनु विभो,हेमारुणाहितनिकामातिभीम, गुह सामादि वेदविदयम् ॥ ६॥

sīmāvihīnaguṇa somāvacūḍa jitakāmābhimāna sumate!bhūmādhavādinuta bhūmāsamāna, purakāmāndhakāntakaguro |nāmālijāpijanakāmāvasānaphaladāmāśamātanu vibho,hemāruṇāhitanikāmātibhīma, guha sāmādi vedavidayam || 6||

वेदानुगीतनुतपादारविन्दयुगमादाय सेवनविधेरादावमुं सरसमादातुकाम शुभकेदारकेलिनिलये ।तादात्म्यलीनमतिसादापनोद, सकलादानदैवततरोभूदासकल्पलतिकोदारदाम कुरु मोदांबुराशिवसतिम् ॥ ७॥

vedānugītanutapādāravindayugamādāya sevanavidherādāvamuṃ sarasamādātukāma śubhakedārakelinilaye |tādātmyalīnamatisādāpanoda, sakalādānadaivatatarobhūdāsakalpalatikodāradāma kuru modāṃburāśivasatim || 7||

किञ्चासुरद्विरदपञ्चाननप्रणवसञ्चारिहंससमनेकिञ्चापलन्नमन, तुञ्चानुजीवि मम सिञ्चामृताभ कृपया ।पञ्चाननप्रणय कञ्चापि शासिकति मुञ्चाशु बद्धकमतिंपञ्चाशुगारिसुरपञ्चाननात्मजमिमञ्चापि पाहि सततम् ॥ ८॥

kiñcāsuradviradapañcānanapraṇavasañcārihaṃsasamanekiñcāpalannamana, tuñcānujīvi mama siñcāmṛtābha kṛpayā |pañcānanapraṇaya kañcāpi śāsikati muñcāśu baddhakamatiṃpañcāśugārisurapañcānanātmajamimañcāpi pāhi satatam || 8||

कालानलोपमित फालावलोकनकवेलयुधो महति कोलाहलारवसुलीला तनोतु कुशलम् ॥ ९॥

kālānalopamita phālāvalokanakavelayudho mahati kolāhalāravasulīlā tanotu kuśalam || 9||

इति श्रीनारायणगुरुविरचितं षाण्मातुरस्तवं सम्पूर्णम् ।

iti śrīnārāyaṇaguruviracitaṃ ṣāṇmāturastavaṃ sampūrṇam |