वीरेश्वरस्तुतिः ४ त्र्यक्षाक्षोभ्यापराधहरणार्थ निवेदनं Vireshvara Stuti – 4

॥ वीरेश्वरस्तुतिः ४ त्र्यक्षाक्षोभ्यापराधहरणार्थ निवेदनम् ॥श्रीकाशीनाथ काशीपुररुचिरकथाकर्णनेन प्रवृत्तंचित्तं मत्तं कथं वा कथमपि न तयोर्वर्णने वा प्रवीणम् ।कर्ण शीर्णं न पुण्यं क्षणमपि निपुणं प्राणिनां प्रीणनं वात्र्यक्षाक्षोभ्यापराधान् हर हर करुणासारपूरैकसिन्धो ॥ १॥

|| vīreśvarastutiḥ 4 tryakṣākṣobhyāparādhaharaṇārtha nivedanam ||śrīkāśīnātha kāśīpurarucirakathākarṇanena pravṛttaṃcittaṃ mattaṃ kathaṃ vā kathamapi na tayorvarṇane vā pravīṇam |karṇa śīrṇaṃ na puṇyaṃ kṣaṇamapi nipuṇaṃ prāṇināṃ prīṇanaṃ vātryakṣākṣobhyāparādhān hara hara karuṇāsārapūraikasindho || 1||

पुण्यारण्यप्रकीर्णप्रणतसुरतरुश्रीयुतानन्दसङ्गव्यासङ्गाभङ्गगङ्गोज्वलमिलिततलश्रीफलश्रीलमूले ।तुङ्गं लिङ्गं निरङ्गं निगममनुगतं प्रोक्षितं दीक्षितं वात्र्यक्षाक्षोभ्यापराधान् हर हर करुणासारपूरैकसिन्धो ॥ २॥

puṇyāraṇyaprakīrṇapraṇatasurataruśrīyutānandasaṅgavyāsaṅgābhaṅgagaṅgojvalamilitatalaśrīphalaśrīlamūle |tuṅgaṃ liṅgaṃ niraṅgaṃ nigamamanugataṃ prokṣitaṃ dīkṣitaṃ vātryakṣākṣobhyāparādhān hara hara karuṇāsārapūraikasindho || 2||

स्नात्वा न ब्रह्मनाले सितभसितकृतोद्धूलनश्रीत्रिपुण्ड्रश्रीरुद्राक्षावृताङ्गः कृतनियमविधिः स्वर्धुनीपूरतीरे ।श्रीरुद्राध्यायवर्णप्रवणनिपुणधीर्न स्मरामि स्मरारिंत्र्यक्षाक्षोभ्यापराधान् हर हर करुणापूरसारैकसिन्धो ॥ ३॥

snātvā na brahmanāle sitabhasitakṛtoddhūlanaśrītripuṇḍraśrīrudrākṣāvṛtāṅgaḥ kṛtaniyamavidhiḥ svardhunīpūratīre |śrīrudrādhyāyavarṇapravaṇanipuṇadhīrna smarāmi smarāriṃtryakṣākṣobhyāparādhān hara hara karuṇāpūrasāraikasindho || 3||

संसारापारघोरज्वरकरख दिराङ्गारपूरप्रसारव्यापारा नेक शोकव्यतिकरनिकरव्याकुलो बाललीलः ।काले कालेऽनुवेलप्रलयभयभयं न श्रयामो महेशंत्र्यक्षाक्षोभ्यापराधान् हर हर करुणासारपूरैकसिन्धो ॥ ४॥

saṃsārāpāraghorajvarakarakha dirāṅgārapūraprasāravyāpārā neka śokavyatikaranikaravyākulo bālalīlaḥ |kāle kāle'nuvelapralayabhayabhayaṃ na śrayāmo maheśaṃtryakṣākṣobhyāparādhān hara hara karuṇāsārapūraikasindho || 4||

अश्रान्तानन्तचिन्ताहृदविततमतिः स्वान्तपद्मासनस्थंस्वच्छं शान्तं नितान्तं नतममरगणैः संस्तुतं वेदसङ्घैः ।अस्ताविद्याविलासव्यसनमतिमतं साधु नारोपयामःत्र्यक्षाक्षोभ्यापराधान् हर हर करुणासारपूरैकसिन्धो ॥ ५॥

aśrāntānantacintāhṛdavitatamatiḥ svāntapadmāsanasthaṃsvacchaṃ śāntaṃ nitāntaṃ natamamaragaṇaiḥ saṃstutaṃ vedasaṅghaiḥ |astāvidyāvilāsavyasanamatimataṃ sādhu nāropayāmaḥtryakṣākṣobhyāparādhān hara hara karuṇāsārapūraikasindho || 5||

भस्माभ्यङ्गक्षणार्धप्रतिहतविमुखानङ्गमङ्गीकृताङ्गशाङ्गं गङ्गातरङ्गं प्रतिभटविलसद्भोगिभोगोत्तमाङ्गम् ।तुङ्गोत्सङ्गाङ्गसङ्गप्रमुदितगिरिजालिङ्गिताङ्गं च नेडेत्र्यक्षाक्षोभ्यापराधान् हर हर करुणापारपूरैकसिन्धो ॥ ६॥

bhasmābhyaṅgakṣaṇārdhapratihatavimukhānaṅgamaṅgīkṛtāṅgaśāṅgaṃ gaṅgātaraṅgaṃ pratibhaṭavilasadbhogibhogottamāṅgam |tuṅgotsaṅgāṅgasaṅgapramuditagirijāliṅgitāṅgaṃ ca neḍetryakṣākṣobhyāparādhān hara hara karuṇāpārapūraikasindho || 6||

मत्वा पापानुतापं पुनरपि जननक्लेशकोशावकाशंश्रुत्वा काशीमशेषश्रुतिशिखरमतानन्दपीयूषराशिम् ।श्रुत्वा प्याशातिपाशप्रशमनशमितं (शमनं) न श्रयामो नितान्तंत्र्यक्षाक्षोभ्यापराधान् हर हर करुणासारपूरैकसिन्धो ॥ ७॥

matvā pāpānutāpaṃ punarapi jananakleśakośāvakāśaṃśrutvā kāśīmaśeṣaśrutiśikharamatānandapīyūṣarāśim |śrutvā pyāśātipāśapraśamanaśamitaṃ (śamanaṃ) na śrayāmo nitāntaṃtryakṣākṣobhyāparādhān hara hara karuṇāsārapūraikasindho || 7||

वारं वारं स्मरामि स्मरहरचरणौ नादरेण क्षणेनक्षीणप्राणप्रयाणक्षणकरणरणप्रेक्षणादक्षिणोऽपि ।प्राणप्राणाग्निहोत्रव्रतहितनियमः कामकामप्रकामंत्र्यक्षाक्षोभ्यापराधान् हर हर करुणासार पूरैकसिन्धो ॥ ८॥

vāraṃ vāraṃ smarāmi smaraharacaraṇau nādareṇa kṣaṇenakṣīṇaprāṇaprayāṇakṣaṇakaraṇaraṇaprekṣaṇādakṣiṇo'pi |prāṇaprāṇāgnihotravratahitaniyamaḥ kāmakāmaprakāmaṃtryakṣākṣobhyāparādhān hara hara karuṇāsāra pūraikasindho || 8||

स्मृत्वा स्मृत्वाऽपि कालज्वलदनलकुलस्तम्भसम्भारभारव्यापारारम्भभीतिं यमभटघटनाट्टाट्टहासोपहासान् ।भीतो भीतोऽपि भूतप्रतिभटविषयैर्नार्चयामो यमारिंत्र्यक्षाक्षोभ्यापराधान् हर हर करुणासारपूरैकसिन्धो ॥ ९॥

smṛtvā smṛtvā'pi kālajvaladanalakulastambhasambhārabhāravyāpārārambhabhītiṃ yamabhaṭaghaṭanāṭṭāṭṭahāsopahāsān |bhīto bhīto'pi bhūtapratibhaṭaviṣayairnārcayāmo yamāriṃtryakṣākṣobhyāparādhān hara hara karuṇāsārapūraikasindho || 9||

सानन्दं वेदवन्द्यं स्मरहरचरणाराधनध्यानदानव्यक्तासक्तस्वकर्मप्रतिभुवमभवं मोक्षदाने भव त्वाम् ।न त्यक्ष्ये लक्षशोऽपि क्षणमपि मरणेऽप्यङ्घ्रिपद्मं तवेशत्र्यक्षाक्षोभ्यापराधान् हर हर करुणापारपूरैकसिन्धो ॥ १०॥

sānandaṃ vedavandyaṃ smaraharacaraṇārādhanadhyānadānavyaktāsaktasvakarmapratibhuvamabhavaṃ mokṣadāne bhava tvām |na tyakṣye lakṣaśo'pi kṣaṇamapi maraṇe'pyaṅghripadmaṃ taveśatryakṣākṣobhyāparādhān hara hara karuṇāpārapūraikasindho || 10||

नग्नो गौरीसहायस्स्मृतिजनितनिजानन्दसन्दोहमग्नोलग्नस्वर्गापवर्गप्रदद मघहरापारलिङ्गार्चनेऽपि ।नोद्विग्नः पापकोपप्रचुरविषयजापारदुःखाम्बुराशेःत्र्यक्षाक्षोभ्यापराधान् हर हर करुणासारपूरैकसिन्धो ॥ ११॥

nagno gaurīsahāyassmṛtijanitanijānandasandohamagnolagnasvargāpavargapradada maghaharāpāraliṅgārcane'pi |nodvignaḥ pāpakopapracuraviṣayajāpāraduḥkhāmburāśeḥtryakṣākṣobhyāparādhān hara hara karuṇāsārapūraikasindho || 11||

गर्भाविर्भावभोगव्यपगमसुगमोपायशीतांशुकायश्रीपादाम्भोजपूजाजितनिजजननव्याजजातद्विजश्रीः ।विज्ञाभिज्ञोनभिज्ञच्युतविततमतिर्नामृतं त्वां भजामित्र्यक्षाक्षोभ्यापराधान् हर हर करुणासारपूरैक सिन्धो ॥ १२॥

garbhāvirbhāvabhogavyapagamasugamopāyaśītāṃśukāyaśrīpādāmbhojapūjājitanijajananavyājajātadvijaśrīḥ |vijñābhijñonabhijñacyutavitatamatirnāmṛtaṃ tvāṃ bhajāmitryakṣākṣobhyāparādhān hara hara karuṇāsārapūraika sindho || 12||

त्र्यक्ष स्वाश्रितरक्षकादिभवनाध्यक्षाधुना रक्ष मांरक्ष्यं रक्ष्यमुपेक्षसे किमिति मां दक्षोऽपि मद्रक्षणे ।भालाक्षाक्षरवीक्षणाक्षयमहाविक्षेपदाक्षायणीवक्षोजस्फुरदक्षविक्षयकृपालक्ष्यं परीक्ष्य क्षणम् ॥ १३॥

tryakṣa svāśritarakṣakādibhavanādhyakṣādhunā rakṣa māṃrakṣyaṃ rakṣyamupekṣase kimiti māṃ dakṣo'pi madrakṣaṇe |bhālākṣākṣaravīkṣaṇākṣayamahāvikṣepadākṣāyaṇīvakṣojasphuradakṣavikṣayakṛpālakṣyaṃ parīkṣya kṣaṇam || 13||

॥ इति शिवरहस्यान्तर्गते वीरेश्वरस्तुतिः ४ त्र्यक्षाक्षोभ्यापराधहरणार्थ निवेदनं सम्पूर्णम् ॥बृहस्पतिशतानन्दसंवादे वीरेश्वरस्तुतिवर्णनं॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ४७। ९११०३ ॥

|| iti śivarahasyāntargate vīreśvarastutiḥ 4 tryakṣākṣobhyāparādhaharaṇārtha nivedanaṃ sampūrṇam ||bṛhaspatiśatānandasaṃvāde vīreśvarastutivarṇanaṃ|| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 47| 91103 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः ४७। ९१-१०३ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 47| 91-103 ||