वीरेश्वरस्तुतिः २ शिवभक्त्यार्थप्रार्थना Vireshvara Stuti – 2

॥ वीरेश्वरस्तुतिः २ शिवभक्त्यार्थप्रार्थना ॥चेतः शङ्करमाश्रयेतरसुरांस्तद्द्वारदौवारिकान्हारद्वारविचारकातरतरान् सेन्द्रानुपेन्द्रादिकान् ।दूरे सन्त्यज सन्त्यजान्त्यजमिव स्वपनोऽपि मा संश्रयश्रेयश्चेत् तव वाञ्छित शिवतरं साम्बं समालम्बय ॥ १॥

|| vīreśvarastutiḥ 2 śivabhaktyārthaprārthanā ||cetaḥ śaṅkaramāśrayetarasurāṃstaddvāradauvārikānhāradvāravicārakātaratarān sendrānupendrādikān |dūre santyaja santyajāntyajamiva svapano'pi mā saṃśrayaśreyaścet tava vāñchita śivataraṃ sāmbaṃ samālambaya || 1||

चेतश्चिन्तय शङ्करं जप शिवं जिह्वे नमेशं शिरोनेत्नाम्भोरुह शाङ्गलिङ्गममलं पश्यादैरेः पूजितम् ।रे रे कर्णपुटाशु शङ्करकथापीयुपधारां पिबघ्राणाघ्राय लभस्व शं शिवपदाम्भोजच्युतं केसरम् ॥ २॥

cetaścintaya śaṅkaraṃ japa śivaṃ jihve nameśaṃ śironetnāmbhoruha śāṅgaliṅgamamalaṃ paśyādaireḥ pūjitam |re re karṇapuṭāśu śaṅkarakathāpīyupadhārāṃ pibaghrāṇāghrāya labhasva śaṃ śivapadāmbhojacyutaṃ kesaram || 2||

रे रे चारुकरातिकोमललसद्विल्वीदलेः शङ्करंलिङ्गं पूजय लिङ्गमस्तकमुपस्पृश्यादरेणान्वहम् ।कृत्वा हस्तपुटं शिरस्यपि मुहुर्नाट्योत्सवैः शङ्करंनत्वा स्वाभिनयैः विनोदय महामृत्युञ्जयं चाव्ययम् ॥ ३॥

re re cārukarātikomalalasadvilvīdaleḥ śaṅkaraṃliṅgaṃ pūjaya liṅgamastakamupaspṛśyādareṇānvaham |kṛtvā hastapuṭaṃ śirasyapi muhurnāṭyotsavaiḥ śaṅkaraṃnatvā svābhinayaiḥ vinodaya mahāmṛtyuñjayaṃ cāvyayam || 3||

रे रे मानस राजहंस तरसा साम्बाङ्घ्रिपङ्केरुहंसेन्द्रोपेन्द्रविरिञ्चिमानसमहाहंसप्रशंसावहम् ।तत्त्वं सम्भज सम्भजान्तकमहाव्याधान्न ते तत्र भीःभव्यं भावि भवोद्भवात् अभयदात् सम्भावितं शोभनम् ॥ ४॥

re re mānasa rājahaṃsa tarasā sāmbāṅghripaṅkeruhaṃsendropendraviriñcimānasamahāhaṃsapraśaṃsāvaham |tattvaṃ sambhaja sambhajāntakamahāvyādhānna te tatra bhīḥbhavyaṃ bhāvi bhavodbhavāt abhayadāt sambhāvitaṃ śobhanam || 4||

रे रे चिद्भ्रमर प्रधावसि वृथा संसारघोरोषरापाराम्भोरुहगन्धलोलुप न ते गन्धो न चाम्भोरुहम् ।संसारोषरमण्डलेषु बहुधा भ्रान्तोऽधुना वा भजब्रह्मानन्दमरन्दकन्दमसकृद्गौरीशपादा स्वुजम् ॥ ५॥

re re cidbhramara pradhāvasi vṛthā saṃsāraghoroṣarāpārāmbhoruhagandhalolupa na te gandho na cāmbhoruham |saṃsāroṣaramaṇḍaleṣu bahudhā bhrānto'dhunā vā bhajabrahmānandamarandakandamasakṛdgaurīśapādā svujam || 5||

रे रे चारुचिरः पुनः पुनरुमाकान्ताङ्गणे लुण्ठनैःआस्वेदान्नतिभिथ जन्म तव तत् सार्थं कुरुष्वादरात् ।भूयस्तत्प्रणतिप्रभूतकिणजापारव्यथानाशकंतत्पादाम्बुजमात्मबन्धनमिति ज्ञातं मया तत्कुरु ॥ ६॥

re re cāruciraḥ punaḥ punarumākāntāṅgaṇe luṇṭhanaiḥāsvedānnatibhitha janma tava tat sārthaṃ kuruṣvādarāt |bhūyastatpraṇatiprabhūtakiṇajāpāravyathānāśakaṃtatpādāmbujamātmabandhanamiti jñātaṃ mayā tatkuru || 6||

संसारोरुतरोः कठोरपिठरो घोरः कुठारोऽपरोहाराराधनमित्यवैमि तदिदं संसारिणां दुर्लभम् ।येनेदं सकृदप्यनन्तसुकृतैः अत्यादरात् चेत् कृतंनीरैर्वा स तरत्यपारविविधव्याधिप्रपूणीर्णवम् ॥ ७॥

saṃsārorutaroḥ kaṭhorapiṭharo ghoraḥ kuṭhāro'parohārārādhanamityavaimi tadidaṃ saṃsāriṇāṃ durlabham |yenedaṃ sakṛdapyanantasukṛtaiḥ atyādarāt cet kṛtaṃnīrairvā sa taratyapāravividhavyādhiprapūṇīrṇavam || 7||

॥ इति शिवरहस्यान्तर्गते वीरेश्वरस्तुतिः २ शिवभक्त्यार्थप्रार्थना सम्पूर्णा ॥बृहस्पतिशतानन्दसंवादे वीरेश्वरस्तुतिवर्णनं॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ४७। ५४६०॥

|| iti śivarahasyāntargate vīreśvarastutiḥ 2 śivabhaktyārthaprārthanā sampūrṇā ||bṛhaspatiśatānandasaṃvāde vīreśvarastutivarṇanaṃ|| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 47| 5460||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः ४७। ५४-६०॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 47| 54-60||